|
ذكرى المكان والزمان جداً حزينه وصعبه
هل استطيع ان انسى طليقتي مع من سوف يحلفها الحظ ونتزوج حيث سووووف امر بالمكان والزمان والمنتزهااات التي سوف تشعل في قلبي بذكرى مؤلمه مع طليقتي حيث احلف انه لايوجد مكان الا وجلسنا سويا فيه مالحل من سنه ونصف طلقتها وانا على وشك الزواج من جديد بصراااااحه لم استطيع انسها والله انها تقطر دمعتي كل ما مريت بمكان جلست فيه انا وهيه فهل اقدر انسها ما الحل لن بصراحه كنا نحب بعض الى درجة عاليه بس غلطه وافترقنا بس صدق من قال ومن الحب ماقتل :mad:
|
الله يهديك ، إذا تحبها ليه تطلقها ؟؟
أنت رجل وهذا شعورك ،، تخيييييل وش شعورها الآن ؟؟ آسفه على هذا اللوم ، ولكن ما تمر فيه لازلت أمر فيه أنا الآن الشوارع ، المتنزهات ، الأسواق ، المستشفيات ، أمنيتي أن أمسح من ذاكرتي كل مكان ،، الحمد لله كنت أبغى أعرف هل يمر الرجل بهذا الشعووور أو لا ؟؟ وها أنت مثال حي لموضوع شغل فكري كثييييراً و أتعذب بسببه كثيييراً كل ما خرجت من المنزل . |
سؤال خارج النص :: هل جميع الرجال يمرون بذلك ؟ أم إنك تعتبر نشاز في أوركسترا الرجال المطلقين ؟ |
السلام عليكم
نفس تساؤل الأخوات غربة الروح و take breath هل يشعر الرجل بالحنين لمطلقته ؟ طيب اخوي ابهاوي اذا تحبها وهي لسى ما تزوجت ليش ما ترجعون لبعض !! الله يكتب لك اللي فيه الخير ان شاالله تحياتي،،، |
ببما انو مقبل على زواج مارح اقولك اضفط على الزر وانسى اكيد لا
بس شوي شوي صدقني رحح تنسى وان شاء الله زوجتك الجديده رح تعوضك ربي يوفقك ويسعدك |
لن تقدر ان تنساها فالزواج ليس العلاج السحري لمن كنت تحب و يبدو انك لم تحل مشكلتك العاطفية في طلاقها
فيبدو لي ان الطلاق العاطفي لم يقع حتى الان بالرغم من ان الطلاق القانوني قد وقع بينكما ... تمهل في قرار زواجك الثاني و لا تستعجل ... و استشر اخصائي نفسي و الله يوفقك |
آآآه وهل حطم أقفال القلوب إلا الحب وذكرياته
أقلب طرفي في السماء لعله يلاقي طرفها طرفي فنلتقي |
بنصحك لو ما زلت تحبها ... تزوجها من جديد
ما تتعجل بموضوع زواجك الجديد |
اشكركم من اعماق قلبي على مروركم الرجل يحن قلبه له عاطفه وقلب حنوون مستحيل رجل ينسى العشره مهما صااااار اما بالنسبه للعوووووده ونرجع لبعض لا استطيع ان ارجع لها الا اذا حسيت انها تبي نرجع معي وتخيلوا من مره الى مره اشوفها تطلع مع اهلها واشوفها فجئه طبعا ما حست في ابدا من بعيد الى بعيد فهل هي تحن لي زي ما احن لها اعرف انه تموووووت في بس صااااار الى صاااار وشششششششش الحل اذا ما لمحت لي بالعوده بان تكلم او رساله الى احد الاشخاص الاقارب باي طريقه تسطتيع ان تصل لي بس احب اشوووف ردها قبل ما اتسرع بالزواج
|
ماسبب الطلاق |
مرحبا
طيب اخوي ابهاوي ليش ما تبادر انت وتجس النبض !! يمكن هي تبي ترجع لك بعد بس محرجه .. وصعب الأنثى تبادر .. جرب يمكن ربي يكتب بينكم نصيب من جديد منت خسران شي الله يوفقك إن شاءالله |
مع كلام أختي دااانيه ، خل المبادرة منك انت ، وإذا أنعدمت وسائل الإتصال أرسل لها رسالة مع أختك أمك أي أحد أهم شي توصلها وتعرف موقفها قبل لا تتزوج وتظلم نفسك وتظلمها وتظلم زوجتك الثانية معك .
