|
تنظيف بقعة القهوة من على الكنب
السلام عليكم اخواتي
ياليت تسعفوني بحل سررررريع امس الليل سويت لزوجي كابتشينو باكبر كوب موجود:( و زوجي الله يهديه قعد يتمخمخ فيه على الكنبة و يلاعب ابنه و ما اسمع الا يااااويلك من ماما :29::29: طلع انه ابني المصون كب الكوب كااامل على الكنبة الجدييييدة مادريت ايش اسوي .. جبت الاسفنجة و بللتها بالصابون و هاتك يا دعك دعك دعك و خليتها ...ز صحيت الصبح على امل ان البقعة نشفت و راحت بس البقعة لسه مكانها و كانها لسه طاازة و اذا لمستها احس بايدي لزوجة يعني لسه اثار الكابتشنو موجودة ايش اسوي عشان تروووح البقعة تمااما الله يخليكم سااعدوني ... حرام لسه السوفة ما كملت 6 شهووووور\ الكنبة قماش زي اللي بالصووورة http://www.roller.de/data/katalog/xxl/1200001100.jpg و لونها بني و بيج زي هذا http://www.roller.de/data/katalog/xxl/0255005800.jpg مستنية ردودكم باسرع وقت |
هلا والله بنوره
انا كمان با ادور طقم كنب جديد بس انا احب الغوامق مارون و بني ادور على وحده تكون حجمها كبير هذه الي عندك من وين جايبتها؟؟ المهم مره كنت بالمدرسه coffee morning يعملوها للاهل ويجيبو اطفالهم معاهم الي اقل من سن المدرسه المهم احنا وقاعدين بنت صغيره عملتها على الارض وكان موكيت و بدل الدعك و البهدله جابت بودره ورشتها على الارض و قالو شوي و راح يمتص كل السائل ويطلعه للسطح على شكل بودره و يكنسوه بلمكنسه الكهربائيه ايش اسم البودره ما اعرف دوري بقوقل ما فيه حيل :18: في طريقه اذا عندك مكنسه الكاربيت استعمليه مع الصابون الخاص فيه و ان شاء الله تنحل امورك وبعد ما تخلصي من العمليتين السابقتين و بقى اثر اغسليها بفانيش المهم انه القهوه انشالت من الاسفنج الي داخل القماش و خبريني بلنتيجه حتى استفاد |
اغسلية بالماء مع لصابون
تقبلي مروري |
غربة حبيييبة قلبي الغااااالية .. مشكوورة على الرد السريع
شوفي ياستي بالنسبة للسوفة .. هذه من المانيا :) ,, اسعارهم هنا حلوة مش عندنا هناك غاليات ناار يعني السوفة الي بالصورة الثانية ب 800 يورو .. اشحن لك وحدة :) بس اللي عندو اطفال صعععب يشتري الوان فااتحة .. بالنسبة للبودرة اول ما قرات ردك ضحككككت .. تعرفي ليش .. جارتي حصل معاها نفس الشي .. كان جايهم ضيوف فا قالت لازم انظف السجاد اتصلت على صديقتها اللي نصحتها بالبودرة اللي قلتي عليها جارتي طبعا جربت شوي على طرف السجاد ما حصل شي .. فا استخدمتها على السجاد كله قالت مبسوووطة فيها و هاتك يا دعك بكل بقعة ترى بالعين المجردة النتيجة سجادة مبقعة بقع بيضاء منتشرة :) فا حرممممت استخدام البودرة .. و للاسف ما عندي مكنسة التنظيف ... فا قلت اسالكم اذا حد عندها وصفات منزلية . مادري ناس اسمعهم يقولوا خل و ناس يقولو ليمون تسلمي حبيبتي عالمرور |
اخي المدمر ... هذا ما حصل .. غسلته بالماء و الصابون لحظة وقوع الحادثة
بس مانفع ... شكرا لمرورك اخي |
اقتباس:
عرفت حتقولي هلكلام لا هو مو بودره يدعكوها بودره يرشوها و بعد ما تطلع السائل بره السطح يكنسوها بلمكنسه الكهربائيه لان من رجعت بعد اسبوع ما كانت مبقعه ولا كانه في احد نظف دوري و انا ادور و تجي ماريا تدور معانا بما انها صيدلانيه لو تفتح باب الشيطان المدارس اجازه كان سالتهم وجبت لك اسمه |
في عرب كثير بس ب المدن الكبيرة .. لكن انا بمدينة صغيرة مافيها حد عربي غير عائلة وحدة بس .. مليت لحالي خليها على الله بس
المهم ياستي خلاص .. ان شاء الله بطلع ادور عليها مع زوجي عشان يترجم :) .. بس الله اعلم بتنفع بعد ما البقعة تنشف؟؟ لانه اكيد ما بنطلع اليوم يالله الويك اند اذا فضى ان شاء الله اذا لاقيتها بقولك على اسمها |
تقبلي مروري وتحياتي اسفة ما عند حل بس رح اسالك امي ممكن يكون عندها حل
|
اعانك الله وأن شاء الله ترجع السوفة زي اول
منظف الزجاج له مفعول جيد في ازالة البقع وسمعت ان مشروب السفن آب ينظف |
اهلين نورا اسفه على السوفا,, حاسه بوضعك :( و أنا مثل الأشياء هذه تنرقزني لدرجه ما تتصوريها و الله يا نورا انا معلوماتي عن النظافه و مثل هذه المشاكل المنزليه صفر في صفر محسوبتك قاعده تتعلم و الله يخلي الماما :d بس عجبتني كنبتك,, ايش اسم المحل bauhaus? :) انا كنبتي مصنوعه من الجلد و لونها ابيض سكري/كريمي و جا معاها مواد التنظيف الخاصه فيها,, استخدمها مره كل 3 شهور و تصير تلمع كأنها جديدها ذكرتني لازم بكرى ابدأ انظفها عدى عليها الحين اكثر من 3 شهور :( |
غسليها بماء والصابون اذا ماراحت البقع وديها المغسله يغسلك نظييييييييييف
|
كي اكون ..
