|
غشوووني فيها
انا هنا بحكي لكم قصة اخوي الان عمره 33 سنة وصاير يكره الحريم كره مو طبيعي والسبب زواجه الاول صار يكره سيرة الزواج لدرجة انو يقولي لا تتزوج افسخ خطوبتك ترى ما يجي من ورا الحريم اللا البلا قصة اخوي تبدا من هنا يوم الشوفة: رجع والارض مو شايلته من الوناسة الملكة اتحددت الاسبوع الجاي العقد في بيت اهل العروس نبذة عن العروس واهلها: ناس اغنياء بس متواضعين اخوي يشغل عند ابوها يعتمد عليه في كل شي يثق فيه ويعامله كانه واحد من عياله العروس: دلووووعة وآآآآخر العنقود عمرها ماسمعت كلمة لا من عند اهلهاولا تعرف تكتبها المهم الوالدةتعرفت عليهم وعجبتها البنت وقالت لاخوي تراها تناسبك مرررة حلوة وناعمة >> الحريم يحسبون اهم شي عندنا الجمال واخر شي يفكرون في الاخلاق المهم رحنا للعقد الشيخ نادا العروس وبدا الاجراءات المهم فجاءة ولا وجه اخوي ينقلب فووق تحت انا استغربت وجلس شاارد كذا لين ما رجعنا البيت اول ما وصلنا جيت اسالو وش فيك انقلبت وامي كانت جالسة معنا قام عدل جلسته وقال امي كم عمرها:قالت لو 18 سنة هم قالو كذا قلت لها لا مو 18 تدرين كم عمرها طلع قالت كم قال:24 سنة ابوها بلسانه قال لي عمرها 18 سنة معقولة يكذبو علينا في مسالة زي كذا امي قالت مو مهم العمر بس اهو كان عندو العمر مهم كان يبي يكون في فرق بينو وبين زوجتو المهم امي قالت لو شكلها يقول 16 سنة كمان مو 18 على العموم اخوي قال ببلعها خلااص كذ عقدنا وعشان امي اصرت عليه لانها حبت البنت مرة جا يوم العرس وتزوجو خلاص طبعا المهم عدة 3 شهور زواج وهو كل يوم يرجع من الدوام وما يلقاها في البيت طفش منها بس هي تقول له انا بروح عند اهلي كان يسكت لها يقول عروس ماابي اكدر عليها بس كان يقولها لو بتطلعي دقي علي بس وقوليلي انا مارح امنعك بس اعرف انت وين قالت انا مو متعودة استاذن من احد المهم اخوي "الاهبل" سوري ههه على قولته بلعتها ومشيتها لان كل شي يصير بيننا عند ابوها على طوول المهم يقول ذاك اليوم رجع من الدوام ولا يلقاها عند الباب وشنطة ملابسها معها قلت وش فيك حبيبتي زعلانة مني قالت لا بس بسافر مع بابا قال نعم تسافرييين وانا جدااار هنا حتى تلفون مارفعتي تقولين لي ما في سفر راحت تصيح واتصلت على بابتها وجا الباباوقال امسحها في وجهي وخليها هالمرة بس تجي معي قال طيب مرة ثانية خلها تستاذن على الاقل المهم اخوي جا البيت وقال خلااااص حطلق بس امي فرت راسو وخلتو يرجعلها بحجة انها غشيمة ومو متعودة كذا وسكت اخي "الثور" سوري بس بجد ورجعها المهم قال ذاك اليوم طلعنا ابي اتفاهم معها وافهمها عاداتنا كنا جالسين نسولف وناكل ولا شوي شهقت قلت لها وش فيك قالت شفت ذاك اللي جالس هناك قلت ايه قالت:هذا طليقي تصدق شكلو اتزوج قالت هذا طليقي اخوي المسكين انصدم وما قدر يعبر وشوي سالها باستغراب:طليقك؟؟؟ كيف ؟؟ قالت بكل بروود وهي تاكل: اه صح نسيت اقولك انا كنت مملكة عليه سنة كاملة وبعدين انفصلنا اخوي صاارت الدنيا تدووور فيه سنة كاااملة معاه انا ملكت عليها شهرين وكنا دايم نطلع مع بعض وهي ملكت سنة وش سوت معاه المهم طبعا نسفها وشرشحها ورماها في بيت اهلها المهم هالمرة امي ما قدرت تقول شي لان الصراحة الموضوع قوي صار يقول انا خايفة بكرة ارجعها تجيني تقول شايف ذا البيبي ترا ولدي من طليقي عاد ذا اللي ناقص خلااااص يكفي كذب لين متى انا مو قادر اتحمل طبعا ابو المدام مارضاها للبنتو وطبعا اخوي ماخلى ولا بقى فيه هو ولا في البنت على قولتهم"اتق شر الحليم اذا غضب" وش سوا ابوها ورطو في قضية اختلاس واخوي انسجن من وراها 4 شهووور لين ماقدرنا نسدد المبلغ وطلع بالسلامة وقال لا للزواج تخيلو قبل شهر جاتنا وحدة تعرف اهل البنت تسلم على امي وشوي سالتها:الا بنت ولدك ما تزوركم امي قالت اي ولد:قالت ولدك راكان امي قالت راكان ماعندو عيال منها اصلا جت الحرمة قالت لها:الا بنت راكان كل مارحت ازورهم اشوفها ماشاء الله عليها تشبه ابوها مرة امي انصدمت وجت تقول لاخوي اخوراح عند ابوها وسالو فقال بكل برود:اي بنتك انت يوم طلقتها كانت حامل في 3 شهووور اخوي:اه خليني اخمن نست تقولي كمان صح الحين انا عندي بنت من خمس سنسن وتوني ادري وبس والان اخوي في المحاكم يبي ياخذ البنت ويجيبها عندنا قال لا تطلع زي امها تنسى كثير هذي هي القصة وسلامتكم وابي تعليقاتم على الموضوع وبس |
هذا درس لكل واحد ووحده يحط او تحط شرط الجمال في الموضوع..
قال رسول الله صلى الله عليه وسلم واظفر بذات الدين تربت يداك.. وقال اذا جاءكم من ترضون دينه وخلقه فزوجوه.. الله يبعد عنا الي مايخاف الله.. والله يصلح حاله ويعوضه خير.. |
لا لا لا لا لا
شي غريب والله كانك تمزح قسم بالله شي يرفع الضغط |
:eek::eek::eek::eek::eek::eek:
عاجزه عن التعبير صراحه |
حسبي الله ونعم الوكيل في اللي مايخافون الله مخبيه عليه ضناه وحارمته خمس سنوات من طفلته مااقول الا الله ينصر اخوك عاجلا غير اجل
|
والله مصيبة
مصيييييييييييييييييييبة الله يعوضه خير منها كان المفروض ماحد يضغط عليه من نايحة الزواج |
الله يعين اخوك الي اتعقد من الحريم ترى قله اصابع ايدك موزي بعض الله يعوضه الزوجه الصالحه
|
الله يكون في عونه ويسهل امرة ان شاء الله
|
والله مدري أخاف أخوك درعم ورى شئ وأنت ماتدري بعدين كيف توصف أخوك بهاذي الأوصاف ثور ومدري إيش وبعدين كيف يشك فيها بأنها مسوية شئ مع طليقها من قبله البكر والثيب بينهم فرق واجد بس تدري هاذي جزاة إللي ياخذ بنت مديره في عمله
وشئ طبيعي أب يفزع لبنته . |
أممممم
كلها ممكن تصير الا البنت!!!! وكيف صلحوا اوراق البنت مثلا؟ |
الأخ مقهور...