|
ممكن اعرف ايش اللي خلاك تحبها هالحب ؟؟
ايش صفاتها اللي من خلالها حبيتها؟ |
رجعها اي وحده مكانها ماتبادر تخاف ترفض وتنكسر كسر ثاني غير الطلاق
انتم اقوى بتحمل الرفض لورفضتك توكل على الله وتزوج غيره وحتى لومانسيتها تكون حاولت فمايجي يوم تندم انك ماحاولت وانت لاتروح لاهلها مباشره شوف احد من قرايبها مثلا ولد عمها اولد عمتها يكلم اهلها انك بترجعها اذا ابدو قبول تقدم رسمي واذا رفضوا ترى مافيها اهانه ولاشي اما تقعد كذا حرام تضيع وقت ربي يجمعكم على خير |
مشكورييييين على سعة صدوركم ومروركم انا بحاول اجس نبضها من بعيد اما اروح لها صعبه لن جلست افهمهم سته اشهر بان تخزي الشيطااان وترجع مع العلم انها هي الغلطانه مائه بالمائه ولكن شافت نفسها الان بصراحه نااااس كلموا الوالده وقالوا خليه يجي ياخذ بنتي ونحن شارينكم والاسره معروفه محترمه متدينه الخ وش رائكم احاول او اخطب واتوكل على الله
|
الله يعينك على بلواك من جد فراق الاحبه صعب ...اخي الكريم لا احد يستطيع حل مشكلتك سواك انت اعلم بزوجتك ان كانت تحبك غما عليك الا الاتصال والتفاهم معها شخصيا..واكيد لو هي تفكر فيك مثل ماتفكر فيها راح تفرح باتصالك ..توكل على الله وكلمها قبل لا يفوت الوقتالله ولي التوفيق
|
اقتباس:
اذا أهل طليقتك معناها انهم هم اخر من حاول الاصلاح ...الحين دورك أنت ...هي بادرت وانت ما تجاوبت ..اذا تبيها رد على بادرتها وارسل من يجس نبضها اذا لا زالت على رأيها ...حاول تفهم رأيها هي مو يجيك رأي أهلها على أنه رأيها . لا تكمل مشروع الخطوبة قبل ما تنهي موضوعك الاول وتظلم الجميع |
الطليقه لا حس ولا خبر وقصدي خطيبتي الجديديده ومستحييييييل ان اروح واكلمهم بان ترجع طليقتي لن ممكن معاد تحب ترجع وانا اطيح وجهي عندهم وباستطعاته اذا تبي ترجع ان تلمح لشخص يمووووون علي وعليييييها بشكل سري والباقي علي بس لا حس ولا خبر ومشكككككككورين على موررركم وفديتكم
|
طيب شنو اسباب الطلاق وهل بينكم اطفال وهل هي طالبه الطلاق؟؟؟؟؟؟؟؟ |
عمر المراه يااخي ماتبادر نادر بمجتمعنا
انت الي بادر وجس نبضها ولا تظلم بنت الناس وانت قلبك مع طليقتك اذا انت خايف انها تجرحك مره هي خااايفه انك تجرحها مليون مررره واذا انت تنزل دمعتك على ذكراكم هي تلقاها تتعذب باليوم والليله مليون مره من جد لاتتعجل بالزواج بل ماتتاكد لو وافقت ترجعك خير وبركه والله يهنيكم ولو مارجعت لك وجرحتك تكون فرصه انك تكرهها وتبدا تفرغ مشاعرك للحب الجديد |
اسباب الطلاق غلطه تافه وحطة كلام في وللللله ماحصل باختصار سبت اهلي سب وحطة فيهم شي لا يعقل بدون اسباب الا لاالالن بس تبي تحط مشكله وماتبي المنطقه الى انا عايش فيها تبي نقل منطقة اهلها
|
انصحك ما تتسرع بالزواج من خطيبتك اخاف تظلمها معك وتصير بينكم مشاكل بعد الزواج بسبب حبك لطليقتك
|
وانت ايش تبي فيها اذا هي سبت اهلك وغيركذا ماتبي تعيش في منطقتك...واضح انها ماتهمها حياتكم الزوجيه وشايفه نفسها
