|
زوجة زوجي تهدد بضربي
السلام عليكم انا زوجه ثانيه مشكلتي مو مع زوجي بلعكس زوجي كويس معي ويحبني يموت فيني مشكلتي مع زوجته وعيالها ؛انا ساكنه في الدور الثاني وهي في الدور اللي تحتي قبل كم اسبوع طلعت تسبني بكلمات بذيئه وتدف الباب علي تقول انها تبغى تضربني كل ذا لاني اخذت مفتاح بيتي من عندهم لكن الله الهمني وما رديت عليها ؛ولما جاء زوجي علمته وهو قالي انا اخذ حقك منها وما يرضيني اللي سوته حقك علي ؛مع العلم انا في عمر بنتها واهلي في مدينه ثانيه يعني انا لوحدي عندهم والله اني خايفه افيدوني بردودكم وشكرااااااااااا:16:
|
انتي متزوجة جديد؟
|
من سنتين
|
الا يستطيع زوجك اسكانك بعيدا عنهم لان الامر مخيف ؟
|
كلمته في هذا الموضوع يقول انه قريب من عياله ومني يكون مطمن اكثر وان الموضوع مو لنقاش وانو قادر يحميني منهم بس انا اخاف لانه يسافر كثير |
زوجة زوجك رد فعلها طبيعى لانه صعب عليها بعد السنين والاطفال يتزوج عليها زوجة فى عمر بنتها وانتى مفروض تكونى متوقعة هذه المعاملة وخاصة ان الزواج يادوب سنتين بس انتى ما ليك ذنب ... تزوجك على سنة الله ورسوله اصبرى عليها مصيرها تتعود على الوضع الجديد ولازم زوجك يفهمها انه لو ما تزوجك كان حيتزوج غيرك حاولى معاملته بلين هى وابنائها وابداً ما تردي عليها ما تتجاوبى مع انفعالها الله يعينها ... ويعينك |
أختي الكريمة حاولي أن تحسني اليها واحترميها وتذكري دوما ليس منا من لم يرحم صغيرنا ويعرف حق كبيرنا حاولي قدر الامكان ان لا تستفزيها ابدا برأيي لا داعي لان تخبري زوجك بكل كبيرة وصغيرة وحثيه على العدل دوما ... وعندي سؤال هل ترين زوجك عادل معكما !! وفقك الله |
الله لا يلومها
|
والله انو عادل وبالعكس احيانا يزيدهم عني واقول عادي
|
طيب اختي مجرد سؤال انتي ليش رضيتي تتزوجيه? واحد بعمر ابوكي و عنده عيال كبرك و ساكنه معاهم بنفس العماره ما فكرتي بكل هذا قبل الزواج و معليش اعذري زوجته الأولي,, الغيره تسوي افعالها و انتي حرمه زيها يعني فيكي تتفهمي وضعها و النفسيه اللي هي عايشه فيها انتي حطي نفسك محلها.. ما تشوفيها قويه انه بعد العمر هذا كله يجي زوجك يتزوج وحده قد بنتك و يسكنها فوقك كمان اعذريها و عامليها بأحترام و اعتبريها زي امك او خالتك.. انتي حببي نفسك فيها |
اقتباس:
|
لاتلوميها ... انا جربت التعدد فقد تزوج زوجي وحده بيني وبينها حوالي 6 سنوات وأنا كنت أموت في اليوم ألف مره
ياليت أحد ينصحها بالصبر والتقرب إلى الله وإنها تطلب منه أن يربط على قلبها وأن تكثر من الإستغفار والدعاء بأن يهون عليها مصيبتها فالغيره نااار حارقه بالقلب .. لكن لازم تعرف إنو هالشئ قدرها ونصيبها فعليها بالصبر والإحتساب ومعرفة أن ماعند الله خير وأبقى .. وأن تتذكر أن نعم الله عليها كثيره وأن تعيش من أجل عيالها وتتعامل مع زوجها بما يرضي الله وياليت ياأختي لو إنتي كنتي مثلاً تستفزيها إتركي هالشئ لأنو الكتير من الزوجات التانيات يحاولن إستفزاز الأولى حتى لو بطريقه غير مباشره |
