|
ما استحمل اشوف زوجي معاها ....؟!
سلام عليكم ورحمة الله وبركاته
طبعا متزوجه وقريب جااني ولد عمرو شهرين :15: المشكله هي انو بنت خالت زوجي تقريبا عمرها 19 او 18في مره جاات وانا وقتها كنت انام على السرير مع الولاده طبعا وكذا وجااات تزورني المهم كنت جالسه انا وخالت زوجي وبنتها وام زوجي جااء زوجي دق الباب كان جاااي من العمل على اساس يبغى يدخل يسلم على امو وانا وولدو فا قالت امو اتفضل ادخل انا اتفاجاءت انو بنت خالتو كبيره كيف يدخل....؟؟؟؟؟سكت ما قلت شي اول ما دخل سلم وجلس جنبي على السرير قامت بنت خالتو نادتو ع اساس يجلس في الكنب تتكلم معاه وتضحك وسوليف صرت احااول الفت انتبااهوو ولا كنو موجووده انا عصبت بس سكت ولما خرجو سلمت عليه وقفت جنب زوجي انا وقتها ولعت :29: اول ما جااء دخل فتحتلو تحقيق :25: ساالتو كذا اسئله المهم قلي انها مثل اختو بس اذا هوا معتبرها اختو هيا ممكن لا :( فا قلتلو انو ما ابغاه يحتك فيها مثل الي صاار ويبتعد عنها ويتجنبها يعني :30: قلتلو طيب ...؟؟ سكت وقاال طيب انشاء الله:) وبعد كم يوم كنا مسوين عشااء وهيا كانت موجوده وزوجي جاء راحت سلمت عليه واتكرر نفس الموقف انا رحت قلتلها ممكن اكلمك شوي قالت طيب فاا قلتلها انو هذاء الشي يزعجني انها تتكلم وتتمسك في زوجي وقالت اش المطلوب قلتلها انو تبعدي عن زوجي قامت هيا زعلت وقالت لي امها وامها قالت لي زوجي وزوجي جااء يخااصمني لييش اقول لي بنت خاالتو ابعدي عن زوجي وصااار كلاام كثيييييييييييير بسببها اعتذرت لي زوجي وقلت انو انا غلطاانه مع انو انا موغلطاانه بس عشاان ما يزعل مني بس انو زعلااان برضو وماالو خلق يكلمني عشاان بنت خااالتو وقلي ابغااكي تعتذري منها وانا مني غلطانه عشان اعتذر حاولت افهمو قاال هذا الي عندي ..!! وكل ما اشووفها تستفزني بنظراتها انو مبسووطه بزعلي انا وزوجي:29::( وانا صرااحه مو عااارفه اش اسووي يا ريت تسااعدوني ....؟؟؟[/COLOR] |
من وجهة نظري
تتركي زوجك وابنة خالته على ماهم عليه وانت كمان امدحيها واضحكي معاهم وفرفشي طول الوقت ولا تبيني انك زعلانة مررره من جواتك تكون عااادي مره وبعدين تعرفي ترديها باي طريقة تحرق زوجك اصلا هو يعرف انو مايصير الشي اللي بيسويه وانت لازم تكوني واثقة من نفسك ولايهمك أي أحد ترى هو الأن بيستفيزيك بس انت طنشي وحيكون عادي بالنسبة له ان كان جاءت او راحت وكمان اكثري من قراءة القران وسورة البقرة حاولي انو تقرايها كل يوم وانفثي ع نفسك وبيتك وزوجك والله يكون معاك |
أنتِ صح
وبنت خالتك أخطأت استمري على ما أنتِ عليه ولا تعتذري منها |
انتبهي تعتذري .. لانك ماغلطتي .. دمتي بخير ،، |
عجيبه صار لك سنه وشهرين متزوجه ما عرفتي عوايدهم و انه هذا الشي عادي عندكم
يمكن الحمل و الولاده ماثرين على نفسيتك اتزوجتي منه و انت عارفه انهم بيكشفو على بعض |
انا مع ابو حكيم ..
