|
عجزت أبحث عن حب زوجي
صار لي متزوجه3 سنين.
و عجزت ادور في قلب زوجي لي عن غلا حاولت بكل الطرق بس ماشي فايده بالكلام الحلو، بالبكاء ، بالزعل بالسؤال وماشي فايده احس الحياه صعبه واليوم ثقيل واحس بغربه تزوجته وانا كلي ثقه بنفسي ومع الايام ثقتي تقل . اوقات اقول ننفصل وارجع أقوول مب حل واوقات أقول بيتغير بس ما اشووف في امل ما يتكلم .. مايناقش أتكلم وأتكلم ولا يرد .. اعصب وأبكي ولا يتاءثر ليش تعرفون ؟؟؟*:confused::confused::confused: |
الله يجعلكي تلاقي ضلك ابحثي
|
شكرًا
بس المدمر لين متى الشخص يبحث النهايه ؟ |
اختي ياريت توضحي التفاصيل وكيف اسلوبك وكيف بتتعاملي وهوة كيف بتعامل وشو مميزاته وعيوبه وكيف حياتكو كيف سارت هل فيه احداث اثرت فيكو وتركت اثر مثلا
اعطينا مواقف يمكن زوجك صامت وبحبك بصمت وبالافعال ياريت توضحكي اختي وتفصلي الله يوفق بينكو |
يمكن اختي طبعه كده ما يحب يبين انه متاثر او انه ما يحب يتنازل
كان مرة هنا بالمنتدى اعطت اخت من الاخوات طريقة تتعرفين فيها اكثر على شخصية زوجك وهي انك تبحثين في جوجل عن البوصلة الشخصية انا عن نفسي نورتلى وايد اشيا ء واتعرفت عن شخصية زوجي روحي وجربي يمكن تستفيدي ... .تقبلي مروري |
شاكره لكم تفاعلكم
ما صار شي جديد اختي ملك شادي زواجنا كان تقليدي عندي بيي عمره شهور ... حاولت معاه بكل الأساليب حتى بوصلة الشخصيه يا نونو و مانفع ... نعم هو انسان صاااامت جدا يدخل البيت بهدوء ويأكل بصمت وكل شي يسويه ما يحب ألاسئله يعني لو كان طالع ورجع البيت و سالت شو اتعشيت يقول ف شو يفيدج السؤاال !! هو يسافر كثير بحكم عمله بس لما يرجع ولا كلمة لتدل انه منزله علي او فاقدني ولا حتى أفعال يعني اذا كان شي يحتاج تصليح او اي شي ناقص لازم اضل فتره طويله اطلب أنا ما اطلب عموما لأني اخلص مشاويري بنفسي او مع اهلي وعندي معاشي ف ما اطلب فلوس وحتى لو اشتريت شي للبيت ما اطلب ان يدفع تعبت وانا اقوله أنا ما ادور غير الكلمه الحلوه بس لاهو قادر يعطيني اللي أنا اباه ولا أنا قادره أتأقلم * |
ولا كلمه تدل انه فاقدني او متوله علي
|
مرحبا اختي00
ماهي اهتمامات زوجك وهواياته ؟ كم مره مدحك 00 وعلى أي شئ سوستيه ؟ ماهو الشئ اللي تحسي أنه يلفت نظره فيك ؟ هل يحب طفله ويلاعبه ؟ وهل يطلعك مشاوير؟ ويلبي طلباتك ؟ اكتفي بهذه الاسئله 00 إلى أن تردين 00 ولك الخيار طبعا00 |
هلا اختي شقرديه
