|
عاجل زوجي كسر عطري
وش اسووووووووووووووي بزوجي والله قهرني مساء الخيرات سجلت بالموقع يوم شفت مشاكلكم بعد توفيق الله تنحل وتيسر قلت يا رب يسر أولاً أحب أعطيكم فكرة عن زوجي هو عصبي قبل ثلاثة أيام كنت نازلة من السيارة وكانت ماسكة بيدي عمل كبير قاعدة أصلحة لاخته لمناسبة مقامه في مدرسة اخته نزلت ونسيت شنطتي بالسيارة وأولادي قاعدين ينزلون إلا ويشوف الشنطة ويرمها عند باب الشارع شافها واحد من أولادي وجابها لي وهو متعجب من شغل أبوه اعطانيه وهو يقول ماما بابا رمى شنطتك في الشارع نزلت اللي بيدي وفتحتت الشنطة إلا ولاقي علبة العطر منكسر وكنت توني مشتريته يعني مليان ولقيت الأي فون متبلل ألا وأنا اعصب وبصراحة بكيت من القهر وصار لي 3 أيام وانا ماكلمه وزعلانة مع اني قلت له حرام عليك اللي تسويه فيني ولا يصلح تسوي هالحركات قدام أولادك ولالالالالاتكلم ولارد علي و قبل اسبوع تقريبا اولادي قاعدين يلعبون في العاب بالابتوب بتاع اختهم وصار بينهم خلاف ورتفعت اصواتهم سمعهم ودخل عليم بغرفتهم وركل الشاشة برجلة لحد ما تسكر الابتوب بقوة وخربت شاشته قلت له اللي خربته صلحه ورفض قال مانيب فاضي لك ارسلته مع اخوي صلحه بـ 350 ريال مع اني والله مازعلت بلمرة الأولى لكن الأخيرة عجزت اتحمل وقررت ما اكلمة مع انه ماينفع معاه الزعل لانه يضل مهمشني وعادي عنده لو أجلس شهر ماكلمة الأمر عنده عااااااااااااااااااااادي وش الحل برايكم |
الأخت الفاضله
يبدو لي أن كل ما ذكرتيه وسردتيه عن زوجك ليست هي المشاكل بحد ذاتها ولكنها نتيجة لمشاكل أخرى وخلافات بينكما . أظنك تتعاملي مع زوجك معاملة الند للند هل من الممكن أن تحدثينا أكثر عن حياتكما , وهل هناك مشاكل تعتقدي أنها هي السبب فيما وصلتم إليه ؟ ولماذا زوجك يعاملك بهذه الطريقه ؟ |
الله يصلح حالك ويفرج همك..
لا تكلميه .. عادي.. لأنه لزم يعرف أن سلوكه خاطي.. وفي نفس الوقت أهتمي فيه وطلباته واحتياجاته.. وأهتمي بلبسك وكشختك.. عشان يصالحك.. وساعتها تكلمينه بهدوء وتقلينله أن هذي السلوكيات مي من طبعك .. ارجع مثل أول .. حتى لو كانت قديمه .. الرجال مايحب إلي تقله أنت دايم كذا .. انسي وافتحي صفحه جديده.. بس ماراح تنفتح إلا لما يفهم أنك موعاجبك هذا السلوك الي قاعد يسويه.. بعدين هو ما رمي الشنطه كذا.. أكيد في سبب.. ومهما كان هالسبب لازم يعاملك بحترام قدام اولادك.. عشان أنت أمهم .. كيف يحترموك .. وكيف يسمعون كلامك.. وهو يشوفون أبوهم كذا يسوي.. حي مشاكلك بحذر وهدوء من غير صراخ.. |
برأيي لما يكون رايق كلمي بهدوء و قولي له:
" حبيبي أريد ان أطلب منك طلب ، أريدك ان تخفف من ردود أفعالك عند الغضب خاصة أمام الاطفال ، لأنك لو ركلت الشاشة الآن و كسرتها ابنك و بنتك سيفعلون هذا الشيء ، يجب ان نكون قدوة لأطفالنا لأنهم سيقلدونا لما يكبروا ، و الله يستر من ايام المراهقة ، الآن هم أطفال و بريئين لكن بعد عمر الـ 13 السيطرة عليهم صعبة جدا !! و ذكريه بأحاديث الرسول صلى الله عليه و سلم عن أبي هريرة رضي الله عنه أن رجلاً قال للنبي صلى الله عليه وسلم: أوصني ، فقال له عليه الصلاة والسلام مراراً: "لا تغضب" رواه البخاري. و قال : "علِّموا ويسروا ولا تعسروا، وإذا غضبت فاسكت، وإذا غضبتَ فاسْكُت، وإذا غضبت فاسكت" رواه الإمام أحمد. و قال : ""إذا غضب أحدكم وهو قائم فليجلس، فإن ذهب عنه الغضب وإلاّ فليضطجع" رواه أبو داود " ارسلي له هذه الاحاديث بايميل أي كلام لعلماء و شيوخ افاضل في هذا الموضوع مفيد لا تترددي بالموعظة الحسنة و لكن تجنبي الكلام وقت الغضب دائما تعاملي معه بهدوء |
سؤال..