تسلمي يااارب .. منتظرة رد الوالدة . جزاك الله كل خيير سحابة الصحراء يسمع من بوأك ربنا :) .. بجرب منظف الزجاج و يارب ينفع تسلمي غااليتي لوف اوف لايف والله مش عارفة اسم المحل :) اختك زي الطرشة هنا مو فاهمة لا كلامهم و لا عارفة محلاتهم بس بعد زوجي الله يعين بس و ابدا المعهد و اتعلم ... انتي بالتنظيف بس .. انا على كل شي اتصل عليها لسه من يومين اتصلت عليها الظهر .. اشكي لها من طنجرة الضغظ اول مرة استخدمها و كانت تطلع بخاار خفت و اتصلت عليها مالقيت امي رجعت اتصلت للجيران اسالهم :) فضحت نفسي :) السوفات الجلد مادري ياختي ... بررررررررد ايام الشتاء .. ارتحت للقماش اكثر بس وقعت بمشكلة التنظيف ... الله يعين بس مشكووورة ياعسل عالمرور و يالله قومي نظفي :) اميمة .. مشكورة حبيبتي .. غسلتها بالماء و الصابون بس لسه ريحة موجودة و برضو ما احسها نظفت .. اما اني اخذها للغسيل ... يوووه اولا ايش اللي بيشيلها يوديها و ثانيا السعرر غااااالي جدا هنا اي شي يدوي في اوروبا مكلف ... جزاك الله كل خير المستجدات ... :) البقعة اختفت شوي ... بس اللي يركز ممكن يلاحظ الشي اللي مزعجني هو الريحة ... في ريحة كوفي بايت مع مااي رغم اني نشفتها بالاستشوار ... بس لسه الريحة موجودة حطيت عليها مزيل الروايح.. نفع شوي و بعد فترة رجعت الريحة اي اقتراحات ؟؟؟؟؟ |
طيب ما جربتي الرغوة اللي تجي خاصة بالموكيت والكنبات
تنباع في السوبرماركت من غير ماء ولا شيء |
بالنسبة للرائحة ..
استمري في وضع كمية من الماء فوق البقعة ... ثم احضري فوطة نظيفة سميكة وضعيها فوقها ثم ضعي فوقها ثقل ... أسوي هذي الحركة على مراتب العيال :25: ربما تحتاجين أن تعيديها لأكثر من مرة الى أن تمتص الفوطة كل الماء بالرائحة ... وربما مرة واحدة تكفي ... |
كولورز
لا ما جربت .. للاسف ما قدرت اطلع السوق و زوجي طالع مدينة ثانية و راجع بعد 3 ايام ان شاءالله... جزاك الله خير عالمرور رسيل تسلمي حبيبتي ... سهله الطريقة بجربها و ارد عليك جزاك الله كل خير |
شوفي محل تنظيف مفروشات افضل او جربي فانش على جزء صغير جداا يمكن تظبط
|
طريقتي لما ينكب اي شي عالموكيت او الاثاث
اجيب مناديل او مناشف بالعربي اي شي يمتص وقريب من يدي واحطه على البقعه واجلس اغير المناديل الين ماتروح اللون اهم شي بوقتها تروح الرطوبه و وبعدين شوية لينور وافرك بها البقعه لو بتجربين اي خلطه خليها على بقعه صغيره ومخفيه |
انا عندي لك طريقه سهله ومجربتها وهي جيبي لك علبه كبيره مياه غازيه وضعي كميه منه علي البقعه وضغطي عليه باالمناديل وهاكذا كرري حتي يزول
|
| الساعة الآن 01:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©