|
زوجي ولد زوجته...ماذا افعل؟؟
السلام عليكم ورحمة الله وبركاته
ارجوا من كل من يقرا موضوعي يدعيلي ويساعدني لو بكلمه لعلها تحل مشكلي انا لي موضوع عن زوجي انه ما يصرف علي وحقوقي ضايعه بسبب زوجته الاولى يخاف منها خوف شديد يحرص على رضاها والله انها تسبه بكلمات وقحه مثل يا حمار ..الخ وتهين رجولته وتلعنه وتدعي عليه وهو يرجعلها ومرات هو يراضيها بعد اذا زعلت يعني اليوم هو يوم النكد العالمي ووجهه يتغير ويصير اتعس انسان حتى وهو معاي اذا رضت يعني يوم الوناسه والظحك والسعاده مايقدر على زعلها ابد ابد ويمووووت فيها بعض الاحيان يكون خارج البيت ويكلمني ويشكيلي منها ومن مشاكلها وفجأه تدق عليه يرتبك ويقفل مني بسرعه عشان يرد عليها تحاسبه حساب شديد لو يسافر يوم او يومين وهو يترجاها ويحلفلها يعوضها وهي تقفل في وجهه وهو تضيق الدنيا فيه"والله حاله" طبعا هو يسافر عشان يجيني لاني في مدينه ثانيه وهو راجع من مدينتي اشوفه مستعجل ويبي يروحلها باسرع وقت بالرغم من انها توها تقولها الله ياخذك وتدعي عليه بكلمات جارحه مشكلتي ليست هي او هو المشكله ان زوجي لم يخبرها بزواجنا يعني زواجنا بالسر على امل انه يقول لها في المستقبل ولكن انا خااااااايفه اذا هي تجرحه وتسبه ومايقدر على زعلها كيف اذا درت عن زواجه كيف اقدر احل مشكلتي خصوصا ان معطيها جميع الحقوق وانا حارمني من كل شي |
شكلك ناويه تخربيها على هلمسكين
اذا انت رضيتي انك تتزوجيه بلسر و ناويه تستمري بهلزواجه اسكتي وما عليك بحياتهم و طريقه تعاملهم هو اتزوجك حتى يشوف الوجه الاخر للمراه ،،،،،،،،،،،اتحملي حتى الحياه تمشي |
اقتباس:
اتحمل ماعندي مشكله بس هو مقصر معاي والله شي يقهر لا ما رح اتحمل وهالمره بخربها عليه وعلي :18::29: |
اطلبي من زوجك ما يحكيلك عن زوجته التانية بأي حال من الاحوال
الله يعينك صعبة الحياة بالسر لكن انتِ رضيتي و لازم تتحملي نتيجة قرارك غريبة زوجك ولد زوجته و مع ذلك تزوج عليها سبحان الله بعض الرجال أمرهم غريب |
اقتباس:
حتى انا ما كنت مصدقه بس الواقع مريييير |
حبيبتي كان المفروض ما ترضين ان يكون زواجك بالسر ... لكن صار اللي صار والله يفرج همك يارب وسؤالي لك : هل ناقشتيه بموضوع تقصيره معاك وطلباتك ؟ وشو كان رده ؟ ربي يحفظك عزيزتي |
انتي كتبتي مربط الفرس بنفسك .. زوجي ولد زوجته...ماذا افعل؟؟ |
هاذي موريته نجوم الليل وهي ما درت عن زواجكم00 :24:
اجل لو تدري إنه سعيد الحظ زوجك متزوج عليها 00 وش بتسوي فيه !!! :d وش تخربين وش تصلحين 00الله يعينا واياكم00 من مصلحتك ما تدري ولا تحس بعد 00 وتحملي00 ما عجبتني كلمة ولد زوجته00 الاحترام للزوج مطلوب وحق عليك 00 حتى ولو بكلمه اسعدك الرحمن |
تفسير حال زوجك امر من اثنين ..
