|
كرهت زوجي....
السلام عليكم ورحمه الله وبركاته اخواني واخواتي اتمنى اانكم تساعدوني في مشكلتي لانها مأثره في نفسيتي بالمره وافكر بالطلاق انا لسا متزوجه جديد لي اربع شهور وافقت على زوجي بقناعه وهو بعد وكان في بيننا اتفاق وحب فتره الملكه بس المشكله ظهرت بعد الزواج زوجي ابدا بدا مايهتم بنظافته الشخصيه بشكل مزعج جدا يجي من عمله ويجلس معاي بملابسه و بعرقه ولما يجي وقت النوم ينام بملابس العمل او انه يلبس ثوب النوم بدون مايتحمم ويطلب مني(.....) وهوا بهذي الحاله كنت في البدايه اجامله واعطبه اللي يبغاه بس بعدين ماقدررررت حاسه بقرف من ريحته وسوء نظافته وصرت اتهرب منه بأي طريقه واذا دخل الحمام وانتوا بكرامه بتركه بحاله مزريه لدرجه اني اقرررررف اني ادخل بعده الحمام غير انه مايغتسل ولايستبريء من بوله _ مع العلم اني حاولت اني المحله انه لازم يتحمم ويتعطر ويهتم بنظافته واني احب اشوفه في احسن مظهر مثل ماهو يحب يشوفني وجبتها باكثر من طريقه مره برومانسيه ومره بمزح بس ابدا مافي فايده ومافي تغيير وفي شي غريب لاحظته فيه وسامحوني على هذا الكلام لاحظت انه ينزل المخاط من انفه وياكله مثل الاطفال وبعد لاحظت انه بعد ماياكل الاكل بوقت يسترجع الاكل من داخل بطنه الى فمه ويرجع يمضغه في فمه كأنه يجتر الاكل وهذا الشي فاجأني وازعجني جدا بس انا ماقدرت اصارحه بهذي الامرين ولا بينت له اني عارفه لانها امور محرجه بس هذي الامور مأثره على نفسيتي ومأثره على علاقتنا صرت ماأطييييييييقه واقرررررف منه واتهرب منه واجلس عند اهلي بالاسابيع وصرت حاليا افكر بالطلاق لاني حاسه اني اكرهه انصحوني هل في طريقه اقدر اغيره فيها لانها امور محرجه جدا وماني عارفه كيف اصارحه فيها عشان يتغير او اني افكر بالطلاق وارتاح الله يسعدكم ساعدوني والله تعبانه |
زوجك بحاجه إلى طبيب نفسي ووعظ ديني شديد
|
ضروري بدايه تصارحينه ....
استنفد فرصه بالتلميح |
الله يعينك اختي ويفرج همك موضوع النظافه ده مهم جدااااا صارحيه وقوليله الي مضايقك منه بس بطريقه لطيفه وربنا يسهلك الامور ان شاء الله |
لاحول ولاقوة الابالله
طيب يااختي في فترة الملكه مالاحظتي عدم نظافته لمايجي يزورك وايضا هل والدته متوفيه واذا كانت متوفيه من يوم هوطفل صغير يمكن متأثرلسبب سوء التربيه بعد وفاة والدته والصلاه محافظ عليهاولا لا...وهل بعد الجماع يغتسل...سامحيني على هذي الاسئله بس عشان توضح الصوره اكثر..والله انه كسرخاطري هذا عنده مشكله مأثره عليه لازم تصارحينه اقل شي باالاستحمام كل يوم والاغتسال بعد الحمام وانتي بكرامه وانااعتقد انه عنده مس جان لانه مايحب النظافه هذي كلهااعراض مس الله يشفيه جربي تشغلي في بيتك الرقيه او سورة البقره وارفعي الصوت وراقبي تصرفاته.. يمكن حتى هو حاس باالاشياء هذي ومو راضي بس موقادر يتحكم في نفسه والله أعلم... |
اختاري واحد من ثلا امور