ليش من اساسه تعتذرين ! |
رفعة ضغطييييييييييييييييييييييييييييييييييييييييييييييي ييييييييييييييييييييييييييييي
لوعندي وسوت كذا مع زوجي يمكن اذبحها ذيك الساعه بس غلطتي كثيييييييييير لما قلتيلها الحين بتحطك في بالها وبتلعب باعصابك بس بغيت اسالك عايلتهم كذا كلهم يكشفون على بعض ولا بس هي اذا كان بس هي معناته في بالها شي اما اذا كان عاداتهم كذا فاتوقع انه عادي عندهم ولا في بالها شي مع ان اللي سوته غلط في غلط بس خليك هاديه ولا تتنرفزين اطبخيها على نار هاديه لكن اعتذار لاتعتذرين ابد كرامتك فوق كل شي وفهمي زوجك ان كرامتك من كرامته يقهرني زوجك احس يسمعلهم على حسابك |
اياك من الاعتذار لها .. و لو زوجك مش عاجبه يضرب راسه في الحيط .. و لو وصلت للطلاق ..
اصلا الرجل المحترم لا يختلط بغير محارمه بهذه الطريقة .. حاولي تفهميه بلطف ان ما يفعله حرام شرعا و الله اعلم .. و حضري الموضوع كويس بعد ان تقرأي فيه جيدا .. و ذكريه بالله و ان الحياة قصيرة و اوصفي له الجنة و نعيمها و النار و حرها و اخبريه ان ليست العظمة في عظم الذنب و لكن العظمة في من عصيت .. |
ما عليك منها ولا تهمك ولا تعتذري لها واذا أصر زوجك قولي له تخيل تلاقيني مع ولد خالي ضحك وسواليف !!
فهميه بعقل ان البنت مو محرم له ، يعني لا شرعاً ولا عرفاً يقبل هالشي ، لانها امرأه بالغه وقد تثيره .. الحق معاك لكن تعانلي مع الموضوع بهدوء لكي لا تخرجي بمشاكل مع زوجك .. |
لا تعتذريييييييييييييييييييين ابدا
حتى لو انك تعشقين زوجك وماترضين زعله وهالبنت وقفيها عند حدها بلا اخته بلا كلام فاضي تبي تزورك تجي بادبها ولا تكشف على زوجك ولا شئ ماترضى تنطق في بيتهم واكرر واعيد وازيد لا لا لا لا لا لا لا لا تعتذرين لها وانا اعتب عليك بشده كيف من الاساس خليتيها تكشف عليه وخليك واثقه من نفسك وخطوتك بالارض وادعي ربك ان الله يصرفها عنكم الله يوفقك وبشرينا |
اقتباس:
ولايهونون بقية الردود كلهم كفوا ووفوا لاااااااا تعتذرين تهبى تعتذرين منها وقآحه وقوة عين إسمعينن لو إعتذرتي بيكبر قدرها وهيبتها عند زوجك بس طنشييييييها :( لاتهتمين بها إكشخي قدامها لاتناظرين فيها ابد :25: يااااقلبي إنتي الله يعينك الله يرد كيدها لنفسها لأنه مايصلح هالحركات الإستفزازيه:( |
لا تعتذري والله يعينك ويجب ان تتحملي وتصبري لان الصبر مفتاح الفرج
|
تستاهل انا لو منك طردتها
بس المفروض ماقلتي لها عشان ماتستغل موقفك من دخل عليك الغرفة كانت كاشفة؟ ماهي صاحية ذي وش اخته ولا بنته هي محرمة عليه شرعا والمفروض زوجك مايكون ماتجاوب معها ولا يمازحها لابد تكون في رسميات لا تعتذري لها خلها تولي ولاعاد تجيك البيت من الاساس والمفروض ماتعتذري من زوجك لانك سبق وكلمتيه وعلمتيه ان الشى هذا ازعجك ليش يتكرر!! لا تعتذري منها انتبهي انتي مو غلطانة وهذا الصح لا هو اخوها ولا عمها عشان تكون فري معه بالكلام واحسن لا عاد تدخل بيتك في حدود لازم الواحد يتوقف عندها |
لا تعتذرين
|
قووية يطلب منك تعتذرين منها المفرووض انتي اللي تزعلين مو هو
خليهم بس هم اللي يعتذرون منك |
لا تعتذري منها وإلا ضاع منكِ طرف الخيط وإنفرط العقد
ولن تستطيعي بعدها التفوه بكلمة في الأمر.. |
وش ذا أعوذ بالله لاتعتذرين لها أبد خليهابالطقاق إللي يطقها إسمعي زوجك تقدري تراضينه بطريقتك الخاصه وأنا متأكده زوجك ماطلب منك تعتذري لها مو حب في وجهها بس مستحي من أمه وخالته علشان كذا طلب منك تعتذري بس أنت فهميه بطريقتك وبمعرفتك إنك أنت ماغلطتي أبد وإن هي حركاتهاكلها أستفزاز يعني ماشافت إنه حلي في عينها ولد خالتها إلا بعد ماتزوج وخلف وأنت أنتبهي زين منها تراها مابتخليك في حالك ما دام إنها شعرت بغيرتك على زوجك منها تراك لوأعتذرتي إنخرب بيتك يا إختي ديري بالك منيح إمنيح .