ليش ماتعطي نفسك فرصك عشان تنساها..ارتبط في غيرهاوعيش مع انسانه اخرى تنسيك طليقتك وايامها عندي سؤال خارج عن الموضوع لوتكرمت...ماالاسباب الي خلتك تحبها هاالحب وماتبي غيرها؟؟ |
اقتباس:
أنا مع الأخت توفي وفيصل باااااااااااااااااااااااااااادر وجرب صعب على المرأة المبادره والله يكتب لك الي فيه الخير |
الذكرى ذكراك والقلب لن ينساك عباره دايم نسمعها بس مايفهمها الإنسان إلا لما يعيش معناها الحقيقي ويحس بحرقتها أخوي أبهاوي من الأفضل إنك ماتتزوج وأنت مازلت تحب طليقتك حتى لاتظلم إنسانه معك ثانيه ومايدريك لعلا هناك شئ بين أهلك وطليقتك أنت مافهمته ولا حسيت فيه وإذا كان الطلاق بسبب مشاكل مع أهلك فترى كل أهل الأزواج مع حريم عيالهم تصير مشاكل
بعض الزوجات قلبهاكبير وتصبر وتحتمل أهل زوجها وتحتسب الأجر عند الله وبعض الزوجات لاماتقدرتصبر لوغلطوا عليها أو ضايقوها بشئ وشافت زوجها مع أهله بكل شئ فأكيد بتنفجر وبالذات لوكانت عنيده وعصبيه في وقت الغضب أحيانا الإنسان مايقدر يمسك نفسه عن الكلام الجارح ويقول أي شئ بدون مايحس عن نفسه ويفترض بأهلك إذا كانوا عارفين طبعها إنهم يتركوها لحالها ولايحتكوا فيها بالذات الأخوات أخواتك إذا عندك خوات بصراحه ياخوي حنا متزوجات وعندنا خوات أزواجنا أحيانا يتحركشون ويتعالوا على زوجة الأخ بحكم أشياء واجد أولا الغيره منها بالذات إذا كنت مدلعها ومريحها وعايشه معك سعيده طبعا بعضهم مو كلهم وأنا زوجي عنده أربع أخوات كلهم طيبين معي إلا واحده دايم تتدخل بيننا أنا وزوجي لدرجة إنها وصلت إنها أتهمتني بأني ساحرة أخوها والعياذ بالله ودايم تسأل وش مسوية لأخوي دايم يركض وراك صار ماعاد يشوفنا شئ بعينه وسبق وصار بيننا خلاف بيننا وصل لمد الأيدي لأني ماقدرت أتحملها فقعت مرارتي وصبرت وصبرت عليها بس يوم وصلت إنها تسب أهلي وأمي ماقدرت أحتمل وأنفجرت وتضاربنا مع بعض بس الحمدالله عدت على خيرورب ضارة نافعه خفت ماعادت مثل أول تحتك فيه وتسأل عن خصوصياتي أنا وزوجي فأنت إنتبه لهاذي النقطه زين يمكن أن زوجتك ماسبت ولعنت أهلك إلا إنه صار شئ وأستفزها حيل بعدين حرام تقتل حبك علشان مشاكل مثل كذا وترى الأهل ماراح ينسوا لهاسبتهالهم أبد لورجعتها لعصمتك وكلمه خذها زين أتوقع لوحصل لك شئ لقدر الله ما أحد من أهلك بيهتم فيك مثل زوجتك حتى الأم بتحزن عليك وبتضايق أيام وبعدها تلتهي بعيالها الثانين لاكن زوجتك لا ما أحد بيشيل همك مثلهاويهتم فيك ويراعيك غيرها بالذات إنها تحبك وكيف أمك تقول لك أم البنت جات وقالت حنا شارينه ونبغاه لبنتنا حنا بنزوجه صدقني إن السالفه مخطط لها الحين بيزوجوك علشان في بالهم ينسوك طليقتك لأنهم حاسين بحبك لها وخايفين ترجعها بأي لحظه ونصيحه لك لاتطاوعهم وتتزوج وأنت معلق قلبك بطليقتك وأنت إنسان وفي ومخلص لزوجتك بدليل إنك مازلت