|
يريد أن يطلق زوجته ، هل أقبل به؟
السلام عليكم ورحمة الله وبركاته
شلونكم طييبون مرت سنه تقريبا او اقل على موضوعي الاول وماتم المهم كان الزمن يعيد نفسه انا عمري 32 عزباء عاطلة وطفشانة ومالي حظ خطبني اخو زوج اختي وقبل بعد خطبني اخوه وماصار نصيب خطيبي زوجته عند اهلها من شوال يقول ماراح ارجعها ومايبيها حد ماتطلب هي الطلاق يقول اخلاقها وطبعها شين ومايبيها وللعلم زوجته تقول امي جميله مره بس جسمها كبير وانا جمالي وسط وجسمي زين قاعده اقارن وله ولدين وجاي يبيني مادري وش ارد حلف لاخته انه مايرجعها لانه يكرها قلت ليه ماطلق قال بيذلها وهي تطلبه لانه مبهذلته معه عجز عنها بس قاعده عند اهلها وماتقعد بالببيت وطلبت منه بيت عند اهلها ورفض قال اقعدي عندهم وشرايكم انتم فيه اختي تمدحه تبي تزوجني وامي تقول لاتاخذينه هذا بيكرب زوجته مو يقولون اضرب النساء بالنساء وانا ماعاد يجييني واحد يسوى ياكبير يافيه بلى وهو عمره يمكن 35 مقتدر تعبت وش ذا الحظ ادعوا لي بالتوفيق وانصحوني جزاكم الله خير |
فعلا نصيحه امك ~ اللي يسوي كذا وراه مشاكل ناوي نوايا الله عالم فيها
ببساطه هو ماصفى حساباته وراح تتدخلي معه بدوامه من الخلافات يكفي انه ماطلق زوجته ليذلها هذا سبب كافي لرفضه الله يكتب لك الخير موفقه |
كيف يعني لا يريد أن يطلقها و يريد ان يتركها عند أهلها حتى يذلها
واضح انه هالرجل لا يخاف الله في زوجته قال الله تعالى : "الطَّلَاقُ مَرَّتَانِ ۖ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ ۗ وَلَا يَحِلُّ لَكُمْ أَن تَأْخُذُوا مِمَّا آتَيْتُمُوهُنَّ شَيْئًا إِلَّا أَن يَخَافَا أَلَّا يُقِيمَا حُدُودَ اللَّـهِ ۖ فَإِنْ خِفْتُمْ أَلَّا يُقِيمَا حُدُودَ اللَّـهِ فَلَا جُنَاحَ عَلَيْهِمَا فِيمَا افْتَدَتْ بِهِ ۗ تِلْكَ حُدُودُ اللَّـهِ فَلَا تَعْتَدُوهَا ۚ وَمَن يَتَعَدَّ حُدُودَ اللَّـهِ فَأُولَـٰئِكَ هُمُ الظَّالِمُونَ ﴿٢٢٩﴾ البقرة لكن يظهر انه هو مادي و يريدها ان تطلب الخلع بحيث ما يعطيها اي حقوق أو انه سيء الخلق و يريد فقط الانتقام بطريقة ظالمة لا أرى يا اختي ان هذا الرجل زوج صالح لك حاولي تعرفي اكثر مشكلته مع زوجته و سبب إذلاله لها |
شرايكم اقول اذا طلقت ووضح موقفك تعال لو اني مليت من وضعي صاروا يجون متزوجين اخر واحد عمره اربعين ومتزوج الله يعين
|
المشكله مو فيك
المشكله فيه وضعه مو واضح الزواج من هذا الرجل مجازفه استخيري |
همسه لكٍ أختي
(ارجو انه ما يتضايق أي رجل من كلامي) - يضطر الرجل أحيانا للكذب لقضاء مصالحه.. - يكون صادقاً احيانا في قرار ما لكنه بعد فتره .. يوزان الأمور ويغير قراره حتى لو كان على حساب الغير.. هو الآن قد يكون صادقاً بقرار طلاقه.. بعد الزواج يبدأ يفكر بمصلحة أولاده.. ثم يرجع زوجته ويحاول أن يرضيها لتربي ابنائها.. كل الاحتمالات وارده. |
