|
زوج صديقتي مدمن لعبة إلكترونية
مثل
ماقلت بالعنوان صديقتي قالت زوجها يقضي اغلب وقته ع النت يلعب لعبه تقول لما اساله وش هالعبه يقول هذي يلعبها الملايين حول العالم كلها قتل وحروب تقول يسهر لحد الساعه 2او 3 بالليل وينام كذا ساعه ويروح للدوام ويرجع وعند اللعبه وعلى هالحال بصراحه والله ماعندي حل قلت لها بكتب مشكلتك بالمنتدى وبشوف هي بالمختصر تبي طريقه تخلي زوجها يترك هاللعبه ويهتم فيها ودمتم سالمييييين |
طيب تحاول تصارحه بالبدايه انه مـقصر مـعاهاا واذا مـانفع تحاول تجلس جنبه وتتعلم عاللعبه مـعاه
|
اقتباس:
مشكور عالرد بس ضحكتني ههههههههههههههه كيف تتعلم كلها حرب وقتال وش اللي يخلي بنت تلعب هالالعاب |
صراحة يا اختي .. انا شخصيا عندي لعبة بها استخدام للاسلحة النارية و حرب و قتل .. عندما اكون متضايق جدااااااااا .. العبها .. و اخرج كل توتري فيها .. و لكن ضيقي هذا لا يحدث كثيرا .. ربما مرة او اثنتين في الشهر كله ..
حاولي ان تعرفي اسباب اهتمام زوجك بهذه اللعبة .. فليس من المنطقي انه يخرج ضيقه و توتره فيها .. حيث انه يلعبها يوميا .. و بالطبع هو ليس في توتر بشكل يومي .. اهم شيء ان تعرفي ما الذي يشده لهذه اللعبة .. هل هو يشعر انه يتحدي مهارات الاخرين .. او انه يتخيل نفسه بطل حقيقي بتحقيقه هذه الانتصارات في اللعب .. هل يشعر ببعض الاحباطات في حياته و يريد ان يعوضها بانتصاراته في اللعب .. هل يريد ان يهرب منك انت شخصيا او يتفادي شيئا ما تطلبيه منه .. هل له اصدقاء من هذه اللعبة يحاورهم و يحاورونه .. اجيبي عن هذه الاسئلة و سنجد الحل ان شاء الله .. منتظر ردك .. |
اللعبة أكيد لعبة ترفيان وطقتها..
والله انا زوجي بالبدااية ادمنها.. وبصراحة اللعبه باااااايخة بس مدري شنو مولعه فيها!!!! اللعبة طفتها 7 شهور.. وبعدين يملوووووون.. بس في نقطة لو زوجها توه بادي يطف فيها خليها تسايره وتلعب معاه ولو انها سخيفة بس عشان مايصير فيها تطاول بينه وبين اللاعبات.. بس شوفي.. لاتقول لزوجها لاعبات ومالاعبات .. لا تفتح عيونه لو كان مغمض.. فاهمتني؟ يعني تكون معاه وتراقب من بعيد لبعيد.. مو تراقب يعني تتجسس!! (( الحين يقومون علي كل اللي بالمنتدى)):23: معليش الحذر واجب الثقة موجودة لكن برضو الشيطان موجود.. وصدقيني فترة ويملون بس لا تحن وترن فوق راسه .. لأنه بالاسلوب هذا يتولعون أكثثثثثر..:29: مثل الاطفال إذا قلتي له لاتسوي كذا يحوس يحوس عشان يبي يسوي الشي اللي قلتي له لا تسويه!! خليها تسايره شوي وهو راح يل من حاله.. لكن لو له أكثر من 7 شهور فأحسن شي يروح لطبيب يعالجه :d |
اقتباس:
ان شاءالله |
اقتباس:
تتقول من بعد شهر العسل وهي متزوجه من سنه و4شهولر |
حاولي ان تلعبي معة هاذي اللعبة
|
قولي لها تقول ام عزاام خذي لاب توب او اشتري اذا كان ماعندك واجلسي بالغرفه الثانيه وسوي نفسك مشغوله ومهتمه فيه لو تدخل هالمنتدى وتشارك المهم حسسيه باللي يسويه وهو بيصحى ع حاله وبيقعد ينادي ينادي خليه يشوفك متحمسه معاه لا تلبقين عنده وتحاتينه خليه العكس ..
اتمنى افدتكم .. الله يسخر لنا من يحب.. |
اقتباس:
شكرا عالمرور |
اقتباس:
لكن هي بتنشغل وهو بينشغل وبتزيد بينهم الفجوة وبينعدم الحوار صح ياام عزام ومع ذلك بقولها على فكرة هي ناويه تشتري لاب |
شكرا سعودية تقبلي مروري
|
تعلمي عليها وتشاركي معاه
|
اقتباس:
هذا اكثر راي ذكرتوه يمكن يكون هوالحل |
لعبة على النت ويشارك فيها ملايين وفيها حروب ..هذي ترافيان أو ما يشبهها ..ترافيان شعبيتها أكبر ...المهم انه سواء ترافيان أو ما شبهها كلهم فيهم تواصل بين اللاعبين برسائل خاصة داخل اللعبة وفي لاعبين بنات وشباب وفي منتديات ... اللعبة لازم يصير فيها تشارك بين عشرات اللاعبين بتحالف واحد ويكون هذا التحالف ضد تحالفات ثانية وهكذا ...
