|
السفر بعد الولاده مباشرة بالسياره
السلام عليكم ورحمة الله وبركاته
اخواني واخواتي أسعد الله جميع أوقاتكم بكل خير سؤال موجه لكم وخصوصاً النساء أنا زوجتي حامل وسوف تدخل إن شاء الله شهرها التاسع بعد يومين بإذن الله تعالى وهي بكريه .. المهم تناقشنا في موضوع ولادتها ووين راح تولد المهم أن اعطيتها حرية الاختيار سواء تولد في بيتي أو عند أهلها , تناقشنا اليوم على أساس انه القرار النهائي علشان بعض التجهيزات لأن الولاده احتمال تكون في أي وقت ، فقالت انها ترغب تكون فترة النفاس عند أهلها والولادة عندي !! أنا ما أعارض هالكلام لكن .. هل يُعقل أني أخرجها من المستشفى وآخذها لأهلها اللي يبعدون عنا مسافة 350 كيلو متر ( 4 ساعات سفر ) ؟ << طبعاً من المستشفى على طول إلى أهلها في مدينه ثانيه والسبب أنها مستحيه أن ابوها يوديها المستشفى !! وش رايكم هي جالسه جنبي الآن وتقرا الموضوع انتظر آرائكم لأني أفكر اخليها عندي ونبطل من الروحه بعد الولاده .. ودي وعبير وردي |
عادي اذا هي تبي اهم شي راحتهاوانت عارف المستشفى تخليها 24ساعه بعد الولاده وبعدين تعطيها خروج...
انا اذا ولدت اروح لاهلي وهم عني ساعتين واتحمل....وان شاء الله تقوم بالسلامه... |
مااعتقد ان فيها شي انها تسافر بعد الولاده في السياره لانه انا سافرت بعد الولاده مباشره وكنت عمليه قيصريه والحمدلله ماحسيت باي شي بس اهم شي السرعه والمطبات تبعد عنها وربي يهون عليها ان شاء الله
|
طيب شاكر لكم اخواتي ..
بس هل لازم تكون ممدوه ( منسدحه )؟ لان سيارتي ما ادري تكفي تنسدح في المقعد الخلفي والا لا مع انها مريحه لكن ما ادري .. |
ما ادري على حسب تحملها!!!
انا وحدة من الناس ماعندي تحمل مدري عشان ولادتي كانت صعبة ولا انا جزوووع.. المهم ما علينا.. بس حطوا في بالكم بيكون معاكم نونو رضيع ويحتاج رعاية ورعايتهم صعبة شوي.. والأم هل تقدر تشيل نفسها وتشيل النونو بطريق السفر؟؟ لو ماعندها مشكلة عادي . |
الله يقومها بالسلامة يارب
انا مثل زوجتك بالضبط ، اولد عند زوجي لاني احب اول ما اخرج من الولادة القاه جنبي ويكبر في اذن النونو ، احس انه واقف معاي في اصعب لحظات حياتي وارفض رفضا قاطعا اني اولد عند اهلي رغم اصرارهم بس الراحة النفسية اهم شي واذا ولدت بعيد عن زوجي تتعب نفسيتي وبعد الولادة اجلس بالمستشفى 24 ساعة ، بعدين اريح في البيت يومين ، وبعض ولاداتي ريحت اسبوع لانه امي الله يجزاها خير جاتني المهم بعد كذه اروح لاهلي اكمل نفاسي عندهم ، وغالبا الدكتور يطلب مراجعة بعد 10 ايام ، ويطلب فحوصات للبيبي عشان العظام وخلافه ، والولد كنت انتظر اطهره بعدين اروح بالنسبة للسفر ، اول شي مو لازم تكون ممدة ، لكن اذا ولادتها طبيعية تكون الخياطة مؤلمة وماتقدر تجلس ، فتحتاج وقتها كفر البواسير تشتريه من الصيدلية يجي مفتوح من الوسط عشان لا تضغط عالخياطة واما العملية فحلو انها تتمدد في المقعد الخلفي واذكر آخر ولادة تعبت جدااا فيها كانت صعبة شوي ، وكنت تعبانة رغم اني ريحت اسبوع في بيتي ، فكان طريق السفر كله وانا ممدة في المقعد الخلفي والمسافة بين المدينتين 400 كيلو بالسلامة يارب |
اختي زوجة الراسي..