هو عصبيته في البيت وخارج لبيت؟؟ ولا عصبيته عندكم فقط؟؟ لو كان مايقدر يظبط عصبيته بالبيت وخارج البيت.. راح اقول لك: تحملي وهذا اللي ربي كاتبه لك.. وحاولي تمتصين غضبه.. واصبري عليه..وانتي زوجته.. ولازم انتي تتحملينه .. وهو جنتك ونارك.. لكن لو كان عصبيته في البيت فقط هذا لنا كلام ثاني..:25: |
الله يعطيكم العافية على تفاعلكم وتوجيهاتكم شكرا لاختي ماريا 13وشكرا لخوي حلم الامان *اما عن رد اخوي ابو حكيم فوالله ماعندي اي مشكلة بيني وبينه وقت مارمى الشنطة حتى يوم يكسر شاشة الابتوب لكن هو طبعه كذا اذا عصب يرمي اي شي ولا يعتذر ابداً ومثل هذي المشكلة أنا عارفه نجلس على هالحال يعني ماحد يكلم الثاني وبعدها أنا اناقشة بالمشكلة وبعدين يقول مادريت ما دري ايش وتنتهى السالفة ولما اقوله ليش ما اعتذرت يقولي مادري ماهو لازم مابيننا رسميات من هالقبيل |
الطبع غلاب .. بس لازم يسيطر على نفسه عند الغضب
اليوم رمى شنطة بكره كسر شاشة بعد بكره انت وعيالك في الشارع لازم وقفة حازمة حتى يعرف ان الخطأ لا يعالج بمثله ولو عنده شيء يريد قوله وقت غضبه فليقله ولا تكون افعاله هي التي تسبقه يا اختي .. لازم يدرك بأنه أخطا ولازم يعد بعدم تكرار سلوكه خاصة امام ابنائه لأنهم يأخذون منه .. اليوم أباهم وغداً هم لازم لازم لازم |
اكرر شكري على تفاعلكم اما بالنسبة لقولتك يااحلاهم العصبية تظهر بشدة عندي وعند اهله اما بالنسبة لاهلي فهو الرجل المثالي ولا يصدقون انه بكل هالعصبية وانا بصراحة ماحب يطلعون اهلي على كل امر من عصبيته وغيره بالعكس دايما امدح فيه |
طييييييييب وش اسوي عطوني حل والله اني محتارة يعني سكوتي وزعلي اعرف مارح يعطي نتيجة |
ام زوزي..
الموضوع عادي جدا .. انصحك بالهدوء ومناقشته بأحترام .. وعليك بالنصيحه والابتسامه الطيبة .. واصبري .. |
اقتباس:
طيب مع اصحابه .. وفي الشغل.. يكتم غضبه عندهم ولا ينفرط!!! |
انتي متوظفه او تشتغلين
او ابتعدي عنه فتره او منشغله بشيء غير حق اخته بلمدرسه ! يعني كم يوم انشغلتي فيه عنه يعني رايحه السوق لاجل اغراض الحلفه بلمدراسه ووووالخ ... وعند اهله ليه يغضب هل يكلفونه عمل ما .... هل يتحمل شيء يخص اهله ... هو هو الكبير لديهم ... لااني لااخفيك الرجااال ماعندهم صبر لانشغال المراءه فتره طويله او قصيره يصبر كم يوم وبس !واحيانا لايصبر يعني مثلي انا انشغلت هلشهر بلمذاكره فاابتعدت عن زوجي شوي رغم اني احيانا لاانجز مذاكرتي فااروح عنده واسولف معه لكن مو مثل قبل ...كل الوقت له ... لاحظت عليه عدم الصبر يعصب ع ولدي من اتفه شيء ! صارحته ليه صرت فارط عصبيه يالغالي ؟! قال انتي ابتعدي عني !!!!!!قلت طيب اسئلك ليش ابتعد عنك ؟ قال لاجل المذاكره ......قلت طيب حبيبي اصبر علي انا صبرت عليك بمصائب وساندك بها وماني ندمانه لاني حبيبتك وزوجتك ...فاانت اذا ماصبرت علي بس هلشهر متى بتصبر ؟!تشوفينه انحرررررررررج وقلت ابشر مع ذلك من اليوم ابرتب اموري واذاكر الصبح ومن يومها للان صار يشيل ولدي عني ويساعدني واوفر له وقت طووووووووووووووييييييييييييييييييييييل ....صرت اذاكر ساعه بلصبح والنهار والليل له ويسئل هاه ذاكرتي اقول ايوه يقول متى قلت الصبح قال لاجلي صح !قلت ايوه لاجل ماابتعد عنك ويتعبك الولد ويتعبني .... فمن موضوعك شكيت انك انشغلتي عنه لو باايام او شهور ...بئي شيء ما ! فكري مع نفسك وردي لي |