الله يكون بعونك ياأختي أتحملي ماجااااااااااااااااك والله لايلومها مثل ماقالت جداوية
فعلا شيء صعب ماعليك إلا انك تتحملينها إلى أن تخف غيرتها نسبيا أوتبعد عنها بأن تخرجي لسكن مستقل واللــــــــــــــــــــــــــــــه يهدي أموركم |
الشرهه مب عليك على زوجك
لو انه قد المسؤليه يعرف اشلون يحميك منهاا!! ليش تحطي اللوم عليها وساس المشكلة هو زوجك؟! غريب امركم يالحريم!! كل وحده تتزوج معدد ترمي بلاوي زوجها على زوجته الأولى!! طيب ليش؟؟؟؟ ..... يبي يساافر يوديك عند اهلك وبس وعلى قولة جداويه الله لايلومهااا!!! |
اقتباس:
صحيح كلام نورين سليم.. هذا حنا زوجات لغير معددين ولو زوجي اظطر يسافر اطلبه يوديني عند أهلي!!!! وبالنسبة لأخذك للمفتاح .. من حقك يكون مفتاح بيتك لك لحالك .. لكن برضو في أسلوب بدون ما ألوي ذراعات..يعني ما أخذه منهم بتحدي.. كان بأمكانك تمتصين غضبهم وتكسبين ودهم وتغيرين كيلون البيت وتقولين لهم انك سمعتي صوت بالليل وخفتي .. وأنك اظطريتي تغيرين مفتاح بيتك. بكذا صار مفتاح بيتك لك ومحد عنده نسخه منه.. ولا اشعلتي زوجته الاولى عليك بأخذه منهم بالقوة.. أنا ما اقولك انها مو غلطانة .. هي غلطانة .. بس غصباً عليها.. الزوجة الثانية لابد تكون أكثر حكمة .. أكثر صبر وتحمل .. أكثر ضبط لغيرتها..لأنها دخلت هذي الحياة بإرادتها.. |
لا تخافي حبيبتي
عليك بالسكينة زوجك معك وماراح يخليك واذا استمر الوضع حاولي تسكني بعيد عنها صبر جميل والله المستعان |
اقتباس:
يا أختي الشوق و الألم..لسة توكم متزوجين راح تهدأ مع الأيام و انت تجنبيها ,,و لو زوجك كثير السفر سافري لأهلك .. |
المفروض من زوجك مايسكنكم قراب من بعض مادام الأوضاع متوتره بينكم للدرجه هذي ؟!!
سبحان الله بعض الأزواج اناني مايهمه غير راحته ومايحترم مشاعر ورغبات أحد غيره |
طيب انتي قلتي انه اهو كان راح يطلقها .. لكن كان عادي عندك تتزوجينه مع فرق العمر ؟
بصراحه اهي ما تنلام ابدا .. يمكن انتي رديتي عليها بكلمتين ما عجبوها و قالتلك هالكلام .. يعني اهي صابرة و ما سويت فيكي شي سنتين و انتي ساكنه فوقها .. بس لما رحتي تشيلي المفتاح هددت بضربك ؟! السالفه فيها إن .. و علشان فرق السن اهي عاملتك مثل ما تعامل بنتها :29: .. صريخ و هواش .. عادي .. خير يا طير .. خلي كلامها يدخل من اذن و يطلع من اذن .. :25: هي تهدد فقط ما ممكن تسويها , لو كان ممكن تسويها كان سويتها من زمان .. سنتين و زوجك كثير السفر , معناته كان عندها اكثر من فرصه .. و الحين بعد ما "اشوي حبتين" هدت من نار الزواج من ثانيه تبا تضربك ؟ |
الاخت الزوجة الثانية انتي يظهر لم تضعي حدود لك من البداية ظنيتي الامر هين !
