|
لعبت على خطيبي و اختبرته و للأسف سقط(مستجدات بالرد53)
صباحكم دفا :24:. . . . .بدون لف ودوران راح اقولك مشكلتي ومايعلم فيها الا الله واختي وابي مساعدتكم .... انا انخطبت قبل فتره من شاب اخلاقه حلوه وكلن يمدحه ووافقنا عليه ... المهم في ليله منيله كنا جالسين انا واختي قالت وش رايك نختبره انا الشيطان لعب في راسي ووافقت واختبرناه والمصيبه سقط وبجداره بعد... وطلب يتعرف علي وقال اسمه ووووالخ وكل يوم يرسل وطنشته والمصيبه جا يوم سألته انت خاطب قال ايه ومغصوب بعد ..انا تجمد الدم بعروقي وابي ابكي مو قادره احس انشل تفكيري طبعا هذا كله بالمسجات.... انا الحين محتاره افسخ الخطبه ولا استمر ... والمشكله اللي ذابحني كيف مغصوب ؟ هو مو ولد عمي من جماعتنا من بععيييييييييييييييد ... وانا مو ناقصني شي وصغيره بعدي بثاني جامعه والكل يمدحني يعني وشلون مغصوب.. ومن رداة حظي كثير كانوا يخطوبني ويوم وافقت يصير هذا حظي(اللهم شرعك لااعتراض) سامحوني علا كثرة القرق بس والله مالي غيرالله ثم انتم....
(دعوووووواتك لي بالخيرررررره تكفون) |
أولا غيري الصورة الرمزية ..
ثانيا المشاهدات قد تكون من زوار أو أعضاء لا يملكون رد لك .. ثالثا : خطيبك رسب بجدارة في علاقته بالبنات .. ولم يرسب في زواجه منك .. لان المعاكس يريد يفتح مع البنات موضوع أليم .. و يجر سالفة ورى الاخرى .. الحل هو المواجهة .. إذا جاء زيارة قولي له يافلان أنا عرفت إنك تكلم بنات و أنا ما أريد أرتبط بواحد إستهان بأعراض المسلمين .. و من دق باب الناس دقوا الناس بابه .. راح يجي يوم و يدقون علي شباب و يزعجوني .. إنت كنت تكلم محارمهم .. فاااااا وش رايك .. إذا أنكر قولي له إختي هي اللي كلمتك أنا اللي خليتها تكلمك .. فأرجوك من البداية بطل حركات المراهقين .. اللي ما ترضاه لي و لخواتك لا ترضاه لبنات المسلمين .. و خليك واثقة من نفسك و إنت تخاطبينه ؛ |
مو شرط يكون صادق بكلامه في أنه مغصوب
مافيه رجال ينغصب هالأيام!! بس قال هالكلام هذا عشان يكسبها وتتعاطف معاه بس من ناحية ايش تسويين ؟؟ خطر على بالي فكره أنك تقوليله أنه كلموك بنات ونصحوك وقالولك أنه يكلم بنات وانه يقول أنه مغصوب عليك منها تشوفين رده ومنها تعطينه درس مايفكر يكلم بنت بحياته وأن شاء الله تكوين أخذتي درس كمان ماتسوين أختبارات لأنها تفتح باب للمشاكل والشك واشياء كنتي بغنى عنها وبالتوفيق |
يعطيك العافيه * احب زوجي *ع الرد ماااااااااااقصرتي .... والله اني شايله هم وبقوووووه بعد عسى الله يعين بس .. وكلامك منطقي الله يخلي لك زوجك ويسعدك يارب ...... دعوووواتك
|