اما انه ضعيف الشخصية جدا و لا يستطيع ان يواجهها او انه معتمد عليها ماليا تماما او انها لها مواقف رائعة معه اسرته بها و جعلته لا يستطيع ان يتنفس معها و يكون اسير المعروف التي صنعته له و لذلك فهو يحتملها و يراعي خاطرها اما عن تفسير زواجه منك رغم ذلك .. هو يريد ان يعيش مع اخري بحرية دون اي ضغوط سواء كان الضغط هو معروف صنعته له او كان ضغط الحاجة المالية او حتي ضغط ضعف شخصيته و استغلالها ذلك .. |
إنتبهي لايطلع من عندك إلا قد طلبتيه السموحه يمكن تكفشه وتحقق معاه ويعترف بأنه متزوج وتشنقه شنقا ويصير شهيد الزوجتين وأنا أقول وش بها أختنا خايفه ومرعوبه على زوجها كذا إلا وراه
مسكين أمر الله بس أتعجب كيف تزوج عليها وشخصيتها كذا قويه مسكين يمكن يبغى زوجه تطيعه وتدلله دلال مايبغى وحده أستعد-- عادة سر--يمينا در - يسارا عد- أستعد - أحمل سلاحك - والله زوجك ذا مسكين أحسه متعذب إذا كان أسلوبها كذا معاه دايم ومن حقه يتزوج مهما كان الرجل بيحس برجولته عند زوجته مو تعامله كأنها قائده عسكريه أوامر بس أوامر الله يعينه عليها ويصبر قلبك ويحقق لك ماتمنينه من أمان وأستقرار بحياتك مع زوجك. |
...اصبري الله يعينك شكرا
تقلبي مروري يرجى مراعاة صيغة التخاطب مع الجنس الآخر/الاشراف |
اصبري واظهري له انت معنى الانوثه الحقيقي.. لا تتدخلين في زوجته ولا كيف
تعامله واذا حكالك عنها قوليله اصبر هذا زوجتك واول بختك اذا مالك خير فيها ماراح يكون لك خير فيني..هذا شيء.. الشيء الثاني المهم هو حقوقك اطلبها منه بحنان وطيبه يعني لا تقارنين بيك وبينها انت كذا راح تخلينه يتركك ويبعد عنك اكثر تمني لها الخير لانه وعلى نياتكم ترزقون لا تخربين عليها عشان الله يكفيك فيها.. |
حبيبتي ..
أنت اتزوجتيه بالسر - هذي اول مشكله .. يعني اهو كيف ممكن يعدل و قاعد يخبي و يجيلك بالسر .. صعبه عليه كثيررر .. ثانيا انتي في منطقة ثانيه .. عيل كيف ممكن يعدل ؟؟! انتي كنتي تدرين عن زوجته من اولها , لازم تصبرين .. بعدين اهو ممكن يشكي بسوالف مبالغ فيها .. يعني حنا البشر لما نزعل من احد, مرات نبالغ لما نسرد القصه , لاكتساب الشفقه منك , او عشان ترحمينه .. يمكن اهو عايش عيشه حلوه معها , و اهي مرحيتنه, ولا مو ممكن ما يستحمل الا و يشوفها .. الحل .. كلميه بهداوه عن كل اللي في بالك .. و حاولي انك تنتقلين الى المدينه اللي اهو ساكن فيها .. |
حسسيه برجولته الضايعه
دلعيه بمعنى الكلمه تغزلي فيه وفي هيبته وخليك انثى بمعنى الكلمه ولاتعبسين وتتضايقين فرفشي وانبسطي وابسطيه لانه محرووووووووووووووووووووووووووووووووووووووووووووووو ووووم وبقوة وش ذاالحرمه اعوذبالله ولاتجيبين طاريها وقوليله اذا دخلت علي لاتتكلم عنها لابزين ولابشين صدقيني بيحبك انتي وماراح يتنازل عنك لودرت عن زواجكم يمكن يكون كلامي صعب عليك تطبيقه لكن حاولي في هاليومين اللي يجيك فيهم لانك اخترتي وتزوجتي وهذا قرارك احس انك بتعوضينه الشي المفقود عنده |