1- الطلااااق 2- المصارحه 3- او تسكتي وتجاملي وتعيشي بقرررف بقية عمرك !!!!! ايش رايك بهالاختيارات؟ ايش افضل واحد فيهم برأيك الكل راح يوافقني ويقووول افضل شيء المصـــــــــــــــــــــــــارحه لا تقولي استحي والا امزح معه علشان يفهمها قولي له يافلان ابغاك بكلمة وارجوك لا تتحسس مني انا هدفي نعيش مرتاحين باقي عمرنا وقولي له انا اتضايق من .... ومن ..... ومن ............ اذكري له صفاته السيئه من عدم نظافه واهتمام وخليك جريئه وصريحه وحطي عينك بعينه لأنه هالشيء المفروض ما يصير بين اي زوجين والنظافه مطلووووبه موب هووو جريء معك وما راعاك في مسألة النظافه انتي لازم تكوني جريئه وتصارحيه ؟ اذا حسيتيه معند قولي اسفه انا كبدي تلوووع ما اقدر البي لك طلبك لو تطلبني في الفراش الا لما تهتم بنفسك وبالتالي ارغب فيك يمكن هووو عنده فكره غلط انه الرجال المفروووض يكووون بريحته الطبيعيه واللي يصاحبها عدم اهتمام من بعض الرجال - ظنا منه انه هالشيء يحبونه النساء!! وعلى فكره خذيها مني نصيحه اذا بتصارحينه لو تقولينها بطريقة المزح خطأ لأنه راح يفهمها انك مووب جاده مررره قوليها بطريق عاديه من دون ابتسامه ومن دون تكشيره وفي الاول والاخير انتي لك حق ولازم تاخذيه |
في اشياء غريبه قاعده تصير مثل ماقالت الاخت كاسترجاع الاكل من بطنه ومضغه مره ثانيه..وانتم بكرامه
يعني شي غير سالفة النظافه ماله علاقه في الفراش ..ممكن اي احد يلاحظ مو بس زوجته اختي شخصي حالته قبل ان تقرري الطلاق يمكن مريض وله علاج |
اقتباس:
والمشكله الاكبر انه عنييد جدا مايحب اي احد ينصحه |
والله يا أختي مدري إيش أقول في مثل وضعك بس عندي لك حل إذا أنتي ماقدرتي تصارحينه أكتبي له رساله ووضحي الأشياء إللي مضايقتك فيه وفهميه إنك تحبينه وماودك تخسريه بسبب هل العادات وأطلبي منه التفكير بكلامك وكمان لو أرفقتي مع الرساله كتيب أومطويه توضح الأشياء المطلوبه بين الزوجين ومن ضمنها النظافه الشخصيه وقولي له أنا أستحيت أصارحك بوجهك علشان ماأجرح شعورك وكتبت لك إللي أبغاه منك وأتمنا لولك عليه ملاحظات في نظافتي أو لبسي أو أي شئ فوضحه لي حتى أصلحه مثل ماوضحت لك إللي بخاطري
وأتركي الرساله له في مكان بارز في البيت وروحي زياره لأهلك يارب إن شاء الله تجيب نتيجه ويتغير وينصلح الحال . |
هل يعاني من مشاكل أخرى؟
أين يعمل؟ ما هو مستواه الدراسي؟ ما هو مستوى أهله في النظافه؟ كيف كانت طفولته؟ |
شكرا جزيلا لتواصلكم احب اوضح اني مااعرف اي شي عن طفولته لانه مايقربلي ومستواه الدراسي جامعي مثقف جدا يعمل في التجاره للاسف مايهتم بالصلاه ولا بالاغتسال بعد الجماع وبالنسبه لنظافه اهله مو ذاك الزود بس انا اشوف حتى لو اهله مو نظيفين اهو متعلم ويشوف الناس والعالم والمفروض يقارن وللاسف زوجي مايتقبل النصح ابدا ابدا لانه عنيد ويتحسس من كلامي جدا عشان كذا ماني قادره اصارحه وفي نفس الوقت تعبت وزعلانه على حالي وعلى حياتي معاه |
اقتباس:
يعني منتي خاسرة شي لو صارحتيه بحزم حتى لو تحسس ... ما عليه ... فكري في نفسك الحين وليس فيه ... لأن ما الومك الحالة كذا صعبة وما تنطاق ... انتي تناقضين نفسك ... بتطلبين الطلاق معليش ؟ لكن انك تطالبينه بحزم لا .. عشان ما يتحسس !!! |
