|
ترضين تسكنين عند أهل زوجك
هلا بنات
حبيت استفسر عن السكن في بيت اهل الزوج هل توافقين على ذلك واذا كان الجواب لا لمااااااذا |
ياحظي لو كانو حبايب وقلوب على بعض اتشرف بهم
واذا عكس ذالك الرسميه والسكن المستقل افضل على حسب الناس اللي بسكن معهم .. |
الافضل لا ..
أما اذا كان وحيد والديه ومالهم غيره او صغيرهم.. نعم ما عندي مانع عشا ما احرمه من برهم والدنيا سلف ودين.. |
كانت امنية امنيتي اسكن مع اهل زوجي واكون لهم بنت ويكونوا لي اهل
لكن تجري الرياح بما لاتشتهي السفن هو واهله مختلفين مع بعض |
دايما كنت افضل سكن مستقل
وكان من شروطي ايضا لانه مهما كنت كويسة معهم وهم بالمثل سبحان الله كثرة الاحتكاك ممكن تولد مشاكل وانا بغنى عن هالشي |
اسعدني تواجدكم
خواتي |
انا برايي حلو ومريح ووناسة خاصة لو كان فترة دوام الزوج طويلة..
بس بشرط يكون مع اهل زوجي وبنفس الوكت يكون مستقل.. يعني يكون نفس طريقةالاجنحة.. مو تكون غرفة او غرفتين بوسط صالتهم.. |
سكنت مع اهل زوجي00
ولكن00 على مبنى من عدم الخصوصيه في كل شئ00 الصبر على القيل والقال00 الخروج والدخول مراقب00كل شئ بحساااااااااااااااااب والحمدلله 00 الإستقلاليه هي نصف الراحه00 الله يريحنا بجنته00 |
مطلعين روحي وانا موعندهم كيف لوساكنه عندهم اف الله لايقوله
|
حلو اوافق طبعا ماعندي مانع انا احب الجو الاسري وما احب اكون وحيدة
بس مثل ماقالت اختي احلاهم ، يكون مثل الاجنحة عشان الخصوصية بيني وبين زوجي وعشان لا احد يتحسس من الثاني وتمشي الحياة حلوة |
سكنت عن اهل زوجي تقريبآ عشر سنوات فيها الايجابيات والسلبيات والناس تختلف علي حسب شخصيات
|
أنا أسكن مع أهل زوجي في بيت واحد.
ومهما كانت الإيجابيات فإنني أظل أفتقد شيئاً. الله يعجّل بناء بيتنا الخاص يا رب. |
عادي .. اذا لي قسم خاص مستقل ليش لا!!!!
|
اقتباس:
الله يصبرك اختي واحمدي ربك انك بعيد اعرف وحدة ساكنه معهم في نفس البيت وحريم اخوانه 4وشوفي العيشه بس |
بصراحة انا بسكن فوق اهل بيت زوجي و هم قرايبي اصلا و بيت اهلي بس خطوتين و اكون فيه تبون الصدق اتمني من كل قلبي لو اني اسكن بعيد لان البعيد دايما غالي و اقل مشااااكل بس انا بتفائل و ان شاء الله ما يصير غير الخير .
|
:d
اقتباس:
صدقتي يقولون ابعد حبه تزيد المحبه |
انصح للتزوج اول شرط تسكن بروحها
انا سكنت مع اهله وكنت اعتبرهم اهلي اتصرف وكاني فبيت اهلي بس للاسف مانفع صارت مشاكل واييد واييدليش لابسة كدة ليش طبخت كدة ولازم تقومي قبل الكل وتجهزي الفطور والغدا لازم على 12الظهر ودائما تقولي حاضر ياويلك لو قمت يوم من النوم وانت تعبانة او طفشانة .اهلي كنت اشوفهم مرة بالشهر ....وووووووووووووو بس الحمد الله كنت اصبر والحين انا ساكنة بروحي ان شاء الله لما يكبرو اولادي مستحيل اسكن معاي زوجاتهم عشان ما اضلمهم ..... |
اسعدني مررك يانونو
|
على عيني و راسي يا عزيزتي واهلا فيك بالمنتدى
|
كرجل لا افضل السكن في بيت اهلي لاسباب كثيرة اولها الخصوصية و الاستقلالية و الحرية كما ان كثرة الاحتكاك قد يسبب مشاكل و حساسيات ليس لها داعي ، ناهيك عن ان الانسان يحب ان يكون له مكانه الخاص الذي يشكله و يتحكم فيه كما يريد ،،
