|
أتمنى ان اعيش حياة طبيعية
أعزائي .. غبت عنكم اشوي .. حاولت أعدل أو اصلح في مشكلتي بروحي لكني ما قدرت .. و بصراحه بسبب حساسية الموضوع ما بغيت انزله في المنتدى .. لكني توهقت بروحي , و ما عرفت أحلها .. تكفوووووون - ارشدوني ... ممكن البعض يتذكر موضوعي - على الرابط http://www.66n.com/forums/showthread.php?t=211690 كان عندنا مشاكل انا و زوجي , اهمها الخيانات المتكرره .. انا ما طلعت من بيتنا , و لا اصريت على الطلاق .. سكت و عديتها للمرة المية علشان الولد اللي بينا .. شوفوا .. خبرته ان لازم نتكلم في الموضوع لكن و بعد مرور شهور ما تكلمنا .. علاقتنا جدا غريبة الحين .. معناته : كاننا اصحاب .. يعني انا من النوع الاجتماعي جدا و اللي يسولف على طول .. حتى لو زعلانه من احد انسى أو اتناسى على طول .. حياتنا حاليا عاديه جددددااااااا .. يعني اللي يشوفنا مستحيل يقول ان كنا على وشك الطلاق بلا رجعه .. اهو يحاول كثير .. يقولي كيف أعدل ؟ كيف تسامحيني , ساعيديني .. لكن انا بروحي مو عارفه .. يمر اليوم بشكل طبيعي جداا , لحد ما يجي الليل .. و هنيه المشكلة .. انا ما سامحته و لا نسيت من داخلي .. في اليوم عادي امشي كل شي .. لكن في الليل ما مستعدة و ما اقدر اسلم نفسي له .. مع اني خلااااص تعبت .. نفسي في حياة ****** مثل الناس .. لكني مووو قادرررره ابدااا .. احس اني انفر منه .. و اهو طبعا ما عنده اسلوب فهالموضوع , فمايساعد الوضع .. حتى اني اخاف اني جالسه اظلمه معي , و ان هالشي راح يخليه بزياده يروح للحرام .. خاطري اخبره اتركني و كل واحد يشوف دربه , و عيش حياته صحيا و طبيعيا .. حرام احنا ما وصلنا لسن الثلاثين و خلاص بينا خمود جنسي .. يعني عشان تفهموا الصورة : من ما ولدت , يعني 10 شهور, ما مارسنا الا 4 او 5 مرات .. و ما استمتعت فيهم ابدا .. مع اني و الحمدالله رجعت لوزني الطبيعي و والاده بعملية قيصرية .. لا و بعد نزل وزني اقل من ما كنت , و اعتبر من اللي وزنهم ناقص ... و اهو دوم يمدح فيني و اهو ينجذب لي كثير حسب قولته .. شسوي ؟؟؟ احترت يا عالم مادري شسوي .. ودي في حياة طبيعية , لكني مو قااااادره !!! |
مو معقول رجل صارله 10 شهور ما مارست فيهم العلاقة الجنسية الا 4 او 5 مرات هذا الكلام ما يدور بعقلي اذا كانت الخيانات ابتدت بعد ولادتك فأنا ما الوم زوجك ابدا ........
