|
كيف اساعد زوجي على زيادة وزنه
السلام عليكم :) زوجي الله يحفظه بدأ مؤخرا ينحف و بشكل ملحوظ هو ما شاء الله طويل 188 و وزنه 70 او 72 و عمره 26 سنه يشتغل 5 ايام في الأسبوع و يدرس يومين في الأسبوع في اليومين الي يدرس كمان يشتغل فيهم مجال شغله شوي صعب و يبغاله تركيز و مجهود جسمي و قريب من شغله في ماكدونالدز و هو تقريبا يوميا يأكل هناك في وقت الغدا مع اصحابه مرتين او ثلاث في الأسبوع يروح يلعب كوره و سباحه هو عنده حساسيه من الاكتوز و جميع مشتقات الحليب لازم تكون خاليه من الاكتوز في اول سنوات زواجنا كان وزنه فوق ال 85 :d و كان جدا جدا لابق عليه و شكله ولا اروع شهيته للأكل زي ما هي ما تغيرت,, يحب ياكل كل شي و اي شي و بكثره و مع ذلك وزنه يقل بشكل ملحوظ,, و هذا مأثر عليه بس ما يحب يتكلم عنه الشي الوحيد الي تغير من سنتين هي اوقات عمله صارت ملخبطه. مره صباح و مره العصر و مره في الليل كيف اساعده على ان يزيد من وزنه.. مع انه الي يشوف طريقة اكله ما يصدق شي ثاني لاحظت انه بدأ شعره يتساقط من الأمام, لما يمشط و كمان اشوف شعرات على المخده لما يصحى يمكن وراثي لأن ابوه مصلع من قدام (من خلال الصوره شفت, لأن ابوه توفى لما كان عمر زوجي سنتين) تعتقدوا وراثه ولا لها صله بفقد الوزن و شكرا |
اختي يمكن زوجك مدايق نفسيا عشان هيك عم ينحف!
وممكن يكون تساقط الشعر وراثه وممكن يكون لانو مابياكل اكل صحي يتغذى منه ومو شرط الي بياكل كتير لازم يكون ناصح في ناس من كثر التفكير بتنحف سبحان الله كل انسان يختلف عن الاخر الله يسعدكم ويوفقكم |
اقتباس:
هو متضايق من لخبطة جدول شغله, يعني ماهو مرتاح بنومه و كذا و كمان الدراسه يبغالها تركيز و مراجعه و الخ و مع ذلك اول ما يجي البيت يحب يلعب مع العيال و يأكلهم و ينيمهم لأنه ما شافهم طول اليوم و ينسى نفسه فأنا ابغى مسااعده و افكار كيف اساعده عشان يزيد وزنه زي قبل اشكرك |
نسيت اذكر انه في ايام شغله و دراسته بس يتعشى في البيت يقوم الصباح و يفطر شي خفيف مثل بيض و توست او كورن فلكس هو مو من محبي الفطور بس انا اغصبه الغدا و الحلى و الخفايف و اكلات بين الوجبات و مشروبات كله برى بين دوامه و دراسته اما في ايام اجازته احرص على ان يأكل صحي و مفيد و كثير اسويله اكلات بحريه و شوربه و سلطه و مشوي و مقلي و حلى و سلطة فواكه وsmothie وكل شي يحبه مع اني برجيم و امنع نفسي و احرمها بس اتفنن و انوع عشانه في اليوم ياكل 3 وجبات رئيسيه و حلى و اكلات خفيفه بين الوجبات |
سوى اكلات دسمه شويه مكرونات مقلي بس لاتكثري عشان الكوليسترول الاكل الا يزود الوزن ياكثرررررروا
|
ليه مايعرض نفسه على دكتور ويعمل تحاليل لأنه ينحف تدريجيا وغير كذا شعره يتساقط يمكن في بطنه طفيليات يعني علشان يطمن على صحته الله يحميكم لبعض
|
اقتباس:
اهلين حبوبه تعالي وينك مختفيه عن الرجيم :11: والله اسويله اكلات دسمه و اكلات صحيه و انوع في كل مره و كمان هو يحب fast food مرررره يعني يتغدى كل يوم في ماكدونالدز او بيتزا هت و كده فالمفروض يسمن مش ينحف اشكرك حبيبتي |
اقتباس:
قلتله عن الدكتور,, بس هو يقول انه مش محتاج و ان صحته تمام و عن تساقط شعره هو يقول انها وراثه و ما تفرق عنده بس انا ماني متطمنه خاصة ان التساقط بدأ لما بدأ ينحف, فلازم في صله بين الموضوعين اشكرك عزيزتي |
عسوولة وحشتيني