زوجي متعمده هوايات ! يحب الانترنت والأخبار ويطلع كثيييييييير ومايجلس في البيت وهو على هالحال من اول ما اتزوجنا له منصب مهم ويتأخر في الدوام ما يمدح اي شي اسويه وما أبالغ ما يقول أحبج والا اي كلمه واذا سالت أتحبني يهز راسه اذا عاديت السؤال يقول هيه واذا ثالث مره قلت يعني صعب أتقول يقول أحبج بسرعه حتى العلاقة الخاصه من بينا تكون بصمت وحتى البوسه قبلها تكون بمحاولات مني ما اعرف شو يلفت انتباهه لان عمره ماقال لي عن شي حلو او بايخ يعني عايشيين في الرماادي يحب طفله جداً لان أتأخر بالوصول وفقدت قبله كم طفل حتى يوم يدخل البيت او يطلعه وبوسه ويلعب وياه مع انه بيبي 4 شهور وانا لا اذا قلت ليش أنا لا يكلم البيبي ويقول يغارون منك طبعا أنا ما اغار من ولدي بس أنا استغرب كيف يهمشني |
كان قصدي ما عنده هوايات معينه
|
طيب حلو 00
أنا قصدت من اسئلتي 00 اشوف يغليك اولا 00 وإذا كان يحب ابنكما فهو من غلاك 00 حتى ولو كان ابنه !! طبعا ما عطيتيني اجوبه قاطعه 00 اغلبها رماديه00هههههههه زوجك يحب النت00 حاولي تتواصلي معه عبر الايميل 00 او برسائل تكتبنها بنفسك00 تعرفين زوجك وين يطلع ؟!! ماهو المكان الذي يحبه اكثر من بيته 00 وخذي في بالك 00 ترى 3 سنوات مده قصيره جدا في عمر الزواج 00 وحاولي تتقربين له 000 وافهمي شخصيته اكثر00 ماذا يحب وما يكره00 اهتماماته شاركيه فيها حبه حبه00 طبيعة شغله حاولي تتكلمي معاه فيه00 واعرفي ماهو الذي يشده بالنت00 وحاولي تتدبادلينه معه على الايميل00 سوي له مفاجأه مثلا00 وكلميه بالمسن00 حاولي وحاولي 00 فهو زوجك وابو ابنك 000 فقط تحتاجين لوقت وصبر 00 وفك شفراته الله يجعلك قرة عين له |
شكراً اختي
بعثت له كم إيميل. كان آخرها من فتره بسيطه .. ليلة يوم زواجنا ولا كأني بعثت شي وحياتج صاااااامدون بس أنا تعبت تعبت وأستميت أتسوله عاطفيا اخر مره بكيت وقلت له يا فلان تعبت اتخيلك تعملي اشياء تعبت ادور في خيالي النقص وبعد ما حل المشكله 3 سنين نعم بسيطه بس المفروض اكون على الاقل عارفه أنا شو بقلب هالانسان ما توافقيني الراي؟ |
اختي اغلب الرجااال يلتزمون بالصمت وعدم التعبير عمافي انفسهم في جميع نواحي الحياة الزوجية
لذالك لاتستغربي يعني تعودي على ذالك عندي وعندك خير وحاولي برسائل الجوال والايميل وحركات اخرى لعلها تفيد واذا لم تفد ريحي نفسك الله يسخركما لبعض |
الا اوافقك غاليتي00
ولكن غالبية الرجال من هذا النوع000 لازم تعرفي اهتماماته وتشاركينه فيها00 إنتي سألتي نفسك 00 ليش ما يتحاور معاك ؟ جربتي تناقشيه مثلا برسائل الجوال 00 او برساله مغلفه بحبك له تكتبين فيها كل اللي في خاطرك 00 وحياتج اختي ما يجوز تحلفين بحياة احد 00 الحلف بالله فقط الله يسعدك |
سحابة صيف
كيف أريح نفسي مب قادره احس ان الحياه صعبه أنا ما اتوقعت ان حياتي أتكون جافه لهذي الدرجة !! ما اعرف هل أنا ما اقدر اوصل اللي أنا فيه او ان الدنيا جيه كيف زوج ما يقول لزوجته حبيبتي ! قالها بس مره وحده كيف هل هذا طبيعي ؟؟ هل هو فعلا ما سحرني لا تقولين أسابيع أنا ما سالت الا لأني عجزت والله عجزت هل احد منكم عنده حل؟؟؟ فردوني فيه وانا اجرب |
شقرديه جربت
