|
أسعفوني بفكرة..زوجي وموظفات الاستقبال..
السلام عليكم ورحمة الله وبركاته
بكرا إن شاء الله عندي موعد بمستوصف والاستقبال اللي فيه كله حريم وأنا ماارتاح لهم ابدا مرة اتفقت مع زوجي انزل اخلص شغلي وارجع وهم بالسيارة والله اول مافتحت باب المستوصف الا ريحة دهن العود تقابلني ريحة مركززززززززة الظاهر سابحة فيه وللأسف مادريت الا زوجي وراي>>>مايتكل ومرة نسيت جوالي وطلبت تليفون قالوا فيه عطل المهم طلبت جوال عطتني جوالها دقيت على جوالي وردوا اهلي قلت اتصلوا على فلان يمرني تفاجأت أنها متصلة بعدي مرتين:29:-طبعا على جوالي-!!!،انا وقتها كنت واقفة عند الباب انتظر الظاهر اشفقت علي من الوقوف!!! المشكلة الدكتورة اللي هناك ممتازة ومضطرة أروح بس كيف اقنع زوجي ماينزل من غير مايحس اني خايفة عليه منهم؟! ياليت تسعفوني بفكرة |
روحي مع اهك ابوك او اخوك بس مافي افكار غير..
|
انتي واثقه من زوجك وبطقاق اللي يطقهم وبعدين اذا وحده متعطره وتزينه ماله اي احترام بعين الرجال
او قولي له ماله داعي تنزل معي مافي رجال الاستقبال حرمه والدكتوره حرمه |
روحي مع اهلك او ابوك او دبري له تصريفه مثل تقولين نزلني وروح جيب لي اغراض اكل عشان العشاء وزي كذا انتي فكري شوي بعدين يمكن هذا ابليس يلعب براسك وصدقيني اذا زوجك عينه زايغه ويغازل بيغازل من وراك لو تسوين كل شي اما اذا صار وفي وماهو راعي خيانه ماراح يفكر بغيرك لو مو ظفات الاستقبال هم يغازلونه وبس تقبلي تحياتي ................<<<<<<<<<<<<<
|
لها الدرجه خـــــــايفه!!! ترى زوجك راح يحس حتى لو ماحسستيه
بالعكس ما في افضل من اللي واثقه من نفسها سواء نزل معك او لا خليك واثقه ولا تخلينهم أكبر همك !! طيب وش تسوين لو زوجك يسخن يوم من اّلأيام ويروح لوحده!! بتوقفين عند الباب وتقولين له لااا اللي في الاستقبال حريم راح تقولين لي راح يروح مستشفى يكون الاستقبال رجاجيــــــــــل طيب والممرضات اللي راح يتعاملون معه !!!!! وش بتسوين فيهم ؟ نصيحه لك من أخت بردي قلبك ترى لاحظت شيء اللي تغار كثير على كل صغيره وكبيره يا يتزوج زوجها ثانيه او تلاقينه راعي خربطه الا من رحم ربي لأنه حس انه اللي عنده موب واثقه لكن اللي مثلجه قلبها وتلاقينها في الاستقبال اللي فيه حريم على قولتك تضحك معاه وتسولف معاه بدل ماتقعد تراقبه هل يشوفهم او لا أغلب هالنوعيه تلاقين زوجها طاااااااير فيها لسبب بسيط هي معطيته الثقه وفي نفس الوقت ماهموها هالحريم تقدرين تقولين اعطت زوجها اشاره لا مرئيه انها اجمل وحده بهالدنيا الله يوفقك غاليتي ويهدي بالك |
حبيبتي وثقي ف نفسكـ
ترى هم مب أحسن منك أنا ترى نفسش زوجي وسيم ربي يحفظة وف أي مكان يتمن يطالعن وحركات أبي أتصل ماعندي رصيد عشان يآخذون الرقم أشكره وزميلاته ف الدوام راصات عليه بالإتصالات والرسائل وحتى الإيميلات بس أهو مايعطيهم ويه وانا واثقه فيه و واثقه ف نفسي واثقه إني الأجمل ف عينه خليه ينزل معاكي ويدخل معكـ عند الدكتوره ترى إذا نزل معكـ ودخل معك عند الدكتوره هذا يدل ع خوفه عليش و اهتمامه فيش وصدقيني ترى كل المتبرجات طايحات من عيون اي رجال مهما كانوا جميلات ربي يسعدكم ويهنيكم تقبلي مروري والسموحه ع الإطاله بالتوفيق |