ولازم تروحي لدكتورة نسائية باسرع وقت لانو اكيد معاكي ( برود جنسي ما بعد الولادة ) قبل ما تخسرين زوجك |
السلام عليك
في حلين حبيبتي .يا انك تنسين وتسامحين وتغفرين وترجعي لزوجك وتعطيه كامل حقوقه يا تبقين شايلة بخاطرك مدى العمر ..طيب الي متى ؟ صح الخيانة تقتل بس ماودي اكبر غبينتك انتي قدرتي تسامحي اكثر من اللف مرة على قولك وقدرتي تعيشي يومك عادي غيرك مايقدر..ربي الهمك الصبر اجل اصبري وانسي دامك قدرتي تنسين ليوم واحد سامحيه بشرط انه يتوب توبة نصوحة مع الله اولا ثم يصدق معك لا تسامحي بسهولة اذا فتح معك صفحة جديدة بس حسسيه ان الشى الي سواه شرخ قلبك وكيانك ويبغاله مجهود كبير حتى ينسيك ...اصفحي دامك تقدرين والثوب الوافي مايجافي احبابه اتمنى لك حياة سعيدة واسال الله انه يزرع بقلب زوجك خوفه ويبعد عنه طريق الحرام ..فالله انه طريق مظلم وياترى العاقبة |
صرااحه ربي يعينك
بس على قوول الخوات قبلي لازم تنسي وتحااولي تبينيله ان حبه قل بسبت خياانااته وانه لازم يتعدل عشان ترجعوو للحياه السعيده وذكريه بطفلكم وشفي ممكن قلت رغبتك سببها مرضي فرووحي لدكتوره نساء تعطيك دوواا ورااح يسااعدك لتقرب بينكم لاتنسي الحياه الجنسيه السعيده عند الرجل مهمه جدا جدا جدا فهي حلا لكثير من ضغووط الحيااه وتصفي ذهنه وتعلي مزااجه:22:اسئليني ارجو اني اعطيت فكره تفيدك وربي ييسرلك ويفرج همك ترا الدنيا فيها امثاالك بالهبل وعاايشين |
حبيبتي الكوره في ملعبك
اكسبي زوجك وانسي كل اللي حصل ترى الرجال ما عندهم طولة بال عيشي حياتك الذكريات ما راح تنفعك اللي فات مات خلي نظرتك لقدام وفكري في اللي جاي ما احد يقدر يساعدك خذي قرار والبسي وتكشخي وروحي لزوجك وعيشي حياه طبيعيه مادام سامحتيه مالك حق تمنعيه من نفسك اتمنى لك حياه سعيده |
هذا رابط موضوعك السابق عزيزتي ..
http://www.66n.com/forums/showthread.php?t=211690 رأيي ولا تزعلين مني ..اطلبي من زوجك يتزوج زوجة ثانية حتى تكسبي أجر اعفافه ...ويظل أب لولدكم ومصروفكم مطلوب منه ... ما تبيه وعافته نفسك وما أشوف عندك مشكلة تعيشي بدون خياة حميمة ...اتركيه يعف نفسه . |
اختي الكريمة بارك الله فيك والله يكون في عونك
كثير من الرجال لا يقدرون المراءة للاسف الشديد وهذه حقيقة لا بد ان تقال لا الرجل من ظالم للمراءة ولا يعرف ان يتكيف معها رغم انها لا تطلب الا الكلمة الجميلة واغريب ان الرجل لا يمارس مع زوجتة الا 5 مرات طوال 10 شهور هذه ؟ فما عليك الا الصبر فالمراءة الصابرة على بلوا زوجها يضمن الله لها الجنة وان حاس بهذه المشكلة وارجو من الاخت الكريمة السكوت عنة لفترة حتى يحس بتقصيرة ويندم على ما فعلة لك من كل تحية واحترام |
اختي اصف برودك لو كنت مكانك :
(الجانب النفسيي وهو الاهم فالعلاقه ) 1_بسبب انك متقرفه منه وتتذكرين هالشيء وقت العلاقه وماتستمتعين هنا انصحكي بطلب الطلاق مادامك غير راضيه عن نفسك معه .. 2_اذا كان برودك خشيه من مرض ينقله لك من ايدز وسيلان وغيره وغيره اذهبي به للمستشفى واطمئني وبعد ذلك اشبعيه ولاتخلي له مجال يروح للحرام واستخدمي ما ينفره من هذا الفعل اما تذكيره بالمرض او انه كما تدين تدان فيك او في احدى بناته حمانا الله واياكم او بطلب الطلاق لأنك فعلتي الاسباب وهو لازال غافلٌ قلبه اللهم ايقظه من نومة الغافلين واحفظ شبابنا وبناتنا من كل مكروه .. الذي جعلك تصبرين الابن اللي بينكم و يمكن يكبر ويتعلم من ابوه يرضيك هذا !! لذلك ابدئي من الآن باخذ خطوات جديه تصونين فيها عائلتك .. اسأل الله ان يعينك ويثبتك على دينه الثابت وان يهدي زوجك ويرده لك .. |
أختي، لا تخربي بيتك و تطلبي الطلاق، كل مشكلة في الدنيا و لها حل، مو واضح بالنسبة لي المشكلة اللي بينكم شنو صار فيها، هل الرجل ترك الحرام او لسى ..... و في كل الاحوال هناك الكثير اللي تسويه الزوجة عشان تصلح بيتها، و تذكري انكم مثل القارب، لازم احد يتولى القيادة، اذا الزوج تنازل عن هالمهمة او قصر فيها، لازم الزوجة تتدخل بالعقل و تحافظ على استقرار الاسرة.