هل هذه القصة حقيقيه ام انها من نسج الخيال؟!! |
لم تدخل القصه في عقلي
تآآآآآآليف.............. |
ماشاءالله تطلع وتسافر بدون اذن من المطار بموافقة زوجها البنت من يوم الملكة ماتسافر مع ابوها الا بي توقيع الزوج وبعدين البنت مسجلة بي اسم مين جدها برضوا الظاهر انو فعلا من نسج الخيال مستحيل كل دا يكون واقع:30:
|
يا لطيف ، عمري ما سمعت بهيك شي الا بالأفلام و المسلسلات
معقول في هيك ناس !!!! حسبنا الله و نعم الوكيل |
يعني ماانكتب في العقد انها ثيب
؟؟؟؟ اخوك ياغشيم يااااااااا غشيم الله يعين |
قلت خمس سنين عمر البنت؟
|
سوري احس فيه خربطه شوي
وين صاحب الموضوع يرد على استفسارات الاعضاء مثل سفرها بدون ترخيص وانهم ماكتبوا انها ثيب والبنت اللي عمرها 5سنين ولايدري عنها |
حدث العاقل بما لا يعقل فأن صدق فلاعقل له!
|
حسيت انك تقول قصه خياليه
الله يعينه المفروض من البداية ياخذ موقف على موضوع الكذب |
أنا بصراحه ما أحط في ذمتي شاكه إن أخوه تزوج البنت علشان فلوس أبوها بالذات إنه مشغله عنده ومسلمه الجمل بما حمل والظاهر والله أعلم إن حتى أهله معاه ولا ليش سامحوا بكل التجاوزات حقت البنت وأهلها أو إن أهله ضاغطين عليه حتى تزوجها على بالهم إن إبنهم خلاص ضمن البنت وأبوها وفلوسه وإللي يطالع فوق رقبته تنكسر وأنا فسرتها كذا رغم إن السالفه أحسها فبركه في فبركه مثل سوالف الفتى المتدهور لو الإخوان والأخوات ذاكرينه شكل مقهور ولد عمه والفتى المتدهور مافيه أعضاء ردوعليه واجد وإلا كان لو إنكسر كأس في بيتهم كان نط نزل علشانه موضوع في المنتدى ههههههه
|
أمر غريـــب حقيقة
و حوادث متلخبطة و حكاية غريبة جدا !! ولكن في هذا الزمــن لا شي مستحيــل ..!. |
ههههههههههههه بنت الحكمي
والله كل شي وااارد ... والدنيا ياما فيها العجب العجاب ... والبنت مازالت بكر لانها تطلقت في فترة الملكه هذا اللي فهمته ... وترى فيه من هالعينه كثيييييييييييييييييييييييييييييييييييييييييييييييي يير .... لعابات وكذابات ومدلعات ... والزوج واجهه اجتماعيه لا اكثر ..... بالنسبه لاوراق البنت ...كثير اطفال يدخلون المدارس ولسى اباءهم ما سوو اوراقهم يعني عادي شهادة تطعيم وشهادة ميلاد وخلاص ... بس اكيد يحتاجون لو كبرت شوي الله يعين .... صعب ياخذ البنت ماااااتعرفه ..............ولازم يثبت انها بنته يتاكد لان غريبه تحمل وما يعرف ؟؟؟؟ 3شهور ؟؟؟؟ |
هذه ضريبة ...