عايش على ذكرياتها وأنا أحس إنك طلقتها بسبب إنك وقعت بين نارين نار حب زوجتك ونار الثأر لكرامة أهلك طبعا بدافع من أهلك أو بطلب زوجتك الطلاق منك لأنها أحست بقهروغصه ولم تجدك تساندها أو أقل شئ تهدي الأوضاع بينهم وقت المشاكل بل تقف وقفة المتفرج لأن ليس بيدك شئ إن وقفت بصفها زعلوا أهلك عليك وقالوا فضلها علينا أوإن وقفت مع أهلك قالت مايحبني واقف مع أهله ويدافع عنهم وحتى سكوتك ماراح ينفع في هاذي الحاله وتأزم الوضع وتطلقتوا أنت وياها الحين أنت بهم وهي في هم الله يعلم فيه في اليل أهلك كلن توسد وسادته ونام مادرى عنك وكل واحد ينام وقلبه خالي من الهموم وأنت وياها كلن يبات على ذكريات الثاني ويتذكر أحلى واغلى لحظات قضيتوهامع بعض والقهروالحسره تاكل قلوبكم والله ما أحد من أهلك بيحس بجرحك وإللي أنت فيه إلتفت لعمرك وراجع زوجتك البنت مستحيل تراسلك بالذات إذا كانت تحس إن كرامتها إنهدرت بسبب الطلاق وقلبها إنجرح وحنا في مجتمع مغلق مو مثل برى تتصل عليك وتقول لك تعال خلنا نتفاهم أو نطلع برى نتفاهم في مكان هادئ حنا في مجتمع محافظ والبنت عيب تكلم طليقها لأن العادات والتقاليد تختلف وفي هاذي الحاله أرسل عليها زوجة زميل لك أو صديقه لها أنت تعرف زوجها أو أخوها كلمه يخلي صديقتها تكلمها أفضل من إنك ترسل أمك أو أختك لأنهابتزيد الطين بله بالذات إن طلاقها صار بسبب أهلك كيف تبغاها تستقبلهم بعد ما أنخرب بيتها بسبتهم حتى عماتك أو خالاتك لاترسل أحد منهم يمكن يكيدون لك كيد ويرحون لها ويجون يقولون لك كلام هي ماقالته لهم أو مايفاتحوها بالموضوع ويقولون لك رفضت ترجع لك وهي ماتكلمت إنتبه لهاذي النقطه وأنا أشوف أحسن شئ إذا كنت تعرف رقم جوالها تدق عليها وتكلمها شخصيا بنفسك وتحاول فيها وتذكر لها إلهم إللي أنت فيه وتشرح لها حالك من بعدها وإن شاء الله قلبها يلين بإذن الله وترجع لك وأوعدها إن إللي حصل ماعاد يتكرر بالنسبه لسالفة النقل يا أخي أكذب عليها قول لها قدمت نقل وإن شاء الله جاي بالسره وبعد ماترجع بفتره قول لها رفضوا نقلي قالوا لوتميت بعد كذا سنه ننقلك المنطقه إللي تبغاها أوتمكنها بالسره بالسره حتى تنسى سالفة النقل أو إذا أنت مقتنع بالنقل وبتشوفه بيسعد حياتك ليش ماتنقل منطقتها وقول لها أنا نقلت علشانك ضحيت بكل شئ من أجلك إذا شفت إنها بترجع لك وطبعا إذا كنت تحبها قدم تضحيات حتى تحس بمحبتك لهاوترد لها إعتبارها بعدطلاقها وصدقني إن شاء الله بترجع لك يارب إذاكنت تحبها صدقني لو تتزوج أربع ماراح تقتنع فيهم وأنت مازلت تحبها لاكن إذا رفضت الرجعه لك خلاص على كذا تزوج الله يسهل عليك ولاتلتفت للماضي أبدا لأنك لو ظليت تلتفت للماضي فلن تسعد في حياتك ولن ترتاح معك زوجتك الجديده فحاول تنساها للأبد إذا رفضتك وقول من باعنا بعناه حتى لوكان غالي أخوي الله يسهل دربك ويجمعك بحبك وزوجتك عن قريب يارب وأتمنا إنك توافينا بالنتائج وإن شاء الله تكون مفرحه لك ولنا . |