سبحان الله العظيم اكثر موضوعات المنتدى كل واحده خايفه على زوجها وخايفه احد يخطفو ملي عيونوا ماراح يطالع في غيرك كانوا مافي هم للبنات غير المتزوجات غير خطف الرجال
|
يا اختي 00 يعني مافي هالدنيا إلا هالحرمه !!! والا هذا المستوصف00
الدنيا مليانه بلاوي مثلها00 الله يهدي نساء المسلمين00 كبري عقلك00 |
اذا واثقة منه لايهمك احد
|
اتنمى ان تكون ثقتك بنفسك اكبر من كذا
احمد الله واشكره على هذا التفكير |
هدي هدي نفسك يانبض هذا بالمستشفى باقي موظفات الكاشيرات
الحين إستحدثوا وظائف للبنات بالمولات والهايبر وظائف كاشيرات بدل ماتلاقينهم بالإستقبال بتلاقينهم في السوبر ماركت حبيبتي لازم تكون ثقتك بزوجك أكبر من كذا وأنا لومكانك أدخل إيدي بيده وأسولف وأضحك هاذا إذا ماقدرتي تصرفينه أنا بصراحه المكان إللي فيه بنات سوى إستقبال أو تمريض أو صيدليه أقول لزوجي بصريح العباره ما أبغاك تدخل معي المكان كله حريم وش تبغى تدخل ويجلس بالسياره خلاص صار عنده خبر ماعاد ينزل من السياره أفضل شئ أصارحه وأبين غيرتي عليه ولو مانفع معك تعالي له من الناحيه الدينيه قولي له مكان الإستقبال فساد ومساخه وأنا ماودي يصير عليك إثم لو دخلت معي والعين تزني وزناها النظر أنصحيه إذا كنت ماتبغينه يحس إنك غيرانه عليه ولو إني أشوف إن زوجك معك أنتي وداخل معك بيطمئن عليك مو داخل علشان خششهم هاذيك وأنتبهي لنفسك زين الضيق ورفعة الضغط مو زينه حقك تراهم مايستاهلون ولايسون ظفرك عند زوجك الرجال يوم يطالعونهم يطالعوا طبعا بإحتقار في نفسهم لنوعيات البنات إللي كذا وهم البنات يحسبونهم معجبين فيهم يضحك عليهم إبليس تصدقين إن مره وحده منهم ذولي الموظفات جلست تسولف مع زوجي لأنه كان ولدي تعبان وداه لحاله وأخذ رقم وجلس ينتظر الدكتور لأنه باقي ما جاء دوامه وجلست تسأله أسئله أول شئ قالت لوعندك بنت ترضى تخلي بنتك تتوظف نفس وظيفتي قال لها طبعا لا قالت له ليش قال لأنها وظيفه غير محترمه وأنامستحيل أخلي بنتي تتوظف في هاذا المجال يقول سكتت شوي وبعدها قالت له تتوقع إللي بنفس وظيفتي بتتزوج وتكون أسره رد عليها قال لها طبعا فرصة الزواج بتكون ضعيفه للي بنفس مجال عملك لأنهم في وجهة نظر الناس غير محترمات وإنهم بأماكن مختلطه ولوحصل لواحده تزوجت تلقاه هذا الزوج أخذها علشان راتبها أو عنده وجهة نظر أخرى طبعا هاذا من بعد ماجلست تشرح له إنها هي جالسه تطبق الآن في وظيفتها وقالت له بعد بأي حي تسكن وعن إسم قبيلتها طبعا أنا زوجي قال لي كل السالفه لأنه مايحب يخفي عني شئ خليته إلين خلص وقلت له زين ماعاد باقي ناقص إلا تعطيك رقمها وتحدد موعد لزيارت أبوها قال هاذاجزاتي علشان علمتك بالسالفه قلت له لو أنا معاك كان ماقدرت تجلس تاخذ وتعطي معك لاكن هين كان إبني أعطوه مراجعه بنفس الأسبوع ورحت مع زوجي بس للأسف ماكانت موجوده حصلت فلبينه مكانها والله إني ما أكذب عليك الرجل لو أعطيتيه الثقه ترآه يصير كتاب مفتو ح قدامك ويقول لك عن كل شئ بس لازم تكوني صبوره وغير متهوره أخذي الموضوع بعفويه وأنا أختك ولاتفكرين فيهم أسأل الله أن يسخر لك قلب زوجك وتكونين أسعد إنسانه بحياتك ويارب ماتحلا إمرأة في عينه غيرك أنت يانبض الدان. |