أكتبي له برساله وارسليها على الايميل واذا ماعنده اكتبي له بورقه واتركيها بغرفه النوم واخرجي عنه
وبعدها بيفهم ولاتسكتي انا تقرفت صراحه اعوذ بالله |
هذا الشخص يبيله رقيه شرعيه مافي انسان طبيعي نفس حالته ..اليهود الي هم يهود صحيح مايغتسلون بعد التبول اكرمكم الله لكنهم يتحممون كل يوم الصباح..ويغتسلون بعد الجماع
لا اكيد فيه شي يمنعه خصوصا انه مايصلي..شغلي الرقيه في بيتك بصوت عالي وراقبي تصرفاته واذا ماطلعتي بنتيجه منتي مجبره تعيشين مع شخص بهذي الصفات خصوصا انه مايصلي .ولك العوض ان شاءالله |
الأهم من هذا كله يا اخت كيف قبلتي برجل لا يصلي !!!!! وعلى أي أساس قبلتي به كزوج !!!! فكري بطريقة اختيارك للقرارات يعني على كلامك لو انه نظيف وكشيخ وكل شي بس ما يصلي ما عندك مشكلة !!!! الله يعينك بس المشكلة اعمق مما انت متصورة |
طيب سؤال أنتم سألتوا عنه قبل الزوااج من حيث الصلاة بالذات لأنها أهم شي , وهل أستخرتي ؟
زوجك غريب جدا مايهتم في نظاافته الشخصية سمعت مثل كذا , لكن الأشياء الي يعملها مستحيل تكون من شخص عااقل لأنها أشياء مقززة ترفضها النفس البشرية , مش قادرة أستوعب أن فيه أحد عاقل ممكن تصدر منه مثل هالتصرفاات . مشكلة زوجك, ماأظن أن حلها سهل , يعني تدرين ريحة العرق ونومه بملابس قذرة , تكون أهون مافي الموضوع بالرغم أنه ماهي سهلة طبعا لأن تهاونه في الصلاة وتقصيره في أمور دينه أصعب , ثم التصرفات الي ذكرتيها , كل مشكلة يبي لها حل جذري , لا التلميح نفع ولا التصريح يراح يجيب نتيجة إذا هو عنيد , رااح ياخذ المسألة بعناااد. إذا كنت تملكين القدرة على تغييره فاصبري ,ووالا أنتي مش مجبورة على الحيااة مع شخص مقصردينيا وشاذ سلوكيا. تصدقين أنا ماقدرت أكمل فطوري لماقريت مشكلتك , الله يكون في عونك وأسأل الله أن يهديه ويشفيه. والحمدلله الذي عافانا مماأبتلاه به . |
للاشخاص اللي يقولون كيف قبلتيه وهو مايصلي وكيف تقدمين نظافته على صلاته
للاسف انا واهلي غرر بنا خدعونا اهله وكل اللي حوله وقالوا انه يصلي وهو كان فذيك الفتره يظهر امامنا الصلاح وكان فعلا يحافظ على صلاته في المسجد وكان نظيف ويهتم بمظهره وعرفت حقيقته بعد الزواج وانا لايمكن اقدم شياكته ومظهره على صلاته او ارضى بشخص عاصي لربه والله عالم بمدى المي من هذا الموضوع كلمت شيوخ كثير في موضوع الصلاه وقالولي حاولي معاه وجاهدي لعل الله يهديه ويصلح حاله وجبيت استشيركم في موضوع النظافه وعاداته السيئه الي زادت الطين بله وخلت كرهي ونفوري له يزيد |
شوفي حبيبتي الله يفرج همك , والله ماالومك على القرف الي أنت عايشته والي أكيد مسبب لك صدمة نفسية ,وصدقيني لا أنت ولا أهلك الوحيدين الي غرر بكم في مسائل الزوااج وخدعتوا فيه كثير مثلكم , نصيحة أهم شي مايكون فيه حمل , وزي ماقلت لك أنت مش مجبورة تعيشين معه وهو بهذي الحاالة أستخيري الله, والله يكتب لك الصالح .
