|
نبي نحل مشكله اخوي مع زوجته
نبي نحل مشكله اخوي مع زوجته مين الغلطان زوجته او هو
ملخص المشكلة دقت علي زوجتي الي ان تذهب هي واختها الي ممارسه الرياضه في المستوصف وذهبت واخذتها من بيت جدها وقالت اذهب الي الشقه وجيب لي اعزكم الله الجزمه الرياضيه ذهبت واتيت بها ثم مشينا بالسيارة الي البقاله اللي جنب الشقه لاشتري لها عصير وهنا وقعت المشكله فتحت هيالعصير وانكب العصير علي ثوبي بدون قصد وقلت لها دقيقه واحده ابدل الثوب ونمشي قالت متاخرين ارجع بعدين قلت الحين متاخرين دقيقه وبسرعه لاني ماني راجع الشقه وصلت الشقه ووقفت السياره توني بنزل من السياره اخذت العصير و ورامته في وجهي وتبللت ملابسي ومديت يدي وصفعتها علي وجهها والله خفيف ونزلت من السياره واخذت تعشق القير الي الامام ورجعت بسرعه لكي اوقف السياره وضربتها مره ثانيه كف وعصبت عليها وقلت لها انقلعي انتي واختك ذهبو الي البيت وهم يمشون بيت اهلها قريب من الشقه اللي هو بيت امها وجدها لان امها منفصله من ابيها وهي الان في بيت امها لا ترد علي مكالماتي وكلمت امها في نفس الاحظه اللي صارت المشكله وقالت الله يهديكم وبعدها وماقامت ترد علي امها ولا زوجتي مادري امها ماتكلمني ولا ترد علي مكالماتي كل مره مو اول مره هي كل تزعل وترجع واليوم رسلت لي رساله وقالت جيب لي ملابس الشتويه |
اقتباس:
(( إن الشيطان ينزغ بينكم )) لا هي لها حق ترمي العصير . ولا أنت لك حق عصفعها لإمر تافه على العموم أجلسوا مع بعض وأصطلحوا بينكم . وإذا لم ترد أرسل لها رسالة وقل لها (( هل يجوز للزوجة أن ترمي على زوجها العصير )) هل هذا من إحترام الزوج ؟ |
الله يصلح الاحوال
فين الاحترام لا وكل هذا معهم طرف ثالث هي غلطت وهو عالج الغلط بغلط اسئل الله ان يؤلف بين قلوبهم |
انتو الاثنين غلطانين
شيطان دخل بينكم ربي يفرج همك |
اسمحوا لي
الزوجه هي البادئه بلخطأ وربي فاااار دمي وتستاهل ماجها ... ولا بعد اختها موجوده بصراحه انتقدها هي اكثر يعني راح وجاب الجزمه م وقف عند البقاله وجاب العصير للرياضيه !!! والنهايه كبته وماقال شيء .......وقال بس ابغير ثوبي ثم كملت الباقي من العصير ورمته على وجهه ماادري عليه !! اقسم بالله تستاهل الكف مع احتراممي لااخوك ولك اختي .... ليه ماتقدره لو انا اقسم بالله لااقول اسفه ماكان قصدي واخليه يرجع البيت ويلبس وش فيها !ليه الدنيا بتطير .... هي اهانة زوجها امام اختها ...!!!! فانتم وش تبونه يسؤي يقول الله يسامحك حبيبتي لا تستاهل ماجها ااا!! لانها قليلة ................. بصدق خليها ثاني مره تعرف كيف تحترمه كزوج .ولو انا فعلت كذا فاقسم بالله استاهل مايجيني لا ارضى هلحركه لا لااخي ولا لاابي ولا لزوجي لانها اهانه لشخصه واهانه له امامي و امام شخص 3 . استغفر الله العلي العظيم الحل يروح لهم يتناقش مع امها اولا عن الامر ويقول الحق عنها وعن فعلتها ! والام هي بتعرف ان بنتها اخطئت .... وينادي زوجته ويبين له هو ليش ضربها يذكر لها لاجل تعرف ليش اهانها ! ويتاسف منها وحتى لو ماتاسفت بلطقاق انت ابتعد عنها لاتكلمها ولا تسولف معها ولا تسئل عنها لاجل تعرف تحترمك وتعتذر . بصدق زوجه ماتستاهل اي احتراااااام .مهما فعل وقال واهان مو لدرجه تهين زوجها امام اختها ! |
اقتباس:
بارك الله فيكي قلتي كل اللي كنت ناويه اقوله وبصراحه أنا اعتبر عصبيتها المبالغ فيها هذه وقلة الاحترام سخافه شديده والأسخف أكثر هو سبب العصبية نفسه بتتأخر على التدريب !!!! يعني هي مفكره نفسها بتشارك في الالعاب الاولومبيه 2012 ولا شو ؟؟!!! بصراحه ماقدرت اتعاطف معاها في مسألة الصفع وحسيتها تستاهل اللي جاها |
عفراء حبيبتي
وربي قهرتني وش هلتعامل ؟! وامها الله يهديها بدل ماتجمع الطرفين تطنش ترد ع الرجال ان شاء الله بس انها ناويه تخليه يجيء وتراضي بينهم مو كعادة الاباء والامهات .....الخطأ ع الزوج دائما !!!وينسون افعال بناتهم .... لكن ورب البيت لو انها اختي اهانة زوجها امامي اظن مابتحمل ابسوي شيء فيها !!!! صدق او اني اوريها التربيه صح لااراحت معي وغصب عنها ترجع وتعتذر منه وابوي وامي لااقول بنتكم الصدق هي المخطئه بحق زوجها اولا ! الحق حق ....... بلا دلع بلا مسانده وكرااامه . |
اقتباس:
الله ينجحك يارب و يوفقك ، قلتي كل اللي في خاطري زوجته ( ما تستحي ) معلييييييه .. و قليل اللي جاها دائما ضد الضرب مهما كان السبب ، بس زوجته هنا زودتها مررررررة |
تستاهل الكف .
