|
ليه الدنيا ناقصه رجال!!!
السلام عليكم ورحمة الله وبركاته
تكفون مين يواسيني ينصحني يهون علي على الأقل يدعيلي انا وحده تزوجت وانا عمري 17 سنه صغيره وجميله والكل كان يتمناني والله بدون مبالغه كنت انخطب كثيير والناس حطوا فكرة الزواج في بالي وصرت ابغى اتزوج واعيش الحياه الرومنسيه "الحين عرفت ان الرومنسيه هي اسم لمطعم يسوي رز ومثلوثه فقط" وجاني فارس الاحلام الي تركت دراستي ومدينتي واهلي عشانه "قبيح الخلق والخلقه" الحمدلله اللذي عافنا مما ابتلاه "مريض نفسي" "مقرف" السبب اللي خلاني اكره اليوم الي عشت فيه معاه هو بخله الشديييييييييييييييييييييد بس وافقت عليه وتزوجنا وندمت مليون مره وعشت بوحده شديده واكتئاب وجبت عيال منه لاني كنت جاهله في امور موانع الحمل كثير المهم تطلقت منه بعد معاناه 5 سنوات ومحاكم والحمدلله فرجت بس بديت حياتي كلها بهم وضيقه وشفت امور مااتوقع احد في عمري شافها بعد طلاقي عشت راحه نفسيه لاني تطلقت وعذاااااااااب لاني فارقت عيالي فكرت بالزواج يمكن هالمره الحظ يصدق وليتني مافكرت في الموضوع كلمت خطابات ورزيت عمري بكل مكان فيه جمعات وحريم وياحسرتي ما احد يرضى بمطلقه وام اطفال والبنات ماليين البلد المهم بلحظه تقدملي واحد """""""متزوووووج""""""" كان يسب ويلعن في زواجه ويوعدني بنجوم السما يحطها تحت رجولي اااه يا قهر قلبي تزوجته وانا في مدينه غير مدينه واكتشفت انه انسان عنده رعب زوجته الاولى وزوجته الاولى الحمدلله والشكر لسانها طويييييل والله تسبه سب كانه سواق حتى لو السواق ما تغلط عليه كذا المهم مالي دخل فيهم بس حقوقي رايحه فيها لا يجيني ولا يصرف علي وعايشه عند اهلي قال بيحطلي بيت وكل شوي يقول مالقيت ياربي ليه ماعاد في رجال في الدنيا ؟؟؟ ليه ما احد يتحمل مسؤوليه؟؟ يعني اتطلق واعيش من رجال لرجال؟؟ انا مابي شي غير واحد يسعدني واسعده والله ما ابي شي وش اسوي علموني تكفون والله اني اهتم بزوجي وادلعه واتعب نفسي عشان هالزوج وانا صغيره في العمر وجمييله ماكاني تزوجت وجبت عيال كل الناس يقولونلي وغير هذا اني احط زوجي بعيوني طيب وين اللي يقدر؟؟؟ انقذووني ارجوكم حتى لو بدعوه |
والله قهر
الله يفرج همك ومايضيع صبرك يارب اختي>>الاستغفاااااااار علاج مالا علاج له والدعاء لاتنسيه |
مالي لك الا الدعاء و الصبر |
زمن خالد ابن الوليد انتهى وفرسان الحلام قد نجدهم في الاحلام
والاحلام ليست ممنوعة ... بالله من جدك انتي وين الي بيتحمل المسؤولية الحين ياروحي فوقي ماعاد في احد يتحمل وحدة ماعندها عيال ولا تزوجت الا غيره فما بالك غير كذا مابي احطمك بس... للامانة ماعاد في احد ياحمل المسؤولية الا من رحم ربي |
الله يفرج همك يا اختي ...