مادري عزيزتي لكن الانسان الشهم يتعامل بأخلاق عادلة حتى مع اللي يكرهم
يعني لو ما يبيها طلقها وانتهينا يعني " فإمساك بمعروف أو تسريح بإحسان " أما يعلقها وينتظر هي تطلب الطلاق وعزيزتي مرات الوحده تقعد بيت أهلها معززه مكرمه أحسن من إنها تتزوج واحد ما يخاف الله فيها ولا زواج لمجرد الزواج فقط دون اعتبار لشيء لكن اسألوا عنه زين واستخيري والله يكتب اللي فيه الخير وأكثري من الدعاء والله يرزقك الزوج الصالح في القريب العاجل |
اصلا مايجوز خلاص يا تطلقها يا تلاقو حل
انا مع كلام امك |
بالنسبة لوضع الأخت حلم
فعن نفسي أنصحها إنها تنتظر و ما ترفضه ، يمكن حكاية الرجل هذا مثل حكاية بعض الأعضاء هنا ؟؟؟؟ و منهم الأخ غايتي الرضا ؟ ما طلق زوجته لإنها هي اللي ظلمته و اللي تركته فخليها تتأكد من الرجل و من أخلاقه و نيته من الزواج بها |
اختي الفاضلة..
من رائيي ان تقبلين . بغض النظر انه متزوج ولا مطلق ولا معلق ولا اي شي .. اهم شي اسئلي عنه هي اخلاق الرجل وتصرفاته .. |
سوف يذلها هل هذه اخلاق الرجل
وزوجك منه لكي تهربي من عمرك خطأ استخيري كثيرا واطلبي من الله العون ولاتنسي كلام والدتك فأنه قد يؤدبها على حسابك |
شكرا لك من رد علي ونصحني :oاانا خايفه ارفضه واندم يطلقها ويتزوج غيرها اختي تقول فرصه اي بنت تبيه
اخلاق مايدخن زوجته بس متسلطه كانها رجال تقول تخيلي تشتم اخته ولاتروح لاهله بالاعياد ولاتزور ودايم ودني لاهلي اخوي قال هو بيطلق لانه قل لاخوي الاود عند امهم يعني ناوي يطلق الرجال والله اعلم اخاف ارفضه ي فتره مايجي غير متزوج واخر مطلق جاني رفضت امه قالت بنتك كبر ولدي والمشكله معه ولد مايجيني الامتزوجين الحين واذا مطلق بعد صار يتشرط يقول كبيره كثروا البنات والمطلقات وحده وحده بس تجيب متزوج لي قلت مابي متزوج قالت خليك الثانيه احسن من هو يتزوج عليك بعدين ههههههههههه صراحه محتارة:( ماعندكم معرس لي ليتني موظفه كان انشغلت بوظيفتي بس كلش اجتمع الله يعين |
اختك تعرفه معرفه تااااامه 00
الزواج يحتاج إلى حسن الإختيار 00 رغم الظروف ما ارمي نفسي رميه !! واقول هذا الموجود 00 ولو تاخذين العلم من زوجته00 يكون خير وبركه 00 ولو عن طريق غير مباشر00 فما يعلم ما بين الزوجين الا ربك00 الله يكتب لك مافيه الخير |
يبي يذلها ..وبعدج تفكري فيه؟؟
انتبهي يااختي البنت تعرس عشان ترتاح مو تطيح بشي اكبر وهذا زوااااااج يعني خلاااص رحلة عمر مو يوم او يومين اذا تبيييه استخيري وأسألوا اكر عن اخلااااااقه |
اقتباس:
هههههههههههه خليكي الانيه احسن من يتزوج عليك ويمكن تكوني الاولى والوحيده ليه يعني هالتفكير:11: استخيري ياقلبي وشووووفي وادعي ربج يرزقك برجال صالح يخاف ربه فيج تقولي لو انتي موظفه هههههههه كان جوكي يتراكظوا ماهمهم العمر >>مع الاسف هذا واقع شباب اليوم الا من رحم ربي يبيها موظفه رسمممي عشان يظمن هههه:29: الله يغنينا بس |