|
اختي الفاضلة
عودي زوجكِ على النظافة استقبليه عند عودته من عمله بحمام دافئ ادعكيه بالليفة و الصابون و الشامبو بنفسك .. لبسيه بيديكِ و عطريه .. مشطي شعره مع الأيام ستلاحظين تغيره و اهتمامه بالنظافة أما ما ذكرتي من اجتراره الطعام .. فتأكدي جيداً من هذا الأمر قبل اتهامه به ربما حالتك النفسية المتضايقة من عدم نظافته جعلتكِ تظنين حدوث ذلك منه . الحياة الزوجية عطاء لآخر العمر و إلا لن تستقيم و لن نشعر بالسعادة و الحب الذي نرغبه .. لا تظني أن الأزواج السعداء لم يقدموا شيئاً و لم يتحملوا الكثير للوصول مع أزواجهم إلى بر الأمان .. و زوجكِ و إن كان على ما ذكرتي .. هو قابل للتغيير انظري إلى إيجابياته هو بالتأكيد لديه إيجابيات لعله طيب القلب لا يهينكِ و لا يضربكِ و يسمح لكِ للبقاء الطويل عن أهلكِ دون تذمر فهو يستحق أن تعينيه و تساعديه و تجعلي منه الإنسان الذي تتمنينه . أسأل الله تعالى لكِ التوفيق والسعادة . |
اقتباس:
ردي الأول كان على مشاركتكِ الأولى أما انه لا يصلي و لا يغتسل بعد الجماع فهذه أمور خطيرة لا يمكن السكوت عليها أبداً استخيري اخيتي قبل الإقدام على تطبيق أي قرار . كان الله في عونك |
طبعا السكوت على الوضع صعب واصعبها عدم الصلاة
يحتاج الى مصارحة واذا لم تستطعين المواجهه عليك برسالة ايميل أو رسالة جوال وقد يحتاج الى دكتور نفسي اعانك الله وسهل الله امرك |
والله ياختي قرفت وانا اقرا
الله الله يكون بعونك ياختي النظافة من الايمان وش تبين فيه طلقيه تكفين مو يحق لك تجلسين عند اهلك والله يحق لك اكثر من كذا حبيبتي هذا زوجك ماودي اجلس اجرح بس لا يكلف الله نفسا الا وسعها حتى لو تنظف نفسيا انتي ماراح ترتاحين لانك شايفة اساسه القرف مدري وش اقول بس والله شى مزعج جدا ياروحي عليك والله شى يحزن |
يالغاليه . لابد انك تمدحينه لو بالكذب واضحكي عيله وقولي له اهلك يتكلموا ويقولوا زوجك تغير وصار شكله نظيف
ويهتم بنفسه وان السعاده واضحه عليه من بعد زواجه تغير بشكل كبير وانا فخوره فيك وفي نفسي خذيه بالحيله امدحيه وخليه يوصل من مدحك للسماء . قولي الكل لاحظ . انتي جهزي له ملابسه بنفسك وطلعيها وعطريها , حتى ملابسه الداخليه حطي عليها عطر بيني له انك مهتمه فيه وفي نظافته . لاتهملينه والله يتمادى ويتاكسل . |
هذه اشكاليه كبيره هو بحاجة الى من يرشده بهذا الامر وحبذا لو تكتبي رساله صغيره وتضعيها في محفظته لعله يقرءاها وفيها حث ومعنويه ولو ايضا تشعري احد يكون صديق له يشعره باهمية النظافه بشكل عام لعله يتنبه لهذا الامر والله ييسر امرك ويعينك |