وربي ان القلب يحزن لمثل هذي القصص ... الله يعطيك على قد نيتك.. |
الله يصبر قلبك ع عيالك والله يرزقك باللي يستاهلك
|
لاحول ولاقوة ألا بالله
مالك ألا الدعاء في جوف اليل فهي سهام تصاب فـ استغليها |
الرجل الذي يعدد ولا يعدل هو غير مهيأ للتعدد وبالتالي سيظلم من هم تحت ولايته ويظلم نفسه
ليس كل رجل قادر على التعدد ولا يناسب جميع الرجال . لا يقع كل اللوم على الرجل وإنما المرأه يقع عليها لوم أيضاً , إذا غلب على ظنها أن هذا الزوج لن يعدل ورغم ذلك تزوجته . |
شكرا احتي المحرومة ( مطلقة ص )
انا اقول ليس العيب او المشكلة في الاشخاص او الناس او الرجال انما في الاختيار والله سبحانة وتعالى يقول "و لقد خلقنا الانسان في احسن تقويم "وقال "والطيبون للطيبات" يعني المشكلة في الاختيار لماذا نستخدم العاطفة في الاختيار على كل حال عليها بالصبر والدعاء لان الدعاء هو سلاح المؤمن وانا حاس بكم وبمشاكلكم وهذا الذي جعلني اسجل في هذا المنتدى وللأسف شفت مشاكل تشيب الرأس علما باني بحريني ومتخصص في حل المشاكل الاسرية ولكن اشوف عندكم مشاكل غريبة ويش اللي جرى علينا يا جماعة على كل حال اتمنى من الله ان يوفقك ويسعدك ويجعل لكم في كل خطوة سلامة |
الله يعينك فعلا شيء يقهر
طيب انا عندي سؤال انت الحمد لله جميلة و متفتحة ليش مركزة على ناحية واحدة فقط و هي الزواج .. ليه ما تهتمي ينفسك يتعليمك .. تكملي دراستك .. تطوري من نفسك و ثقتك فيها ؟ |
ربنا يفرج همك وكربك ان شاء الله والله اختي في رجال كتير ولاد حلال واخلاقهم كويسه وبيراعوا ربنا في زوجاتهم الدنيا فيها الكويس والوحش ربنا يسهلك امورك ويفرجها عليكي ويهدي زوجك عليكي |
الله يفرج همك ويعوضك
اختي الاستغفار له مفعول رائع اكثري منه ربي يفرج همي وهمك وهم كل مسلم يارب |
اقتباس:
لا لا حبيبتي عادي جدا ماحطمتيني لاني شفت اكثر من كذا احس اني كرهت شي اسمه رجال |
اقتباس:
وماشيه بدراستي وعندي اشياء كثيره اسويها في حياتي ولكن والله ما اقدر اشغل نفسي عن موضوع الزواج والحب مو بيدي!!!!! وحظي السيء كمل الناقص يعني مو انا الي اخترت اني اتزوج واتطلق واتزوج تمنيت اعيش مع انسان يقدرني وبس الحمدلله على كل حال |
طالما أنك ساكته عن حقك , فلا تلومي الا نفسك .. طالبي بحقك ..ولا تتنازلي ..
أخبريه أنك مادكت عددت يفترض ان تعدل وتقوم بواجبك .. كيف ستقابل الله وأنت مقصر .. لكن سؤال صريح طالما انك ما تشوفين من الرجال الا السئ .. بالله عليك يوم تزوجت في المرة الأولى والثانية .. هل كنت تشترطين صاحب الخلق والدين ... أم صورة ذكر فقط وما غير ذلك يهون .. |
الله يعينك ويفرج همك
والله لو كنت مكانك بصراحة ومن غير زعل وشفت الويل من الاول ماراح افكر ابد بالزواج بس خلاص الي صار صار ووقع الفاس بالراس .....اصبري حبيبتي يمكن لربي يهديه |
هذي وحدة من مشاكل الزواج المبكر
وين اهلك يزوجونك وانتي طفله لرجال ماسالوا عنه زين |
