الدولمــة العـــــــــــراقــــــــيـــــــــة بلمساتي يم يم بالصور
 

السلام عليكم ورحمة الله وبركاته
صباح الخيرات والليرات بس للشيفات الحلوات...
اليوم عملت الدولمة العراقية لأول مرة ........
(لحاجة في نفس يعقوب ) طبعاً اضفت لها لمساتي كوني غير عراقية وحبيت اكتب طريقتها وانزل الصور وطعمها شيء يفوق الخيال لذيذة جداً جداً جربوها للتأكد تفضلوا:

المقادير:
1- خضار محفورة ومنظفة من اللب حسب الكمية المرغوبة انا عملت ( 6كوسا-5 باذنجان –5بطاطس – 3طماطم فلفل رومي او فليفلة حلوة-2 طماطم – بصل (يقشر ويوضع في ماء دافيءبعدين من الجنب نضع شق صغير ونفكك الحبات حتى نحشيهم ).
2- ورق عنب إما قودي أو العلالي فقط برطمان واحد . لان اوراقة طيبة وقليل يكون فيها ورق غير صالح .
3- قرع (دباء) مقطع مكعبات كبيرة شوي .
4- حمص او بالعراقي نخي منقوع ومسلوق ملىء كوب تقريباً.وممكن الزيادة حسب الرغبة ..
5- بقدونس او معدونس وشبت وكزبرة وبصل طويل اخضر .
6- حبتين طماطم مفرومة + منقوع التمر الهندي تقريباً كوب + فصين ثوم وحبة فلفل حار ونصف فنجان سكر ومكعب ماجي .
7- ماء مغلي فيه مكعبين ماجي تقريبا 4اكواب.
8- الحشوة :3اكواب منقوع رز مصري- كيلو لحم مفروم - ملعقتين كبار صلصة الطعام – مكعبين ماجي مفتتين – حزمة بصل طويل وشبت وكزبرة وبقدونس وحبتين طماطم مفرومة و3فناجين شاي زيت زيتون- وعصير 3ليمونات كبار – معلقة ملح- ملعقتين بهارات .
9- عصير 3ليمونات + 3فناجين زيت زيتون .. غير الي في الحشوة
الطريقة :
تحشى الخضار وترص في القدر وممكن اضافة حلقات بصل اسقل طبعاً ورق العنب على جنب وباقي الخضار بجنب حسب الاقوى للأسهل اسفل شيء البطاطس والباذنجان واعلى شي الطماطم والبصل
بعدها نصب رقم (6) وبعدين نرش شبت وكزبرة على السطح ونرص حبات الدباء فوقهم ونصب رقم (7)ونتركهم على نار عالية لما يبدأ الغليان ننقص النار ونتركها هادئة بعدين يبدا الماء ينشف نضيف ماء الى ان يغطي سطح الخضار ونتركه على نار هادئة تقريبا يستمر ساعتين ونص ولازم التأكد ان الماء لازال موجود لان المحاشي وورق العنب يبدو لك من الاعلى وجود ماء بينما هو في الاسفل ممكن يحترق لذلك يجب التأكد من بقاء ماء كمية كوبين تقريبا وقبل ان نطفيء النار بعشر دقائق نضيف رقم (9) ونرش الحمص من فوق وقبلها اذا لاحظنا الدباء استوى نشيله من السطح حتى قبل تستوي بقية الخضار وبس بعدها نتركه لحتى يبرد ونشيل الخضار اللينة مثل الطماطم والبصل نقلب القدر بصينية كبيرة وبالهناء والعافية ...
ملحوظة: مقاديري كثيرة تنفع لعدد 12شخص وممكن اكثر ..
وهذي الصور:



http://www.rofof.com/img5/11obqrf30.jpg


http://www.rofof.com/img5/11xcleu30.jpg

http://www.rofof.com/img5/11swaph30.jpg

http://www.rofof.com/img5/11juayl30.jpg

http://www.rofof.com/img5/11frxzw30.jpg


http://www.rofof.com/img5/11smjaw30.jpg



واي استفسار حاضرة لعيون الحلوات..