عدم الحوار مب بس معاي حتى مع اهله وهم نفسهم قالوا لي بس أنا غير يعني ما في وجه مقارنه اذا حاب يناقشني في موضوع أنا غير وهم غير اقصد من ناحية الإلمام بمواضيع الحياه والدراسه ف أتوقع أني غير واللي ألاحظه انه غير مع ربعه |
اختي تكلمي عن حياتكم بتفاصيل اكثر
يعني كم صارلكم متزوجين بينكم اطفال كيف تزوجتو تزوجو قناعه ولا كيف ومثل ايش سويتيه خلتك تعرفي انو هو مايحبك |
لااختي أكيد ما اقصد الحلف بس طلعت جذيه
|
اختي عاشقة الغالي
3 سنوات متزوجين وعندي طفل |
حبيبتي ... اعتقد اعتمادج على نفسج في كل شيء خلى زوجج يحس انه مب مهم في حياتج علشان جذي يوم تسإلين عن أي شيء يرد عليج : في شو يهمج السؤال ؟ اختيه .. ما في مشكلة في الدنيا ما لها حل ... الرجل يصمت احيانا لامور مثل : اذا عمله كله كلام ومناقشات واجتماعات .. يرجع البيت يبي كل شيء الا الكلام لانه تعب منه .. اذا حس انه زوجته مب فاهمتنه ولا مقدره وضعه ولا تشاركه فهذا يشكل فجوة بينهم فيفضل الصمت على الكلام معاها .. اذا كانت الزوجه تختار الاحاديث اللي فيها حش ونميمه واخبار الناس ونكد وشكاوي .. فيفضل الصمت والابتعاد .. اذا الزوجه ما تحتار الوقت المناسب للطلبات او الشكاوي او النقاش ولا تراعي نفسيته وظروفه ومزاجه .. والعاقل حبيبتي هو اللي يفضل السكوت علشان ما يخربها بالكلام ... زوجج مع ربعه غير لانه سوالفهم غير ... معاملتهم غير ... جوهم غير ... شوفي زوجج شو يحب ؟ معقولة في الـ 3 سنوات ما فرح ولا ضحك ولا تحمس لشيء ... فكري شو هالشيء ..؟ الحل مع زوجج انج تهتمين فيه .. بشغله .. بشخصيته .. بهواياته .. شوفي شو طموحه ... واحلامه ... خلي تكون بينكم اشياء مشتركه .. شاركيه همومه ... وفرحه وصدقيني بيتعود وبيبدأ يتكلم ويعبر بإذن الله ولا تحنين وتزنين على راسه بهالاسئلة : انته تحبني؟ انه مشتاق لي ؟ حبيبتي لو هو ما يحبج كان ما استمر معاج ... يكفي انه ما يذلج ولا يهينج ولا يضربج ولا يبخل عليج .. اذا الطريقه اللي متبعتنها الحين مب نافعه معاه غيري الطريقة وان شاء الله تنفع ... والله يسعدج ويهنيج ويحفظج ... |
أغلب الرجال يعبروا عن حبهم بطريقة عملية ..مو قصدي هدايا أو طلعات ..لأ
قصدي انه اذا كان مهتم بصحتك اذا مرضتي أو يحب طفلك أو لما تلحي عليه بالسؤال اذا يحبك أو لأ يغصب نفسه عشان تقول الكلمة ويقولها بس حتى ما تزعلي لانه مو مقتنع انه الحب بالكلام ... يتغير ؟؟؟؟ نعم أكيد يتغير بس يحتاج نفس طويل منك ....مشكلة رجالنا العرب انهم تعلموا على الجمود والتصحر :) يعني تعلموا من صغرهم ما يعبروا عن عواطفهم ..الرجل عيب يبكي ..الرجل عيب يقول حبيبي ...الرجل عيب يقبل أمه مثلا ... ما تلوميه ...ما يقدر ينقلب 360 درجة لانه تزوج ... هو لا شك يحبك ...وتقدري تعوديه على الكلام الحلو ...