وحسبتي ان الزوجة الاولى مثل امك ! وفرضا صــــار مسالة وقت الغيرة لابد منهااا .. الضرة مرة خلي علاقتك معها من بعيد لبعيد .. وحتى لو تصالحتوا بترجعون تخانقون ثاني .. عشان كذا كل واحدة تعرف حدودها خليها عن طريق زوجك انه يفرض نظام معين تمشون علية يعني كل واحدة تكون ببيتها كافية خيرها شرها كذا افضل من طيبة شوي وطق بعدين .. |
والله شر البلية مايضحك ..!
أنا حرمة وأضحك على كلام بعض الحريم أجل بعذر الرجال إذا عيرونا بخفة عقولنا ! |
اقتباس:
ياعبادي اني حرمت الظلم على نفسي وجعلته بينكم محرما فلا تظالموا مافي ايه بالقران تقدم الزوجة الاولى على الثانية تروح تحاسب زوجها البنت وش ذنبها |
اقتباس:
تزوج خديجة اكبر منه وتزوج عائشة اصغر منه بكثير اللهم صل وسلم على الحبيب الغالي محمد يمكن هي يتيمة وتزوجت واحد اكبر منها تدور الحنان يمكن دخل قلبها وحبته وحست انها ممكن تعيش معه بامان المشكلة مو بانه اكبر منها ولا مثل ماقالت بعض الاخوات لقبوه بالشايب المصيبة بالزوج الي مايعرف يحط الرعب بقلوب زوجاته ويهابونه ويحسبون له اللف حساب انا متاكدة لو حاولت مجرد محاولة اني اطق ضرتي بيكون مصيري الطلاق مع العلم اني ماحب هالاسلوب المتخلف ضرب والانسان يوصل نفسه للحضيض وهي كذالك ماتقدر تضربني وين حنا عايشن عشان كذا انا اشرت ان الزوج هو القدوة والله لو هالزوجة الاولى كانت عندها ذرة احترام وخوف من زوجها كان ماتجرات وطلعت لها فوق وحاولت تكسر عليها الباب ياختي الغيرة لها اساليب اين كيد النساء؟ يعني لوز طقتها وش بتستفيد ممكن يجي زوجها ويتوطى ببطنها وبكذا بتكون اهانت نفسها الي تزوج عليها زوجها قدامها خيارين يانها ترضى بالامر الواقع وتتحمل عشان عيالها يا تنسحب من حياته وتخليه يعوم بحره خلاص انا مو عاجبني الوضع انسحب والله لايرده ليش ادخل نفسي بحروب ومتاهات وحتى لو الضرة تاذيك ماتوصل للطق |
اقتباس:
هلا بعد روحي المسداني كيفك يالغلا وقسم بالله امس مت ضحك وقاعدة احاول ادخل من الجوال كنت ابي احط ابتسامة عريضة بس النوم سلطان لبى روحك والله |
الحل عند زوجك
يجب ان يكون أكثر حزما مع زوجته الأولى هو ما عمل إلا شرع الله و المفروض تهدأ عاصفتها بعد سنتين من الزواج و انتِ حاولي المعاملة بالأحسن معها يقول الله تعالى: "ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ" |
لو كانت تهاب زوجها ما تجرأت الحرمه تتصرف مع زوجها حسب وضعه عندها وهاذي موشايفه زوجها شي ولا ماكانت تجرأت وحاولت تتهجم على ضرتها بس هي موحاسبه حساب صاحب البيت عشان تحطلك حساب
الحل بيت بعيد عنها |
الله يكون ف عونكم
حبيبتي حاولي تعامليها بإحترام وإذا رفعت صوتها عليك ماعليه صبري اهي حسبت أمك وتداخلي مع بناتها عامليهم وكأنك صديقتهم مو خالتهم وأي شي يصير لا تبلغي زوجكـ عشان مايقولوا إنك تبي تحرضيه عليهم واكيد بتحبوا بعض ^_^ |