أولاً لاتدخلي أختك في موضوعكم أبد ولاتجيبي سيرتها هذه مشكلة خاصة بينك وبين خطيبك وبسألك أنت مخطوبة ولا ملكتي وعقدتوا القران؟؟ إذا مخطوبة وبس برأيي افسخي الخطوبة اللي هذا أوله ينعاف تاليه وربي يعوضك باللي احسن منه وإذا ملكتي فارسلي مسج وقولي له اتصل علشان اسمع صوتك وتسمع صوتي ونتعرف أكثر وإذا اتصل فاجئيه انك خطيبته وقولي له كلمتين وبس : ( للأسف كنت بختبرك أنت رجال وإلا من الشباب اللعوب وللأسف سقطت في الإختبار ومحد جابرك تنغصب على زواجك مني أنت اللي جيت ودقيت بابنا) وقفلي الخط في وجهه ولا تردي على اي اتصال منه واي ترجي وخليه لين يتأدب. |
والله انا رأيي تتركين أمر المكالمات وانه رد على بنت وغيره
المهم الآن أن تتأكدي من رغبته بالزواج منكِ ثم بناء عليها تجي الحلول.. تمت الملكه ام لا؟ |
السلام عليكم . . . أنا ملاحظ إنه رد الأخوات عنييييف شوي أنا طبعا لا أبرر الخطأ إللي وقع فيه خطيبك ولكن أعتبرها نزوة يمكن تصحيحها يميل الرجل بطبعه إلى الجنس الناعم والإختبار إللي سويتيه أكيد راح يجر (خصوصا لو كان فيه كلام ودلع ومياعه) قصدي إنك حفرتي الحفرة وجهزتيها بنفسك يمكنك بالفعل مصارحته بأنه يكلم بنات وإنه هالوضع ما يناسبك أبداً ويمكنك مقاطعته وتأديبة ولكن الفسخ من أولها وتسكير التلفون في وجهة ... أنا شايف إنه ردة فعل زايده عن حدها ولا أتوقع في أي جدوى من كشف شخصيتك أو شخصية أختك يعني لو سألك قوليله عرفت والسلام ولو أصر ... وقتها اكشفي نفسك (بس) . . . أسأل الله العفو والعافية والله المستعان http://www.hawaaworld.com/sites/default/files/s1478.gif |
وعليكم السلام ورحمة الله وبركاته
صدقت أخي فلسطيني أعترف أن ردة فعلي كانت من الردود القاسية وبالفعل هناك من الشباب من يهتدي مباشرة بعد الزواج ويترك نزواته ولكن الأخت هداها الله فتحت على نفسها باب من الشر والنار فالله سبحانه وتعالى يقول( (يا أيها الذين آمنوا لا تسألوا عن أشياء إن تبد لكم تسؤكم وإن تسألوا عنها حين ينزل القرآن تبد لكم عفا الله عنها والله غفور حليم) وقال سبحانه( ولاتجسسوا) فمافعلته من تجسس وفتح أمور اساءت لها وله قد أدخل الشك في قلبها حتى لو أعلن له توبتها وندمه وراضاها ستظل المشكلة في بالها ولن تنساها وستحيل حياتهم لشك وعذاب لذا فأنا نصحتها بأن تتركه إن كانوا مخطوبين فقط لأنها ستتعب وتتعبه معها مهما كان صادقاً في توبته نسأل الله أن يختار لهما مافيه الخير وأن لاتكرر مافعلته مستقبلاً . |
اقتباس:
السلام عليكم . . . صدقتي أختي أم جمانه جزاكي الله خيرا ونفع الله بك وزادك علماً بالفعل الأخت فتحت على نفسها باب ما كان المفروض ينفتح ولكن أما وأنها فتحته ... فالبعد مثل ما أشرتي أولى لأنه الشك راح يضل في قلبها . . . أسأل الله العفو والعافية والله المستعان http://www.hawaaworld.com/sites/default/files/s1478.gif |
افضل شي تواحهيه
ربي يعينك اذا اولها كذا انتي لاتقوليله ايش صار بالضبط عشان كذا رح يرمي اللوم عليكي ربي يعينك |
اذا انتم خطبه بس خلي الوالد يقول له الله يستر عليك مافيه نصيب وانتها الامر
والمره الثانيه لاتتجسسي على احد وربك الهادي |
اختي واجهيه و لا تترددي لان كلامه لا يعني انه على حق
|
اول شيء..
