|
البحث عن عريس!!
السلام عليكم ورحمة الله
انا بنت عمري 29 سنه، ومسجله في موقع للزواج،ابي القى شخص مناسب لي،،، وفعلا في شخص اعجبته بياناتي وطلب مني اشوف بياناته( البيانات هي الطول والوزن والعمر واذا كنت قبيليه ام لا ، ونوع التعليم،والمواصفات اللي ابيها) ولقيتها مره مناسبه لي، وطلب مني اضيفه بالماسنجر ،، بالرغم اني ماقد اضفت احد ومستحيل اضيف لكن حسيت اننا فعلا لازم نتواصل عشان نتفق،، اول ما اضفته عرف عن نفسه وعرفت عن نفسي وبعدين سئلني اذا عادي اروح معه بعثه،،طبعا وافقت لان هذا حلمي،،قال انه بيجي بعد اسبوعين للسعوديه وبيخطبوني، بس عنده مشكله، ضروفه مره سيئه لانه طالبه وماعنده الا المكافاه،، بس اللي قهرني سؤاله كم التكلفه الاجماليه، عطيني كم وانا بفكر< يقصد المهر قلت مدري بس اهلي ما يبالغون ابدا،، قال عطيني كم التكاليف بالريال وبشوف ظروفي اذا تسمح او لا انا مره حزت بنفسي حسيت اني بضاعه ((وبيني وبينكم ما ابي اضيعه،، نفس قبيلتي ونفس عمري،، ويبيني اكمل معه دراسه برا)) قلت انت كم تقدر؟؟ قال 20 الف،، قلت له لا زيدهم 30،، :( الموضوع سبب لي اهانه واخاف بكره يعايرني او انه بيتزوجني بس عشان البعثه وخلاص قال انا مشكلتي بس ماديه، وشرايــــكم ما ابيه يسترخصني،، انا ابي اتزووووج وانا لو ادفع عمري بس اكمل دراستي،، ما ابي اضيعه، والرجال معي محترم، |
يا اختي لازم يخطبك رسمي
و بعد ان يطلبك بشكل رسمي من أهلك وكلي امرك لأهلك ابوك و اخوانك يسألوا عنه بشكل جيد لازم تعرفي عنه كل شي ما دامه من قبيلتك فأكيد ليس بالأمر الصعب ان تعرفوا عنه اسألي عن أخلاقه و دينه و أصحابه ، و هل له علاقات سابقة ، هل هو مطلق او أرمل أو ماذا لا تعتمدوا على كلامه فقط أما بالنسبة للأمور المادية أرى ان تتجاوزيها حالياً ان شعرت انك بضاعة او ما شعرت مو مهم المهم تعرفوا عن أخلاقه كل شي مافيها شي لو سأل عن الأمور المادية كي يعلم كيف يدير أموره قبل ان يأتي مو شايفة فيها مشكلة أهم شي الاخلاااااااااااااق صدقيني لا تستبقي الأمور ، ممكن ما يعجبك شكله او ما يعجبه شكلك هناك أمور كثييييييييييرة أمامك ، لا تقفي عند هذه النقطة توقفي الآن عن الكلام بالمسنجر ليس لأنه لا يجوز فقط و لكن ايضا ليراك ثقيلة ! و لا تنسي الاستخارة الله يتمم بالخير |
اقتباس:
ماريا شكراا على مرورك وتفاعلك معي ان شا الله بيخطبني رسمي اول ما يجي الرياض والكلام بيننا بالماسنجر ما تعدى التعارف العام ومادخلنا بخصوصيات ابداا هو لازم يعرف عني بعض الامور قبل يقول لاهله،، وين ساكنه بنت مين،، وانا بعد لازم اعرف عن وضعه الاجتماعي وعلى فكره (( انا ضد العلاقه والحب بالماسنجر او التشات او النت)) وبالنسبه لشكله هو حاط صورته بالماسنجر،، مقبول،، بس انا احلا منه بكثير هو يقول انتي بس علميني التكلفه،، عشان اتقدم على طول بصراحه اهلي ما يطلبون مهر ابداااا،، لو يدفع الف عادي ،،ابوي مرتاح ماديا،، بس يهمه الرجال نفسه انا ما ابيه يعرف هالشي،، بالنسبه للسؤال عنه ،، زوج خالتي بالمباحث،:30:، :22:وما يقصرررر |
اقتباس:
توكلي على الله و انا برأيي اذا عاجبك يسري و لا تعسري بنت العز ما بتطلب كتير لأنها شبعانة << لازم خطيبك يشوف هذه الأمور يا رب يكون أخلاق و يعجبك و تبشرينا :14: |
اقتباس:
اميـــــــن يارب،، تسلمين لي بس هو مازال ينتظر ردي(( كـــم التكلفه)) ابي احد يعطيني رائي،، او كيف ارد عليه ،، ماابيه يحس اني بايعه نفسي،، |
اقتباس:
لا تعطيه رقم محدد قولي له لا أستطيع ان أسأل الوالد لكن أريدك ان تعرف ان والدي ليس من النوع المادي و لا أظن انه سيغالي بالمهر و الطلبات إذا أصر على تحديد رقم اكتبي له مجرد توقع من كذا إلى كذا (مثلا من 15 إلى 30 ألف ) و ان كان يريدك سيأتي و ان لم يكن جاد لن يأتي |
اتركيه لوجه الله
ماانصحك فيه حتى لو صادق ربما اذا صار زواج ربما يعايرك وربما مايثق بك واللللللللللللللللللللللخ من المور وانتي في غنى عنها ادعي الله مع الإستغفاااااااااااااااااااار وصدق الصدقة السر وسترين النتيجه وفقك الله لكل خير وثبتك الله على طاعته |
اقتباس:
شكرا مرورك همس،، بس ما ابي اتركه وما اتمني،، دراستي برا المملكه تقريبا شي مستحيل بس لو اتزوجه بتتحقق ياليت اخواني الاعضاء من الرجال ،، يعطوني رايهم |
اختي الفاضلة ..
اصراره علي معرفته للمهر دليل قاطع علي صدق نيته .. ستسالين كيف ؟؟ انا اخبرك .. لو لم يكن صادق .. لما اهتم بمبلغ المهر لانه في كل الاحوال لن يتقدم اصلا .. اما لانه صادق فهو يهتم به .. لانه لو كان كبيرا عليه فلن يتقدم و سيقطع علاقته بك اما لو كان مناسبا لظروفه فسيكمل ارتباطه بك .. اما عن مسألة انك بايعه نفسك .. فانا كشاب عندما اتقدم لعروس و يغالي اهلها في الشبكة و المقدم و المؤخر .. يرخصوا في نظري .. لانهم اشعروني انهم يبيعون ابنتهم بحفنة من المال .. اما من يسهلوا الامور المادية .. فاشعر معهم انهم اولاد عز و مش لازمهم .. و ان راحة ابنتهم اغلي مني و من فلوسي .. و ان ابنتهم غالية و انهم ليس لديهم مانع في ان يتكلفوا الغالي و الثمين من اجل تدليل ابنتهم و رؤيتها مع من اختاره قلبها و عقلها .. اخبريه ان والدك ميسر ماديا و انه لن تفرق معه هذه الامور .. و لو اصر علي معرفة المبلغ فاخبريه .. لان هناك بعض الناس و انا منهم لا يحبون ان يكونوا في موقف المتوسل .. اي ان يجلس امام والد العروسة و يترجاه ان يتقبل ظروفه .. او ان يوافق والد العروسة بظروفه رأفة بحاله .. فهناك بعض الناس لا يطيقون ذلك ابدا .. نظرة الشفقة او العطف كما لو كان يتسول .. |
اقتباس:
اشرك مرورك اخي الكريم انا قلت له ان في رجل خطبني وقدم لي مهر عماره سكنيه لكن ابوي له تحفظ على هذا الرجل رفضه وقال انا ما ابيع بنتي،،،انا اشتري رجال،، كلامك ريحيني كثيرررر،،، يمكن لاني ابي احد يأيدني،، |
اكبر خطأ وقعتي فيه انك اضفتيه للمسنجر فقد فتحتي باب للشك على نفسك ،،
انصحك ان تقطعي الاتصال به و قبل ذلك ارسلي له رسالة اخيرة اخبريه انه لا يليق بك ان تتحدثي معه و انك ستقطعين الاتصال به تماما و اذا ارادك فليتقدم لاهلك و يتفاهم معهم ،، اذا كان جاد سيتقدم ، اما اذا كان من النوع اللعوب فلن يدق باب بيتكم !! |
اقتباس:
انا اضفته لاني حسيت ظروفه مناسبه لي ثانيا،،التواصل عن طريق الموقع بطيئ جدا، الرسايل تستغرق وقت طويل عشان توصل ثالثا هو طلب التواصل عشان يشرح ظروفه رابعا والاهم هم يريدني ان ادرس هناك معه،،،بكون في جامعه مختلطه خامسااا حيرتني مررررره،، |
اقوول لايلعب بمشاعرك اختي
|
يقولون الدم من رأس العريس مو رأس العروس ..