القرار لك طبعا .. لكن حطي ببالك الطفل المولود .. بيكون لسه لحمة حمرا و اي نفحة برد بالغلط ممكن يمرض لاقدر الله ... الموضوع لو فيه احتمال واحد بالمية انه الطفل يتاثر . اذن بلاه احسن ... صعب عليك تضلي قاعدة 4 ساعات و انتي ماتدري كيف بتكون ولادتك ربي يسهلها .. .. ناهيك لو البيبي احتاج تغيير او رضاعة ... طيب يا اخي الراسي ليه انت ما تاخذها لبيت اهلها .. و تضل عندها و توديها انت للمستشفى في حالة كانت منحرجة من ابوها .. او حتى وديها لاهلها و ارجع لمدينتك و شغلك .. و اول ما تحس بعلامة الولادة على طول تتصل عليك و المخاض و الولادة بياخذو وقت يعني يمديك تروح لها في ولادتي اول ما حسيت بالالام اتصلت على زوجي و على طول اخذ شنطته و سيارته و اجا بس مالحقني للاسف لانه المسافة كانت 14 ساعة بالسيارة .. و انا ظليت 12 ساعة لما ولدت .. فرقت على ساعتين بس :) ربي يسهل عليها ولادتها و يقومها و البيبي بالسلامة يارب |
والله انا ما انصح
بالنسبه لها ..هي نا راح تقدر تقعد لمسافات طويله بسبب الجرح ثانيا .. انا شخصيا صار عندي هبوط لعدة ايام يكون مثل دوخه ودقيق بالقلب ووهن .. وهالشي صار مع كثير من الوالدات ..فاحتمال يصير لها ثالثا.. البيبي في اول فتره بيحتاج الرضاعه كل ساعه .. و يرجعون ..و تغيير بامبرس كل شوي .. لازم تغير البامبرس علي طوول عشان ما يصير عنده حراره فنصحتي لها .. اولدي في المكان القريب من اهلك |
اقتباس:
والله ردك يا أختي أعجبني وتقريباً دخل مزاجي ويا عساها تقتنع فيه .. هو فعلاً أقدر أجي لو بتصبر مثلك 12 ساعه بس هل تقدرين تعرفين انه اكيد انها حالة ولاده معك والا لا ؟ اما بالنسبه للجيه انا اقول لها الحين اني اقدر اجي في اي وقت اذا اتصلت وكان عندها بوادر ولاده ، وباعتقادي يمديني اوصل لها في خلال ثلاث ساعات .. عموماً بيض الله وجهك اختي على الفكره الحلوه وعساها تقتنع ويمكن يجي رد من احد الاخوات يكون حل افضل .. شكراً بحجم الكون, |
قلب القمر
ماهو بكيفي؟ أحلاهم واتحداهم تاالينا شكراً بحجم الكره الأرضية |
اقتباس:
هلا فيك اختي فعلاً هذي الأمور اللي أنا خايف وكمان أنا خايف من أمور أعظم لأن مو معقول نسوي هالشي وأعتبرها بصراحه مغامره بصحة شخصين عزيزين علي .. ثاني شي لو حصل شي لهم فهم في ذمتي ، حتى أهلي وأهلها راح يلقون اللوم علي لأني اتوقع لو يدرون بهالشي راح يرفضون وبيرفضون علي أسوي هالسواة .. وبعدين هي تقول لا تقول لاهلي ولا اهلك وبنسافر ونجي عندهم واذا عرفوا وخفت يقولون لك شي قول لهم أنها هي اللي رافضه تجي من البدايه ورافضه تقضي فترة النفاس في مديننا اللي حنا فيها ، طبعاً أنا راح اللوم يقع علي كله لأنهم بيقولوا انت الرجال والمفروض تحكم عقلك في مثل هالامور وما تخاطر بزوجتك وطفلكم حتى لو هي قالت :30: عموماً أختي بارك الله في الصلب الذي أنبتك والبطن الذي حملك |
طلعها في الطيارة بعد الولادة ؛
|
اقتباس:
بعدين يقولون الطيران يضر كثير وخصوصاً المولودلان الضغط الجوي مضر جداً والسفر بالسياره أفضل .. |
قريبتي كل مرة تولد في الرياض ... وتحضر والدتها ثاني يوم وتجلس معها يومين او اسبوع ثم يذهب بهن زوجها الى بيت اهلها مسافة 6 ساعات ...