شوفي ياقمر .. دام اكله تمام ... اذا مافي مانع تتطمنوا اكثر بالتحاليل سووا تحاليل خاصة للغدة الدرقية .. فقط تكون لخبطة الهرمونات هي سبب النحفان كمان فحص دم و حديد و فيتامينات لانه قد يكون السبب في سقوط الشعر يعني اول و قبل الاكل و الطبخ الدسم لازم تتاكدوا ان الجسم صحيح .. و يارب تطلع التحليلات سليمة و في حال كان كل شي تمام باذن الله .. معناه امرك لله في مسالة سقوط الشعر معناها وراثي و عندي و عندك خير :) و بالنسبة للنحف .. بيكون المجهود اللي يبذله اكبر من السعرات الي ياكلها عشان كدا بينحف فالحل انه اما يقلل شغل و مجهود او يزيد اكل ... الله يديم عليه الصحة و العافية |
هو ياخذ حبوب multivitamin و زياده حبوب فيتامين د و يوميا يشرب عصير طازج من برتقال او مشكل و احيانا لما ما يكون عنده وقت يفطر اسويله milk shake من موز و فراوله و برتقال و حليب و شوية ثلج و اخلطهم بالخلاط و ياخذه معاه صحته كويسه يعني ما يمرض بسرعه من زكام و كده ما شاء الله و يسوي رياضه و سباحه و تمام يعني عن جد قلقانه من فقده للوزن مع ان كل شي يعتبر طبيعي |
اقتباس:
اهلين يا قمر( طبعا مواضيعي ما تحلى الا بمشاركتك :)) و الله اكله تمام و ما ينقصه شي الحمدلله بس يمكن زي ما قلتي ان مجهوده اكثر من اكله,, مع ان كمية اكله ما شاء الله خياليه :d احاول اقنعه بالدكتور مره ثانيه بس هو يكره المستشفى و التحاليل و ما يروح الا بالشديد القوي اخاف انه يحس ان نحافته مزعجتني لأني اخر مره كنت اوزن نفسي و هو كان جنبي و قلتله تعال اشوف وزنك زعل شويه وقال كفايه خليني بحالي سمنت ولا نحفت ما تفرق عندي المهم اني بعافيه :25: مشكوره حبيبتي :) |
والله وانا اختك مثلك
زوجي نحيف واكله وصحته زينه وهو نفسه بعد انه شويلا يمتن بس ماافي امل جرب كل شي احسه مو قابل لزيااده ... |
اهلين اخواتي بالنسبة لزيادة الوزن هاذي طريقة انا مجربتها بنفسي ونفعت وياي لاني كنت جدا جدا نحيفة وقالتلي صديقتي على الطريقة وسويتها وبعد الله ثم هاذي صارت صحتي حلوة وحسيت بنشاط اول شي لازم البطن يتنظف يعني ياكل مسهل انا اخذت حبوب من الصيدلية بس حبه وحدة لمرة وحدة وبعدين لمدة ثلاث ايام الاكل كله فواكه بفواكة بعد الثلاث ايام تخلطون ملعقة عسل اصلي بكوب ماء زمزم واذا ما في ماء زمزم ماء شرب بس يفضل ماء زمزم وتشرب على الريق يوميا ولا يأكل بعدها الا بساعة محد يفطر الا بعد مرور ساعه وراح تشوفون الصحة شلون انا سويتها وزاد وزني 10 كيلو اتمنى اني افدتكم
تقبلوا مروري |
اقتباس:
يلا ايش نسوي,, الحمدلله على الصحه اشكرك عزيزتي |
اقتباس:
اهلين اختي هو زوجي مش مشكلته انه نحيف بطبعه و لكن كان وزنه فوق ال85 لأنه كمان طويل 188 ما شاء الله و شوي بدأ ينحف بالرغم انه ما تغير شي من نضام اكله و بالمناسبه زوجي من المواضبين على ملعقه عسل و 7 تمرات كل صباح اتباعا للسنه طبعا الشي اللي تغير هو انه بدأ يكمل دراسته و كمان يشتغل في نفس الوقت فاعتقد انه مجهد نفسيا و فكريا و هذا بدا ينعكس جسميا في وزنه اشكرك على النصيحه عزيزتي :) |
عنده اعراض تانية
متل عدم تحمل الحر اسهال اعياء - اقياء نرفزة رجفة تعرق شديد خفقان قي القلب نقص الوزن مع زيادة الشهية و تساقط الشعر قد تكون اعراض لما يدعى فرط الدرق ، لازم يحلل ويشوف هرمونات الدرقية و بعد ان تحصلي على النتائج لكل حادث حديث الله يعافيه يا رب |
اقتباس:
اهلين ماريا عزيزتي ان شاء الله يروح قريب للدكتور و ياخذ التحاليل الازمه سؤال: هل مريض "فرط الدرق" يكون طبيعي من ناحية النشاط, لأنه ما شاء الله جدا نشيط و يمارس الرياضه و يلعب كرة القدم و يذهب للسباحه بمعدل مره الى مرتين اسبوعيا و شكرا |
اقتباس:
ان شاء الله بكون سليم يا رب لكن لا تهملو الموضوع |
اقتباس:
ان شاء الله حبيبتي و شكرا مره ثانيه |
| الساعة الآن 07:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©