هل سألتم عن خطيبك هذا جيدا قبل اتمام الخطوبة.؟ وكيف هي سمعته ودينه ؟ لان من كان له سوابق ونزوات لابد أن يعرف بذلك ويكتشف بعد السؤال الجيد عنه. اما اذا كانت سمعته جيدة ولا احد يعيب في دينه. فقد يكون جوابه لرسائلك وقوله انه مغصوب عليك قد يكون قد شعر او احس بأنك انت هي خطيبته من ترسل له او اكتشف اختبارك له. كتب الله لك الخير حيثما كان... |
أخطأتي بتصرفك و إجراء الإختبار و للحظة شعرت أن الزواج يوازي صعوبة دخول الجامعة في وقتنا الحالي من وجود إختبار قدرات لإختبار قياس فتحت على نفسك باب من أبواب الشيطان و لن يغلق أبداً حتى لو صارحتيه الآن و قلت له أني قمت بكذا و كذا و فاجأك بقوله ( كنت أعرف أنه أنت و أردت أن أجري إختبار أنا أيضاً أو أمازحك ) أو أي عذر أخر و ماذا لو أجريت إختبار آخر كما نصحتك إحدى الأخوات . فماهي ردة فعلك تريدين أن تعرفي ردة فعلك المتوقعة ( ستبقين طوال حياتك الزوجيه ) أسيرة لهذا الإختبار و للشك في كل تصرف له و لا تعرفين هل صدق معك أو كذب عليك يا ليت الشباب و الفتيات يعودوا للإسلوب القديم يحدث القبول بينهم بدون إختبارات و يكتفى بالسؤال عنهم فيكفي الجامعة أصبح الدخول فيها في منتهى الصعوبة ( إختبار قياس - إختبار قدرات ) فحرام و الله لا جامعة و لا زواج ( فماذا يفعل الشباب و الفتيات ) |
يمكن ردي يختلف شوي عن البقية
لكن ما فكرتي انك اذا واجهتيه ممكن يلعب الشيطان براسه و يقول ان لك خبرة في جذب الشباب و التعارف ؟؟ انتبهي لهذي النقطة و فكري كيف تحلي الموضوع |
اقتباس:
احترم رأيك اخ فلسطيني ......لكن الي وقعه هالمرة بوقع مرات والمشكلة مو انه بس قال مغصوب المشكلة انه استعداد يحكي مع بنات غيرها...........يعني اني يحكي مغصوب كتير بضايق والي بضايق اكتر انه يحكي مع بنات وهو خاطب............حلو تواجهه بس ازا ما لقت وجهة نظره مقنعة رأيي تفسخ احسن ازا فشي ثقة من الخطوبة وبحكي مغصوب كيف ازا تزوجو؟؟؟؟؟؟؟؟؟؟؟؟ |
اقتباس:
انا مع اختي حنونه بطبعي,,,,يمكن كرمال يغطي ع غلطتو يتخابث معك ويعمل هيك فديري بالك لتوقع براسك.... |
المواجهة المواجهة المواجهة
واستخيرى ربنا قبل ما تواجهيه .ولو كان اخطأ قوليله انت فعلا مغصوب انك ترتبط بيا؟؟؟وشوفى كلامه ولو قالك كنت بهزر اتفقى معاه انك استحالة توافقى ترتبطى بانسان بيشرك معاكى حد تانى وقوليله انت ناوى على ايه موافق اكون انا وبس فى حياتك ولا لا؟؟لو قالك موافق قوليله نتعاهد دلوقتى ادام ربنا على كده واللى يخلف وعده يبئا عقابه على الله وانا هنسى الموضوع ده خالص كأن لم يكن ومش هنتكلم فيه ولا هنفتح سيرته اختى الكريمة انتى عملتى استخارة وقبل ماتتسرعى بقرار واجهيه بس بلاش تقولى ان انتى قوليلو واحدة صاحبتى واوعى تقولى اختك ابدا مهما اصر ومن رد فعله واحساسك وانتى اعدة معاه هتشوفى هو ناوى على ايه بجد وانا مش بلومك على اختبارك لا عادى ده موقف كان ممكن يحصله من بنت غريبة فعلا وكان ده هيبئا رد فعله وكويس انه جه منك عشان هو يطلع بدرس منه لو ناوى يكمل معاكى وابئى طمنينا عليكى وربنا يكتبلك الخير ايا كان ومهما حصل متزعليش |
أم داليا كلامها منطقي.. بس رأي أنك ما دخلين أختك في الموضوع .. قلي أنا الي كنت أراسلك..
لأنه لو سار نصيب.. أو ما سار نصيب.. راح تقعد حكاية أختك في باله.. ويحط عليه نقطه سوداء من البدايه.. الله يختارلك الخير.. عموما.. شخصيته ماتشجع.. إذا هذا أولها.. والله ينعاف تاليها.. الله يدبرك بأحسن تدبير.. موفقه.. |
حبيبتي هو قال انه مغصوب يبي هالبنيه تتعاطف معه المسكين وتفتح ساااالفه
والله يهديك شاب وعزوبي وجايه تختبرينه الحين المتزوج مايمسك نفسه وشلون الزوبي الي مايصدق يشم ريحة مرره واذا مصره تفتحين السالفه قولي حبيت العب معك مقلب لاني احب الفرشه والمقالب وتفاجات بالي قلته |
اقتباس:
انا مع الراي ده خلي بالك وفكري كويس |
تسلمون كلم ع الردود وماااقصرتوا . . . واعتذر علا تأخيري . . .