الله يوفقك إن شاءالله ويصرف كيدهاعنك يارب . |
لا تعتذرين ولكني تمنيت لو انك قدمتي لها النصيحة بشكل أفضل يجعلها تنتفع منها ثم تستحي من نفسها أنت لما قلتي لها ابعدي من زوجي اصبح كانه تحدي أنثى أمام أنثى ولكن لو توجهتي لها وقلتي لها فلانة لو سمحتي ابغاك بكلمة راس بتجيك قولي لها انا احب لك الخير مثل ما احبه لنفسي واللي ارضاه لخواتي ارضاه لك انا عارفة ان فلان زوجي مثل اخوك ولكن حقيقة هو مووب محرم لك وما يجوووز انك تسولفين معه بهذه الطريقة او انك تنكشفين عليه وهالشي ما يرضي الله صحيح هو يعتبرك مثل اخته بس تضلين اجنبية عنه.. هذه نصيحة اتمنى تقبلينها مني ثم تعطينها كتيب عن حكم محادثة المرأة للرجل بخضوع في القول بتنحرج منك أختي مربط الفرس عند زوجك لماذا يدخل مجالس النساء !!!!!!!!!! امه يسلم عليها في جلساتكم العائلية الخاصة خالته يزورها زيارات خاصة برفقتك اما يدخل مجلس النساء فانا اشوف انه ماله داعي دخوله حاولي تحلين الأمر من عند زوجك أفضل بهالطريقة ستكونين عداوات كثيرة مع اهله وسيضجر منك لأنك تحرجينه مع اهله انتبهي فأنت كأنك تتعاملين مع زوجك وكأنه طفل تمنعين عنه من تشائين وتقربين منه من تشائين هذه الصورة التي ستظهر عند الناس من جراء تصرفك هذا وزوجك بالتاكيد لن يقبل ان تظهريه امام الناس بهذه الصورة أبدا أبدا بالتوفيق |
أجل قولي لزوجك: أنا راح أكلمها..
وقولي لها كلام أختنا الماضي الدفين.. من جد عين العقل وبيني لها إنك مو جاية تعتذري وإنك بتكلميها على إنها أخت لزوجك وبالتالي أختك.. أضربي عصفورين بحجر واحد أكسبي صداقتها وقولي لها هل ترضين بنت خالة زوجك بكرة تسوي كدا مع زوجك وإيش بيكون شعورك؟ وحافظي على بيتك وافتكي.. من شر ابليس.. وطمنينا.. الله يعينك.. |
لا تعتذري لانك ما عملتي شي غلط
|
انا مع كل الاخوات والاخوان لاتعتذرين قولي يارجـــــــــــــــــــــل حرااااااااااام تفتش لها
انتبهي تعتذرين ما غلطتي وقولي لزوجك اذا رضيت اطلع عند ولد خالتي بعتذر لها .. مجتمع الله يعينك عليه .. ربي يسخر لك ويرد لك زوجك.. |
اقتباس:
هذا هو الكلام الزيييييييييييييييين خليك ذكيه وقوليلها هالكلام عشان ماتحقد عليك وتحط زوجك براسها وانتي تعرفين الرجال كلمه توديهم وكلمه تجيبهم |
مشكووورين كلكم على الردوووم الرائعه والنصااائح
اسفه ما قدرت ارد عليكم بدري لانو انشغلة كثييير ولي سالوني عن انو ما عندي علم عن عوايدهم ...؟ محد من بنات خيلانه وخلاته يكشفون عليه اصلا يستحون يدخلو مكان هوا موجود فيه بس هذي كانت مسااافره تدرس وما قدرت اتعرف عليها .... وعلى فكره امو معااايه مو ضدي اصلا ما اتدخلت في الموضوع لانو مو الله يسعدها تموووت فيني وكمان دحين جاالو ولد زاادت المحبه ولله الحمد .. بقولكم الي صااار بعد تنفيذ بعد تنفيذ الردود تكلمت مع زوجي وحاولت اراضيه واتفاهمنا الحمد الله رضي وقلي برضو انو هيا اختو برضااعه انا وقتها سكت واستحيت من التصرف الي سويتو