هلا أختي مطلقة اسمعيني غاليتي حاولي ان تعرفي زوجك ماهو مقصوده من زواجه منك ِ ان كان مقصوده شهوة فقط فالفراق لربما يكون قريب وان كان مقصوده تعويض ما ينقصه في بيته من احترام واشعاره برجولته وقوامته والحب فهنا قد نقول ان هناك امل ان تصلحي حال زواجك وهو ان تسدي النواقص جميعها حتى يبدأ يشعر بالسعادة في حياته معك المهم حاولي ان تنفذي كلامي السابق لكِ وهو ان تظهري له من المودة والشوق ثم تطلبي منه ان ينقلك للمدينة التي هو فيها لانك ما عدتي تحتملي فراقه حتى لو اضطرييتي انت ان تساعديه ببعض مالك , واذا انتقلتي لمدينته لا تضغطي عليه في موضوع المبيت والمجئ بل اجعليه على راحته حتى لو يمرك في اليوم ساعة او ساعتين المهم قد يكون لزواجك امل ولكن يحتاج منك التجاء لله اولا ثم احسان التصرف فكري وفقك الله بروية واعرفي مربط الفرس واعرف من أين مدخل تدخلي لزوجك موفقة |
اقتباس:
مو بعيده تشنقه شنقا وتشنقني معاه الله يستر وما تدري عني لان هو بينحاش ويخليني اقابلها لحالي الله يسعد قلبك ياعسل ويرزقك كل الي في بالك |
اقتباس:
كل ما اقرى ردودك ادعيلك من قلبي ماشاءالله عليك حكمه وكلامك ينحط عالرح يبرى ان شاءالله بطبق كل اللي قلته لي الله يريح قلبك ويفرج همومك ويكون معك في كل حوائجك |
اقتباس:
الله يعينه على بلواه ويعيني انا معاه شكرا اختي الغاليه |
الله يعينج ويصبرج ويسخر لج زوجج ,,
ممكن سؤال أختي ؟! إذا حابه جاوبي وإذا ما تحبين عادي من حقج .. كيف يعني زواج سري ؟ شو يختلف عن الزواج العادي المعلن ؟ |
اقتباس:
باختصار الزواج السري استحقار و تنقيص من قدر الزوجه الي كرمها الاسلام وكرمها المجتمع تصير عشيقه او شي على الهامش للأسف ما كنت اعرف هذا الشعور الا بعد ما تزوجت.... |
الله يعينج ويصبرج أختي ,, وفي النهاية ما في شي سري خصوصا الزواج ,, أكيد بينعرف وبينكشف ,, الله معاج ويوفقج ,,, آآآآآمين
|
بعد قلبي انتي
اقول لبعض الاخوات اتقوااااااااااااااا الله في انفسكم وفي ردودكم ورى ماتخافون ربكم؟ ليش تهاجمون الناس وتجرحون فيهم ماتدرون انه بكرة ممكن الدنيا تلف عليك وتدور وتصبحين زوجة ثانية ماتدرين ان بنتك ممكن تكون لزوجة ثانية ؟ خافوا ربكم حسبي على ابليسكم لا تاخذكم العزة بالاثم اتقوا الله ياعباد الله حبيبتي مطلقة زوجك مين ماعنده شخصية عند زوجته ومااضن ان الامر بيكون سهل لو علمها هي كذا وتلعن خيره طيب لو عرفت انه متزوج وش بتسوي بتجلده حبيبتي يانه يعلم زوجته والكل يعرف انك متزوجة يا يسرحك وروحي تزوجي رجل دامه اختار طريق الحلال مايهمه اللايم الله يسعدك ويسهل امرك ويسترك فوق الارض وتحت الارض |
اقتباس:
انا ماصدقت لقيت واحد بعد طلاقي من وين القى ثاااني لا لا ان شاءالله ما يسرحني ولا اسرحه بس الله يهديه ويصلحه اخااف تدري زوجته وتجلدني انا مو هو خلنا كذا احسن قولي امييين الله ينصرك ويعزك ويسعد قلبك ياعسل |
| الساعة الآن 11:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©