|
ماذا افعل في النظرة الشرعية (مستجدات بالرد 13)
السلام عليكم وكل سنة والجميع بخييير بمناسبة السنة الجديدة أخواااني ابغاكم تساعدوني ماراح الاقي احسن منكم يساعدني ويطمن قلبي ولايقصر معايا انا شوفتي الشرعية بعد يومين ومرااااااااااا خايفة مو عارفة كيف حدخل وكيف اقدر اشوفه لان اكيد من الخجل ماراح ارفع عيني او اخاف يقول اني جرئية وانا ابغا اشوفه :25: بس والله خاايفه مراااا مراااا الله يخليكم قوليلي ايش اسوي وايش لازم يكون اللبس وعادي لورفعت عيني طيب واستخير او ادعي بعد الشوفة واردلهم ولا ايش بالضبط |
بالتوفيق اختي والله يكتب لكي الي فيه الخير
انا من رأي خليكي زي مانتي طبيعية ولكي الحق تشوفيه ويشوفك اهم شي الراحة النفسية الارواح جنود مجندة منها ماتألف و منها مااختلف |
انا اقوول تمقلي عدل وبققي عيوون <<امزح:25:
مبرووك خيتي:14: وعقبال الفرحه الكبيره نصيحتي البسي سنع وحطي مكياج خفيف جدا كحل وروج وزبطي حوااجبك ولاتحووسي بالمكيااج شنك رايح عرس خليكي طبيعي :25: وش بعد:25: ايه خلك خجلانه لان الحياا زين وانا امك :o وعاادي اسرقي نظراات عليه لمن تجااوبي عليه منها جوااب ومنها تمقل بالمزيوون..........وسلامتك |
عادي خليكي طبيعية لان كلشي قسمة ونصيب بس اول ماتدخلي تواكلي على الله وقولي بسم الله وستخير انضير لله نظره واحد خلي يشوف عيونك وكمان مشان تشوفي وبعدها لا تتطلعي
|
الله يوفقك
|
خليك ريلاكس وكوني واثقه ولو كنتي جريئه الشاب ما راح يلاحظ لانه بيكون ملخم بالنظرة !!
خليك جريئه نحن الشباب في الغالب نحب الجرأة !! |
حبيبتي كوني طبيعية; في كل شئ..
الخجل ضروري وصفة من صفات الأنوثة... إختاري لباس أنيق محترم وساتر. مكياجك خفيف أيضا... بالتوفيق أيضا.. |
لاتتصنعي لا الخجل ولاشي
احلاى شي بالموقف انوو رح يصير بعفوية خليكي على طبيعتك |
مشكورين والله يريح قولبكم ويوفقكم :) ان شاءالله اكون ريلاكس وماارتبك |
ربنا يوفقك ويتمم علي خير ان شاء الله
|
الله يووفقك يارب ويتمم لك على خير .
غالبا البنت ما تقدر تشوفه زين , فـ انصحك حاولي تناظريه من شباك البيت قبل لا يدخل اذا قدرتي او اي زاويه تشوفينه وهو ما يشوفك :22: واستخيري قبل وبعد الشوفه , الله يريح بالك يارب . |
اختي..من أحلى اللحظات بين الزوجين النظرة الشرعية فتأكدي من بداية دخولك ونظرتك لخطيبك راح تعرفين إذا يناسبك أو لا
من الناحية النفسية وأتمنى تتوكلين على الله قبل دخولك وتدعين رربك وماراح يخيب ظنك .. أتمنى لك التوفيق يارب وإن شاء الله يكون الخطيب يناسبك ونفرح بزواجك |
ابشرك الحمدلله عدت على خير بس عندي سؤال ايش تحس الوحده بعد الشوفة؟؟ وكيف تعرف اذا هيا مرتاحتله وكذا؟ومتى تحس يعني ممكن تجلس كم يوم؟ |
تبارك الله مبروك اشعر انك مطمئنه من هذا اللقاء لا تبالي من كلامك تبين الامر جلياً انك معجبه بالشاب هل رأيت ان الامر ليس فيه خوف وانما هو سهل يسير ؟ وفقك الله وزوجك واسعدك عاجلاً |
اقتباس:
مناسب أو لا. كذا تكون شلتي نفسك من الهم و الفزع و الارتباك.. و تكون جلست معه و نظرت اليه نظرة واقعية غير توتيرية بالنسبة للخجل، من رأي انك توريه الطرفين مع بعض. يعني باشياء كونوا خجولة و باشياء اخرى ما تكون خجولة... كذا تكون الاحتمالات كلها واردة و الشاب لا يستطيع ان يحكم عليك لا بأنك خجولة و لا بأنك جريئة.. اقتباس:
فانتو البنات شاطرين بخفي الحركات اكثر منا. اعلمي انه هو سيناظرك من فوق الى تحت حتى يرى ما يعجبه فأولا لا تخافي و لا تتفاجئي بجرأته ان كان جريئ. و ثانيا انت كمان ناظريه حتى ترين منه ما يعجبك. اقتباس:
يفسر تصرفك بطريقتين: ان كان ابن حلال لفهم انك لسى بنوتة و مستحية مرة و خجولة فنعم الزوجة... و اذا كان رجل ذو متطلبات محددة لفهم انك شخصيتك عدم و تخافين تستقبلين الناس... لذلك اقول لك لا تخافي و ليكن عندك ثقة بنفسك كبيرة و ادخلي و انت مطمئنة.... اقتباس:
أم انك تحتاجين الى لقاء آخر و وقت اكثر.. أم أنك خلاص ما دخل قلبك. حاولي تجلسي مع نفسك و تحاوري نفسك اكثر من اهلك او اخواتك حتى يكون الشعور نابع منك انت... و بعد ما تجلسي مع نفسك ممكن تسمعي كلام الآخرين لأخذ رأي فقط لا غير... اقتباس:
-أعجبك؟ -أم انك تحتاجين الى لقاء آخر و وقت اكثر.. -أم أنك خلاص ما دخل قلبك تعرفي انك ارتحتيله: -اذا كان في انسجام بالكلام -اذا الاسئلة اللي انت حظرتيها له جاوبها بمثل ما تبغي او قريبة جدا -اذا شعرت انك ممكن تصحي كل يوم في حياتك كلها عند الصبح لتجدي و تنظري لهذا الشخص امامك و بجانبك.. -اذا شعرت انه ممكن يكون اب نافع و قدوة لأطفالك و لك ايضا في حياتك يعني كذا... ليس كل الاشخاص يدخلوا قلوب الآخرين كذا أختي... لا بد من مبرر لدخوله الى قلبك... و قد يستغرق تفكيرك ايام و قد تذهب احاسيسك تتجمع على بعضها يوم او اثنين او حتى ثلاثة... بس مش أكثر ان شاء الله أكون أفدتك و بالتوفيق يا رب.. اتمنى ان نسمع النتيجة ممكن ردي جاء شوي متأخر.... أعذريني |
الله يوفقك ياارب ويتمملك على خير
|
أدعو العلي القدير أن يسهل لك أمرك, إن شاء الله ننتظر منك أخبار حلوة...
|
لله يوفقك يارب
و ان شاء الله يكون اعجبتيه |
اشكركم كلم والله على وقفتكم معايا ماقصرتو انا لما دخلت ارتحت ونسيت الخوف عادي وهوا كمان ارتاح ومدح فيا وفي اخلاق الاهل وهوا كمان يمدحوه لما سالنا عنه وماناقصه شي بس احس في شي قلبي مع انوو لما اتلكم فيه ويكلموني عنه ارتاح واحس اني مبسوطة وقولت لبنات خالاتي وصحباتي بس مني عارفة ايش الي احس فيه وسواس ولا خوف من الجاي ماعرف ايش الي بقلبي ياليت تقولولي ايش هذا الاحساس واحد منكم سار معاه نفس ماسار معايا وايش حستو ؟؟ |
فينكم يااعضاء المنتدى الله يخليكم لاتتركوني كذا ابغاكم تساعدوني وتقولولي ايش معنى هذا الاحساس |
اختي عادي لي تحسي فيه اهم شي انو ماحسيتي بنفور ولاتحسي بضيقة لما ينجاب طاريه
والحين متوترة خايفة انو ماتعجبيه اختي توكلي الله ولاتفكري بالموضوع كثير وان شاء الله مايصير الا كل خير |
الله يريحك زي مريحتي قلبي لا انا ماحسيت بنفور وعادي اذا انجاب طاريه او اتكلمت فيه بس امي قالتلي يمكن الي تحسيه وسواس او نفس وقالتلي اقرائي سورة البقرة قبل لاتنامي كل يوم ويارب مايسير الا كل خير |
| الساعة الآن 06:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©