يعني سويت شي قبل ما افهم اتصلت عليها وحاولت اتكلم معاها على اساس اخفف التوتر الي بينانا وافهم منها التصرف الي صار المهم اتكلمنا وتصاافينا بس واحنا نتكلم قالتي تدري انو اذا انتي ما اتزوجتي عبد الله كان اتزوج بنت عمو قلت للاسف مااالهم نصييب قالت شفتي كيف الدنيا كلنا كنا نتمنى انو يتزوجها انا قلتلها بش هوا دحين زوجي حااولت تغيضني بلكلاام انا ما ااعطيتها اهتمام واخر شي قالتو يلا الله يعينك على زوجك حاولت افهم منها معني العبااره قالتلي مو ققصدي شي بس انتبهي على زوجك من الي حوليه اكثر ترى الرجال ما لهم امااان خليكي معاااه انصحك كا اخت يا قلبي انا برضو حااولت اسحب منها الكلاام بس ما قدرت اموووووووت واعرف اش قصدها ....؟ مليووون سؤال وسؤاال في باالي |
انتي ماغلطتي حاولي اقنعيه
هو من لما خطبتو بينهم اختلاط؟ |
تبي تقهررها كلام بزران حسبي الله عليها بتلعب فنفسية هالأم
خلها تقول لزوجها وترتااح وهو يتصرف معها |
لاتهتمي من كلامها اللي قالتوه في المكالمه لان غرضه تدس لك السم في العسل يعني تنصحك ع اساس انها تعزك بس في الحقيقه تبغى تشعلل النار بينك وبين زوجك لانك كلمتيها وحست بالاهانه فنصيحه لاتحفري ورا كلامها لان غرضها واضح
|
اختى بارك الله فيك واضح انكى ليس لك اى خبرة بحركات النساء يعنى هى حاولت اشعال نار الغيرة بداخلك بموضوع زواجه من ابنه عمه ولكنك ما شاء الله كنت ذكية ولم تبلعى الطعم قالت طيب اذا كان مفيش فائدة من هذا الكلام يبقى ارمى كلمة تجعلها لا تنام وتفتح باب الغيرة فى قلبك وهى تعلم انها اذا فتحت هذا الباب سوف تدخل الخوف والقلق الى نفسك وبالتالى تبدأ فى الغيرة المفرطة والشك فى اى تصرف يحدث من زوجك والذى ربما يقلب حياتكم رأس على عقبى وكما تعلمى اختى ان الغيرة المفرطة يمكن ان تخرب البيت لا قدر الله لانه يجب من وجود حد مناسب من الثقة بين الزوجين ولا يعقل ان تكون هى ادرى به منك وانت زوجته وهى كانت تدرس بالخارج يعنى لا تعلم عنه اى شىء الخلاصة يا اختى واضح جدا انها تغار منك وفقط تريد ان تحدث وقيعة بينك وبين زوجك اسأل الله ان يقيك شرها ويصرفها عنكم آمين |
بصراحه هالبنت ابدا مالها امان
الحين اول اتصال بينك وبينه تقولك بنت عمه !! ليش تنبش الماضي الا اذا كان في ان !!!!! سوي ديليت لكلامها واعك اصحك تفتحين هالكلام لزوجك يا اختي هي هدفها تنبش الجروح و تعكر علاقتك بزوجك و انتي لا تحققيلها مبتغاها لو منك اصلا اقولها الحمد الله انه جعال فلان نصيبي فلان مافي منه الله يخليه تاج علي راسي مو تعطينها مجال تتكلم و تسولف لك عن بنت عمه!!! |
لاتعتذري وطنشيها
|
انا بقولك كمان مرة لا تقدمي لهم اي اعتذار لانك ما اخطئتي بشي وشكرا
|
انتي الغلطانه
هي بنت خالته قبل لايصير زوجك يعني لو بيبها كان تزوجها!!!انتي الحين عطيتيها مجال تستفزك!! وعطيتي زوجك مجال انه يفكر فيها !!!! وعطيتيها مجال ايضا انها تعيش او تلعب دور ’’المعشوقه’’ الحين هي عبالها سبب مشاكلكم وخلافكم ’’ اهتمام زوجك فيها,, او قد تتوهم ذلك!! وتستمتع به!! ... المفروض تعزلين زوجج عن هاذي التجمعات بدون لا احد يحس يعني تصرفينه عنهم باي حجه!! ولا يطلع الموضوع عن اطار بيتكم |
