|
انت/ي بلرياض ...ساعدوني الله يفرج همكم !!تعبت تفكير !
السلام مابطول عليكم
قربت اختباراتي الجامعيه سنه اولى للاسف انا بلشرقيه وحطيتهابلرياض لاجل ولدي حطه عند اهلي ويساعدوني فيه شوي واذاكر لكن ابي منكم ياخوان ويااخوات ابي رقم سواق يوصل من حي عريجاء الى حي الرياااان بمدارس النموذجيه بنين للاسف كل حي بعيد عن ال2 !!! لكن وش اسوي انا منتسبه دوامي واختباري يبدء من 3 العصر الى 6 هذا اغلب الايام ويوم وااااحد بس من 3 الى 8 الليل !!! ايام اختباراتي 7 اياااااااام ومتقطه يعني في ايام راحه بينها وحتى زوجي تعب يقول كيف نلقى لك سواق بمحرم !!!! لاني مستحيل اركب مع سواااق لحااااااااالي وبحي ابعد من ال2 !!!! صعبه وانا خوااافه المهم كتبت بمنتدى انتساب خاص بجامعة فيصل وجهة نداء لبنات لراياض باافادتي للي تبي سواق من حي عريجاء او اللي قريبه منها ويوصلنا سواء للمدرسه اللي بنختبر فيها! وللاااااااااان انتظر احد يرد ...وان شاء الله خير لكن كتبت هنا لااني قلت هذا المنتدى يعرفوني واحبهم من قلبي لانهم اخواتي واخوان في الله وهلمنتدى بيتي ال2 والله فقلت ان شاء الله اجد احد من الاخوان او الاخوات يفيدني يارب وصدقوني ابظل ادعي كل يوم اروح فيه اختباري له بلي يبي لاتنسوني من دعائكم فوالله اني بقمة التعب والحوسه والهم والنفسيه زفت من المذاكره وتعب ابو زوجي وهم ترك زوجي شهر واسبوع لحاله ....هو يخفف يقول عادي عادي !!!!لكن انا ااااااااااااه وبس من قلبي لكن قلت له خذ وقت لتجديد العزوبيه:d !! قال للاسف نفسيتي وعقلي متعب لاجل ابوي ...الله يشفيه يارب ويرفع عنه . |
اي احد عنده اخت معها سواق بمحرم
الله يسعدكم يدق ع سواقها ويسئله اذا مافي حرج وللان انا لحالي وان وجدت احد معي ابخبركم والله اني باامس الحاجه اختباراتي بتبدء في 2/2 |
حبيت ادعيلك ان الله يوفقك في اختباراتك ان شاء الله و الله يزيل عنكم الهم و التعب و يشفي والد زوجك انه على كل شي قدير و الله ما عندي اي خلفيه عن السواق و ان شاء الله الأعضاء ما يقصروا :) |
|
الله يسعدكم يارب للي دعى لي اللهم امين ويرزقك يارب
الكسائي ااشكرك اخي ماادري اختي لكن العاديات توصل بليل انا انتساب دوااامي مسااائي للاسف وعن الاقام فاااذا وجدت احد عنده رقم ابتواصل مع الاداره لاجل استفيد جزاك الله خير ويسعدك يارب يارب |
اقتباس:
اختي همس انا والله اعتبرك اختي واخاف عليكي فلا تبحثي عن السائق بهذه الطريقه لانكي لاتعلمين أمانة السائق ودينه حتى لوكان مسلماً وماالذي يثبت أن من معه من محارمه لا اقصد تخويفك لكن المدن الكبيره بها من المصائب ماالله به عليم لذلك لديكي شركات الليموزين وشركات النقل المدرسي أفضل شي وأمان لكي بإذن الله حتى لو إضطريتي لتكوني وحدك فلاخوف عليكي بإذن الله إبحثي عن ذلك بالنت او الجرائد مثل الوسيط وجرائد صغيره تجدينها في الهايبرات الكبيره(بنده والعثيم ..) |
أتصلي عليهم وسوف يفيدونك بصراحة لا أعرف عن عملهم المسائي
-وإذا لم تجدي عندهم حلا فما عليك إلا أن تبحثي عن سواق بزوجته يوصلونك -أو تتعاقدون مع شركة ليموزين شهريا بمبلغ من المال وهذا نراه دائما في الرياض مدرسات يأتيهن سواق ليموزين ينقلهن من البيت للعمل والعكس وعليك بالدعاء ان يسهل الله عليك |
جزاكم الله خير
غايتي الرضا فرج الله همك ع تنبيهك واصلن زوجي وانا بلذات متخوفه من الذهاب لوحدي فزوجي رافض ان اركب لحالي مع لموزين او اي سائق لاضمااان لدي ابدا اريد مثلا منكم بعض الشركات كالعاديات ومن هلشركات اللي توصل لكن للاسف انا مسائي وهذا ماصعب الامر علي من 3 العصر الى 6 المغرب او من 3 الى 8 وهذا يوم واحد والكسائي جزاك الله خير وحقق مرادك ابتصل وابحث ان وجدتم لي عن شركه فلا تبخلوا علي والله اني بحاجه ماسه لها |
يا ريت لو اعرف شئ في الرياض او شئ لكن انا اغرق في كوب ماء فما بالك بالرياض هههه...
احببت ان ادعو لك ان تتيسر احوالك و ان تتيسري في اختباراتك... بس سؤال، فش عندكم نقل عام؟ باصات؟ قطارات؟ أو اذا تقدري تبحثي عن مرأة اخرى تذهب معك في فترات اختباراتك لتتسلى فاذهبي حينها بتكسي... ممكن تسألي من حولك من النساء... الله يوفقك أختي همس... و لو أني استطيع أن ابعث خطيبتي من لبنان الى الرياض لتسوقك الى اختبارتك لما قصرت... لكن المشكلة الوحيدة ان خطيبتي لا تجيد القيادة...:18: |
طيب اختي همس الحين انتي ماتعرفين اي احد من البنات بالجامعه؟؟
نصيحة اختي روحي مع بنات الجامعه افضل لكم واضمن اول يوم روحي مع وحده من خواتك وبعدين اسالي البنات يدبرها ربك الله يوفقك ويسهل عليك اختباراتك |
البنات ومعاناة النقل
أنا أفكر أترك وظيفتي عشان هالسبب عموما أنا أعرف سائق سوداني مع زوجته بحي السويدي ( الظاهر انه حول عريجاء ) ماقدر يوصلني عشان دوام أولادهم لكن ممكن أنت تناسبينهم أكثر .. بس مدري كيف أحط الرقم هنا !! مالظاهر إنه مسموح .. |
انا اكثر وحدة تشحططت :17::dفي المواصلات وهمها سواء في عمل او دراسة او حتى مشوار ضروري هذا حال بنات السعودية وبالاخص الرياض عندي قائمة وصرت مشهورة بتصدير أرقام السواقين هههههههه طولي بالك اختي الغالية بس كيف نساعدك وادارة المنتدى مانعة راسلي الادارة ولو سمحو من عيوننا والله يوفقك يارب..
