|
اهل العريس بمجلسنا (المستجدات رد 17)
السلام عليكم
الحقيقه مادري ليش فتحت هالموضوع يمكن لانها ظاقت فيني وماقدر اتكلم ولااشتكي لاحد ااهل العريس بالمجلس وجاين يتعرفون على ابوي واخواني طبعا الحريم شفناهم قبل كذاا طالعت من شباك غرفتي عشان اشوفه والله احس اني بمووت اقصر مني بكثير ونحيف مررره مايناسبني ودي ابكييييييييييييي قلت لاخوي اليوم مافيه شوفه اي يوم ثاني عشان اقدر اتصرف بعد مايطلعون طلبتكم ادعولي ربي يحلها من عنده ويرزقني بلي اتمناه دموعي تسبقني اعذورني |
مااعرف ايش اقولك غير الله يكتبلك كل خير ياارب النحف مو مشكله كبيره بس اقصر منك بكثير يحقلك
روقي واذكري الله والله يسيرلك الا تتمنى يارب |
وعليكم السلام ورحمة الله وبركاته ياحليلك وتطالعين بعد:d ، الله يكتب لكِ الخير، ولا تسبقين الأحداث، استخيري ووكلي امركِ لله الرجل مو بطوله وعرضه، بدينه وخلقه ورجولته، ويمكن انتِ ماشفتيه زين أنا يوم جاء خطيبي يقابل اخواني شفته ، تصدقين اني شفته متين وأسنانه بارزة، وعنده كرش بعد، بس بعدين يوم الشوفة لقيت الرجل مختلف ، مدري شكله من الخوف يتهيألنا أشياء ، فيمكن انتِ يوم الشوفة تشوفينه بشكل ثاني :14: |
صحيح مو مقياس النحف وانه قصير بالعكس حبيبتي اهم شئ اخلاقه ودينه
وبعد العرس عليك انتي اتطبخين له وتخليه يسمن... ربي يوفقك وييسر لك |
الله يوفقك ويرزقك ربي بالي تتمنين اختي عادي
ليه تكبرين السالفة وسعي صدرك ووكلي امرك لربي الله ييسرلك يارب كل خير الرجل مو بطوله ولاجسمه ولاشكله |
والله ماهمني الشكليات لو انه عالاقل مناسب حتى اخواني اسالهم باين محرجين وخايفين يكسرون بخاطري
وابوي يقول الولد اشترط شرط مره ماعجبه يقول عنده دوره براا يخلصها بعد سنه اذا خلصها يحدد الزواج يعني يبي يلطعني سنه كامله اااهـ يارب بيدك الخير فرزقني من حيث لاااحتسب استغفر الله الذي لااله الاهو الحي القيوم واتوب اليه |
اسأل الله باسمائه الحسنى وصفاته العلى ، أن يرزقكِ يا اخيتي من حيث لا تحتسبي، ويرزقكِ الزوج الصالح عاجلاً غير أجل |
الله يكتب لك اللي فيه الخير
استخيري يعدين أهم شيئ الدين و الأخلاق ركزي عليها |
فيها شروط اذا انتي مومقتنعه وماودك تنتظريه استخيري وربي يووفقك
|
الله يكتب لك الخير اخت حاولي تتكلمين مع هلك ترى هدا زواج
|
عليكم السلام ورحمة الله وبركاته
ماأدري ليه كل هالحزن والضيق ؟! إنتِ الآن في موقف الإختيار ماارتحتي .. ماأعجبك أياً كان السبب خلاص انهي الموضوع واسألي ربك العوض انتبهي تقبلين على أي شي دون إقتناع أهم أهم أهم شي وخاصة بالزواج الإقتنـــــاع لما تحسين نفسك فرحااااانة ومبسوطة من جوى اقبلي لكن بهذا الشكل اللي احسه من حروفك لا تقبلين ولاتضيقين صدرك ولا تجاملين ولا تقولين بيتغير وبيصير كذا وكذا أنا عن نفسي كنت كذا لأني أعرف نفسي مستحيل أمشي بموضوع ماني مقتنعة فيه وخاصة بموضوع حياة مستقبلية ومشاركة دائمة لازم الإقتناع ومن الطرفين ماينفع شغل مشي حالك الله يوفقك باللي ترتاحين له وتفرحين بجيته وتنبسطين يارب .. |
أسأل الله ان يوفقك ويرزقك السعادة وراحة البال
|
الله يكتبلك الي فيه الخير
طولي بالك حبيبتي الي ربنا كاتبه رح يصير اهدي انتي بس وان شاء الله مايصير الا كل خير ياغالية لاتزعلي بس ربي يوفقك ويسعدك ويفرج همك |
استخيري الله
الله يكتب لك اللي فيه الخير |
ربنا يكتبلك الخير يارب اينما يكون استخيري وربنا يقدملك الي فيه الخير |
استهدي بالله واذكريه يا بنت وبلاش هالفزع الله يرضى عليج.