لكن (وضعوا مئة خط تحت لكن) تجري الرياح في كثير من الاحيان بما لا تشتهي الانفاس و تجبر المادة اغلب الشباب السكن مع اهاليهم الى ان تتوافر لديهم القدرة على الاستقلال بسكن خاص ،، فعلى الفتيات تقبل ذلك و عدم التذمر ، و عليهن ان يدركن ان ازواجهن احرص منهن و اكثر رغبة يالاستقلالية ، فيصبرن الى ان يفرجها الله ،، و اغلب اصدقائي الذين سكنوا عند اهاليهم لديهم بيوت ملك الآن ، و في المقابل اغلب اصدقائي الذين بدئوا حياتهم الزوجية في سكن ايجار لازالوا على الايجار و في شقق اصغر من التي كانوا بها قبل ،، و هذه ميزة استراتيجية ملحوظة لمن يسكنون عند اهاليهم !!* |
بالنسبه لي لااستطيع ان اسكن بمنزل مستقل لوجود والدتي معي في نفس المنزل ولايوجد لديها ابناء غيري وجميع اخواتي متزوجات ومع ازواجهن ومن الصعب الخروج من المنزل وتركها بمفردها واعتبرها من انكار الجميل والمعروف لوالدتي0
|
اقتباس:
معك كل الحق الله لايحرمك برها :22: |
ماأتوقع واحده تطلب من زوجها تسكن مع أهله
لأنه أكيد حلم كل بنت بيت مستقل وخاص فيها وحدها مهما كانوا أهل الزوج لكن الظروف هي اللي تجبر الزوج يسكن مع أهله كظروف ماديه أو كونه هو الوحيد العائل لأسرته في هذه الحاله على الزوجه الرضى والصبر بغض النظر عن أهله وأخلاقهم |
بالنسبه للسكن في نفس المبني ارفض رفضا قاطعا لعده اسباب
اولا لن تكون هناك خصوصيه او راحه في بيتك ثانيا الغيره وارده جدا خاصه اذا كان الزوج حنونا ومهتم بزوجته فذلك يولد غيره وحقد واحيانا كره ثالثا اي مشكله في بيت الاهل تؤثر عليكم رابعا ستكوني جبرا تبع لهم في عاداتهم ومعيشتهم وقوانينهم بصراحه لا أري لها اي داع مادام لا تمنعيه بر والديه اما بالنسبه للسكن في نفس شقتهم فهذا مرفوض دون اي نقاش |
اقتباس:
شاكرة مرورك اختي |
اقتباس:
وهذي هي وجهة نظري بالحرف الواحد الللللف شكر :22: |
مافي اي مشكله شفيكم مكبرين الموضووع الحين يعني عيب البنت تسكن معززه مكرمه عند بيت اهل زوجها ولها جناح خاص
بالعكس تزيد المحبه للزوجه بس الحريم لامن حياه لمن تنادي |
اقتباس:
انت رجل وهذي النظرة مش غريبه منك احنا مش مكبرين الموضوع ولا شي اصلا هو كبير الوحدة لها خصوصيه وتحب تعيش في مملكتها تتحكم على كيفها تعزم اللي تبي وتلبس اللي تبي وتسوي كل اللي خاطرها فيه كيف بتسوي كل هذا والبيت عندها مليان ناس احد داخل واحد طالع والله مهي حاله انا اعرف حريم عايشات بعذاب ماتتعطر لان اخوان زوجها بالبيت ماتتمكيج لانهم بالبيت ماتلبس لبس حلو وهي عروس كل ملابسها وااااااااااااااااسعه وجلال يغطي لين الركبه لان البيت فيه رجال تقول نفسي البس بنطلون لزوجي نفسي اتعطر واتبخر واحس اني عروس نفسي افتح شعري واكشخ واعيش حياتي طول اليوم متحجبه اذا مانزلت ليه ماجيتي ليه طولتي بالنوم وين بتروحين كل يوم طلعات وش شريتي وش تسوين بالمطبخ الاكل ناقص ملحه هذي معاناتها يمكن محد يحس فيها الاحرمه مثلها اما انتوا الرجال وش دراكم عن هالمعاناة وفيه حريم عندهم مشاكل ثانيه فوق هذي اللي ذكرتها مثل المشاكل مع اخوات الزوج ومشاكل مع الحريم حريم اخوانه وبعدين مشاكل العيال وووووووووووو انا طرحت الموضوع لاني شفت قدامي حيم يعانون يعانون بمعنى الكلمه ماكتبته عشان يجي واحد ويقول مكبرين السالفه |
والله السكن عند اهل الزوج تكونين محاسبه على كل شي وتكونين ملتزمه بهم ولوتتعبين قالو هاذي متغيره ولاتاخذين راحتك حتى بالكلام مع زوجك ولاتقدرين تعزمين اللي تبين خليك بعيده وخليك طيبه معاهم ولا تقاطعيهم انتي وزوجك
