|
كريم التجاعيد
كيفكم حبيباتي.. عساكم طيبين ان شاء الله قبل أيام كنت اكلم صديقتي و من كثر الثرثره دخلنا بالمكياج و الكريمات و الخ صديقتي المقربه جدا عمرها 22 سنه يعني اصغر مني بسنه, تقولي انها من شهر اشترت كريم التجاعيد و أنا صرت كده :eek: قلت لها انتي جنيتي لساتك صغيره على الكريمات هذه, اخاف يعطوكي مفعول عكسي قالت انها تستخدم كحل العين و المسكارا يوميا, و تستخدم مزيل مكياج العيون كمان يوميا فعشان كده بدأ عندها خطوط صغيره حول العين و حسب كلامها يبان اكثر لما تبتسم او تضحك انا صديقتي ما شفتها من سنه و صعب احكم.. بس بالعاده هي مجنونة مكياج و هي مش متزوجه و لا عندها عيال ولا مسؤليات<< يا حظها ههههه:( فراتبها كله على المكياج و الموضه و شغلات فاضيه :d<< ادري بتذبحني الحين لما تشوف الموضوع كلامها دخل مخي.. و أنا كمان استخدم الكحل يوميا ( من باب التجمل للزوج :25:) و اخذت اطااااااااالع بالمرايه و ادور عن الخطوط جنب العين :11: اخذت مرايه مكبره هههه المهم لقيت شي ما يذكر,, خطوط عاااديه موجوده حتى عند الأطفال و بس الحين كيف اقنعها توقف الخرافات هذه.. او حتى تستنى شوي بأي عمر تبدأ الوحده بالكريمات هذه هي راح تقرا بنفسها و يمكن تسجل كمان :) زمان و انا انصحها بالمنتدى هذا |
هلااا اختي love of live انا عندي 32 سنه والكحل ده علي طووووووووووووووول بحطه يوميااااااااا:d لسه بادئه موضوع كريم التجاعيد من حوالي اسبوعين:( بس من رائي انتي لسه صغيره علي الكريمات دي استني لما تعدي ال30 وابدائي حطيه:d |
دي الكريمات ماوراها غير المصايب ومليانه مواد كيمائيه جدتى الله يرحمها اتوفت مافي في وجهها تجاعيد لانو كانوا بعيدين عن المكياج <<الحمدلله طالعه زيها يادوب كحل وجلوس او روج فاتح كثرت المكياج هيا الا تكبر وتعدم البشره الافضل تخفف مكياج وكريمات حاتندم لسه صغيره
|
اقتباس:
حتى 32 سنه لسه صغيره على التجاعيد رأي الشخصي 40 و ما فوق مشكوره حبيبتي والله يرزقك الذريه الصالحه عاجلا آمين |
اقتباس:
ما شاء الله يا بنوته و عيني عليكي بارده الله يرحم جدتك و جميع اموات المسلمين بس والله زمان أول تحول الحين صعب تعيشي في الجيل هذا من غير مكياج و كريمات و الخ المهم يا ستي ان الأعتدال في كل شي مهم مشكوره يا عسل والله يرزقك ابن الحلال اللي يتمناه قلبك قريب آمين |
حبيبتي توها صغيره على التجاعيد ... انا بعد الكحل ملازمني لان زوجي يحب الكحل ... ولكن عندي الحل خليها تستخدم الثلج اول ما تصحى من النوم تمرر مكعب الثلج على خدودها وعند عيونها وحتى شفايفها ... خليها تستمر على هذي الطريقه وبتشوف نتائج حلوه وواضحه .. لان الثلج ينشط الدورة الدموية بشكل رهيب ... ويشد الوجه وحتى الجسم ويمنع التجاعيد ... وهذي الطريقه شفتها لما سافرت اليابان ... فالنساء هناك ما يستخدمون الصابون او الكريمات للوجه ... قطعة ثلج بالصباح وحتى المساء يوميا تفي بالغرض ... وانا مستمرة على هذه الطريقه ... واحيانا أثلج ماء الورد واستخدمه .. والله يسعدك ويوفقك حبوبه .. |
اقتباس:
طب احكيلنا عن اليابان و كيف رحتو و اي مدينه و كم فتره سفركم افتحيلنا موضوع واحكيلنا تجربتك بليابان ،،،،،،،،،،،،،،،،،،،،،،،،، شايفه يا لوف اوف لايف فوايد الغربه بعدنا عند لمكياج الكامل و الكريمات و الحبوب السودا و انسداد المسامات صاحبتك لسه صغيره اذا استمرت علمكياج و المنظفات حتتهيج بشرتها و حتدخل دوامه ما تطلع منها و وجهها تدريجي حيحمل بثور و حبوب راسها اسود و ابيض خليها تترك بشرتها تتنفس شوي و تستفاد هلفتره بتغذيتها بلكريمات المرطبه و المساج و تشرب ماء بكميات متوازنه و تاكل اكل مفيد و تبعد عن الجنك فودز و نفسيتها تصير حلوه وتحب الناس حتصير احلى و احلى |
اقتباس:
اهلين حبيبتي لمني بشوق<<< يعجبني اسمك مررررررررره :) و نصيحتك رائعه,, انا بالعاده اغسل وجهي بماء باااارد قبل النوم و بعد الأستيقاظ و فعلا يعطيني شعور ان بشرتي نظيفه و مشدوده غير احساس النشاط و الفرش بس ما كنت ادري انه ينفع للتجاعيد,, شكلي كنت اسوي شي يبعدهم و أنا ما ادري:d و كمان عندنا بروده قارصه,, فالجو كمان في صالحي خير و بركه :22: اشكرك عزيزتي |
اقتباس:
شكلك ناويه على اليابان يا غربه :) حبيبتي انتي و الله صح فوائد الغربه كثيره و اغلبها في صالحنا بس يا رب رجعنا اوطاننا سالمين غانمين الشي اذا زاد عن حده انقلب ضده,, و فعلا النفس ما تشبع و خاصة لو فاضيه و ما وراها مسؤليات المكياج و الكريمات يصير ادمان لو الواحد بالغ في استعماله و خاصة بعمر صغير,, أجل ايش سبتي لبكره وقت الجد بس ما قلتوا بأي عمر تبدأ الوحده بالكريمات هذه و لا على حسب البشره و مدى سرعة ظهور التجاعيد |
شوفي ياستي ..
مرة وحدة قالت من سن ال 25 ووحدة ثانيى قالت من سن ال 30 بس للاماااانة . استمتعت مرة لاختصاصية انجليزية تتلكم .. قالت كل الكريمات اللي بالسوق تعمل نفس العمل .. يعني سواء انتظمتي على كريم التجاعيد و لا على الفازلين و لا النيفيا :) نفس النتيجة .. المهم هو ترطيب الوجه باي كريم كان حتى لو بزيت الزيتون المحافظة على الترطيب و شرب الماء هو السر في تاخر التجاعيد اما مايذاع عن كل الكريمات فهي فقط للبيع و التجارة ... و حتى مرة شفت عل بي بي سي .. برنامج عن كريمات التبييض .. المذيعة هندية سمرا راحت عملت فحص عند مختبر لبشرتها طبعا الفحص يشوف نوع البشرة و درجة التصبغ فيها الخ و بعدين دورت على كريم التبييض اللي لاقى اعلى تصوويت و موصوف من كثييرات كان كريم من فيرساتشي .. طبعا غاالي و مكتوب عليه النتايج بعد 8 اسابيع على ما اعتقد و مكتوب على العلبة انه مختبر على نساء و اثبت فاعليته المهم المذيعة قعدت تجربه و بعدين رجعت على المختبر تسوي الفحوصات بعد الاستخدام النتيجة كانت انه الاستخدام المستمر للكريم (الترطيب) حسن من نوعية بشرتها و من درجة التصبغ لديها يعني صار وجهها لون واحد بدل ماكان بقع ... لكنه ما بيضها .. و النتيجة هذه اي كريم بيعطيها لك حتى لو كان فازلين جدتي :) رجعت المذيعة و قابلت مسؤؤل في شركة فيرساتشي و عرضت عليه النتايج و انه هذا غش تجاري قال لها : احنا التجارب اللي عملناها كانت ايام الشتاء مع مراعاة تجنب اشعة الشمس :) عشان كدا جابت نتيجة لكن انتي عملتيها بالصيف :) .. شوفي العذر المهم المختصر المفيد لا تصرفي فلوسك على الكريمات .. استخدمي اي زيت يناسبك مثل زيت اللوز او الزيتون او شوفي لك اي كريم لترطيب و اهتمي باكلك و بشرب الماء و صلى الله و بارك |
نوره الله يجزاها خير لخصت كلامي............:28:
،،،،،،،،،،،،،،،،،،،،،، تعرفي الانجليز من يكلمو احد خاصه في مناطق معينه في بريطانيا يقولو لوف او لوفي لوف ،،،،،نشوف كيف القسم الثاني من الكره الارضيه كيف عايشين:d |
ويجزاك كل خير حبيبتي..