والله يا اختي الله يعينك
ترا زوجك يبي له توقفي عندحده بطريقة مناسبه لان اليوم عطر>>وبعده لاب توب وبعده انتي والعيال>>>بعيد الشر عنكم يارب بس من جد ترا هو ذا التسلسل المتوقع والحاصل مع كثيرات مثلك والله العظيم وحده سكتت الين ماذبحها فيوم واخد الولد وداه لابوه وقال له خذ ولدي انا ذبحت امه لاني كنت مرررة معصب !!! النوعية هذي من الناس تفعل الاعاجيب فيمن امامها عند التعصيب لانها تراه مبرر لافعالهم !! الحل ياعزيزتي ...انك تكلميه بلهجة جادةحازمة بدون اي غلط تقولي له ( لوسمحت ان كنت انت تعصب فإنت تقدر برضو تمسك اعصابك وان انت عندك نفس انا زيك ،،، مو من حقك تعمل كدة تتلف لي عطري وجهازي انتظر التعويض منك ) وتصري على مو قفك بذوق وادب ‘‘‘ وتخرجي من المكان اللي هو فيه بهدووووء كدة تضمني انه يفكر في كلامك بدون مكابرة بعكس لو كنتي قدامه موجودة !!! ((ولو تكرر بعد فترة دا الشي منه عيدي نفس الكلام وبنفس الطريقة بس اضيفي : انت كدة تخلي الامور توصل مواصيل مالها داعي بيننا !!! )) ولا توضحي له ايش تقصدي عشان يفضل عقله يودي ويجيب !! هذي الاشياء استفدتها من دورة حضرتها في دا الموضوع ووالله كتير فادتني بحياتي لكن اختي قبل ماتبذلي اي سبب تذكري مسبب الاسباب واطرقي بابه قبل اي باب ثم اعملي الاسبابوالله يفرج همك ويصلح الحال |
اخوي ابو ناصر الله يهديك وشلون تقول الامرعااادي يعني انا حساسة اتوقع هالموقف لو حاصل لاختك مارضيت صراحة انا مقهورة ليش يسوي هالتصرفات قدام اولاده |
مبادئ حلو رأيك وان شاء الله راح انفذه لكن اتوقع ماينفع معاه هالاسلوب لانه وقت مايعصب ينسى اي اتفاق ابرمته معاه بالنسبة لهمس قلت اني مشغوله عنه اصلا العمل اللي سويته لاخته عملته في بيت اهلي يعني ماكان موجود بالنسبة لاتحداهم ماعرف شي عن اصدقاءه لانه مايحب يتكلم كثير |
أنا مع أبو حكيم
كل اللي يسويه اكيد في خلافات وهذي نتايجها |
والله ما كان بيني بينه اي خلاف
|
حبيبتي
لايوجد شخص يتنرفز ويعصب لهلدرجه دون اي سبب لاانفعاله ...! ابحثي عن اسباب سوى بينكم وبين علاقتكم او مشاكلكم او بعدك عن عند اهلك او بمشاكل بعمله او عند اهله اكيد يوجد سبب جعله يعصب الى هلدرجه ! |
:23:
اقتباس:
::22:22: ابشركم مشكلتي رب فرجها احمد ربي واشكره على فضل زوجي اعترف بخطاه واعتذر ومو من عادة الاعتذار والأمور تمام صراحة اشكرك يا مبادئ نفذت رايك ومشورتك جعل ماقدمته في ميزان حسناتك ولا انسى اخواني وأخوتي اللي تفاعلوا معاي وابدوا أراءهم حول مشكلتي جعل ربي يجزيكم خير الجزاء ويجعل لكم من كل هما فرجاً ومن كل ضيقاً مخرجاً ويرزقكم من حيث لم تحتسبوا |
الله يهدية ويصلح حالة
بعينك الله علية تقبلي مروري |
قريت الموضووع متأخر بس فرحت من قلبـي إن انحلت المشكلة ربي يهديه ويوفقكم دووووم ودي |
ويوفقك يارب ياشيخة البنات ماقصرتوا |
اقتباس:
الحمد لله الذي بنعمته تتم الصالحات:) الله يديم النعمة وحسن العشرة سبحان الله اختي دائما لمن تكون ردة فعلك طبيعية وصحيحة تلاقي منه النتيجة الصحيحة فمايبنى على صح نتائجه صح:22: |
| الساعة الآن 03:25 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©