اشكرك من اعمااااااااااااااااااق قلبي على هاالتعبير الحلو وجزيتي خيرا والللللله ان ارتاحت كثيييييير وربي يسر الامر اكرررر شكري وتقديري لكي اختي بنت الحكمي ودمتم جميعا
|
ما ادري ليه الرجل يشعر بانه يقلل من قدره عندما يتوود لزوجته او حتى طليقته
تلميحك انت او حتى تصريحك بالرجوع لها هذا من كمال الرجولة لانك انت الرجل والجانب الاقوى بيدك ارجاعها وحتى طلاقها كيف تريد منها التلميح والامر ليس بيدها اعزم واستخير بقلب حاضر وابعث لها رسالة قصيرة مضمونها انك تود العودة فما رايها واياك ان تتزوج ومشاعرك كما هي !! |
مافي بعد بنت الحكمي كلام
الله يسعدها قالت لك الاسباب وقالت لك الطريقة والله يعينك لاتظلم الجديدة وانت قلبك معلق، لأنها اول ماتصير المشكلة قلوبكم بتحن والزواج الجديد بيكون هو الكارثة والله يردكم لبعض ولاااااااااااااااااااتنس الاستخااااااااااااااااااااااااااارة |
الأخ أبهاوي نصيحة لله إذا كان في إمكانك الرجوع و العقد من جديد فحاول لا تنتظر الخطوة منها لأن النساء عنصر ضعيف ولا تستطيع التصريح مهما كانت تحبك فإن كانت درست موضوع رجوعك لها من كل الجهات فتوكل على الله وقبل أن يتقدم غيرك فلا ينفع الندم أما إذا كان رجوعكما من باب التعود وخوفا من أن تكون في يد غيرك فلا تقدم أبدا لا على رجوع العلاقة ولا على زواج جديد علماء النفس أخي ينصحوا أن تكون بين تجربتي الزواج ما لا يقل عن الثلاث سنوات ليكون الزواج الجديد ناجح في البداية يكون الوضع صعب لكن مع التعود و عمل تمارين الاسترخاء وتكرار الدعاء ستنسى وهذا ماذكرته الآية الكريمة وإن يتفرقا يغني الله كل من سعته ) وعن تجربة أخي بفضل من الله تناسيت عشرة عشر سنوات بحلوها و مرها بهذه الطريقة ألهمك الله رشدك وأعانك لما فيه الخير لك في دينك ودنياك |
تـشكي و أنـا أبـكـي
يا ذكراهُم علّى وجَهي حكـايات الشّقـا و الشّوق و أنـا قلّبي ما يـتحَملْ تعـابير الغَيـابْ سَنيـنْ ..! يا ذكراهُم يفَيـق الجَرح ْفيّ صدَري و يغفَى بين حَين و حَيِن ..! آه من الحـب و عذاب الفـراق إللي يـحب كيف ينـسسسى ؟؟ علمونــي يا عالـم كيـف يـنسى كيـف !! الله يـصصصبر قلـوبنـــا يــارب |
يارب انزع كل الذكريات من بالي ولأنها سيئة اتمنى انساها اليوم قبل بكرة وكل الأماكن الي مريت فيها معاه تمحي من على الوجود الود ودي امسحه هو من على وجه الأرض هو واهله لا بارك الله فيهم هذا تعليقي عى الموضوع اما نصيحتي لك يا ابهاوي فحرام تاخذ الثانية ولسه للاولى بقايا في قلبك حتظلم نفسك وانسانه مالها اي ذنب واذا قلبك قوي ارجع واطلب الرجعة لزوجتك بعد ما تجس نبضها ترااها مو نهاية الدنيا لو قالت لا بس حتكون نهاية وساوسك ومعاناتك وان كانت قاسية النهاية تفائل ببداية صح مع انسانة تستاهلك
|
| الساعة الآن 04:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©