يحق لك اختي
والله الواحد من كتر مايسمع سار عقله يضرب اخماس في اسداس خاااصة ان الموظفة عادت الاتصال>>>واااضحة الشغلة قولي له ياها بالعربي المستوصف ذا موظفاته مو محترمات بالله خليك مع العيال بالسيارة الله يعينك اختي ويفرج همك |
والله تحسسونا ان النساء عندكم وحوش مفترسه ما تصدق تلاقي رجل
وايضا بعض المواضيع تحسسنا انو الرجال مفترسين وما يصدقو يشوفو حرمه استهدي بالله واذا نزل او طلع ما تفرق معك |
والله تحسسونا ان النساء عندكم وحوش مفترسه ما تصدق تلاقي رجل
وايضا بعض المواضيع تحسسنا انو الرجال مفترسين وما يصدقو يشوفو حرمه هذا اللي صاير .. وحوش في مواجهة وحوش !!!! كبت .. كبت .. كبت .... وفجأه !! الكل يبي يفرغ طاقته المكبوته !! فيحدث هذا التصادم !! |
اختي بتتكلمي عن الموضوع و كأنه زوجك طفلك أو ابنك المراهق الخايفة عليه من الضياع
معقولة الخوف لهذه الدرجة ؟؟ أكيد الموظفات ما بتقدر تطبق شخص عارف حدوده و خايف من ربه لا تتصرفي مع زوجك بهالطريقة لأنه كل ممنوع مرغوب و سيكون لديه ردة فعل عكسية لما تحرميه من مشاوير مهمة كهذه من أجل موظفة !!!!! تعاملي مع زوجك بشكل أنضج |
:21:
تفاجأت من ردودكم كأني جاهلة و مو فاهمة ومتخلفة أتمنى انكم قريتو الموضوع زين!! البنت رجعت اتصلت على الجوال اللي دقيت عليه!!! قمت قلة الذوق انا اروح لأكثر من مكان ومليااان حريم وزوجي معاي ماهمني بس اشوف ناس محترمة وراقية وتعرف حدودها بس ناس تاخذ راحتها عالاخر وبالنظرات ولما تمد له ورقة عيني عينك تاكلها بيدها غير الروائح والله اعمض وامشيها كأني ساذجة قدامها ومو فاهمة حركاتها الغبية ولعلمكم اراجع بمستوصف آخر استقباله مختلط والله زوجي يخلص اوراقي واحيانا من موظفة وعادي لأني اشوفها وحدة عملية ومالها الا بشغلها وكان حتى هالمستوصف ماعندي منه مشكلة بس بعد اللي شفته لا والله عندي مشاكل انا الحمد لله واثقة من نفسي وواثقة من زوجي بس وحدة حركاتها مكشوفة آسفة هذا اسمه غباء مو ثقة والنساء فتنة وياما ناس انطعنوا بظهورهم تحت مسمى الثقة!! عموما انا إن شاء الله بسوي كلام بنت الحكمي بقوله كله نسائي ماله داعي تنزل بالصريح لأن فعلا ماله داعي ينزل بنت مكة حبيبتي إذا خاطرك متعبي من أحد لاتفرغيه علي أنا ماقلت البنات مالهم شغلة الا خطف الرجال المتزوجات بعضهم أقل أدب بس ننكر وجود قليلات الادب؟سواء متزوجة والا لا.. والنساء أعظم فتنة للرجال هذا اللي كلام النبي صلى الله عليه وسلم عموما شكرا لكل الي مروا من هنا واللي اتحفوني بردودهم برضو مشكورين كلكم ماقصرتوا الله يسهل ويعين |
وأنا كمان مستغربه من بعض الردود أللي أستنكروا غيرتها على زوجها !!