ياليت المشرفات لو تكرمتوا تصغرون الصور ماعرفت اصغرها ...

تسلميلي يا ابلة جوجو و الله مرررررررررررة تشهي

مشكورة غاليتي على الوصفة الحلوة

الله يسلم دياتك

و هذه طريقة تصغير الصور

http://www.66n.com/forums/showthread...%ED%D1+%C7%E1%

سلمتي
 

تسلمين اختي بالعافية عليك:) جربيها راح تذوبين فيها..

وايدك احتي الفاضلة شاكرة لك تصغير الصور اسعد الله فلبك ..

ربي يعافيك .. بعضاً مما عندكم :22::) مشكورة ..

الله .. ليتها عندي على العشاء ..
ألف شكر على الصور .. شهيتني على المحاشي .. بس متكسلة من البرد ؛

:dغالي والطلب رخيص ليتني اقدر اوصلها مااقصر (علشاني متأكدة اني مااقدر عزومة بخيل ههههههه)مشكورة ربي يعافيك هي لذيذة وحلاوتها في البرد بس بجد متعبة الله يقوينا .. شاكرة مرورك..

يعطيكي العافيه وتسلم اديكي

الله يعطيك العااااااااااااااافيه

اول مرة اسمع فيها وعموما" المحاشي لذيذة وشكلها حلو
صراحة طبخنا عندها ولاشي

هذة يبيلها روقان:)

ويبارك فيك قد مااقول لذيذة شوية جربيها والماجي معك حق بس انا حاولت اختصره في بعض الطبخات المهمة مو دائما استخدمه ...شكرا لك..

سلمتي ويعافيك يارب ..

:dويعافيك يارب .. المحاشي حلوة بس مو كل ايدين تضبطها مرة اكلتها متسوية في مكان فخم والله قرفتني زفر اللحمة مسيطر عالطعم بس الشكل بالفعل هي حلوة في التقديم وغالباً تعجب بس اخالفك الرأي طبخنا ترى مافيه مثله كثير اشياءعندنا وطعمها مميز اموت بالمندي والمظبي لو تلفين العالم ماتلقين مثله بالطعم وفيه طبخات كثيرة بس بصراحة نسوانا كسلانات وانا منهم مانشكل ونغير كمان على قولة اختي الفنشنق عندكم فاشل دايما تقولها لي انا وخواتي انه طبخنا لذيذ بس تالي التقديم فاشل مايفتح النفس اكمان طبخنا لازم يتقدم مباشرة بعد الطبخ لكن المحاشي ممكن تتسخن لثاني يوم ولايتغير طعمها ما الروقان فعلاً تتعب حشيتها من الليل وطبختها الصباح ... تفلسفت عليك واجد :18:سامحيني حسيتك قدامي وجالسة احاكيك :)شاكرة مرورك ربي يحفظك ..

شكله رهيب ماشاء الله تسلمين

هل اضافة حبات الحمص ضرورية ام للتجميل

ربي يخليك بجد في خاطري اعمل عزومة دولمة لكل الحلوات الي معنا بس عاد ماباليد حيلة اخوي دايما يقولنا نصيحة ماتشوفي اكل وانتي جايعة بعدين تسمنين :) حشو البصل مرة سهل فوق ماتتصوري قشري اليصلات ونظفيهم من برا وحطيهم بما دافي ماءل للسخونة بعدين بس يبرد الماء طلعيهم واعملي شق من الجنب وصيري اسحبيهم وحدة وحدة وسلامتك .. صح انا شفته بس عند العراقيين .. شاكرة مرورك ياعسل.

تسلمي وربي يخليك وان شاء الله تجربيها وتحبيها شاكرة مرورك..

وايديك ان شاء الله ..

رو و و وعه ، يسلمو ..