بس كمان زي ما ذكرتي النفسية الحلوة لها دووووور كبيير |
اقتباس:
يا ويلي تبدأي من 25 سنه و خلاص nonstop الي ما لا نهايه فعلا يعتبر ادمان اختي الكبيره عمرها حاليا 32 سنه بدأت كمان زي صديقتي باستعمال اغلى ماركات المكياج و اغلى كريمات التجاعيد بسن صغيره اعتقد بسن 27 و خلاص اتعودت و يوميا على الأشياء هذه المشكله ان لما خلاص تكون على طبيعتها من غير كريمات و مكياج, يبان شكلها اكبر بكثييير من عمرها و فعلا ضحكت بمسألة كريم التبيض ههههه قال استعملته في الصيف أجل كيف الي عايشين في الخليج ولا افريقيا او سراليا اللي اغلب اجوائهم صيف و حر صدق الي قال التجاره شطاره,, فيها الربح و فيها الخساره مشكوره حبيبتي على نصيحتك ولا تنسين تحمي بشرتك الحين في البرد هذا,, بس ابعدي عن الفازلين الله يخليكي :d |
اقتباس:
يلا مستنيين ردهم و تعليقهم و نصائحهم :) |
أنا بصراحة ملاحظة كثير التجاعيد هذه خصوصا حول وأسفل العينين
ربما لطبيعة بشرتي الجافة قلة شربي للماء عدم الانتظام على ترطيب الجسم وكنت مفكره أروح لطبيبة جلدية متى ما تيسرت عشان تشوف لي حل مع بشرتي اللي شكلها أكبر من عمري بكثير لكن ودي بوحده زينة وتخاف الله ما تكتب لي على مجموعة أدوية وكريمات عالفاضي بس على كلام اختي noora حتى الفازلين يفي بالغرض ونزيد شرب الماء والنفسية الحلوه على كلام اختي الغربة مره بس تحت العينين مادري يمكن ما يصلح أي كريم ولازم أستخدم كريم للتجاعيد حول العينين بعد استشارة طبيبة شكرا لأنك فتحتي الموضوع بكون متابعة إن شاء الله |
اقتباس:
صح يا colors فهمتيها بنفسك اهتمي بجسمك داخليا عن طريق شرب الماء و أكل الخضروات و الفواكه راح ينعكس تلقائيا على البشره و الشعر و النفسيه و كمان انصحك تاخذي حبوب multivitamins و أهم الفيتامينات هو الحديد و فيتامن د وخليكي متابعه حبيبتي :) |
بس يا بنات في شي انا لاحظته انه كل الكريمات مكتوب عليهم انه ما نستخدمهم حول منطقة العين و فعلا تصير المنطقه غير عن الوجه يصير فيها مثلا هالات سوداء او خطوط بسيطه او اكياس :d ايش الحل الحين بس انتبهت اني ما احط اي كريم حول العين و خايفه :23: اتذكر مره اختي اهدتني كريم من Estee Lauder للهالات السوداء تحت العين بس عيوني اتحسست منه, صرت ادمع و حكه و احمرار.. و استعملته بس اسبوع و بعدين رميته الهالات عندي وراثه من الوالد.. و عادي ماهي مزعجتني مره بس شكلها مزعجه اختي اللي بين فتره و فتره تذكرني فيهم :( |
للمحيط العيون .. ممكن نستخدم الزيوت .. ماراح تضر و لا تسوي تجاعيد
شوفي زيت اللوز.. او الزيتون .. جربي مجموعة و اللي ينفع اعتمديه الله يذكر صاحبتي بالخير كانت ما تنام الا و اكياس الشاي فوق عيونها :) تجي تشوفي تحت السرير .. يوووه اكوااام اكياس شاي مستعملة تكسل ترميهم :)... من فترة رحت سويت فايشال .. قالت لي استخدمي حلقات البطاطا او اكياس الشاي بانتظام راح تنفع ان شاء الله |
اقتباس:
حلقات البطاطا و أكياس الشاي عشان السواد ولا ايش يا نورا حرام عليكي,, احط زيت حول االعين.. زيت!!! تعرفي انا اكره ما عندي اشوف وجهي مزيت يعني باين دهني احط بودر طول اليوم عشان ما يصير دهني :( انتي تستعملي الزيت بنفسك?? |
البطاطا و اكياس الشاي .. للانتفاخ و السواد على كلامها بس صراحة اختك كسلاااانة تسوي يوم و سنة لا
المهم بالنسبة للزيت .. جت عليا فترة قر ات بالنت انه زيت اللوز يطلع الخدود :) فكنت ادهن بالليل قبل النوم خدودي بحركات دائرية و تحت عيوني و بقية وجهي باللي يبقى من الزين بشكل خفيف مو تعبية .. يمكن واظبت اسبوع .. حسيت وجهي مورد وصافي بس ما انتفخوا خدودي .. فا بطلته بنسبة لتحت العيون ما ركزت صراحة ان كان فاد و لا لا بس بشكل عام كنت احس وجهي احسن و مشرق اكثر بس زي ماقلت لك كسلاااااااانة . وقفت .. الايام هذه حتى بطني مكسلة ادهنها .. الله يستر |
| الساعة الآن 04:29 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©