اسأل الله العظيم ان يفرج همك ...........اكثري من قول لاحول ولا فوه الا بالله حتى تستمدي العون من الله ولاتيأسي فأنت مسيره من رب رحيم أرف بحالك من نفسك ولا تندبي حظك فكل شي يحصل لكي بهذه الحياة خيره ورحمه بأذن الله...تقبلي مروري ياغاليه |
الصبر والدعاء والإستغفار ,,
الله يسخر لك زوجك.. |
الله يفرجك همك وهمي00
|
اقتباس:
طبعا الناس الي ماعندهم ذمه لما سالنا عنه كلهم مدحوه فيه وفي اخلاقه ودينه ثاني مره قلت مو مشكله حتى لو ماعنده اخلاق وماعنده دين ونفس المره الي قبلها كل الناس يمدحونه وطلع بلوه من بلاوي الدنيا يعني مهما اشترطت وطلبت السعاده والتوفيق من رب العالمين شكرا لمرورك |
الله يسعد ويوفق كل من رد علي والله ردودكم قريتها واحد واحد اشكركم من قلبي الله يريح قلوبكم
سؤال مهم اتمنى تجاوبوني عليه؟؟ ماهو علاج الرجل الي يخاف من زوجته؟؟ ايش الحل معاه وش اسوي |
حبيبتي نصيحة من أخت عاشت نفس وضعك سابقا
اولا ضعي زوجته الأولى على جنب وتأملي شخصيه وخلق زوجك كيف علاقته مع ربه كيف صلاته اذا شفتي أنه اخلاق ودين وتعامل طيب فالحمدلله اصبري واصبري وحاولي تكسبين زوجك وبإذن الله تحصلين الثمرات اللي صاير مع زوجك ليس خوف ورعب من زوجته لو كان خايف ما تزوج بس لا تنسين عنده أطفال وبيت وحرمه عقلها ناقص قد تهدم البيت ويتشتت الاطفال لذلك هو يحاول يحافظ على بيته وتأكدي والله والله اذا شاف الحب والراحه والعز عندك مصيره يمل ولاعاد يراعيها ثانيا : اذا تأكدت من خلق زوجك أياك وتأجيل الحمل حتى يحافظ عليك انتي كمان ثالثا وهو المهم ايأك واياك والنكد وليه تسوي لها وليه تخاف منها وليه لسانها طويل وليه وليه مالك شغل بزوجته نهائي عليك ببيتك وبس رابعا بالنسبه لحقوقك طبعا الحقوق تختلف وبما انك ذكرتي ان زواجك بالسر وهذا غلط صراحه بس مو مشكله تحملي ومع الايام والاطفال بيعلن زواجه طالبي بحقوقك بدلع وغنج الانثى لا تنتظري منه الرسائل الحلوه بادري انتي لا تنتظري الكلمه الحلوه اغرقيه بالكلام الحلو والرسائل الاحلى صح انه صعب جدا بس اذا تذكرتي عاقبه هالصبر واذا تذكرتي ان زوجك يستأهل من يصبر عليه بإذن الله تهون فيه منتدى للزوجات الثانيات مدري مسموح احط الرابط او لا ويشهد الله ما اقصد الا ان الاخت تستفيد من الاخوات هناك وخاصه انهم خبره وعاقلات انتظر موافقه الاداره واضع الرابط لك اختي |
اقتباس:
|
الله يصبرك و يعافك ترى اختي هدا ابتلاء من الله و الله لا تملي و لا تقنطي الخير عند الله رب العالمين و حاولي مع زوجك يجيبلك بيت لا اتخلينه يستغل ضعفك و خوفك من الطلاق ترى نحن النسوان هدي نقطت ضعفنا و هدي اس البلايا اف حياتني بس ممكن سؤال وينهم اولادك مو معكي؟
|
هلا أختي مطلقة بشرينا هل حاولتي استدراج زوجك لأن ينقلك لمدينته !!! وفقك الله |
حبيبتي ربي يفرج همك و يكتب لك الخير