بحيث تهتم الجدة بالمولود وترتاح الوالدة الله يقدم لكم اللي فيه الخير |
والله مشكلة صراحة انا حاليا نفس معاناتك اخوي انت وزوجتك بس مشكلتي انه اهلي بعيدين عني 12 ساعة ونفسي اولد عند زوجي سبحان الله احس براحة نفسية وودي يحضر معاي كل شئ حتى فترة النفاس بس الظروف صعبة وخاصة اني اذا بولد لازم قبل بشهر اكون عند اهلي عشان الطيارة ترفض والسفر بالسيارة 12 ساعة هلاااااااك للحامل
الله يسهل عليكم وعلينا ونشوف الاعضاء وافكارهم |
خذها قبل الولادة لأهلها و لما تشعر بأعراض الولادة هي تتصل فيك و انت سافر لها بالطيارة
احضر ولادتها و اجلس معها يومين شوف ابنك و ارجع لمدينك و هي بتبقى عند أهلها السفر متعب و سيء بكل الأحوال للحامل و المرضع و لكن الصعب الاهتمام بالطفل بالسيارة طوال هذه المدة لكن اذا نام الطفل الأمر سهل ممكن اذا زوجتك أصرت على الولادة بمدينتكم هيئوا أمور سفر البيبي من الآن اشتروا كرسي سيارة او سلة لوضع البيبي فيها بأمان أثناء السفر هيئوا حليب صناعي لرضاعته في حال الجوع على الطريق و طبعا الأمور الأخرى من تغيير و ما شابه و أهم شي ما يتعرض الطفل للبرد او الهواء أثناء الرحلة |
عادي جدا انا قصريه مو طبيعي وكثيرات اعرفهن بعد ماتطلع من المستشفي تروح عند اهلها ومو ساعات لا ساعات وعادي تمدد مرتبه الاماميه علي حسب راحته وربي يقومه بسلامه
|
نعم يا اخي في الغالب ممكن تعرف ان كانت على ولادة او لا
طبعا مش اول ما تحس بالام تتصل فيك .. لا و انما اذا شافت البوادر مثلا خروج ماء الراس خروج سدادة الرحم الالام منتظمة ( تجيها كل ربع ساعة مثلا) و اكيد والدتها فاهمة و بتعرف ايش هي علامات الولادة ؟؟ الله يرزقها ساعه ولادة سهلة |
اختنا في الله زوجة اخينا الراسي
ان شاء الله تقومي بالسلامه انتي والبيبي انا ضد فكرة انو تكوني عند اهلك ووقت الولاده تتصلي باخينا والسبب مثل ما قال بدل الاربع ساعات يقدر يوصل بثلاث ساعات ورح يعرص نفسه للخطر والسرعه وووووو وانتي بدل ما تفكري بالولاده رح تفكري انو زوجك حبيبك في الطريق ويمكن تتصلي فيه وهو يرد ويتلهى عن التركيز بالطريق للرد على التلفون لذلك افصل حل مثل ما قلتي انو تولدي عندكم ومن ثم تخرجي للبيت ولو ليوم واحد ورح اقول لك السبب اولا يمكن يكون لك ثياب للغسل وترتاحين قليلا في البيت رح تكوني اشتقتي لفراشك واخونا طبعا ما رح نوصي حريص رح يقوم بالواجب وزياده من اهتمام بك ومن ثم اطلبي من المشفى دوا لتخفيف الالم ولكن انتبهي من الامساك وبعدها تكوني درستي نفسك وجسدك وتتكلون على الله سبحانه وتعالى وتجلسين في المقعد الامامي وتضعي ششيء ما تجت رجليكي ليفضلو مرفوعين وترجعي الكرسي حسب راحة ظهرك وخذي معك مسند او مخده لتضعي رأسك وبدل ما ياخذ مع زوجك ثلاث ساعات او اربع ويكون لوحده خليه ياخذ خمس ساعات يقود بتقني وراحه وانتي معه تونسيه واذا امكن تكون امك قربك وقت الولاده يكون افضل او اخونا يكفي ويوفى ثم اخونا الفاضل وجودك قرب زوجتك اثناء الولاده واهتمامك بها ترا له شعور غير واكبار عند الزوجه ونفسيتها تكون سعيده وانت ايضا تتذكر امك وقت انجبتك صدقني لحظة خروج البيبي للنور ولا اروع من منظر وتفكر بقدرة الله عزى و جل فلا تحرم نفسك منها وامسك يد زوجتك وخليها تشد على يدك والدعاء مستجاب في هذا الوقت توصلي لاهلك بخير وسلامه وترجعي تنوري بيتك وعصفور البيت يزغرد في البيت واع واع واع الله لا يخليه من بيت حدااا ويرزق كل من يتمنى وينتظر خبر مفرح بالحمل |
| الساعة الآن 12:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©