هذا لايعني أنها غير واثقه فيه ولايعني أنها غير واثقه بنفسها !!! هيه سوت كذا بناءاً على تصرفات البنات أللي يشتغلون هناك بغض النظر عن كونها متزوجه أو غير متزوجه !!! لأن الحركات هذي مو مقتصره على أللي غير متزوجات فيه كمان متزوجات يسوون أشنع من ماسوت الأخت الموظفه بالمستشفى !! يعني أيش يكون هدفها ألي تطلع مكان كذا وهي بكامل زينتها ومتعطره !!! هل تتوقعون هدفها الشغل بس !! لاأظن والله وحده العالم بالنوايا على العموم حبيبتي نبض الدان سوي مثل ماقالت العزيزه بنت الحكمي ماأشوف له أي داعي نزول زوجك مادام الموظفات من النوعيه هذي ((لأن فيه بعض البنات بنفس المكان وقمه في الأدب والحياء )) ومادامها دكتوره فايش له لزمه دخوله يجلس بالسياره ينتظرك أفضل أو يروح يدورله شغله حتى تخلصي من مراجعتك وسلامتك من كل تعب |
فرضا يا نبض صادفتي هاذي النمونه بالسوبرماركت او المول راح تمنعين زوجج من دخول هاذي الاماكن..! حنا لما نقول لج صيري واثقه من نفسج اكثر عشان ترتاحين وماتوسوسين ومايكون هالموضوع اكبر همك..
وانا معاج هاذي النوعيه لهم اساليب حقيره مثل تربيتهم! |
اقتباس:
معليش اختي بنوته مكة..مو بس الغير متزوجات ساعات البلا من المتزوجات.. حب لفت الانظار والتميلح وقلة الأدب والتحرش من حريم متزوجات.. الاخت نبض معاها حق تشيل هم زوجها.. وانا لو مكانها عادي أقول لزوجي مو لازم تجي معاي أشكره عيني عينه بدون ما أقول له السبب:25: خاصة لو شفت تصرف غريب.. |
يحق لك يانبض ردة الفعل هذي
كماتوقعت كلام الاعضاء احسه شوي غريب ^^^ ارجعي لردي السابق |
ماعليك يانبض من الردود طنش عش تنتعش معاك حق في غيرتك على زوجك أقولك أنا لمازوجي جلس يقول لي سالفة البنت جلست آكل نفسي بنفسي وذيك اليله ماقدرت أنام وهو حس إني تضايقت من السالفه وجلس يحلف لي ويقول والله مافكرت في سوالفها أنا إنقهرت إنه جلست تسأله وهو يجاوبها قال حتى والله يوم جلست تسألني كانت تناديني ياعم طبعا زوجي في الأربعينات قلت له ياعم هاه عمت عينها قليلة الحياء ولايكون حسبت نفسك عمها بصراحه من جد عندهم جرأه زايده
وفتنه الله لايبلانا والله كأنها الوحده طالعه حفله مو رايحه مكان فيه إختلاط أنت كلمي زوجك وقولي له ماله داعي تنزل كل المكان نساءوشىئ أكيد إنه بيوافقك الرأي ويحترم رغبتك طبعا فيه حل آخر ممكن تاخذي أختك معك وتقدري تتعذري بها قولي له خلاص بنزل أنا وأختي وأنت خلك بالسياره والله خذ لك فره وإرجع لنا طبعا بتقولي موكل مره آخذ أختي معي تقدري تقولي أختي كمان مسجله موعد معي وتبغى تسوي فحوصات الدكتوره هنا شاطره وبتراجع معي عندها هذا كمان حل مؤقت بس الحل الأفضل إنك تقولين له ما أبغاك تنزل المكان كله حرررررررررريم فأكيد أنه راح يستحي وماراح ينزل معك بيقول في نفسه الحين لو نزلت بتقول في نفسها ورى الحريم وتشك فيه وأنا ما أقصد شئ لا لا أجلس بسيارتي أصرف لي أتوقع كذا بيقول وأفضل شئ قطع