بالتوفيق ان شاء الله. |
مشكووورييين على المرور ..
كريستين .. حبيبتي اهو بدأ الخيانات من فترة الخطوبة , و مو من بعد الولادة .. من أولى ايام زواجنا و علاقتنا الجنسية يادوب .. بعدين انا حملت بعد سنة و نص من زواجنا, يعني الحمل ما كان العذر .. الغالية بيتا 2 حطت الرابط لموضوعي الاول .. " اذا كانت الخيانات ابتدت بعد ولادتك فأنا ما الوم زوجك ابدا ........ " حتى لو من بعد الولادة - معقولة ما ينلام الرجل لو راح للحرام؟ .. اهو من اول زواجنا كذا .. الله يعين .. صابرة بدينيتي .. فعلا حبيبتي, يعني الا متى .. انا بروحي مو راضية عن نفسي .. ودي بحياة حلوه طبيعية .. لكنك قولتيها " سامحيه بشرط انه يتوب توبة نصوحة مع الله اولا ثم يصدق معك " يمكن لأني ما لمست منه انه صادق, و عندي شكوك ان سوالفه مستمرة بعدها .. سبحان الله .. غيمة .. مشكورة حبيبتي .. لكن شو الدواء اللي تقولين عنه؟ ... و انتي صادقة : لكن اضيف انه الحياة الجنسية السعيدة مهمة ايضا بالنسبة للمرأة . يعني انا هم اتعذب .. و هالشي يحزني جدا .. و اهو مو قاعد يحاول .. يعني ما يجيني مثل الناس و العالم .. زوجه رائعة .. تفاؤلك و نظرتك الحلوه تشجعني .. ان شاء الله .. مشكورة حبيبتي .. كلامك صح .. بيتا 2 .. مشكورة يالغالية على الرابط .. حبيبتي بالنسبة للزوجة الثانية , احنا في مجتمعنا ماكو زوجات ثانيات , خصوصا لواحد هالعمر .. يعني تحت الثلاثين .. لو على الزواج , اهو يتزوج ثانية , و انا؟ ... لو قررت انه يتزوج ثانية عيل نتطلق و انا اتزوج غيره .. لو الله كتب .. لو الله مو كاتب .. اضل مطلقة مع ولدي .. ماديا انا في غنى عنه .. معنويا , راح اتحطم .. انا اللي حبيتك و صنتك , تتزوج ثانية و انا موجوده عالهامش .. لا , صعبة .. ما راح اقدر :(((( 6 نجوم .. "حاس بهذه المشكلة وارجو من الاخت الكريمة السكوت عنة لفترة حتى يحس بتقصيرة ويندم على ما فعلة لك من كل تحية واحترام" .. هذا اللي قاعده اطبقه الحين .. انا المح له مرات اني ابيه .. لكن اهو ما يحاول .. و انا ما اقدر ابادر .. مادري كرامه لانه حطمني و شتتني , أو لان قلبي مجرووووح .. لكن لو اهو جاء باللين و الدلع و غيره - انا عارفة اني راح اكون عاديه .. أم عزام .. أعتقد اني اكثر للرقم 1 .. و الطلاق فعلا في البال ... و كلامك في الصميم حبيبتي ... شيخ .. مشكور عالمرور الطيب .. انا باعتقادي انه ما ترك الحرام .. لكنني مو متاكده و لا قاعده افتش و اتحقق وراه .. سايبه السالفه على الله .. كلامك صح .. لكني مو قادرة اتصرف و ابدأ .. مشكورييييييين والله ما قصرتوا |
بيتا 2 .. لو على الزواج , اهو يتزوج ثانية , و انا؟ ... لو قررت انه يتزوج ثانية عيل نتطلق و انا اتزوج غيره .. لو الله كتب .. لو الله مو كاتب .. اضل مطلقة مع ولدي .. ماديا انا في غنى عنه .. معنويا , راح اتحطم .. انا اللي حبيتك و صنتك , تتزوج ثانية و انا موجوده عالهامش .. لا , صعبة .. ما راح اقدر ((( كان هدفي من ردي أثير غيرتك يمكن يتغير شعورك تجاه زوجك ... أحس انه اطمئنانك من انه ما عندكم زواج من ثانية له دور بعناد شعورك ..... نظرتك لزوجك واحساسك انه غلطان ما يساعد ... حاولت بموضوعك السابق ابرر لك تصرفاته وأنا لا زلت على قناعة بكلامي وما قلته حتى أقنعك بس ... وما ادم انك محتاجته معنويا حاولي تهوني الامور على نفسك ... ما ادري كيف ممكن تعمليها لكن لازم تجدي له تبرير أو على الاقل لا تسيئي الظن فيه ... احملي اللي تشوفيه على أفضل محمل وليس على أسوأ محمل .... أوجدي له العذر وانت ترتاحي ...