|
اقتباس:
ضحكت يوم قرءت ردك والله ياليت عندنا يسمحون بلسواقه لكان انحل امري وامر كثييييييير من النساء عندنا نقل لكن الاغلب صباحي وسواق صبااحي لكن مسائي نادرا اجد للاسف انا انتساب واختباري يبدء 3 العصر وينتهي 6 المغرب واحيانا العشاء الساعه 8 فوقتي صعب جدا ان اركب مع سائق ليلا ولحالي ولا اعرف عنه اي اي شيء !! انا خواااافه جدا ومستحيل اركب كذا ! وزوجي لو اموت مستحيل يوافق ع شخص مجهول ولحالي صح لو معي بنات اكثر من وااحده فحلو لكن لم اجد من بنات جامعتي احد وبنات جامعتي اعرفهم فقط عبر النت فقط كلنا طالبات انتسااااب مطور وليس الانتساب العادي!! معرفة نت فقط عبر منتدى الجامعه ! وللاسف كل وحده يابمنطقه غير الرياض او بمنطقة الرياض تجد الاب او الاخ او الزوج يوصلهم اماانا للاسف ابسافر لااهلي لاجل ابني الصغير للرياض وزوجي يبقى بلشرقيه وينزل بعد انتهائي بااسبوع للاجاه بين الفصلين الاول وال2!!!! حسيت كل الطرق مسدوده بوجهي فل وزاد هم لم اجد سااائق ثقه ! الله يعين يارب يارب والله اني ادعي يارب فرج همي وهم زوجي وكل مسلم ومسلمه يارب جزاك الله خير اخي م زيتون ويعطيك العافي ع المرور. اقتباس:
لكن ان شاء اخواتي واخوني الصغار مابيقصرون ومع ذلك ماودي اتركه وهو يسئلعني قلقانه من هالشيء ! اقتباس:
جزاك الله خير ارسلت للاداره وانتظر ردهم لاجل تفيدوني .. اقتباس:
ابله قلت هذه اكيد عندها ارقاااااااااااام مو رقم لانها معلمه ...بلاسم ... الله يسعدك وينور قلبك يارب انا راسلت الاداره انتظر الرد قلت ابي ارقام من الاخت الوان والاخت ابله جوجو لكن اتمنى منكم تعلموني اكثر عنهم وين اماكنهم هل هم يوصلون بنات ولا لا .... وهكذا ... الله يرزقكم ويسعدكم لكل من مر ودعى وافادني الف الف شكر لكم ... الله يجزاكم الف الف الف خير حبايبي . |
أنا مغترب بالرياض ادرس بالكلية الالمانية اللي بالريان كـلـية الـمدربـين
وبالنسبه للمجمع حق المدارس اللي بالريان عندهم باصات ودائم اشوف سيارات نقل معلمات وطالبات مكتوبه عليها ارقام الجوالات وفيه العاديات والصافنات يمكن يوصلون بالمسا لان فيه محاضرات بالمسا. والله يقرب اليوم اللي اشوف البنات يسوقون فيه |
الاخت الكريمة حبيت ادخل وادعى لك اسأل الله ان يوفقك ويبارك لك فى الوقت ويجعلك من الناجحين وبأذن الله تعالى |
إذا مالقيتي 000 دقي علي 00 البس شماغ وثوب ابو الشباب واوديك000
كم عندنا من همس حنا00 نخدمك بعيونا يا ضيفتنا الغاليه المجتهده00 الله يوفقك وييسر امرك ويحفظك وينجحك عندي ارقام سواقين000 فيهم امانه00 انتي اشري بس00 ولا يأشر مدير المنتدى بس 000ههههههههه |
همس طمنينا وش صار عليك عسى استفدتي من الارقام؟؟
|
اختي همس فيه مجموعه وصلني بالرياض بدون محرم لكنها تختار ساائق محترم ويكون تواصل صاحب المجموعه مع السائق عبر الاسلكي