طبعا المهر من ظهره مو من ظهرك وهو اللي بيتكلف مو انت .. انت قاعده في بيت أبيك مرتاحة وهو اللي يشقى ويجمع المهر .. فلا تنزعجي من سؤاله , وهو رجل عاقل ما يحب يقدم على شي مو قده .. ومعروف ان المراة اللي مهرها باهظ أقل بركة .. وبوسة على رأسك أبيك تقديرا واحتراما لمن يعرف قيمة بنته .. رجل من ظهر رجل .. مو مثل بعض الآباء يبيع ويشتري في بناته مثلهن مثل أي سلعة في السوق ولعلمك أن ما دفعه للزواج من فتاة عمرها 29 الا وهو يهتم بالجانب المادي لأنه وضعه محدود وما وده يكون في موقف محرج .. فأخذها من قاصرها .. وقال أتزوج فتاة كبيرة .. والأمر ليس فيه أي اهانة فرحم الله امرءا عرف قدر نفسه والشاب واضح أنه على قده .. ولعل الله يغنيه من فضله ويوسع عليك ويعوضك خيرا .. لكن لا يدفعنك عمرك الى القبول به على أية حال يجب السؤال عن دينه وأخلاقه .. انتبهيييييييي |
ما أدري
اشوفك تعرفتي وقررتي بس باقي مباركة الوالد أختي انتي منساقه وراء الدراسة بالخارج مع اي أحد وبأي ثمن انصحك ان تستخيري |
الله يوفقك يا اختي لا تحدد تمن خليه يحدد يلي يقدر عيه هدي الاشياء مو دايمة و اهم شيء انك ره اتكملين دراستك
|
اقتباس:
واذا اخلاقه صارت عاليه،،، ورجع السعوديه بتكون وظيفته براتب عالي لان تخصصه حلو،، ايش المانع؟؟؟ |
اقتباس:
اشكر مرورك ذكريات لا تغيب لا مو حكاية منساقه ورا الدراسه بالخارج بس زوج فيه المواصفات اللي ابيها،،واللي اهلي يبونها ،، مبدئيا صحيح البدايه كانت مو حلوه،، تعارفناا بموقع زواج بس يمكن يصير نصيب،، وماقررت،، من نفسي انا استشيركم،، الموضوع محد يدري فيه ابدا والقرار لابوي واذا عجبه يقول لي |
اقتباس:
|
اقتباس:
بحط كلامك ((حلئه في وداني)) :) |
ياقلبي مانصحك حتى لو صادق
مابني على باطل فهو باطل حتى لو تم الزواج ستعضين اصابع الندم تقولين وين الغلط اقولك هذي المواقع اكبر غلط بكل شي كل واحد يدخله له اهدافه مجرد ينتهي منها ستنتهين معه ~ اكثر اللي يدخلون فيه ويحصل نصيب يجيها بعد الزواج يقولها ع كم واحد عرضتي نفسك وهلم جرا من الا سئله~ والمشاكل ~ ولاا هانه ~ وهذا انتي شفتي بدايه الكلام يقولك كم الا جمالي ..؟؟ لهدرجه بضاعه مسترخصه ؟؟ ويساوم عليك ؟؟ وانتي اعرفتي انه غلط ماحسيتيها بقلبك ...؟؟ مافي اشرف من الزواج اللي يجيك لين بيتك ويطلبك~ تعيشين معززه مكرمه |
ياعمرررررررررررررري انحاشي بقشورك
ما انصحك بالزواج الي بهالطرريقه حتى لو كان جاد بكره يعايرك ومايثق فيك وش دراك انه سأل عن المهر عشان ضروفه ليش مايكون قصده مايبي يتكلف في زواج مايبي يستمر فيه بس مؤقت انتبهي انتبهي انتبهي |
شوفي اختي .. مع تحفظي .....