ساعديه على حل مشكلته بدل ما تزيديها ...هو مريض مش خاين ومحتاجك تساعديه مو تحقدي وتحاولي تتجاهلي كل مشاعرك طول النهار ...الهروب من المشكلة ما راح يحلها ... تفهم المشكلة ومعرفة العلة هو اللي ممكن يحلها .. ربي يعينك ... انتي محتاجة لربنا كثير .. اطلبيه يساعدك ... ربنا يرشدك لطريق الحل والصواب |
انا قصدي بالدوااء>> انك ترووحي لدكتوره وتقوولي رغبتك الجنسيه ضعيفه جدا وتريدين دوااء لذلك وهي راح تصف لك هرموونات لزياادت الرغبه وسلامتك
|
.. العزيزة ( أم وقاص ) ..
.. لن ترتاحي , وتعيشي حياة طبيعيه ,, الا اذا تجاوزتي خيانات زوجك .. .. لانك تعيشين حياتك في النهار طبيعيا , وأنا أعتقد انك تحاولين الهروب لا أكثر .. .. وفي الليل , يتجدد عليك الألم , والشعور بالخيانه والقهر .. وتكون ردة فعلك , هي رفضك لزوجك !! .. وزوجك يحاول أن يرضيك , ويفعل أي شيء حتى تسامحيه .. لكن الامر خرج من بين يديك , ولم تسامحيه .. .. برأي تحتاجين لأستشاره نفسيه .. حتى تسترجعي نفسك , وتستعيدي توازنك .. وتعودي طبيعيه .. .. طمنينا عنك .. |
ليس من صفات الكرام ان يعفو ويسحب عفوه متى اراد انتي قلتي سامحتيه لا انتي ماسامحتيه انتي قاعده تنتقمين الحين لنفسك منه كان المفروض بحالتك انك تنفصلين عنه او تسااااااااااامحينه بشكل حقيقي لاتتذكرين سوالفه ولاتذكرينه فيها عاد تدرين الحين لو يرجع يخونك ماينلام احنا الحريم لو قصر معانا الزوج كم شهر خفنا على انفسنا من الحرام والانحراف انتي مو قادره تفينه الحين خليه يطلقك واذا ماتعدلتي ترا هذا بيصير قريب لاتقولي مافي احد يتزوج عندكم االثانيه تحت الثلاثين لكل قاعده شواذ ويمكن زوجك يكون منهم انصحك اللي تسوينه حراااااااااااام في حق نفسك وفي حق اطفالك لو تطلقتي وفي حق زوجك اللي تاب لانك الملائكه تلعن كل ليله الين يطلع عليك الصباح لانك تمتنعين عن فراش زوجك اسفه قسيت عليك بس من خوفي عليك تجين تقولين رجع يخونني والا تقولين طلقني والا لقيته متزوج بالسر والا تزوج علي بليز راجعي حساباتك
|
ول
عشره شهور .. والله اللي مو خاين يمكن يتعلم الخيانه .. وترى المتزوج ما عنده صبر زي العزوبي .. فما بالك بمن عنده خبره وسهل عليه الحصول على البديل .. انتي كدة زودتي الازمة .. وتخليه يستمر في خيانته .. حتى لو كان عنده النية انو يبطل .. انتي كدة تجبريه أو على الاقل تعطيه مبرر .. على العموم .. قدامك احد حلين .. اما تطلبي الطلاق وكلن في سبيل حاله .. اذا ربنا كتب واتزوجتي فبها ونعمت وإن لم يكتب ما اتغير شي خصوصاً وانك مستقله مادياً .. الحل الثاني وهو الأصلح أنك ترمي الماضي ورا ظهرك .. وتفتحي صفحة جديدة بس تكون باتفاق بينكم .. حتى لو كان من باب التلميح .. انه لا للخيانه ولا للجفاء في الفراش من الطرفين .. ولتعلمي ان الامور ستكون تدريجياً ولا تتم بين يوم وليلية .. تحياتي لكي وكان الله في عونك .. |
اختي الفاضله 00