يعني الحروب مافيها دم ولا تشبه ألعاب duty free مثلا فيها دبلوماسية مثل الدبلوماسية بين الدول وفيها تخطيط وتحالفات ...ما أظن تشبه لعبتك أخي رجل حليم . المشكلة انها حتى لو شاركت ما راح تقدر تعرف اذا زوجها يكلم بنات أو لأ لانه التواصل مثل ما قلت برسائل خاصة ما يشوفها الا المتراسيلن واللي عنده باسوورد اللاعب اللي يدخل فيه اللعبة .يعني ما تشوفي رسائله الا اذا دخلتي معرفه . وتخافي انها هي تتورط مع أحدهم من خلال اللعبة .... اللاعبين أغلبهم شباب صغار ويتحرشوا بأي لاعبة . كل لعبة تدوم حوالي سنة وشوي ... الا اذا زوجها مدمن اللعبة من الأول ويسجل بسيرفر جديد كل ما انتهت لعبة . .... بهالحالة بيظل يلعب على طول :( مو شرط انه يكون يكلم بنات ...غالبا الشباب يكونوا صداقات مع بعض ويصير تواصلهم تليفون أو مسنجر اضافة للرسائل .. اذا عندها ثقة فيه وهو مو راعي هذي الاشياء خل تتوكل على الله .... لو انه زوجي اللي يلعبها كان رحت عنده وشاركته اللعبة من خلال معرفه هو .... تقول له أبي أخطط معاك وأحارب معاك .... تقعد فوق راسه وتسأله عن اللعبة من باب الفضول وتشاركه فيها .....حلو جدا لو شاركته ... يعني راح يتشاركوا نفس المعرف ووقتها زوجها يشوف الرسائل وهي كمان تشوف الرسائل . وبنفس الوقت تشاركه وقته ومتعته وهوايته ...بيصير بينهم كلام كثير بخصوص اللعبة ويمكن من هذا الباب تقدر تجذبه لمواضيع ثانية تكلمه فيها . اذا رفض مشاركتها ممكن وقتها أشك انه يكلم اللاعبات ....بس لا تنقلي لها جملتي الاخيرة لانه ما نعرف ظروفهم وهذا مجرد شك ...ممكن ما يوافق انها تشاركه مع انه ما يكلم بنات |
اتوقع أنها اللعبه المسماه بترافيان :(
ذكرتيني بنفسي زوجي كااااااان مدمن :(عليها وأساساً اللي يلعبها غصب عنه يدمنها لأنه لازمها متابعه 24 ساعه فكنت أتابع زوجي من بعيد لبعيد:30: وفيها تواصل بينه وبين اللاعبين وممكن يكونوا من الجنس الناعم :25: ولقيت مره واحده من اللي مايستحون على كل رساله تقووله يالغااالي :14: وتناقشنا بشأنها وبالنهايه وكلني أنا للرد على الرسايل وببعض المهام يعني خلاني أشاركه وبالنهايه أدمنتها :23: وسجلت بعضويه ثانيه وكنا نلعب كلنا وبالنهايه صرنا بتحالف واااحد :22: والحين كرهناها وصرنا نشوفها لعبه ممله وعقبال زوج صديقتك :) عشان كذا أنصح كل واحده زوجها منشغل بشي عنها تشاركه بالشي هذا وتشوف كيف تنحل مشكلتها:22: |
اقتباس:
مشاء الله كلامك حلوووووو والاسلوب احلى مشكووورة اختي |
اقتباس:
تشكراتي ياقمر الحين كل الاراء تقريبا تقول تشاركه انشاءالله ربي يهديه ويعرف قدر زوجته اللي تحبه |
لعبة سقيمة وسخيفة وللاسف وقع ضحيتها كثيرين ..
تعتبر ادمآن والمدمن له حل من اثنين اما العلآج أو ايجاد البديل صعبة شوي يتعآلج علشآن لعبة لكن الحل الثآني مقدور عليه .. هل أو جدت البديل ؟ هل حاولت لفت نظره بشئ يخليه ينسى اللعبة ؟ اسأليها هالسؤآل واصري عليها بكثرة المحآولات وعدم اليأس |
اقتباس:
أوتعجبها اللعبة :)وتندمج مع زوجها من خلالها وهنا تصير اللعبة غير تافهة لانها وسيلة تقريب بينهم ... حلو الواحد يترك مساحة حرية اختيار وسائل الترفيه أمام أولاده ومن له ولايتهم أو علاقة قوية فيهم ... كل واحد فينا عنده وسيله معينه تعجبه لكن مو شرط تعجب غيره .... ليش لازم الكل يترفه بنفس أسلوبنا ؟؟؟؟؟؟؟ |
اقتباس:
اشكر مروركم وتفاعلكم |
اقتباس:
والله اللي اعرفه انه مو مقصرة تقول كل شي تماااااااام في حياتهم يحبون بعض ومايرفض لها طلب الا هاللعبه ضايقتها ولما زعلت منه قالها خلاص بقعد لحد الساعه 12وبعدين بجيك يعني للغرفه ويستمر اسبوع كذا وبعدين يرجع يسهر لحد اخر الليل وتقول لو ماادق عليه مرة و2 مايجي بيقعد في غرفة النت لا وبينام بعد |
يجب ان تكون اكثر حزما تجاه الأمر و تقول له بصريح العبارة
"انا تزوجت رجل و لي عليك حقوق يجب ان تؤديها، و ان كنت غير قادر على تأدية حقوقي من أجل (لعبة) كنت ابقى عزابي ، مافي شي بجبرك عالزواج " رحم الله الرجال |
اقتباس:
مشكورة ياماريا |
| الساعة الآن 11:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©