الدنيا مش ناقصة رجال ربي عطانا عقل نفكر و في اسس صحيحة للزواج و المفروض قبل ما نوافق على الزواج ندرس المتقدم صح و نشوف ظروقه و ظروفنا من جميع النواحي و نفكر بالانسب لنا مش بس بحمل لقب متزوجة زواجك الاول ممكن احمل مسؤليته على اهلك بسبب صغر سنك ... بس زواجك الثاني انتي المسؤلة عنه .. و خطأتي خطأ كبير لما وافقتي على زواج بالسر اتذكر موضوعك http://www.66n.com/forums/showthread.php?t=212098 و ردينا عليك انه لازم يكون زواج بالعلن .. ولا بلاه احسن لانك المتضررة الوحيدة و انتي اللي حقوقك بتروح المفروض كان ما ترمي نفسك فقط عشان تتزوجي ... و الان تقولي وين الرجال لا حبيبتي مش وين الرجال .. بس وين التفكير الصج ووين الاخذ بالمعطيات رجال من البداية قالك زواجي بالسر .. لازم تحطي عليه مليون علامة استفاااااهم ليش صح الكلام اللي فوق مايفيدك و الي صار صار .. بس قلته للتذكير و عشان لا قدر الله لا قدر الله اذا حصل انفصال .. تفكري فيه و تختار المرة الثالثة صح مش زواج و السلام بالنسبة لمشكلتك الحالية .. حبيبتي انتي لسه مالك 5 او6 شهور متزوجة صح ... يعني الرجال لسه ماشاف خيرك من شرك حاولي تستميليه لناحيتك بالدلال و الحنية و الطيبة .. اذا كانت زوجته الاولى ماعلى لسانها الا السب و الشتم خليك انتي ام اللسان الحلو و الكلمات اللي ترد الروح اسمعي كلامه و لا ترفعي صوتك .. و قدريه و عامليه بكل طيبة و احترام و حب و حنان .. خليه يشوف الفرق بينكم يمكن النتيجة ما تبين خلال شهر او شهرين . بس اكيد مع طول العشرة بيمل من نكد الاولى و بيجي لك ما بيدك الا هذا الحل... سامحيني ان كنت قسوت عليك قليل في بداية الرد .. لكن والله من قهري علييييك حاسة و كانه اختي اللي مرت باللي مريتي فيه ربي ييسر امورك و يفرج همك و يسعدك مع زوجك ... |
اقتباس:
من اجمل ما قرأت:22: شكرا يااختي الكريمه واتمنى يوصلني الرابط وان شاءالله بطبق كلامك يارب القى نتيجه |
اقتباس:
اول سبب لان اطفالي من زوجي السابق يعيشون مع والدهم ولكن في نفس مدينتي وانا ودي اكون قريبه منهم اشوفهم بسهوله واكون جنبهم اذا احتاجوني السبب الثاني هو دراستي ما اقدر اتركها وودي اكمل يارب تساعدني السبب الثالث اني ما اعرف احد في مدينته وبعيش غريبه خاصتن ان حتى اهله ما اقدر احتك فيهم ابد ولا عندي معارف ولا اهل واخاف من زوجته لو درت بالموضوع بصير انا لحالي في وجه المدفع طبعا زوجي اغسل يدك منه جزاك الله الف خير على اهتمامك |
اقتباس:
واياك يالغلا شوفي عزيزتي مسكرة من كل جهة سفرتك لمدينته , فخلاص اذا كذا الموضوع انا اشوف الامور ابسط مما كنت متصورتها ! أول شي انبهك دراستك تمسكي فيها بايديك ورجولك بتفيدك في مستقبلك ... والحين فكري يا اختي وش هي الطرق اللي تقدرين تجذبينه لك ! يعني انا بقولك شي الحين انتِ ما دامك ما تقدرين تروحين لمدينته فما له داعي تشوشرين على زوجك بالحقوق لانه طول ما انتي بعيدة عنه مالك مبيت ولا لك مسكن وبصراحة ماله داعي مسكن في مدينتك وهو طول الوقت بعيد عنك , يعني مالك غير مصروووفك حاولي تاخذينه منه بدون ضغوطات بالكلمة الطيبة والاسلوب الحلو بعيد عن موضوع المقارنات بينك وبين ام العيال ...( باسلوب العشيقات ) هالفترة حاولي انك تربطينه فييييك بكل الوسائل اللي ممكن تتواصلين معه فيها .. مثلا اذا هو من هوات النت ادخلي وكلميه وتغزلي فيه .....