إذا اخترتي المسامحه من اجل نفسك 00 وهذا ما استشفيته من كلامك 00 فريحيها - لا تثقلي كاهلك00 انسي الامر تماما -- اي لا تفكري في خيانة زوجك ابدا 00 حتى ولو لعب برأسك ابليس اصرفيه فورا هذا هو الحل 00 التفكير في هذا الامر بجد ذاته يقتل 00 فلا تدمري نفسك00 زوجك00 قد خانك 00 وقد حس بغلطه ويطلب منك المسامحه00 فأبدأي من هذه النقطه 00 وسااامحيه فغيره لا يعتذر00 ويكابر00 ولا يرى لزوجته أي قدر0 وابدأي معه حياة جديده -- وعوضي نفسك وزوجك خيرا 00 كل يوم تعوذي من الشيطان 00 وعليك بالدعاء لإصلاح حالك وحال زوجك00 وليكن همك رضا الله 00 و ايضا ان تكوني سبب لهداية زوجك 00 فهو زوجك وحلالك أنتي فقط 00 واعظم الناس عليك حقا00 واعظم الحقوق أن نعين على طاعة الله والامر بالمعروف والنهي عن المنكر00 الحل اخيتي 00 في إشباع زوجك 00 والبحث عن رضاه 00 والعمل على أن لا يرجع مره ثانيه للحرام كوني قويه وابدأي حياتك من جديد 00 كلنا انتي وتأثير الخيانه شئ كبير على النفس 00 لكن أن نستمر في دمار انفسنا وبيوتنا فهذا والله هو الخسران العظيم 00 انعشي حياتك بطاعة الله ورضاه ولا تستسلمي لوساوس الشيطان الله يجعلك قرة عين لزوجك واسعدكما في الدارين |
اسفه عالتأخير , عندنا اجازة السنة الجديده , و في البيت ما افضى ابدا للنت ..
بيتا 2: حبيبتي فعلا اهو مرض .. لان مو معقوله احد يبكي و يعتذر و بعدين يعيدها على طول و بدون تأنيب الضمير .. غيمه: ما كنت ادري انه في دواء من هالنوع! و منكم نستفيد ههههه ميس بلو: فعلا انا بحاجة لاستشارة نفسيه .... ان شاء الله راح اروح .. لاني خلاص مو قادرة .. دمعة مفارق, و النورس الطائر .. ما فهمتوني بالضبط .. اهو اصلا ما يجيني .. ما انا اللي امتنعت عنه .. حتى ذكرت انه لو كان يحاول كنت انا بفطرة رجعت طبيعيه .. لكن اهو عشر شهور ما جاني الا مرات معدودة .. و سبق طرحت موضوعي و اللي فيه انه من الناحيه الجنسيه اهو مقصر معي كثييييييير .. لكن خليها على الله .. انا مشكلتي اني مو قادرة ابادر و اصحح الموضوع .. معناته - نفسيتي محطمه و مو قادرة انا اللي ابدأ .. لاني في السابق لما كان مقصر في حقي كنت احاول و احاول و احاول و اهو يبرر انه باكر دوام , او اهو مصدع , و من هالكلام .. شقر55ديه: فعلا كلامك في الصميم ... لكن اهو يعتذر و يعيدها , و يعتذر و يعيدها .. شسوي =( من بين الردود بصراحه حاسه انه قدامي حلين :- 1. اسامح و انسى , و احاول معه و نصحح اللي صار 2. الطلاق و كل واحد يشوف دربه كلاهما صعب علي .. الله يسهل الامور و يصلح مشكال الجميع يا رب |
اختي الكريمة
بالمختصر إذا زوجك تاب فالله تاب عليه و عليكِ ان تتعاملي معه كمن لا ذنب له الحل يبدأ من داخلك غيري ما في قلبك تجاهه أقنعي نفسك بأنك ستجدين المتعة و السعادة مع زوجك لأنه لن يخونك بعد الآن الحل عندك قوي قلبك و بادري مرة لو بادرتي بحركة حلوة مرة بتجر بعدها عدة مرات ... حتى تعتادي على الوضع الرومانسي الجديد و صدقيني اي حركة حلوة منك ستقلب زوجك رأسا على عقب سيتغير إلى الافضل لأنه سيجد السعادة في بيته و عند زوجته ان كنتِ تشعرين انك باردة بشكل لا يمكن السيطرة عليه فالغالب انه تستخدمين حبوب منع الحمل حاولي طريقةاخرى غير هرمونية لتمنعي الحمل البرود طبيعي بعد الولادة لكن يجب ان تطردي هذه المشاعر و تبدئي صفحة جديدة مع زوجك دائما اول الأمور بتكون صعبة لكن بالتدريج كل شي بصير عادة و بتتغير حياتكم للأفضل الله يوفقك |
مشكورة يالغاليه ..