يرجى الالتزام بمسار الموضوع و توجيه النصح للأخت صاحبة المشكلة بعيدا عن الجدل في التعدد/الاشراف
|
اقتباس:
|
اقتباس:
|
اقتباس:
|
زوجج وينه؟ ناس ماتخاف الله لاتخافي منها وادعي ربج دعوة المظلوم توصل ولو بعد حين خلي زوجج بتصرف معاها انتي انا زوجة اولى عشان انا ماحب الظلم الظالم ظالم ماكو لا زوجة اولى ولا ثانية
|
السلام عليكم جميعا
الصراحة لست من رواد المنتديات ولكن كنت اتصفح بالصدفة قبل شهر او شهرين وشدني موضوع الزوجة الثانية كنت الاحظ ردود الاخوات للاسف كل وحدة تلقي اللوم على صاحبة الموضوع وكان الزوجة الثانية حرمها الله من نعمة الزواج والتمتع بزوجها ويطالبونها بالصبر والتحمل كانها خلقت عشان بس تتحمل انا كنت معدد وعشت احلى ايام حياتي مع زوجاتي ولحكمة من الله خليتهم يحبون بعض ولو زعلت على وحدة فيهم تزعل علي الثانية وتقول حرام عليك كنت افرح لانسجامهم كثيرا والاروع من هذا ان اولادي من الاولى الله يحرمها والثانية يحبون بعض ومتعلقين ببعض زوجتي قبل موتها كانت توصيني على الثانية وتقول لا تزعلها وهي امانة حطيتها برقبتك -_______ فارقت الحياة وانا راضي عنها كل الرضا وحاليا زوجتي الثانية هي من كبرت اطفالي واعتنت فيهم ولو ضربت احد اولادي تقوم تهد الدنيا على راسي وتقول اضرب عيالي ولا تضرب عيال المرحومة لا تقربهم حرام امهم ميتة مابي يحسون بشى الحقيقة زعلت كثير لردود بعض الاخوات _____ وانا كرجل لو اشوف حقد زوجتي على الثانية تطيح من عيني - المرحومة ماكانت مقصرة بشى جزاها الله خير والله يرضى عليها بس حسيت انه عندي طاقة واحتاج الي زوجة ثانية --------------- اتمنى من الاخوات يتعاملون معاملة ديننا الحنيف ولا يظلمون احد بردودهم --- والزوجة الثانية مكانتها ماتقل عن الاولى ابدا فهي غالية وثمينة مثلها مثل الاولى == وارجوا ان تقبلو مداخلتي في موضوع التعدد كرجل معدد وجرب الزواج من امراتان زوجتي الاولى الله يرحمها يوم وافقت على زواجي وقالت اهم شى سعادتك والله انها كبرت بيعني وزاد حبها بقلبي لانها كانت زوجة ونعم الزوجة عقل ورزانة وحكمة بس اخذتها الموت 00 وما انسى فضل زوجتي الثانية ربت لي عيالي وعوضتهم حنان امهم والحين اولادي ينادونها ماما ويحبونها واحمد ربي على ما اتاني من فضله---- حبيت اقولكم قصتي للعبرة عشان توقفو الظلم لي بينكم |
الله يكملك يعقلك اخوي
ويحفظك أبشر بالجنة ان شاء الله الله يكثر من أمثالك ويجمعك بزوجتك بالجنة |
اقتباس:
|
اقتباس:
|
يعني مازاد غلاك لزوجتك الأولى إلا لما وافقت على زواجك؟
سؤال واحد فقط ولن أكثر النقاش |
اقتباس:
واعتذر من الاخ العاقل . |
اقتباس:
|
الله يغفر لها ويرحمها وجميع موتى المسلمين
|
| الساعة الآن 11:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©