الخ , سولفي معه في الجوال وكانك حبيبته او عشيقته وانسي موضوع حقوقك شوي ويتاخذين فلوس منه على البارد المستريح لا وفوقها ارتياح وتفريغ شحنات عاطفية بالحلال ... وفي الاجازات استغلي الفرص وسافري له وقضي معاه احلى الاوقات ...واذا جاك خليه يشعر باسعد لحظات حياته معاك وعوضيه دائما عن الشي اللي ناقصة.. بالمختصر اختي خفي علي الرجال شوي يالغلا لان لا انتِ ظروفك مساعدتك تروحين له ولا هو ظروفه مساعدته يجيبك , فالاولى انكم توثقون العلاقة مع بعض علشان تقدرون تواجهون مجتمعه في اقرب فرصة وما تخلصين جامعة الا وهو متعلق فيك ومتمسك فيك بايديه ورجوله ... وانا برايي ساعديه في ان امره ما ينكشف عند زوجته في هالوقت الحالي لان اذا انكشف مووب من صالحك , فيعني الاشياء اللي تشوفينه تخلي مدامته تشك بلاها مثل رسائل الجوال .. استغلي الفرص دائما لصالحك والشي اللي تعرفينه يكرهه اتركيه واللي تعرفينه يحبه وناقصه عوضيه عنه بكل مافيك من عاطفة ومشاعر ... الناس ما عليك منهم قولي انا جالسة هنا الي ان اخلص دراستي وبعدها بنتقل ان شاء الله لبيت زوجي ... صبرك عليه , زوجك باذن الله في منه امل بالذات انه ناقصة اهم من الحب والعلاقة الجسدية , ناقصة احترام وقوامة من شريكة الحياة وهو شي من كيان واصل خلقة الرجل ... فالى هنا انا اشوف ما عندك مشكلة يا غلاتي بس اعرفي تتعاملي مع مشاكلك موفقة |
عليك بالاستغفار
والدعاء والصبر وربي يسعد قلبكـ ويهنيكـِ مع إللي يستاهلكِـ |
تبين النصيحة ركزززي على دراستك وأهتمي بنفسك وصحتك وألجأي إلى الله بالدعاء, أما الحمل نصيحة لوجه الله أخريه شوي حتى تعرفين راسك من سااسك , لاتقولين يربطونه العياال بعض الرجاال أنااني مايفكر إلا في نفسه لا في أولاد ولا في عائلة .أحترميه وعامليه بطيبة وأخلاق والله يسخره لك ويملكك قلبه ياارب ويريح قلبك ويوفقك في درااستك .
|
الله يرضى عليك اختي، لازم لك تغيري طريقة تعاملك مع الناس و مع زوجك بالاخص، اذا سكتتي عن حقوقك ضاعت. انا ما اقول لك خلط شريه و قاسية، لا، و لكن في نفس الوقت لا تظلمي نفسك و تسكتي، يعني فيه مساحة كبيرة بين انك تسكت عن حقك و بين انك تاخذ حق غيرك. فخليك في الوسط، حقانية مع الناس و في نفس الوقت ممنوع حد ياكل حقك. اتوقع لانك صغيره و انصدمتي باول زواج، يمكن هذا اللي تعب نفسيتك، و لكن استعيني بالصبر و الحكمة و ان شاء الله تتعدل امورك.
|
الله يفرج همك اختي اهتمي بدراستك واولادك الزواج موكل شي
|
اقتباس:
حسيت ان الدنيا للحين فيها خير شكرا لانك ساعدتني ووجهتني وكنت معاي منذ بداية موضوعي الله يوفقك يارب ويرزقك اللي تتمنى ان شاءالله الله يقدرني واطبق كل كلامك واشيل فكرة زوجته من بالي والله يسهل يارب |
الله يسعد قلب كل من رد علي والله فرحتوني الله يفرحكم
|
اقتباس:
:22: كلام في الصميم 00 الله يسعدك00 و الله يفرج همك يا اختي مطلقه |
الله يفرج همك ويسير امرك
|
| الساعة الآن 04:48 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©