كلامك صحيح .. ان شاء الله الله يقوي قلبي و ينسيني همومي , و اعيش حياة طبيعيه .. |
اقتباس:
أولا ...انتي ما شاء الله عليكي انسانة مثقفة صابرة جادة جدا وتحبي زوجك حب كبير .. ثانيا ... زوجك قريبك وشخص له مكانته بعائلته وبوسطه الاجتماعي محترم . .عيبه هو ملاحظاتك عليه من مكالمات ومشكلة العادة السرية ...أنكر معظم ما واجهتيه فيه وأعطاكي مبررات وأنكر الخيانة الجسدية انكار تام ويعلن لك توبته بكل مرة يكرر فيها تصرف وتكشفيه لكنه يرجع للتصرفات المريبة . كان قرارك باخر الموضوع السابق بمواجهته وطلب الطلاق بعد مرور العيد .لكن الظاهر انك رجعتي عن قرارك . فهمت من موضوعك الحالي بالبداية وكأن زوجك قد تاب فعلا لكنك ما استطعت مسامحته وتجاوز ما مررتم به .لكني ومن خلال ردودك أفهم انه لا زال على حاله ... أود توضحي لنا ابعاد المشكلة حاليا اذا لديك الرغبة بمناقشة الموضوع ومحاولة الوصول لحل . **** هل لا زال زوجك يمارس العادة السرية وأمامك ؟؟ وهل لا زال يتواصل مع بنات النت ؟؟ **** ما محاولاتك لحل المشكلة ؟؟؟ ربي يفرجها عليكي وعلى كل مبتلى ويشفي كل مريض |
عزيزتي - تلخيصك للمشكله و الوضح الحالي صحيح ههههه ..
*** اييه بعده يمارس العاده السريه .. و امامي .. مثلا يقولي ," ياسلام على اللي لابسه - اوووووف يجنن - خليني اكحل عيني" ..و بعدين يمارس العاده و انا هناك يمه و لا يسوي في انا اي شي .. يعني يمكن يلمسني و بس .. يعني دوم اهو يحضن و يلمس و يتحسس , لكن يا ينتهي بعد اللمس و يمكن بوسه او بوستين .. او يمارس و انا معه .. *** ما ادري عن بنات النت لاني خلاص , ما عدت ادور وراه و لا افتش .. مع انه ساعات النت قلت بشكل ملحوظ , لكن طلعاته زادت كثيييييير .. و موبايله طبعا دايما رسائله ممسوحه ( لاني مرة او مرتين فتحت موبايله و كل شي كان ممتسح ) .. لو طلع ما يرفع الموبايل لو اتصلت عليه و ما يرد مسجاته .. الا بعديـــن .. |
اقتباس:
لا حول ولا قوة الا بالله افهم انه زوجك شخصيته قوية لكن أعرف أيضا أنه يحترمك ولك كلمة عنده وشخصيتك مو ضعيفة أمامه وعندك القدرة للوقوف بوجهه .... من أين أتى استسلامك للوضع ؟؟؟؟؟؟؟؟ كيف ترضين بهذا ؟؟؟ معقول كل هذا حب ؟؟؟ لماذا لم تطلبي الطلاق لحد الان ولو من باب الضغط عليه ؟؟ |
لما قرأت ردي الاخير لك حسيت انه قاسي وقصدي غير واصح