لكن باقولك وش تردين على سؤاله ... قوليله احنا ما نحدد مهر ..... واللي يتقدم يحط اللي يقدر عليه ويجمله ..... بس وخليها براسه ... وقولي ما وقفت على التكاليف ..... اشياء كثير لازم الواحد يهتم فيها .... ويحطها في باله ... وافضلك يا اختي ونصيحه مني ... ارسليها على المسن ... فاي وقت لا تنتظرين دخوله ... وهو اذا دخل راح توصله ... لا تتواصلين معه بشكل مباشر .. اذا ولا بد في الاصل انكم تتواصلون .. وخلاص انهي الكلام باجابتك على سؤاله ... لا تستمري في محادثته ابدا .... فمعظم النار من مستصغرالشرر.... واذكرك ونفسي .بقوله تعالى ((يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءوَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنكُم مِّنْ أَحَدٍ أَبَدًا وَلَكِنَّ اللَّهَ يُزَكِّي مَن يَشَاء وَاللَّهُ سَمِيعٌ عَلِيمٌ)) لا تقولي انا مجرد تعارف ... وعشان الزواج ... وتبرري لنفسك مالا يبرر... انهي الموضوع سريعا .. ... واحفظي الله يحفظك فهو من بيده التوفيق واسال الله ان يكتب لك التوفيق |
قبل شوي كنت معاه بالماسنجر وقلت له انو ماراح يكون بيننا ماسنجر
والمهر ماراح نطلب شي ما يقدر عليه ليتني قريت كلامك بحر العطاء واذا صار شي يرسل لي ايميل قال اوكيه بعد اسبوع انا بروح الرياض وبقول لاهلي وبرسل لك ايميل شاكره تفاعل الجميع يـــــــــارب يعدي الاسبوع ع خيرررررر |
عذبتني دموعي وشقاوه
استغرب كلامكم وين الغلط اذا هو محترم ،، حتى لو كان عن طريق موقع زواج فيه ناس كثير يتقبلونها وبعدين التوفيق بالزواج من الله،، فيه ناس دخلو من الباب بالطريقه التقليديه وتزوجو،،، وماكتب لهم ربي توفيق وفيه ناس العكس،،، وبعدين جدي كان يحب جدتي قبل يتزوجها،،، وكانو يتقابلون عند البير،،، والان اعمارهم ب 90 ( الله يطولها يارب):) والله العظيم كانهم عرسان،، يرفضون يتعشون الا مع بعض،،، وما ينامون الا جنب بعض،،، وابوي كان يحب امي وكان يراسلها ،، والان الحمدلله امورهم تمام وما يشك فيها ولا فكر يطالع غيرها،،، |
س : العتيبي
اذا جدتك كانت تقابله عند البعير فكانت ضروف المعيشه حدتهم يقابلون بعض وامك تراسل ابوك هذا كان زمان ~ زمن الرجال اللي يشري حبه وضميره ~ فوق كل شي واذا فكر يغلط ~ جابو روسهم ~ زمن له تقدير واحترامه ومو كل حب زمان ...كان ناجح ع فكره ~وتقيسين عليها ~ ولو عندك يقين 1% من نجاحه ماشاورتينا بهذا الزمن ~!! عقلك براسك ^ ماضرنا نصحناك ~ ماحد بيتحمل نتايج افعالك الا انتي ~ موفقه ~ |
عمرك 29 سنة ولكنك لا تفكرين بعقلانية أبدا ...