اختى انا حاسه فيك والله التاخر بالزواج يجيب القلق والحمدالله الله يرزقنا الرضا حتى لو كنتى موظفه او تدرسين او او او مايغنى عن الزواج والتفكير والقلق فى هالموضوع الله يفرجها وبالنسبه لموضوعك
مانقدر نقولك شى ممكن هو كويس وممكن لا لكن انا اعرف وحدة من زميلاتى عمرها 24 تقريبا او اقل وتصورى خافت من انها تتاخر بالزواج وقبلت بمطلق وعندة بنت الموهم امه واهله مدحوة واتهم طليقته واهله اتهموها بانها فيها وفيها ودلوعه وووو وصدقت وتزوجته وبعدها ماكملت معه انفصلت ماتحملت طلع كاذب بكل ماقال والله المستعان الله يعوضها ولايبلانا طبعا التجارب لاتعمم كل شخص له تجربته الى تختلف لكن قلت كمثال ماكل مايقال صحيح وغير وبراى ان الواحد المفترض لو انفصل يقول ماصار نصيب وانتهينا ماله داعى نشر الغسيل احنا مؤمرين بالستر على بعض فما بالك بزوجته وبينهم ميثاق غليظ والله المستعان انتى فكرى واستخيرى كثير واستشيرى واسالى عنه اكثر وتريثى الوحدة ممكن تهرب من التاخير للطلاق ففكرى كويس ممكن بعد هو مضلوم وصادق الله اعلم كل الاحتمالات موجودة الله يكتبلك الخيرة يارب ويرزقنا ويرزقك |
اختي نصيحه لله انتي نفس حالتي لكن ان تزوجته وبعد سنه رضي على زوجته وطلقني ما اقول الا حسبنا الله ونعم الوكيل الى يلعبون ببنات الناس وتري امك معها حق وطيعي امرها والله يعوضك بافضل منه
|
قررت اسوي استفتاء او اني اشوف اكثر تصويت برفضه او قبوله واختار الردالاكثر والله الموفق ولاخاب من استشار
|
أختي حلم
في البداية المهم رأي أخوانك يعني مايعرف لهذي المواضيع إلا الرجال فإذا هو طيب وإبن حلال ومدحوهـ الناس :: الخطوه الثانية خلي أمك تسأل قريبات زوجته عنها وهم عندهم الخبر وبرضوا تسأل قريباته مو أمه وأخته لا عمته وخالته بنات عمه تسأل عنهـ وبعد ماتسمعوا منهم بعدها قولي له الزواج بعد ماتطلقها إذا هو في نيته يطلقها صح لأنه مايسير يعلقها .. ويقهرها بزواجك فلكذا إذا طلقها بعدها حددوا موعد زواجكم بعد ماتنتهي عدتها :: فإذا هو جاد حيلبي طلباتك وإذا راااح منك فإعرفي أنه مونصيبك .. وقبل هذا وذاك أستخيري وأدعي |
كنت اقول نفس كلامك ابغى اعرررررررررررررررررررس لدرجه في رمضان قبل الفطور ادعي اني اعرس وقبل اصلي ادعي اني اعرس واذا تهاوشنا انا واخواتي ادعي اني اعرس واذا هاوشتني امي ادعي اني اعرس بعدين تحققت الدعوه وخذته على طول قبل يهون وللاسف ماسمعت نصيحه ابوي واخواني اهم شي اني اعرس وخلاص والله سنه واحده بس وتطلقت لاني اكتشفت انه مريض نفسي والحين اقول مااااااااااااااااااااااااااااااااااابي اعرس-
|
ضايق صدري مادري وش اسوي الحين اختي تقول شوفيه تراه طيب وحبيب وكريم واقولها ماطلق حاله ابوي بعد ماقتنع مره خايف يرجعها واطلق حاله واختي تحلف انه ماراح يرجعها له ولدين يعني اكيد بيجوني وافكر مادري شسوي تعبت مالي حظ اقبل واتوكل او اقعد يجي غيره يمكن كبير ونفس حاله اشوفه وارد او اقول لاخلاص مابيه قبل اشوفه