اعرف ناس من قرايبنا محاااافظين ويخلون بناتهم يرحون معه لانه جدا محترم حتى من شروط المجموعه انها ماتدخل شارع التحليه يوم الخميس والاربعاء لانو كله شباب وفيه بعد العاديات والمبارك والرشد <<<شركات بس مادري اذا بمحرم او لا وفعلا هموسه لاتدورين اي سواق عايتي دوري اما شركه او احد مجرب وغالبا ترى الاخوه السودانين ماشاءلله محترمين احس ارتاح لهم اكثر |
انا اعرف سواق رجال كبير ولو تبين زوجته تجي معه مايمانع
ومحترم جداااااااااااااا عياله متزوجين وعندهم عيال بس الحاجه خلته يشتغل هالشغله تبين رقمه عطيتك بس كيف اكتبه هنا خصوصا انه مايودي اي احد ومابي اكتب رقمه هنا كل من يزعجه يشهد الله اني ارتاح له وابوي مستحيل يرضى بسواق تأجير بس هو عادي |
اقتباس:
اسفه اني تاخرت عليكم الان اخذت الارقام وان شاء الله ابستفيد منها ابقول لزوجي واشوف رئيه .... وكذلك الردود جزاكم الله خير ويعطيكم العافيه ... ابوي ماادري عنه اتصل بي ويقول في محل صاحبه مصري يقدر يوصلني وهو متزوج وهو يوصل ابتدائي ومتوسط وهو يعرف محله ورانا احترت وربي خايفه وش اخذ ؟ طيب الشركات توصل مساااائي ... |
شركه وصلني توصل مسائي بس اتوقع انها بدون محرم
اما باقي الشركات مااعرف بصراحه الله يسهل عليك |
الله يسعدكم وينور طريقكم يارب
ودي اعرف كم يااخذ كل سووواق ذكرتوه او حتى الشركات كم تاخذ تقريبا ! لان الميزانيه والله مضرؤبه وبسبة الجامعه ! |
^
غالبا يحسبونها كمشوار يومي ، أتوقع بما ان المكان بعيد يكون باليوم 50 إلى 60 ريال ذهاب و إياب . |
اقتباس:
يسعدك ربي هل تقصدين الشركات ولا السواق العادي تخيلوا لقيت سوداني يوصلني ب 7 ايام ومو متواصل يعني فيي ايام راااااااحه قال بياخذ 750 ريال !!!!! صدمت !!! وش رايكم مو غالي ولا هم كذا بصراحه ماقد تعاملت مع سوااااويق ودي بسواق ارخص شوي! |
اختي همس الافضل انك تتعاملي معهم بالشهر مو باليوم
لانو بيطلع عليك ارخص بكثير العاديات والرشد اشوف صديقاتي يروحو معهم الصباح ب800 بالشهر ع ماظن ماتاكدت مره بس ماتوقع اكثر من هالمبلغ |
،’
سالت السواق لكـ وقال انو ياخذ بالشهرَ 800 ريال , ولك مشوار واحد باليوم ذهاب واياب يقول واخر الشهر 800 هذا ما قاله والله يسهل عليك ،’ |
شوفي الشركات الثقه
مثل العاديات مشواري اتوقع في الشهر بتطلع ارخص عليك يمكن في حدود 500 ريال موفقه ان شاء الله |
رولادا
اتمنى تعظيني رقم مشواري لو سمحتى تخيلي لقيت سوق 700 و 50 غاليه ب 7 ايام ومتقطع . |
مو عندي رقمهم الحين
ان شاء الله اذا حصلته بكتبه لك هنا موفقه |
اقتباس:
كنبت بقوقل ولقيت ان لهم موقع جزيني خيرا |
همس 750 مره غالي و7 ايام بس يمكن حس انك مو لاقيه احد ومحتاجه فحب يستغلك
لو تاخذينه شهر افضل لك بكثير |
ابدق واسئل بكم يوصلوني
وان شاء الله يكون السعر اهون وبعدين شركه اهون من اني اخذ لي سواق ماادري وش فصله باص ولا سياره خاصه وسواق ولمدة سااااعه اقعد بروحي معه الله يسعدك |
اطلبي يكون في محرم معه عشان ماتكوني لوحدك
الله ييسرلك ويوفقك |
اقتباس:
هو سوداني وتخيلي للان مايدري وين حي الريان يعني اذا سافرت للرياض زوجي بياخذه ويوريه المكان ولا بعد 700 و 50 ع 7 اياااااااااام يعني جدولي الخميس 2 /2 بداوم 3 العصر واطلع 6 الجمعه راحه السبت مادتين من 3 الى 8 الاحد راحه الاثنين ماده من 3 الى 6 الثلاثاء ماده الاربعاء ماده الخميس ماده الجمعه راحه السبت راحه الاحد راحه الاثنين ماده .........!!!! الثلاثاء مادهو 700 و 50 ريال . |
اقتباس:
الله يسعدك وينور دربك يارب |
اقتباس:
|
للاسف
كللمت باص مشواري قال لا مانوصل لاني بعريجاء وبعيد عن حي الريان |
يا اختى سبحان الله لماذا لا يقوم والدك بتوصيلك وخصوصا ان دوامك مسائى وغالبا سيكون فاضى او على الاقل يمكن ان يوصلك وهو ذاهب الى دوامه فى المساء اذا كان عمله فترتين ثم يعود ليأخذك والله هذا الحل هو الامان بأذن الله لانه فى هذه الايام لا يوجد من ثق فيه ولا حول ولا قوة الا بالله |
ابو مريم
صدقت ردك هذا قلب موااااجعي جدا جدا ابي للاسف لايريد وانا ماحبيت اضغط عليه لكن اللي احرجني وهو ان زوجي صدم وهذا مالاحظته من ناظراته !!!!!! اين ابوك .! كان المفروض هو يوديك دامه جالس بلبيت !!!!! انحرجت ياابو مريم لدرجه ماتتصورها للاسف لم اتوقع من ابي انه رافض يوصلني وانا بنته البكريه المتزوجه ومعها احلى حفيد يسليه ويضحكه بلاغلب ويسليهم بلبيت للاسف انا تحطمت وبكيت جدا جدا من يوم ما وهو عندما طلع بموقع الجامعه ان يجب تحديد موقع الاختبار !!!! وقلت لزوجي الحبيب فقال حدديه عند اهلك ! بسب الولد يجد خالاته وجدته تهتم بها واخوك الصغير يلعب معه . فحددته بلرياض علما باني بلشرقيه فرحت اخبر اهلي باني حددته وامي واخواتي فرحوا وقالوا حلو لاجل نهتم بولدك ولا يهمك حنا بنهتم فيه ! وابوووووووووووووي للاسف قال بصوت عالي !!! ليه تحطينه هنا بلرياض ! ليه ماحطيتيه هناك (قصده بلشرقيه عندنا لاجل زوجك يوصلك ماني فاضي لك )هذه الرساله التي اراد ان يوصلها ! تحطمت وتفاجئت وقالت امي هذا ابوك وما عليك منه خذي لك سووووواق ..... يااخ ابو مريم ليتك تعلم كم خسرت ع الجامعه وخسرت زوجي وخسرت ع هلسواق هذا ممن غير ان النفسيه تعبانه من قبل لكثرة السفر للرايض بسب تعب ابوه الله يشفيه .... فاتحني زوجي بان الميزانيه خلالالالاص ! قلت ابشر ابوقف درااااسه لكن هلسنه بس تعدي والسنوات الباقي ابكملها بعد سنوات وبعد السكن ! لان عمله بيطلع لنا بيت ملك باذن الله قريب وبعد السكن ابصبر كم سنه زيااااده لين يصلح الحال ويسمح لي ! للاسف ابي جرحني بلسابق وجرحني الان ودائما يسب زوجي بسب لاذنب له وانا ادافع عنه واواجهه بلحقيقه وامي معي واخواتي لنقول الحق وهو ينحرج فيرفع صوته وغى يمد يده ع وحده من اخواتي لانها قالت كلمه معها حق بها !!!!دفعا عن زوجي !!!! وانا طردني من البيييييييييييييييييييت !!!متخيل طردني !! حسيت خلالالالالالالالالاص !!! ابوي زوجني قصده ماني فايده منك انتي لزوجك !!!! معدك لي !!! تحطمت يااهل المنتدى مافي اجازه تمر وانا عند اهلي الا وانا ابكي باخر الليل من لسان ابي وتجريحه لزوجي وبغضه لولدي وتعامله الجاف مع ولدي اللي عمره سنتين !!!