قصدي انك تقدري تغيري الحال ... لا تستلمي . سكوتك وضغطك على أعصابك طول الوقت بيولد عندك أمراض بعد فترة ...ووقتها صعب يرجع الزمن للخلف .. اضغطي عليه بأفعالك ...الكلام ما نفع معاه ..وسكوتك أعطاه الشعور بالراحة بتصرفاته .... هو مرتاح وما عنده دافع قوي يدفعه يتغير ... اذا تحبي بنكون معاكي باقتراحات للي ممكن يدفعه للتغيير لازم يحس انه معرض لفضح سره ... لما يعرف انك بتطلبي الطلاق أو على الاقل تطلعي وتروحي بيت أهلك راح يخاف انه الناس تعرف ..أتوقع بيحاول المستحيل حتى ما تطلعي كيف انتي شايفه ؟؟؟ |
اقتباس:
بالضبط !! اهو يدري اني ما اقدر اتصرف بشكل يهدده .. يعني اعتقد انه يدري اني ما اقدر اتخذ موقف صارم معه .. يعني ابسط الحلول مثلا لو كلمت اهلي و خليتهم يتدخلون , راح يخاف و يهتز اشوي اني ممكن اسويها .. اهو على قولتك مرتاح .. و لو رحت بيت اهلي و طلبت الطلاق- اكي مثل ما قلتي راح يحاول المستحيل و يخاف ينكشف من بين الناس .. لكن الموضوع برد الحين .. و ما اقدر اطلع من البيت .. و المشكله كل ما تيجي مشكله و سالفه انا ما اطلع , و ما اتصرف بصرامه .. خلاص .. لازم اتصرف الحين .. لو سوى اي شي مهما كان بسيط راح اطلع .. |
اقتباس:
انسي موضوع علاقته معك ...أدري كرامتك ما تسمح لك تعترضي على هالموضوع أو تظهري تضايقك ... تعتبري انه المفروض تجي منه وما تطلبيها ... أنا لو كنت مكانك بيكون نفس الشعور مع اني أعرف انه غلط وانه هذا حقي . المهم ...خلينا بالعادة السرية ..أول مرة يسويها تكلميه بهدوء وتبلغيه انك صبرتي على مرضه كثير وانه لازم يعترف بمرضه ويتعالج وانك رايحة لبيت أهلك الى أن يبدأ العلاج .... وقبل ما تطلعي قوليله وكأنك تكلمي نفسك .... ولو اني ما أحب أحد يعرف عن بيتي شي لكن الله يستر وأقدر أخبي مشكلتنا والسبب الحقيقي لطلعتي من البيت عن أهلي . ربي ييسر أمرك ويعينك ويشفي زوجك ويهديه |
مشكوره يالغاليه ..
والله مادري شقولك .. قبل يوم سألني لو اقدر انا اسويله العاده السريه ( فهمتي قصدي ), على اساس هو تعبان و مريض .. اصلا ما جاني من اسابيــــــــع , و لما طلب, طلب العاده بس .. و لما بينتله زعلي زعل, و قال انا مريض و انتي كذا تعامليني - طبعا مريض برد و حمى و زكام مو شي خطير .. تعبت تعبت |
اقتباس:
|
وشيء ثاني .... بالرغم من مرضه يطلبها ..كأنه ما يستغني عنها ولا يوم ويمارسها بشكل يومي ....
في شيء واحد ايجابي ... اللي متعود لهالدرجة على العادة السرية ما أظن وأقدر أقول اني متأكدة انه ماله علاقات جسدية مع أي بنت من اللي يكلمهم . لكن ضروري يقتنع انه مريض وضروري يتعالج ...لو مو عشانك عشان نفسه ...هو ما يعرف مضاعفات مرضه على قدراته وعلى حالته الصحية ؟؟؟؟ |
لا ما يعرف و لا يبي يعرف .. كل ما نتكلم عن الموضوع يغيره .. و ما يبي يتكلم عنه ابدااااا ..