خليه يسمعه كثير الى أن يتعود عليه ومع الوقت راح يصير هو يقوله ... لا تناديه الا بحبيبي او عمري أو أو أو .بوسه على الراس وهو على النت وتروحي ... بوسه على الخد أول ما يدخل البيت ... حضن خفيف أثناء متابعته الاخبار .. سألتيه شنو تعشيت وقال لك وش يفيدك السؤال ...قوليله كل شي أعرفقه عنك يفيدني ...اللي يحب واحد يحب يعرف عنه كل شي وانا أحبك :) كل مرة تشوفي منه جفاف تذكري انه مو قصده يكون جاف . بس يحتاج تعويد ..معناها كل ما تشوفيه جاف لازم يسمعله كلمتين حلوين :) الى أن يتعود . طبعا لازم يكون في تواصل من الاساس حتى يصير مجال تقولي الكلام الحلو ...وهو ما يحب يناقش ولا يفتح مواضيع الا مع أصحابه ........... ليييييييييييييييش ؟؟؟ ليش يحب يفتح مواضيع مع أصحابه ؟؟؟؟ لانه يكلمهم بأشياء مشتركة بينهم ..يتكلموا بالسيارات مثلا ؟؟؟ بالسفر ؟؟؟ بالشغل ؟؟؟؟ هذي مهمتك أنتي ...اعرفي شنو المواضيع اللي تهمه ...ابدئي من شغله ..أكيد المواضيع اللي تتعلق بعمله تهمه ... شنو يشتغل ؟؟؟ سمسار عقار مثلا ...اقرئي عن العقار أو تابعي قناة أخبار اقتصادية واسمعي أخبارها واساليه عن اللي سمعتيه .. يمكن يقول لك وليش تسألي ؟؟؟ قولي أبي أتعلم ...سمعت كذا وأبي أعرف .. تحب أسأل من ؟؟؟ أبي أنت تعلمني ...ولو أني ما أظن انه بيسأل ...غالبا راح يحب يتكلم بمجال عمله ... اسمعي الاخبار معاه وناقشيه فيها بس لا تصيروا الاتجاه المعاكس ويجي فيصل القاسم يقولكم شوي شوي يا اخوان :) من خلال كلامكم ممكن تعرفي اهتمامات ثانية له ..كلميه فيها .. وهكذا .. اذا ظليتي تعاتبيه على قلة رومانسيته وحبه لك بيفقد ثقته بنفسه وبقدرته على ارضائك وبتدخلي بمشاكل ثقة وشك وغيره مالها داعي ...لا تظلي تزني على كلمات حب بالغصب .... اما يتعودها منك ويقولها مع أول مرة تسألي أو انسي الموضوع وتعودي على طبعه واقنعي نفسك بأنه مو كل الناس تعبر عن الحب بنفس الطريقة ... ولا تسوي نفس غلطة أغلب نساء الرجال المشغولين .... الرجل المشغول زوجته تعمل عنه كل شي وتحمل عنه كل مسؤوليات البيت ومسؤوليات نفسها حتى ما تتعبه ...تظن انها بكذا ساعدته ...بالعكس ..هذي الطريقة تبعد الزوج وكأنك تقوليله أنا مو بحاجتك والرجل يحتاج يعتني بأحد ويعتني بحبيبته .... أعطيه ولو شيء بسيط يساعدك فيه ولما يعمله اشكريه وامدحيه وامدحي الطريقة اللي نفذ فيها المهمة ... اطلبي يشتري لك شيء مثلا وامدحي اختياره وسرعته ... وقوليله انك ما كنتي عارفه كيف بتدبري روحك لولاه .... امدحي عمله وتعبه في سبيل أسرتكم وامدحي ابداعه بعمله وبسرعة تطوره ... أغلب الرجال ما تحب تقول كلام حب الا اذا عندهم صيده بيصيدوها ...بنت ترقيم أو بنت نت أو بنت تليفون . وأقول أغلبهم وما قلت كلهم لانه في كم واحد رومانسي ومع زوجته ... ربي يهني زوجاتهم فيهم ويبعدنا عن الحسد :) |