|
اقتباس:
ونعم الرأي |
اقتباس:
ولاكن ألا تشاطريني الرأي إن قلت أن النفوس والصدور ضاقت حتى على أصحابها فأصبح الشخص لايستطيع أن يتحمل الآخر ولا دقيقة وبنفس الوقت ندعي المثالية الزائدة بل والجوفاء أليس الصبر يعطي نتائج طيبة أليس تحمل الآخرين فيه احتواء لهم وتغير لمفاهيمهم تجاهك ثم كسب حبهم في الأخير أعتقد أنه لاينقصنا أزمة معرفة الأخلاق والمثل ولكن ينقصنا تطبيقها وخصوصا حينما تنازعنا حظوظ النفس ورغباتها مع خالص شكري |
ما قريت الموضوع بس قريت العنوان
نعم أرضى وع فكره احسن بدل ما اجلس بروحي ف البيت اجلس مع امه واخواته وع اللبس أكيد معاها غرفه ف غرفتها تلبس وتتعطر وتبخر وتتكشخ وتسوي إللي يريحها انتوا مكبرات الموضوع ي حلوات انا جالسه بروحي وملاااانه ما اصدق تجي اجازه اروح عند عمامي أهل زوجي ربي يهديكم ^_^ |
اقتباس:
عزيزتي.. وهل الزوجة جالسة في غرفتها طول اليوم؟؟ .. ألا يفترض بها أن تخرج من غرفتها؟ فهل كلما رغبت في الخروج من غرفتها يفترض أن تبدل ثيابها (لأن ثياب الغرفة ستكون غير ثياب خارج الغرفة بطبيعة الحال) .. وأن تغتسل لتزيل أثر العطر والبخور والكشخة لتذهب مثلاً إلى المطبخ أو تجلس قليلاً مع أهل البيت .. ثم تعود مرة أخرى لغرفتها وتغير ثيابها وتعيد التعطر والتكشخ ... وهكذا؟!!! يا عزيزتي المسألة ليست بهذه السهولة التي تتصورينها .. وشخصياً كنت أفعل كما تقولين وأتكشخ وألبس على راحتي وأتحرر في غرفتي ومع زوجي خلال اليوم .. ثم أبدل ثيابي وأستتر عندما أخرج من الغرفة .. ولكنني وجدت نفسي مضطرة لتبديل ثيابي ما لا يقل عن أربع أو خمس مرات في اليوم لأن الظروف والأحوال المختلفة تتطلب خروجي من غرفتي إما إلى المطبخ أو لتناول الطعام أو للجلوس مع أهل زوجي .. أو .. أو .... في النهاية مللت وأصبحت ألبس جلابية واسعة فضفاضة طوال اليوم سواء كنت داخل الغرفة أو خارجها .. ولم أعد ألبس لزوجي إلا في آخر الليل فقط!! فهل ترين أن هذا أمر مريح؟! |
اقتباس:
رايك واقدرة لكني لا اوافق ان الوحدة تسكن مع احد ويضيع عمرها عشان تغير اللي حولها وبعدين تكسب محبتهم هذي الفلسفه في الكتب وليست على ارض الواقع |
اقتباس:
وجهة نظر تقولين كذا لانك ماعشتي معهم ماجربتي |
اقتباس:
كفيتي ووفيتي مايحس بالنار الا واطيها |
لا يمكن
مثل ما قالوا الاخوات ما في خصوصيه لما كنت انزل على البلاد مع زوجي اكيد لازم اكون عند اهله ما كنت اقدر انام الا لما الجميع يروحوا على بيوتهم لا نه ما في غرفه خاصه و نصحى بدري لانه حماتي من النوع اللي بتصحى بدري وعيب لازم اصحى معاها وعلشان بيت العيله الكل بيكون موجود |
يمكن لاني ماجربت
وهذه كانت وجهة نظري فقط لاغير تقبلوا مروري ^_^ |
اقتباس:
|
سبحان الله كل واحد يرد بناء على تجربته وعادات البلد اللي عايش فيها لكن الاغلبية رافض وهذا شئ طبيعي
فالوحدة قبل ماتتزوج ماتعرف اخلاق اهل زوجها كويس فالاحسن من البداية تسكن لحالها عشان ماتتورط مثلي وتتغير الاقنعة بعدين ووتندم اشد الندم انا حاليا ساكنة معاهم وكل يوم ادعي انه ربي يرزق زوجي ونطلع وقبل مااتزوج ماكان عندي اي مانع بالعكس كنت فرحانة مررة بس الشكوى لله وعلى فكرةاتوقع الجيل الجديد ماعاد فيه احد يسكن مع اهل الزوج يعني نااادرا تلقين احد صح ولا مجتمعي غير ؟ |
| الساعة الآن 03:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©