لأ مجرد خطبه واي ابوي سأل عنه والكل كان يمدح فيه وبأخلاقه . . احسن اني حيل ملخبطه ومو عارفه شسوي وصعب انه يدري اني اللي مسويه كذا . . . دعواتكم |
مدري ليش احس انه عارف انك انتي ويبي يستفزك
وتصرفك كان خطأ عموما استخيري وتاكدي اذا هو لعاب لاتوافين عشان الشك مايدمر حياتك |
السلام عليكم ..
لو علمت أن زوجي بعد الزواج راعي مكالمات .. مجرد مكالمات .. فلا يمكن أن استمر معه ... فما بالك أن اكتشف ذلك وهو خاطب بس مجرد خطبة ... وما صار بينا شيء ... الموضوع لا يحتاج الى استشارة بقدر ما يحتاج الى إنهاء .. الله يعوضك بخير منه |
اختي رسيل مشكوره ع الرد ... بصراحه انا متردده ومستغربه بنفس الوقت لأن ماتتخيلين شكثر يمدحون اخلاقه وربي احسه بيعطيني درس بالرجال لهدرجه هم خوانين ولهم جانب اسود مايعرفونه الناس <اعذروني وربي من كثرة التفكير صارت ملخبطه افكاري لدرجة اروح الجامعه مواصله ومحاضراتي الله اعلم فيها ومانمت من امس الا ساعه بس وانا مقبله علا اختبارات عسى الله يعين بس ,,, لاتنسون اختكم الصغنونه من دعواتكم.....رسيل اسأل الله العظيم ان يرفع عنك الظلم وينصرك عاجلا غير اجل ..اللهم يامن تقول للامر كن فيكون حقق لها ماترجو وارزقها من حيث لاتحتسب
|
طيب يمكن مو جوالهـ يعني أنتي كنتي غلطانه في الرقم
وممكن أحد يكون أخذ جواله وقتها ومشى المقلب :: وللمعلومية ترى أصحاب السوابق يكون عندهم خبره يعني وقت خطوبته يتحرص ويغير رقمه وغير كذا مايجاريك فخطيبك شكله مو من أصحاب السوابق أنتي مو متأكده فنصيحتي لك .. أن تقولي لوالدك أنك سمعتي أنه ع علاقه مع بنات فياليت تتأكد من هالنقطه وأبوك يتصرف في هالموضوع :: أو تشوفي أحد أخوانك يكون مقرب لك وحكيه عن المقلب .. وشوفي شو رأيه وهو بيتأكد :: وبرضووووا أنتي لا تصااارحي خطيبك بهالشئ لأنه راح يشك فيك فلا تقولي أنا جربت وأرسلت :: تأكدي قبل أن تندمي في كلا الحالتين أعيدوا السؤال .. |
اقتباس:
اختي اذا انت متأكدة من أخلاقه و دينه و مشاعره تجاهك فتحليلي للموضوع : انه خطيبك عارف بالمقلب و مقرر هو يعمل فيكي المقلب و قالك انه مغصوب حتى يشوف ردة فعلك هذا و الله أعلم هل ممكن تكون اختك نفسها او حدا تاني أخبره انك انتِ من يراسله ؟؟ حاولي تكتشفي !! |
يالله و أنصدمـتي بعد يا حلـيلك هههههههههههههه ضحكـتيني . . تدرين ليـش ؟ لأن أغلب الشـباب الخيانـه بـدمهم يعـني وش تتـوقعيـن من شاب جاه إتصـال من بـنت ؟ بـ يقولها لا تتصلين يا أختي مره ثانيـه أو يعطيـها محاضـره ديـنيـه !! أحسبيـها بـ عقلك يا روحـي الأغلبيـه يرحبـون بـ صداقـات البنـات : : لـكن مو معناتـها تتركيـنه أنـتي بـ ذكائـك تقدريـن تكسبيـنه و يصيـر ما يـشوف غيرك بـ الكون كلـه *_^ الله يستـر على الجميـع و يـفرج همـك يارب |