|
اقتباس:
مو بكيفه ...اختاري معلومات قصيرة وقوية عن مضاعفات المرض وكل ما انفتح الموضوع قوليله معلومة منهم قبل ما يتغير الموضوع ...المهم توصلي له المعلومات .وكرريها حتى يحفظها ...اذا شفتي ولدك يلعب بالكبريت بتقعدي ساكته لانه ما يبي يعرف خطر النار .... بتصرخي وتسمعيه غصب عنه . بعدين لازم يفهم أهمية الجماع الطبييعي بالنسبة لك .. . |
اقتباس:
|
الله يكون في عونك صراحه وضعك صعب طيب يا أختي أشرحي له أضرار العاده السريه وخطورتها على صحته لأن العاده السريه خطيره على الإنسان ولها أضرار من ضمنها سرعة القذف وتتعب عضلات القلب من شدة الممارسه وتأثيرها قوي وتصرفه عن حلاله لأنه بيستغني فيها عنك أنا من رأي إنه إذا نجحت فكرة الأخت إللي قالت سوي له العاده السريه بس بالبداية تكون عنده والوسط والنهايه عندك إذا أنجحت شئ طيب وخليك كذا قولي له إذا بغيت تمارس العاده قولي أنا أسويها لك بس طبعا بشرط أشرطي عليه إن البدايه تكون له والوسط والنهايه عند ك أنتي ومعاك معاك بالتدريج بيرجع طبيعي إن شاء الله وأنا أشوف إن لومارس الجماع الطبيعي معاك باإستمرار يرجع يترك العاده لأنه مستحيل يتلذذ بالعاده مثل الجماع بس كل إللي عليكم إنه تزيد عدد مرات العلاقه بينكم لأن كل مازادت كل ماأحبها وأشتاق لها بعدين معليش أختي بسألك سؤال هل زوجك من أصحاب الوزن الثقيل إذا كان وزنه ثقيل يمكن إنه يكون سبب في كسله وخموله عن ممارسة الجماع إذا كان صاحب وزن فما لك إلا إنك أنتي تمسكي زمام الأمور
هاذا زوجك وحلالك ولا تقولي ما أقدر وكرامتي ماتسمح هذا حقك الشرعي كيف تخلينه يعيش حياته ويستمتع وأنت تنحرمي من حقك معاه بالنسبه لخياناته لك خلاص أنتي سامحتيه ومن عفى وأصلح فأجره على الله ياأختي حرام عشر سنين حب وموده وإخلاص بينكم تحطموها بهاذي الطريقه حاولي أقل شئ أنت الإصلاح من جانبك لاتتركي تفكيرك في خيانته يأثر عليك بقول لك أنسي صعب بس تناسي تذكري الجانب الإيجابي في حياتكم وحبكم العذري أنت وياه المرأه هي دايما يكون حملها ثقيل من هالناحيه ولازم تكوني قد الحمل إللي عليك حاولي إنك تفتحي معه صفحه جديده في حياتكم وجددي ذكريات الماضي في حياتكم ذكريه بأجمل لحظات مرة بينكم خليه يحس بأنك تفتقدي لتلك الحظات وتشتاقي إليها وتتمنين بأن تجددوها في حياتكم أحضنيه وضميه وقولي له يفلان تراك أنت أول حب وأغلى حب في حياتي ومالي غناة عنك أبيك تكون جنبي وتكون معاي وتحس فيني وتفهمني أبيك تجدد إحساس الحب إللي بيننا إندفن أبي أشوف لمعة ذلك الحب وبريقه يسطع في حياتنا من جديد أناوياك أختي أم وقاص جاهدي في حياتك وناضلي من أجل حبك ومن أجل طفلك وأبذلي ماتستطيعين بذله أدعي الله بصلاح زوجك وهدايته فأنت مازلتي فتاة شابه وفي مقتبل العمرولاتخلين معارك الحياة تهزمك كوني قوية بثقتك بالله ومن ثم ثقتك بإرادتك ونفسك شامخه بعزتك حكيمه بمعرفتك الحياة يبغى لها صبر وإذا لم نصبر فستهزمنا تلك الحياة ونصير ضعفاءونستسلم وتنهشنا نهشا بمخالبها وأنت تعرفين جيدا بالمثل القائل لايأس مع الحياة ولا حياة مع اليأس . أعانك الله ويسر كل أمورك وأسأل الله أن يجعل لك زوجك كما تحبين اللهم آمين. |
الله على ردودك يا بيتا2 و بنت الحكمي ..
بيتا2 .. كلامك صح .. ان شاء الله راح احاول .. و تكون النتيجه طيبه حبيبتي =) بنت الحكمي .. حبيبتي كلامك عذب ..و مشجع .. و ردا على سؤالك , لا اهو مو وزنه ثقيل .. بالعكس -وزنه مناسب و حلو .. يعني اهو 67 و انا 41 كيلو .. راح احاول و انفذ , و ان شاءالله كل شي يرجع على الاقل يكون الوضع طبيعي ... يا رب .. |
| الساعة الآن 02:28 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©