أنا ما اشوف مشكلة في المصارحة
بس اذا انتي خايفة تجرحينه خذيه يوم وحمميه وقولي الله وش الحلا ذا اثرك حليوة وانا مدري هع وابسطيه بعد ماتحمميينه اتوقع إنه بيهتم مانفع صارحيه عادي قولي يابن الناس انا كذا اتقرف واكره حياتي بليز عشاني اهتم وانتهينا اوما طلاق لهالسبب !!! يعني شيء مقدور عليه وبسهولة يتغير ماينفع طلاق عشانه |
بصراحة يعاني من حالة نفسية أسأل الله له العافية والشفاء..
الله يكون في عونك |
لا حول ولاقوة الا بالله فعلا شي صعببببب
اختي طيب مالاحظتي عليه هالاشياء بالملكة وقبل الزواج؟ مستحيل يعني مالاحظتي اي شي |
شوفي حبيتي
انا ماراح اجاملك عندك حلين لا ثالث لهما صارحيييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييه بكل شي يتحسس مايتحسس كيفه اجل يلوع كبدك اذا مافاد مالك الا الطلاااااااااااااااااق والله انا تقرفت ولاعت كبدي اجل انتي اللي عايشه معه وش شعورك الله المستعان |
السالفه هذي غريبه وماهي داخله مزاجي!!
وش صار يامشرفات ياليت تمسحون الكلام المقرف اللى كاتبته الاخت!! |
السلام عليكم
فيه طريقه عقلانيه عشان تتحاورين مع شخص عنيد و حساس مثله شوفي من الإنترنت (اعذريني ما عندي وقت اشوف لك) موقع فيه الأمراض اللي تنتقل باللمس طبعا مثل ( الأنفلونزا , انفلونزا الخنازير , الخ ...) واذا جاء يقرب منك لما يرجع من عمله قولي له انه قرأتي هذا الكلام و اطبعيه اذا قدرتي عشان يشوف الدليل و قولي له انك تخافين على نفسك من الأمراض و اذا يبي شيء يتروش اول بالنسبه لعدم اغتساله بعد الجماع, اعتقد والله اعلم انه ممكن تعلق فيه بكتيريا و فطريات من الجهاز التناسلي الأنثوي و اذا لم تتم النظافه قد تؤدي إلى امراض و مشاكل في الجهاز التناسلي الذكوري ابحثي عن الإثبات الطبي و اطبعيه له عشان يخاف على نفسه بالنسبة لإجترار الأكل: انا اشك في العبارة هذي... ممكن الرجال تجيه حموضه من بعد الأكل بالنسبه للصلاة: اقرأي قرآن بنفسك في البيت , خليه يشوفك تصلين , قولي لي ابغى اصلي معاك جماعه اجرها اكبر ربنا يوفقك و يسهل امرك |
الطلاق
|
اقتباس:
ولو حذف هذا الكلام لظن القارئ أنها مشكلة نظافة عادية بينما هي ليست كذلك ... الموضوع أكبر من هذا صحيح احنا قرفانين لكن تخيلي حالتها المسكينة اللي عايشة معاه ... |
أختي الكريمة ..