|
اخر التطورات اخوي قال لي انه بيرجعها عشان عياله قلت خلاص مابيه دام له نيه كل يوم كلام راحت اختي دقت على اخته قالت ليه قالت انه بيرجع زوجته هو ليه تقولين انه بيطلق راحت دقت اخته عليه وقالت انه اصلا هو مايبيها بيخليها ببيت اهلها لما تطلب الطلاق لانه عافها وهو قال انا لو ابي فتحت بيت لها عند اهلها زي ماتبي بس انا مابي افتح بيتن خلاص مابيها خلها عند اهلها وشرايكم حد ماتطلب الطلاق وقمت احترت قالت اختي شوفيه وقرري
|
اقتباس:
|
ان خذتي هالانسان راح تندمين وقولي مطلقه صغيره ماقالت مثل هالرجل ماله امان وراح تعيشين معاه في رعب رجعته لزوجته وراح يهددك كل ماغلطتي لو غلطه بسيطه وحتى لو طلقها يقدر يسترجعها هذا اذا طلقها لانك بتكونين الطعم اللي يرجع زوجته واذا تعدلت بيقولك مع السلامه انصحك خلي اختك تصك على هالموضوع نهائيا لاتخلينها تقنعك ترى هي ماعاشرته عشان تعرف طيب اولا واي حبوب وكريم وهو يهين زوجته ويذل ام عياله هذي اخره العشره تتوقعين بيكرمك ماتخافين يسويلك مثل ام عياله ويرميك ويهينك الرجال الكفؤ تعرفينه من افعاله وهذي افعاله بينت لك معدنه لاتخلين تاخرك في الزواج تقبليين باقل القليل لاتصومين تصومين وتفطرين على بصل زي مايقولوا والله يرزقك -
|
اقتباس:
|
اقتباس:
|
اخر شي صار انه ودا اغراضها لاهلها ويقول اني ماطلقتها عشان عيالي مابيها اطلقها وتعرس تخلي عيالي بيخليها حد مايكبرون او اذا قالت طلقني وشرايك مليت ارفض اوافق
|
اعتبري نفسك مكانها هل ترضين هذه الإهانه .!!
مابيبها وبعد كذه يبي بيرجعها بسبب العيال .............؟!!! انصحك لا تاخذين واحد الا اذا كان يخاف الله في بنات الناس وبعدين ليه انتي ضعيفه وماعندك قرار صارم وان كان غير مناسب وماارتحتي بالصلاة اكثر من مره فهل اوافق بسبب محد يجي الا متزوج او كبار وابي اللحق على النقسي مع شخص ليس لديه زوجه باي سبب كانت حتى لو كان واحد واي شي خلاص .......؟؟!! كوني عاقله اكثر ورزانه اكثر وماعليك من احد حتى لو امك او اختك ماعليك منهم اهم شي واحد يخاف الله في بنات الناس وايضا المعامله مع من حوله .!! واللللللللللللللللللللللللللللللللللخ نصيحه استخاااااااااااااااااااااااااااااااااااااااره يوميا وبكثره واتركي امرك لله ولاتوافقين او تحت ضغط احد ...!!! كوني قويه بالله وقويه مع نفسك وماعليكي من احد طالما انتي ماشيه صح وترضين الله اسال الله ان يلهم رشدك لصواب وللقرار الصحيح ولاتندمين اللهم آمييييييييييييين رزقك الله بزوج صالح الذي يعينيك على طاعة الله عاجلا غير آجل اللهم آميييييييييييييييييييييييييييين |
| الساعة الآن 10:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©