سوء الإختيار الإهتمام بالقشور على حساب الجوهر عدم السؤال جيداً عن الطرف الآخر عدم التكافؤ الإجتماعي , حيث سيبقى بنظرهم " أجير لديهم " حتى لو تزوج إبنتهم دلوعة " البابا " وآخر العنقود من حيث سفرها بدون إذن زوجها وباقي النقاط التي ذكرت في الردود السابقه أقول ... الواسطه وقوة المال والنفوذ تلغي القوانين فكما استطاع والدها تلفيق تهمة لطليق ابنته وسجنه استطاع أيضاً أن يطوع القوانين الأخرى لصالحه . لا أؤيد ابداً أن يتزوج الرجل مرأه أعلى منه إجتماعياً أو أغنى منه والفشل حليف دائم لمثل هذا الزواج والواقع يشهد على ذلك ما نجح من هذه الزواجات هو شذوذ ولكن القاعده هي الفشل . |
مااشوف اي مشكله في البنت سوى انها طيبه وفقيرة وعلى نياتها
وانتم اخذتوها جد وصدمات وطلعتوهم غشاشين وطلقتوها على امر تافه الله ينصرها |
الله يعينك ويصبرك
شكرا تقبلو مروري |
اقتباس:
|
يمنع المنتدى الردود التي تهدف إلى رفم الموضوعات او زيادة عدد المشاركات/الاشراف
|
الله يعوضه إن شاء الله ويارب ترجع له بنته |
بسم الله الرحمن الرحيم اولا احب اشكركم اخواني واخواتي على المرور ثاني شي احب اقوله مو شرط كل الناس تصدقني لاني انا ما اصدق كل الناس بعدين انا يوم كنت اوصف اخوي بهالاوصاف ترى هذا رأي فيه وقلته في وجهه اكثر من مرررة وانا يوم كنت اكتب هو كان جالس معاي بنفس الغرفة وسامعني انا وش اقول وسلامتكم اما عن الاسئلة اللي سألتوها انا رح اجاوب عليها بس المرة الجاية وبعدين حسيت ان كثير منكم فهمو اجزاء من القصة غلط وهذا مو ذنبي |
اسفة اخي هاد القصة متل النكة لاحول و لا قوة الا باللهو انت حكيته بطريقة كتير حلوة الله يقويك بس اشلون في ناس هيك يعني نسو 6 اسنين من عمر البنت و نسو انها مطلقة و نسو انها حامل الله يستر لا يكونو ناسيين شي تاني و الله حرام ترى ما في تقة شو هالبلادة الله يصبر اخوك بس لازم تقنع ان مو كل الناس متل بعض و هو تراه وقع في عيلة ما يعلم بها الا الله
|
معقول لاحول ولاقوة الا بالله
|
لاحول ولا قوة الا بالله
فاظفر بذات الدين تربت يداااك |
يا اخى اهم شىء فى البنت الدين والخلق ثم يأتى اى شىء آخر بعد ذلك خلى اخيك يكثر من قول حسبنا الله ونعم الوكيل رب انى مغلوب فأنتصر |
حرراااام ياخد البنت من امها الطفله متعوده على امها وماعمرها شافت ابوها ولااهله كيف يجي اخوك ياخدها فجأه ويحطها في بيت عند ناس ماتعرفهم
ترى البنت تتعب نفسيتها تحس انهامخطوفه وياثرعليها في المستقبل خصوصا ان عمرها خمس سنوات...انصح اخوك يخليها عند امها ويكتفي بزيارتها او انه يرجع زوجته عشان البنت |
الله المستعان مسسسكين اخوك ........... كسرخاطري
الله يوفقه وياخ بنته حسبي الله ونعم الوكيل عالم خسيسه من جد |
اقوووول هذا فيلم والا قصه من نسج الخيااال ؟؟!!!
|
من البداية المفروض الشاب او البنت اذا شك في شي او ما ارتاح لاهل العروس او العريس و تصرفاتهم يقطع الشك باليقين و ينهي الموضوع بدونما يبدأ و يورط نفسه الله يعوضهم .. |
معقوله نعيش ونشوف
|
هذا انتم يالرجال شرطكم وحده دلوووووووووووووعة وحلوووووووووووووووووووووة
بنت عمي مرررررة دلوعه وشغالات رايحين جايين تزوجت واحد اهله عايشين في قرية تخيلواااااا بس الولد ما شاء لله شهادات وعلم وطموح وبغى ينهبل عليها وبعد فترة من الزواج ياكثر مشاكلهم بسبب عدم تحملها المسؤلية وكل الاحلام صارت كابوس |
أخي الكريم:
هل أنت تداعبنا هنا بهذه القصة أم تمزح معنا؟ لا أكاد أصدق ما تقرأه عيني |
| الساعة الآن 12:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©