اقتباس:
يسلمو خيتو ع الرد الله يفرج همك يارب ... اي متأكده انه جواله:(... انا بقول لامي ارجعوا اسألوا عنه مع انه ادري بتسوي لي محاضره وبتقول سألنا بشغله وبالمجتمع والكل يمدحه بس بأصر عليها ...واكيد مستحيل اقوله |
اقتباس:
اخلاقه ودينه وعلا حسب كلام ابوي وسؤاله:11: انها تمااام بس مشاعره لا :rolleyes:;)... واحنا مخطوبين يعني مافيه تواصل بيننا .... لا اختي مستحيل تكون قالتله ...ومافيه احد يدري غيري انا واختي يعني مافيه احد موصل له شي ,,, ربي يخليك للي يحبونك تسلمين علا ردك |
اقتباس:
هههههههه حلو اني ضحكتك طلعتي مني بفايده ماتوقعت ان لهدرجه الاوادم الخيانه سهله عنده شنسوي دنيا حقيره وحظ طايح... واذا هو خاطب اي يسكر بوجهها والمفروض انه مايخونها مثل ماهي محافظه على نفسها وصاينته ....مشكوره حبيبتي على الرد ماقصرتي دعوووواتك |
اقتباس:
من ردك علي حسـيت قلبـك محــروق هدي أعصابـك الحياة يبيلــها صبر و روقـان بعديـن ما فيـه شي يستـاهل أنـتي مقهـوره و هو مبـسوط ما درى عـنك و لا درى بكل ها الطبخـه !! شفتي كلامك إللي لونته لك بالأحمـر هذا الحكي يسوونـه أغلب البــنات لكـن أغلب الشباب لأ عندهم الرجال شايل عيبـه عادي !! يـاليت تـطمنيـني عليك و آيش إللي يصيـر معـاك لأني بـجد شلت همـك لكن إنتبـهي تتـسرعين بـ قراراتــك الله يوفقــك و يكتب لك إللي فيه الخـير |
حباااايبي تسلموووووووون ع الردود وربي ماقصرتوا وماراح انسى تعاونكم معاي .... انا بروح انام مانمت من امس الا ساعه وحدي دايخه واتمنى من الله يمن علي بحلم يكون تفسيره ارشاد لي باللي فيه خيره ... ادعووووووووووولي بالخيره |
اقتباس:
يابعد دنيتي انتي... اي واللي خلق هالكون اني مقهوره ونفسيتي تعبانه تدرين ليه؟ لاني ضايعه وتفكيري مشتت يعني انا الف واحد يتمناني جمال واخلاق ونسب يشرف والله الشاهد شكثر اللي تقدمولي وكنت ارفض وشوفي حظي الحين لكن ع قولتهم كثروا خطابها وبارت ... انا وربي ماطلبت شي كايد كل اللي ابيه رجال يخاف الله ويحبني ومستعده اعيش معاه ع الحلوه والمره بس يصوني ويحفظني شفتي وربي انا ماطلبت كثير وحتى مستواي الاجتماعي ماهمني بس احصل رجال بهالمواصفات ويافرحه ماتمت ,,,,, ابشري راح اقولك وش اللي يصير اول بأول بروووووح انااااام حدي تعبانه... دعووووواتك |
اقتباس:
صدقيـني كل بـنت حلمها رجال يحبها بصدق و مخـلص يصونـها .../ إن شاء الله ما يصير إلا كل الخيـر بس أنتي ألحين تعوذي من الشيطـان قفلـي النـت خلاص لا تفكـري و روحي نـامي قبل ما تنـامي بـ دقـايق آستغفررري نــوم العوافـي يا قلبي الله يفــرج همك و يـعطيك كل خير الدنيـا و الآخره يـارب أنـتـظرك الأيـام الجايـه |
اختي الغالية..