أخواتي بيتا ولمني بشووق
مشكورين وماقصرتوا بحلول أني ما أسال بس صراحه صعبه الحياه هذا ولحنا تونا جداد إخاف بعد كم سنه ينتهي كل شي من بينا ونصير كل واحد بغرفه صعبه الحياه بدون ود المراه تحب تحس بحب زوجها وحبه وانا ما اطلب غير هالشي ولا احس انه كثير |
الله يعينك حبيبتي
بس لا تبكين قدامه ولا تتاثرين حاولي تجذبينه شوفي ايش هي نقط ضعفه لا تقولي ماعنده نقط ضعف مستحيييييييييييل اغريه انتي انثى وتعرفين اشلون فكك من البكا والانهيار عنده يمكن طبعه كذا ويمكن اذا طنشتي احساسك اتجاههك هو تتبعثر اموره جددي حياتك بكل شى قد يجعلك امراة مثيرة وجذابة لا تساليه هل انت تحبني ولا لا الرجل اذا حب يبان من تصرفاته ..غيرته ..قهره كوني ذكية افهمي حب زوجك لك بدون ماتسالين الله يجعلك قرة عين له ويسخركما لبعض |
اقتباس:
الظاهر ما قرأتي الرد كامل بسبب طوله ..... أعتذر لكن ما قدرت أختصر أكثر ...كل النقاط اللي انذكرت مهمة وحلول لمشكلتك . |
اختي اعاني من مثل ماتعانين:(
ان قال طفشان مالي نفس اتكلم الاقيه يلعب ويتونس مع بنته سبحان الله تجي النفس ولو اقول شي يقول للبنت يغارون منك ياقلبي مدري ايش يحسب ؟؟ الله يهديه !!! لكن اللي يريحني اني اقلمت نفسي على وضعه وشغلت نفسي كتير عنه بحيث ماسرت ادور منه شي كدة ارتحت!!:22: الله يفرج همك ويريح خاطرك ويجعله قرة لعينك:14: |
هل تعتقدون الليالي الرومانسيه ممكن تساعد
مع العلم انه صامت أيضاً اثناء العلاقة الخاصه وتكون بدون مقدمات غالبا |
اختي العزيزة بيتا ان شاءالله يتغير وبتم أحاول
وبالعكس قريت ردج وعجبني جداً الله يخلي ايامج كلها سعيده ان شاءالله اختي مبادئ الله يعينج ويحبب ريلج فيج والدوم المحبه والاحترام يارب |
اقتباس:
قولي مع ابتسامه .. بس اول أعطيني حضن .... بوسه ... ولا تنسي الدعاء .... ربي يوفق بينكم |
شكلك و أطباعك مالها علاقه با الحب بالعكس خليك واثقه من نفسك دايم والله يا أختي ( الحب من الله ) ما تنـجبر روح على روح سبحان الله يا ما شفنا بنات مافيهم شي من الجمال لكن أزواجهم يعشقونهم كذا من الله بس الأكيد فيه بينكم موده و رحمه و إحترام و هالشي حلو و و لا تستعجلين الحـب أختي و أصبرررررررري الله يسعدك و يسخره لك |
اقتباس:
اه من الفراق لحظات الضعف كم هو صعب اختي او اخي توقيعك جدا اثر فيني |
ضلك ابحثي عنمة واكيد رح تلاقية ولا تستعجلي
|
والله ياأختي إني حاسه فيك لأن والله العظيم إن حالي من حالك والله مابقيت شئ إلا وأستخدمته لكن مافيه فايده والله إني قمت أعيش في الخيال وقمت أرسم له صوره ثانيه في خيالي نفس الصوره اللي أتمناه منه ولالقيته لدرجه إني تعبت أرسم وأرسم وأرسم وكله في الأخير سراب موواقع
|
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©