وموضوع البعثة أعماك عن كل تفكير منطقي ... لا أدري ما فائدة البعثة اذا اكتشفتي انه بلا اخلاق .. وما فائدة البعثة اذا كان من النوع الذي يضرب زوجته وما فائدة البعثة اذا كان من النوع الكاااااذب وما فائدة البعثة اذا اكتشفتي انك لست المرأة الوحيدة في حياته سواء قبل او بعد الزواج .. اسمحي لي انتي مقبلة على صفقة وليس زواج ومثل ما نتي مجروحة لاحساسك بانك بضاعة فأنتي تتعاملين مع الموضوع بنفس الطريقة التي تنتقدينها .. مصالح في مصالح مع تغييب كبير للهدف الرئيسي للزواج الله يقدم لك اللي فيه الخير والصالح |
اقتباس:
رووووقي،،، انا ما اتمنى اتزوج بهالطريقه،، بس لو كان افضل الموجود مافي مانع ابدااا اشكر مرورك:) |
اقتباس:
اختي،، انا قلت بنسئل عنه واهلي حريصين جدا بالسؤال،،، ولو اكتشفت حتى بعد الزواج انه كاذب او يضرب،،،هذااا نصيبي يعني لو كان جاي من الباب :11: بطريقه عاديه،، ماراح يكذب او يضرب!!!!!! الاغلب انكم يا متزوجات او مخطوبات مو مثلي عازبات ووصلتو لعمر كبير،، لذالك تكتبون ارائكم من زاويه وحده،،، |
اقتباس:
ثم مالذي يثبت لكي انه صادق ام لا ؟ لا يوجد شيء حتى الآن يثبت انه صادق حتى يدخل البيوت من ابوابها و يتقدم لك رسمي لاهلك ,, ثم انتي بنفسك قلتي انك حسيتي نفسك بضاعة و انتي تناقشيه في المهر , و هو دور ليس دورك بل دور اهلك من يتناقشون معه في هذه الامور ,, لا ادري ماذا بقى لاهلك فلم تتركي لهم اي شيء و لم تحسسيه ان ورائك اهل و ظهر !! صدقيني من المهم جداً ان يحس الرجل بان المرأة التي سيتقدم لها ورائها اهل و ظهر حتى لا يستهين بها و يقلل من شأنها ,, اما مقارنة وضعك بوضع جدك و جدتك فهي مقارنة غير متوازنة فجدك و جدتك لم يتعارفوا في الانترنت بل كانوا في حارة واحدة و في ذلك الوقت كان الجيران كلهم اقارب و يعرفون بعض و يعرفون الصالح و الطالح و كان هنالك حب عذري بريء ,, اما التعارف عن طريق النت فالطرفين كل واحد في جهة و مجتمع مختلف و لا يعرفون بعض الا من المعلومات التي تأتيه من الطرف الآخر فقط , لا يوجد اي مصدر آخر للمعلومات !! انا لا اقول لك ارفضيه لكن اقول لك ابدئي معه بالطريقة الصحة حتى ينجح زواجك و ترتاحي فيه باذن الله ,, الطريقة الصح ان تقطعي الاتصال به تماماً حتى يتقدم لك رسمي و حينها اطلبي من اهلك ان يسألوا عنه جيداً ثم اذا لم يكن هنالك ما يعيبه يأتي دور النظرة الشرعية و بامكانك التحدث معه و طرح جميع استفساراتك ثم الخطبة و الملكة فالزواج ,,, الزواج يا اختي الكريمة يجب ان يبنى على اساسات قوية و بدون القفز على المراحل حتى يدوم هذا البناء العمر كله باذن الله ,, بالتوفيق ,, |
اقتباس:
انا هذا اللي بسويه،، اشكرك علي حرصك قلت له ما في ماسنجر ولو تبي شي ارسل لي ايميل قال اوكيه بس اشاور اهلي واقولك |
اختي لاتنظري للأقدام على الزواج من زاوية واحده انتي اعجبك لانه مبتعث وتريدين اكمال الدراسه وهذا اعماك عن الامور الاخرى فانتي كررتي في اكثر من مره انه اعجبك لانه مبتعث للخارج لاتنسي الاستخارة .. وقبل هذا
اختي الطريقة الصح ان تقطعي الاتصال به تماماً حتى يتقدم لك رسمي و حينها اطلبي من اهلك ان يسألوا عنه جيداً ثم اذا لم يكن هنالك ما يعيبه يأتي دور النظرة الشرعية و بامكانك التحدث معه و طرح جميع استفساراتك ثم الخطبة و الملكة فالزواج ,,, الزواج يا اختي الكريمة يجب ان يبنى على اساسات قوية و بدون القفز على المراحل حتى يدوم هذا البناء العمر كله باذن الله ,, بالتوفيق ,, |