بالغالب كما ذكرت لك من قبل انه شعر انك انت من تراسليه... لانه ان كان يعتقد انك فتاة اخرى تعاكسه وليست هي خطيبته فلن يقول لك نعم انا خاطب ومغصوب عندما سألتيه.. ولكن عندها عند سؤالك انه خاطب يفترض ان يقول لك لا انا مو خاطب وليه تسألي... هذا اذا كان يعتقد انك فتاة اخرى... ومما يؤكد قولي انك قلتي ان اخلاقه جيدة والكل مدح منه.. إلا اذا كان من سألتم عنه من معارفه وليسوا بثقة.. وفقك الله للخير.. |
حبيبتـي طنشي الموضوع
كل الشباب كان لهم نزوات قبل الزواج وهو مثله مثل باقي الشباب ولانه قال مغصوب مجرد كذبه عشان يتعرف عليك يستهبل كم يوم وبيسحب عليك ويرجع لخطيبته اللي هي انتـي . انصحك ماتفتحين الموضوع له لانك راح تطيحين من عينه بقوهـ . انسي الموضوع وتعوذي بالله من الشيطان وحاولي تجذبينه لك وتدلعينـه احسن من يوم تخربينها على نفسك وصدقيني هي مجرد نزوهـ وكل الشباب كذا |
السلام عليكم .. من رأيي ترجعين تقرين الرسائل من البدايه بالتسلسل .. حسب ما قرأت ان اختك سألته انت خاطب ولا لا .. وهذا سؤال يدعوا اي خاطب للشك ... ( اكيد سال نفسه ليه سالتني انا خاطب ولا لا اكيد تعرفني او تعرف سالفت خطبتي ) .. اذا كان السؤال جاء مباشر ( هل انت خاطب ) وجاء الرد نعم ومغصوب فاتوقع انه مايبي هالزواج ولكن منحرج يفصخ الخطوبه او متردد على الاقل.. وانا استبعد هذا الرأي .. اما اذا كان سؤال عفوي مثل ( انت متزوج ) وكان الجواب .. لا خاطب فما اتوقع انه بيعرف انه مقلب.. على العموم انا ضد كل من قال انه الشباب اغلبهم كذا .. وخصوصاً ان الرجال خاطب المفروض يقفل الخط ويبعد عن هذي الامور ويكون شوي مخلص لخطيبته .. اما مسألة قوله انه مغصوب فالرجال يتميلح قدام البنت ماعليك منه .. مافي شي اسمه مغصوب خصوصا بزواج !! بختصار شديد .. خطيبك (خفيف) .. الرجال الي اذا حصلتله فرصه علاقة غير شرعيه وما وفرها .. هذا غير امين .. بكره تحصله فرص وش المانع انه يردها ؟ اتوقع فهمتي علي .. وانصحك لا يدري بهذا الموضوع ابد سواء قررتي فسخ الخطبه او انك تكملين معه .. خلي الموضوع سر ولا احد يدري فيه لان الي سويتيه خطا .. واكيد اذا درا عن هالموضوع هو الي بيتركك |
أنت مخطيئة ألم تسمعي قول الله تعالى (و لا تجسسوا و لا يغتب بعضكم بعضا ) [اي حق هذا الاختبار ممكن أنت جعلتيه ينزلق في هذا المنزلق و أنه كان إنسانا يريد أن يعف نفسه أنصحك ابعدي عن هذا الكلام و ابعدي عن الاختبارات
التي تورث الشك و الظن و لا تعطينه خبرا البته و كل كلامه أنه مغصوب و ما إلى ذلك لكي يجذب الطرف الآخر لكن اقطعي العلاقة الوهمية و عيشي حياتك مع زوجك باحترام و أبحثي عن طرق أخرى للدعوة غير المصارحة و الله ولي التوفيق |
صبااااااااااااااااااااااااااحكم الخير والرضااااااا . . . ربي يجزيكم جنات الخلد ماقصرتوا وربي . . . انا للحين قاعده استخير والله ييسر لي الخير ويعطيني على قد نيتي . . . امي قالت لي قبل شوي انو ابوه اتصل على ابوي وقال العصر بنتقهوى عندكم . . . وتوقعات امي انو علشان نحدد موعد الملكه . . . قلتلها طيب ليش مانرجع نسأل عنه قبل مانتملكك ونتاأكد اكثر امي شكت بكلامي وقعدت تسأل انتي وش سامعه؟ وش اللي خلاك تقولين كذا؟ انا دموعي تحجرت بعيوني وتمنيت لو اني حضنتها وقعدت اقولها وش السالفه بس ماااقدر اقولها . . . قالت لي ابوك ماقصر والرجال اخلاق وهذا اللي نبيه . . . وهذا اللي صار وياااااااااارب اكتب الخيره |
| الساعة الآن 11:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©