أولاً أنتِ رأيتيه من الشباك .. يعني هناك مسافة غير قصيرة فصلت بينكِ وبينه .. وبعد المسافة له تأثيره على الطول والعرض .. وربما لذلك شعرتِ أنه قصير ونحيف. الأفضل أن تنتظري لحين وقت الرؤية الشرعية وعندها ستتمكنين من فحصه كما يجب ;) أما الشروط .. فعادي يا عزيزتي .. كل طرف من حقه أن يشترط ما يريد .. ومن حق الطرف الآخر أن يقبل أو يرفض .. يعني باختصار لا أحد يستطيع أن يجبركِ على قبول شرط أنتِ غير مقتنعة به. وفقكِ الله يا عزيزتي ورزقكِ من حيث لا تحتسبين. |
السلام عليكم
اولا اشكر كل من رد وكل من دعالي انا مشكلتي صرت اخاف من كثر مانخطب ويتفركش الموضوع صار عندي هااااجس وخوف وقلق قبل كل خطبه والله الناس تفرح اذا سمعو طاري عريس او خطبه انا انخبص فوق تحت واتنكد واتووتر كثير مجرد انهم ناس مانعرفهم هذا يتعب اعصابي من بعد عيد الفطر للحين كم خطبه صارت واستخير وادعي والحمدلله قبل الشوفه خلاص تتكنسل الحين العريس هذا فعلا اقصر وفعلا كان احد صفقني كف يوم شفته وبعدين غريب عننا مااعرف عنهم شي وبعد يبغا يحجزني بس وبعدين اذا رجع ماندري وش يصير قلت لابوي مابييييه وقال براحتك صرت اخاااااااااف مرره على فكره انا الحمدلله رحت وتعالجت عند شيخ كان عندي عين وحسد هي السبب في صرف الزواج على كلام الشيخ والحمدلله ارتحت كثير بعد مارحت له اخر مره قال خلاص لاعاد ترجعين مافيك الا العافيه اللهم له الحمد والشكررررررر ادعولي تكفوون بكل وقت اطري ببالكم عن جد تعباااااااانه وودي ارتاح احس اني ماني مستقرهـ اكره طارى الخطوبه والله اكرهه وبنفس الوقت ودي زواجي بكرا حلوها عاد <<<معليش طولت عليكم اعذروني |
الحمدلله إنك رفضتي واضح مو مرتاحه
ترى الراحة النفسية أهم شي ولا تتنكدي من إن الخطوبة تتفركش استخيري بس ونصيبك حيصيبك ربي يرزقك بالزوج الي يسعدك وبنات المسلمين أجمع |
الله يعوضك خير ويختارلك كل خير يارب
|
الله يريح بالك ويهدي سرك ،،
اقري اذكارك بشكل يومي والله يسهل امورك . |
الله يوفقك بالزوج المناسب الصالح انتي وبنات المسلمين
|
| الساعة الآن 07:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©