الشر من جذوره لأن والله معاك حق هذا زوجك ومن حقك الحفاظ عليه ذولي البنات بالذات أنا ماشفت أفتن منهم لرجال حتى بمشيتها تتمايل وحركات والثقه الثقه صح أنا أثق بزوجي لاكن وش أسوي بللي تطرد وراه طرد وتلاحقه وين ماراح بصراحه أنا مارايحه أصبر عليها وأنا رحت المستوصف مع زوجي ورى الممرضه بقول لها أنا زوجة عمك هاذا تعرفينه جايه تنصحك ترى النار ماتحرق إلا رجل واطيها أخ أخ أخ أخ بس حضها ماحصلتهاذاك اليوم وإلا كان صار كلام ثاني وأخليها تحرم تكلم أعمامها زوار المستشفي. أعذريتني يا أختي نبض أحس إني إنقهرت من إتصال البنت من وراك من جد قلة أدب وذوق لا وبعد فيه نوعية من البنات بينهم تحدي من تصطاد أكثر عدد من الشباب ولوبغت تتخلص من واحد هددهابشئ على طول بلغت الهيئه وأعطتهم رقمه ومعلوماته وسوت له كمين مع الهيئه وقبضوا عليه وصار ذئب وهي فريسه وهو يتعاقب وهي ستروا عليها وهي البلاءكله منها رأس الحيه لو أحترمت نفسها والتزمت بما في كتاب الله وسنة رسول الله وحفظت شرفها وعفتهاوحجابها وما تجرأت بنظراتها وحركاتها قدام الرجال كان ماصار فيهاكذا لاكن من أمن العقوبه أساء الأدب أسأل الله لك التوفيق يانبض الدان وأسأل الله عز وجل أن يرزقك مافي نفسك ويحقق لك مبتغاك. |
اقتباس:
|
غيرتك عااااااااااااااادي
السبب بنظري ان الزوجه ماتخاف ع زوجها الالسببين وهو ضعف الجانب الديني عنده يعني عيونه زاااايغه او وحده تشوفينها تحاول لفت نظر الرجال وبلاخص زوجك (سوى بنت او متزوجه )!! وحتى احيانا بلسوق بلمستشفى وووالخ شوفي العطر والكشه اللي تقولين رايحه دسكوا ولا زواج !!! غيرتك عادي بعدين ابسئل اللي ردوا واستعجبوا من نبض الدان !!!! انتم ياحريم ماتنقهرين اذا شفتي وحده تناظر او تحاول لفت انتباه او كشختها فااااتنه (يعني ضيق ومفصل )! ماتخافين زوجكك يعني يعجب بها حتى لو مجرد لمحة نظر !!!! لاتقولون لا اكيد تغارووووون وقلوبكم تنحرق غيره رغم ثقتك في نفسك لكن مع ذلك ماودك زوجك شافها .. هذا رئييء عادي تغير ع زوجها وحاولي يانبض تروحين مستوصف غير او مع احد غير زوجك او تصرفين زوجك |
أفا وأنا بنت أبوي ياناااني ماعاش إللي يسفه ردك يابنت الأجواد وأخت الرجال والله وأقسم بالله إن ماقصدت شئ من كلمتي إلا شفت ضيقت خلق أخت نبض من بعض الردود وماحبيت تشيل بخاطرها على أحد علشان كذا قلت طنشي وأنا أعتذر لك ولكل الأعضاء إللي
ردوا عليها وبكل أسف إذا كلمتي أزعلتك وأزعلت الأعضاء فأنا أعتذر وأعتذر عنها وأرجو إن ماتاخذي بخاطرك مني لأني ما أحب أن تكون لي أخت مثلك شايله علي وزعلانه مني وقدرك على الرأس والعين الله يجزاك خير . |
أمس شفت الناس مطفية النور وماشية 200
فطفيت النور ومشيت 220:d ورديت رد جماعي الحمد لله ابشركم كفى الله المؤمنين القتال>>الحين وحدة بتجي تقول قتال مكبرة السالفة وموسوسة ترا هذا ياحلوين اسمه مجاز ومشى الموضوع بسلام المهم برد عليكم وحدة وحدة اقتباس:
بس مضطرة أروح معاه وصعبة كل ماجيب اروح لهالدكتورة اروح عن طريق اهلي اقتباس:
واللي ماله احترام ممكن يكون مثير مع كونه ماله احترام والا ليه اللي تمر جنب الرجال متعطرة تعتبر زانية!! هو فتنة بكل الحالات،وعموما السالفة اجتمعت مو بس عطر الله المستعان أما رأيك فحلو والحمد لله جت سليمة اقتباس:
بس لازم نستوعب فتنة المرأة وهذا الواقع بلا تزييف يوسف عليه السلام فضل السجن على هالفتنة وهو يوسف واللي تدعوه ذات منصب وجمال ويقول اني آخاف الله يستضل تحت العرش وعظم الجزاء من عظم البلاء مو سهل نحط النار عند البنزين القابل للاشتعال ونقول ثقة وإشباع صحيح المفروض املا عينة بس مو خلاص اخلي الحبل ع الغارب بحجة انه خلاص عينة مليانة مو صحيح خصوصا أن المرأة تقبل وتدبر بصورة شيطان فالباطل يزينه الشيطان ويزخرفه وياما سمعنا بناس كانوا قمة بس ضعفوا عند هالفتنة فأنا ليش أعرض زوجي لفتنة أقلها يطلع منها وقلبه متغير اقتباس:
الظاهر فعلا مطفية النور:d وشفتي العنوان ورديتي على طول اتمنى تقرين ردي السابق وشكرا ع المرور اقتباس:
ومعاك ان اي رجال سواء وسيم والا لا يتعرض للفتنة بكل مكان بس شيء يختلف عن شيء وحدة بالسوق تتميلح عادي مريضة وجاية للسوق وتمر مرور الكرام مجرد مانطلع محل ثاني تنتهي سالفتها صح؟ بس وحدة محدد مكانها وعليها اكثر من حركة ومضطرة اروح لها تقريبا بالشهر مرتين او اكثر خصوصا لما اكون حامل فهذي لا ومسألة طايحات من عيون الرجال ايوه ممكن طايحات بس الشغالات برضو طايحات ومسوين بلاوي مو معناتها طايحة ماتثير بالاخير ياعسل مشكورة ع الدعوات الحلوة ربي يسعدك اقتباس:
يعطيك العافية ع المرور ياعسل>>اتمنى ماتكوني مطفية النور:21: اقتباس:
وانا بحياتي الآن وبكل صراحة مافيه غيرها سوت حركات مكشوفة ومضطرة اتردد عليها فوجب الحذر وعقلي كبير الحمد لله:21: اقتباس:
شكرا ياعروس:14: اقتباس:
اقتباس:
أما الممرضة الله يهديها يارب والله يخلي لك زوجك ويسعدكم يارب |
اقتباس:
هو هذا اللي فعلا قهرني انها عاودت الاتصال ومرتين او ثلاث>>بصراحة نسيت بالضبط وانا ذاك اليوم كانت الدكتورة بلغتني ان الجنين ميت فمالي نفس اهزأها والا كان والله مااخليها توقف على كذا الله يسعدك ياعسل اقتباس:
دنيانا ماتخلو من وحوش صدقيني الا اللي بيعيش نايم على اودانه ومغمض عيونه والرجال ضعيف امام فتنة النساء وهذا لابد نسلم فيه لأننا امرنا بالحجاب وفوقه امروا هم بغض البصر الله يسعدك يالغالية ويشفي مريضكم يارب اقتباس:
اقتباس:
انا اشوف انه هذا هو النضج اني اشخص وافعي واعيشه مو زوجي لما يشوف رجل وسخ بمكان مايسمح لي اروح له مهما كانت الحاجة!! ولو مايسوي كذا يكون ديوث ولاعنده احساس انا مااحرمه من مشوار مهم انا احدد دوره المهم بالضبط احتاجه يوصلني نعم بس ينزل يشرف علي وانا اخلص اورقي في ضل هالشّبه هذي ماله اي داعي والا انتظر لحد مااشوف الشيطان تمكن منه واجي اشكي بالمنتدى بعدها تقولون لي لاينزل!! اقتباس:
تسلمين ياعسل الله يسعدك مو شرط هدفها بعيد ممكن بس بترضي غرورها بنظرة من رجل والا لفت انتباه رجل هذي الاهداف الاولى بس بعدها مراحل وللشيطان خطوات ورأيك من رأيي وهذا اللي صار اقتباس:
شكرا لعودتك مااعتقد فاتك الفرق الكبير بين اللي بالسوبرماركت او المولات عن هذي فرق اللي مرورها عابر عن اللي نقابلها تقريبا بالشهر مرتين وكل مرة تبتكر حركة الله يصلح قلبها اقتباس:
بس ماراح اسمح لها ولا تلفت نظره اقتباس:
كلام الاعضاء من العنوان فقط والا ادعاء مثالية اقتباس:
بس صدقيني دام زوجك قال لك الكلام مابخاطره لها شيء وهي غبية جت من الباب للطاقة مافيه اسلوب >>أزين أما حركات قليلات الادب فعلا هي عقدة نقص وتحب تعوضها بهالمساكين الله يحمنا وبناتنا يارب |
خليك واثقه من نفسك ومن زوجك وما عليك من أحد !! بس ما ذكرتي اسم المستشفى ليستفيد الناس منهم !!! |
اقتباس:
ادري ي الغلا انج ماتقصديني .. ويسلم راسج.. كلج ذوق ... حبيبتي.. يابنات لا حد يطفي النور عشان لاتصير حوادث وضحايا ..!!! |
اقتباس:
لكن عفوا انا شعرت بكلامك كأنك تتكلمين عن شخص غير ناضج + تهولين المسألة انظري لما لونته بالاحمر ! خايفة من موظفة !! و تكادين تتركين العلاج عند تلك الطبيبة من أجل امرأة واحدة قد تتواجد و قد تكون في اجازة وقت ذهابك ! كيف تقننعي زوجك ما ينزل من السيارة؟ برأيي بالصراحة بتقنعيه . (حبيبي في بنات متبرجات كتير بالداخل ، شو رأيك انا بروح بشوف الطبيبة و برجع و انت انتظرني ان شاء الله ما بتأخر ) او بامكانك تطلبي من زوجك ان يرافقك دون ان يتلكم مع الموظفات (يعني يترك لك الدور) بس معلش بالنهاية بدي احكي اللي بقلبي مو متخيلة نفسي رايحة زيارة مهمة تخص صحتي او صحة أطفالي و الغي وجود زوجي من أجل موظفة قاعدة على كرسي بزاوية من الزوايا ! |
اقتباس:
جت سليمة الحمدلله اقتباس:
الله يسعدك ويبعد عنك كل شر |
نصيحتي خليه براحته ان شفتيه يغازل عرفي ان زوجج مسطوول
اذا مايغازل يعني يحبك |
اقتباس:
اقتباس:
ياما شفت تصرفات غريبه لمن اكون مع بابا او اخوية في مستشفى او السوبرماركت بس هما يطنشوهم ولا يعطوهم اهتمام وانتهى الموضوع دا المطلوب من كل رجل لو كل واحد طنش كل واحده ماعندها ادب ولا اخلاق كان احترموا نفسهم |
نبض الدان
فهمت قصدك و الله هالمرأة بتخوف لكن يظهر من كلامك انها مو امرأة جريئة و بس هي شكلها بنت هوى و انا أرى ان تشتكوا عليها للادارة في مكان العمل لا تسكتي عن الموضوع !! و لو أردت الاجابة على سؤالك تحديداً أقول لك لا اخاف على زوجي من امرأة سيئة كهذه بقدر ما اغار من امرأة تعامل زوجي بشكل يومي و بطريقة ودية + محترمة (كما يدعون) |
لاتهتمين منهم ووثقي من نفسك
|
أرى أن تساعدي نفسك أولا
لن تستطيع تغيير المجتمع ولكن تستطيعين التعامل معه بمرونه وذكاء |
| الساعة الآن 11:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©