اقتباس:
انا من رايي .. أول شي انك تتأكدين من موظوع الرضاعة.. بعدين تقولين لزوجك انك كلمتيها عا شان تخففين التوتر .. لا تقولين عشان اعتذر.. المهم وقولي له انكم تصافيتوا.. و أنه من خلال المكالمة قالت لك عن موضوع بنت العمه.. (((بس عشان يعرف انها خراااابة بيوت))) .. ولا يحطك انك انتي الغلطانة بس.. وانتبهي مو تحققين معاه وتتخانقين على الموظوع فاهمتني؟؟ الغرض من توصيلك للمعلومة (خطبة بنت العمة) عشان يعرف انها هي نيتها سودة .. وانها متحاملة عليك.. |
اقتباس:
يعرف زوووووووجك |
اقتباس:
|
اقتباس:
|
أفففففففف يا لطيف شو أكره هذا النوع من الفتيااااات ...
الله يكون في عونك; عليك بالدعاء أنه الله يصرف عنك شرهااا, الظاهر عليها شينة وعينها قوية :( |
المشكلة مو خطبة بنت عمه.. المشكلة قولتها " الله يعينك عليه"
قولي لزوجك حتى يعرف نواياها.. |
اقتباس:
أنا حصلي نفس موقفك; قريبة لي قالت لي بأن أتابع أخبار زوجي أصبحت تلمح بأشياء وهمية بس تعرفي كنت أذكى منها :d:d:d قلتلها ببرودة دم وثقة أنا واثقة من زوجي وما يهمني كلام حد.. والله شفت الغضب بعيونها,الله يحفظلك زوجك آميييين |
اقتباس:
أخته بالرضاع وتبين أنك استعجلتي وقدمتي اعتذارك لها وتصافيتوا إذن انتهى الموضوع من جهتها وانتهى دورها هنا , وليس لها الحق بالدخول بتفاصيل أخرى وعن نصيب زوجك ومن يتزوج . ثم عرجت بالقول أنهم كانوا يتمنون أن يتزوج إبنة عمه , لو لم تكوني أنتِ من نصيبه !! كلام لا يراد منه سوى إغاظتك وإشعارك أنك بالدرجه الثانيه بعد بنت عمه , أضيفي إلى ذلك هي ما علاقتها بزوجك حتى لو كانت أخته من الرضاع ؟ هل هي ولية أمره حتى تزوجه من تريد ؟ لو كان زوجك يرغب بالزواج من بنت عمه لتزوجها وانتهى الأمر ولكنه اختارك أنتِ . بعد ذلك قالت انتبهي لزوجك ممن حوله والله يعينك على زوجك والرجال ليس لهم أمان ! هي تريد أن تشكك بزوجك بكلام غامض وكأنه مشكوك بأمره وموضع شبهه , وتزرع الغيره والخلافات بينكما من لاشئ . وتقول انتبهي ممن حوله ! لم تحدد أحداً بعينه , وإنما من كل من حوله ! هذه حرب نفسيه مدمره , وكأنك يجب أن تكوني مثل العسكري تنتبهي لزوجك وتحرسيه من كل الناس الذين حوله ! لو كان زوجك موضع شك بنظرها , إذن لماذا كانوا يريدون تزويجه لبنت عمه , ولماذا هي تتحسر على ذلك إذا كان زوجك سيئاً ؟! هي تناقض نفسها ومغتاظه منك , ولكن الله كشفها وزلت بلسانها . |
اقتباس:
ليتك من الأول ماكلمتيها لكن خلاص طاح الفاس بالراس بس لازم تحكي لزوجك عن اللي قالته لك عشان يعرف نواياها من باب العلم بس مو من باب انك تسوين مشاكل وشك وتحقيق لأنه هذا هدفها ولاتنسي الدعاء |
| الساعة الآن 04:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©