اقتباس:
اختي الحبيبة عمرك ماهو كبير مرة انا اكبر منك بسنوات لكن ماافكر بهذة المواقع ابدا ابدا او غيرة الرزق عند الله سبحانه يااختي والله لانريد لك الا الخير والسعادة والتوفيق وانا اعتبرك مثل اختي الصغيرة الله اعلم عن نية الرجل ووضعه لكن اهم شي انتي يااختي لاتنجري وراءة بالمسن الله يوفقك ويرزقك الزوج الصالح وييسر امرك يارب وبنات المسلمين |
اقتباس:
الله يرزقك يارب ويسهل امورك انا فعلا قطعة علاقتي فيه نهـــــــــائيا،، واذا هو جاد بيطلب رقم اهلي بالايميل،، بيرسل ايميل وانا ماا ااستغني عن ارائكم |
الأستخارة ياأختي شي أساسي ولكن أسأل الله أن يوفقك ويسر أمرك ويكتب إلي فيه الخير لنا ولك والتوفيق يارب
|
اقتباس:
اشكر مرورك ودعواتك الحلوه:) نعم بستخير بس بعد ما يتقدمون،، |
اختي اتركي الموضوع لاهلك وان شاء الله يصير نصيب
وكلي امرك لله |
اقتباس:
ما اقدر اترك اهلي لحالهم يتصرفون لازم اكون بالوجه ماما الله يخليها لي ماترد على اي رقم غريب ابداااااا وابوي ماقد جربته،، ما ابي التجربه تصير فيني ما ادري كيف ردة فعله اشكرر مرورك العسول |
عدت لاذكر لك شي مهم ...... قد يرقع الشق ....
صراحه مررره مو حلو فحقك .. انك تحدديله مهر >>>وبسيط .. هو قال 20000 وانت بعدها رديتي انه ماراح نطلب شي ما تقدر عليه .... والله مدري صراحه .. حسيت بغصه .... كانك تترجينه يجي وبس ... لكن الرقع اللي ابي اقولك عليه . هو انك تشرطين مؤخر عليه القيمه .... كلام الاخت اللي قالت انه ممكن يكون زواج مؤقت ومن اجل البعثه .. والله هذا جدا واااارد واعرف حالات مثل كذا ..... نساء تزوجت من اجل البعثه .... >>> محرم فقط ... ومجرد ما رجعت .. طلبت الطلاق او خالعت ... ورجال كذلك .... انا ما اخوفك لكن انتي لازم تفتحين مخك وتحسبين حساب كل شي انسان مثله من قبيله ..ومبتعث الف واحده تتمناه .(((لو انه ما يتعيب واخلاقه ماعليها كلام )))..ليه تزوج بهالطريقه .. ليه دور عن زوجه عن طريق المواقع ؟؟؟؟ ليه اهله ما دوروله بنت الحلال ؟؟؟ ..... انسان ما تعرفين عنه اي شي .... ما تعرفين كيف يفكر .. وأن كنا نغلب حسن الظن لكن الحذر واجب ... الله يكتبلك ما فيه الخير ... واستخيري مو لازم بعد ما يتقدمون .. استخيري ان كان هالرجال فيه خير لك ان الله ييسر اموركم .....واذا فيه شر انه يصرفه عنك ويصرفك عنه ... دعواتي ... |
:
19: اقتباس:
وش ذا يا بنت العم !؟ والله مانيب مصدق الي اشوفة أصلاا قدام عيني !؟ كيف تقولين انه قبيلي ويبي يتزوج من النت !؟ وكيف ترضين تساومينه ب أمور ما يجوز لك البت فيها أبدا يا بنيه انتي تقدمين على شيء يضيعك وينزل من هيبتك النصيب بيجيك سواء عاجل ام اجل .. ومن ناحيه الزواج فهو عندنا يتأخر يعني شي طبيعي عمرك 29 ولا تزوجتي الله يرضى على ثنين ربوك سوالف قنوات الزواج وها الكلام الفاضي لا تودي ولا تجيب اي شيء اسف لـ المداخله ب قوة بس هذي الحقيقه من ناحيه تعليقي على مشاركتك أختصرها عليك وعليه أيضا الي يساوم وهو للحين ما سواء شيء {{{ مـــن طق البـــااب / لقـى ألجوواب }}} |
| الساعة الآن 02:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©