واللي يشوفه يقول عمره 20 سنه !!! يستفزني انا بتعامله مع ولدي يريدني اهاوشه لاجل يطردني مره 3 !!! رغم ان زوجي والله العظيم ثم والله للان يروح لااهلي ومايدخل الا ومحمل اكياس الحلوى واشياء اخرى يعيد امي ويعطيني لااعيد ابي !!!! طلبته اشتري هديه لاابي !!فنزلني وشرى لاابي اغلى عطر وعطاني لااعطيه !!! ورغم ذلك ابي !!!لا يحبه لاانه من خارج العائله !!!!مو ولد لعم اللي ابوي كان يتمناااااه !!!! ابوي مره استفز زوجي بحركه !!وهو ان زوجي بلمجلس وولددي توه بذاك الوقت عمره سنه !!! توه يمشي يلعب فكن يمسك التحفه الزجاج !! فطلب ابي اخي ان يااتي بسلك الملابس لتخويف ولدي او ضربه .....امام زوجي !!! وانا موجوده فقال اخوي لالا نفخ عليه وجاب اخي خوفا من ابي !!! وزوجي ناظر فيني نظره !!!!تعجب وزعل من تصرف ابي وانا من الاساس زعلانه من تصرفه!!! فتهاوشت انا وابي من تصرفه اللي يقلل من احترام زوجي وما اكتفى ابي لا بل كل دقيقه يناظر بلساعه دون اي احترام لزوجي !! فاانحرج زوجي وكان وجهه احمر من الغضب !وقام وودع المهم فقال زوجي اباخذ الولد ساعه عند الاهل واتمنى انك تجين فقلت له وربي يافلان ماني متجهزه ! المهم مرت الايام وهدء الحاااااال وابوي طيب بلاوقات العاديه لكن الاحض غيرته الشديده من زوجي مادري علي او من ايش ؟! وطيب مع ولدي لكن اذا زعل مني يرجع علينا اجمعين !! فعلاقتي باابي هو من افسدها !!! ولن اسامحه مهما فعل ! لانه جعلني بمواقف محرجه اكثر من مره بدون اي رحمه او شفقه او خوف والله لايجعلني احتاجه ابد ابدا لاني عارفه ماراح يفيدني وان افاد بيستهزيء او يفعل مجبرا........... وليتك تعلم اخي زوجي يتغاضى وانا اصبحت ابعد زوجي عن اهلي بقدر المستطاع بسب ابوي لايريد استقباله بسب مباره او بسب سخيف يقول قولوا نايم !!!! نايم بوقت محد ينام فيه !!! وكله بغض لاني مااخذت ولد عمي ....ولد عمي اللي مادق الباب ولا فكر يتزوجني .!!!!!! ولان زوجي ملتزم وابي لايحب الملتزميييييين !!! لكن اصبحت احول جاهده ان لااجعل زوجي وابي يتواجهان لاجل ابوي لايموووون ع زوجي ويبدء يجرح فيه كما يفعل معي علاقتهم ببعض جدا جدا جدا رسميه لكن ابوي يستفز وزوجي يسكت ويزعل !!وانا اتغاااضى لكني متاكده انه بياااااتي يوم وتشتعل النااااار وانا اكلها بين الطرفين !!! فبماذا تنصحوني لاني تعبت من والدي .... وباذن الله بعد انتهائي من الاختبارات ابكتب موضوع عن علاقتي بابي وعلاقت ابي بزوجي !! اريد مرشد اريد اي احديفيدني اي احد له رئي فليدليه لي فانا تعبت من ابي ! |
اختي همس ابحثي عن مجموعه وصلني الي قلت لك عنها
اذكر المشاوير عندها مو غاليه ومضمونه باذن الله ومعروفه بالرياض عالاقل هذي تعتبر شركه واحسن من السوداني لانو بلحاله هذي فيه تواصل مع السائق وصاحب الشركه اسئلي عن العاديات المبارك الرشد وافضل لك اذا جيتي تتفقين معهم اتفقي بالشهر لانهم راح يستغلوك بالمشوار اليومي والله يسهل عليك |
| الساعة الآن 11:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