كنت اكلم زوجي عن مشكلتك .. فقال لا يوجد إنسان طبيعي مهما بلغت به قلة النظافة أن يقوم بما يقوم به زوجك ... وأظنه متلبس ... فيقول لك شغلي قرآن في البيت وشوفي ردة فعله ... فإن لم يطق فهو كما قال ... |
انا اقول راكبو جن
متلبس بقترح تروحو على شيخ احكيلو بالأول عشان الحسد و هيك |
لا حول ولا قوة الا بالله هالشي محد يقدر يسكت عليه لازم يكون في حل خليك في بيت اهلك الين يتغير ولو سالك ليش ماترجعين وضحيله الاسباب براي كدا احسن لان مو معقوله تدارين لانك حتتعبي ومدام لسا في بداية حياتكم لازم تواجيهينه احسن ..وبعدين انت تقولي مايستبري من بوله يعني اكيد مايصلي ..انا استغرب كيف رضيتي تاخدي واحد مايصلي ماسالتو عنه مع ان الصلاة اهم شي ولو كان يصلي اكيد كان بيحافظ على نظافته ...
يمكن ردي متاخر بس ما ادري انحلت مشكلتك والا لا ..اتمنى تكوني مرتاحه ولقيتي حل |
والله ماألومك
الله يكون بعونك شي غير طبيعي أبداً!!!؟؟؟ |
اولا احب اقدم اعتذاري للجميع اذا ظايقكم موضوعي مثل مالاحظت في بعض الردود لكن اتمنى من الاشخاص اللي انزعجوا انهم ياخذون موضوعي بجديه لانها حاله موجوده ويعلم الله حجم معاناتي منها وانا ماكتبت مشكلتي الا رغبتا مني في مساعدتكم لي والاستماع الى ارائكم وحلولكم وكل الشكر لكم اخواني واخواتي على سرعه تجاوبكم و حسن اهتمامكم بمشكلتي جزاكم الله خير دعواتكم ان الله يكتب لي الخير |
صارحيه و وديه طبيب نفسي
والله يكون ف عونكِـ ربي يهديه |
أعانك الله أول شي عزيزتي مادام ما حملتي فأرجو أن تنتبهي لهذه النقطة وأن لا يتم الحمل خصوصا أنك تفكرين بالطلاق بجدية ثانيا استخدمي وسائل غير مباشرة بداية جهزي له حمامه واستحمي معه مثلا , فرشوا اسنانكم مع بعض , اشتري له مزيلات عرق , احلقي له اذا كان لا يحلق وانت تستحمين معه هذه امور افعليها وكأنها من باب حسن التبعل له ... ثالثا تكلموا عن موضوع النظافة وعبري له عن شعورك تجاه الشخص غير النظيف , اضربي له قصص بين فترة واخرى عن اناس غير نظيفين ... رابعا : صارحيه بموضوع الصلاة قولي له انا لا ارضى انك لا تصلي , وشاركيه في الصلاة صلوا مع بعض , محاضرات لمشايخ يحبهم هو , لما يبدأ يلعب بانفه اضربيه على يديه بلطف وانهيه عنها مسالة استرجاع الطعام هذه اقرف شي ما ادري كيف يسترجعه لربما هو يلعب ببقايا الطعام التي تكون في فمه .. اخيرا : اذا بقي على هالحال وشفتي انه مافيه استجابة , كلميه مباشرة واذا لم ينفع اذهبي لبيت اهلك واخبريه انك زعلانة ولن ترجعي الا لو تغير في صلاته اولا ثم في نظافته , وقولي ماظنتي طلبت منك شي ماهو في مصلحتك وشوفي كيف تسير الامور هل يتغير او لا اذا نفذت كل المحاولات فالله يعينك لربما يكون الطلاق هو الحل المهم انتبهي لموضوع الحمل لكي لا تتورطي معه بطفل |
احمدي ربك عندك زوج زي الجمل
يريحك من الطبخ زوجك مايجوع اذا جاع يستفرق وياكل يعني كل 3 ايام اطبخي مره بس انتي بنعمه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه |
| الساعة الآن 12:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©