|
خير عسى ماشر ترمي العصير بوجهه وتلعب بالسياره عشان
تاخرت على النادي يمكن انت دايم تسويها مو اول مره فانقهرت انك روحت فلوسها وكل التمارين فاتتها ولو موب عذر انها تكبه بوجهك والله لو انك مسكت نفسك وسفهتها كم يوم وهجرتها ولا كلمتها راح يكون درس لها طوووووووووووووول عمرها لانك عطيتها عذر انها تزعل عليك بالكف لكن لو مسكت نفسك راح تحرق اعصابها وضميرها يانبها عموما اقعد كم يوم لاتكلمها لانها الغلطااانه عطها مهله تفكر بخطاها واذا جت واعتذر لك انت بادرها الاعتذار وان شاء الله اخر المشاكل بينكم |
كله كوم وتعشيقة القير كوم ... هذه ليست حركة عصبية .. ولكنها مع احترامي حركة استهبال .. يعني تهددك وتخوفك الأخت والا شو؟!!!!
كلام همس صحيح .. وهذه المرأة ينقصها الكثير من الأدب والاحترام وحسن تقدير الأمور. |
هذا الطرف الأول
طيب وش دراكم الطرف الثاني لا تهوشوا الرجال عليها ماندري وش كان قبل يمكن كان لعن سنسفيلها ورايح الاستراحة :) لا تهوشون علي.... امزح بس بجد ماله داع نهوش عليها وهي ماتشوف وطالما ان الرجال الي يقرا : نقول الي فات فات والجاي يتصلح خاصة ان مو مفروض تنزلوا الثنين لها الدرجة من قلة الاحترام لبعض (لا العصير ولا التكفيخ) وانا مهما كان بيني وبين زوجي مشكلة ماا حب احد من اهله يعرف عنها عشان ماراح ينسون ابد، خاصة لو انا غلطانة |
لو كان زوجها رجل كان ماتجرأت عليه على الاقل ماهو خوف من الطلاق ولكن خوف من انه يكسر يدها |
والله لو سويتها . يمكن يرجعني بيت اهلي
ولو ابوي درى بيعلق مشنقتي هذا اللي ناقص ارمي العصير بوجهه و بالشارع و قدام اختي اخي الزوج .. خليها شوي بيبت اهلها تتربى و تعرف حدودها و تعرف كيف يعامل الزوج ..و اثقل عليها لين ترسل لك رسالة فيها اعتذار و ساعتها قول لها بالفم المليان .. اذا بترجعي باحترامك بيتي مفتوح و بشيلك فوق راسي لكن اذا بتستمري على حركاتك هذه خليك ببيت ابوك ابرك لك ... الله يوفقكم |
ترمي العصير بوجهي اه هين معليش اسمحولي هنا شوي ....
وربي لو ترميه بوجهي لحالها ومحد شاف من الشارع والدنيا ضلام والقزاز مضلم لديها عشر كفوف قدام الناس ليه بزر عند ابوها انا سوري بس دمي فار <<<< على بالي جردي كررررررررررر هزلت <<< بالفصحى ... لا وبعد قدام اختها يعني شوفي انا كيف وربي لاعطيها كف واعطي اختها كف ... فيه غيرها الف محترمات للزواج جاهزين .... والي خلقها خلق غيرها .. ... |
ما قامت به زوجتك من تصرف يدل على حماقة وجهل وسفه وقلة أدب وقلة احترام ( أسأل الله لها الهداية)...
أما ردة فعلك فلا ألومك عليها فهي من أغضبتك وقادتك إلى انفلات أعصابك، ولو كنت مكانك لفعلت مثلك وأكثر جزاءاً وردعاً لها ولشيطانها... أرجوك لا ترد على رسائلها، واتركها في بيت أهلها حتى تذوق المر والعلقم وتعرف الأدب ووكيفية التعامل مع الرجال ولك الخيار أن تذهب فيما بعد وتخبر أمها بما حصل كاملاً ثم وجه لها سؤالاً: هل ترضين بهذا؟، أو ترسل مباشرة رسالة لزوجتك وتقول لها اخرجي من البيت أنا بانتظارك لنذهب إلى بيتنا ثم أخبرها بلهجة حازمة قوية لو أنها فعلت مثل هذا مرة أخرى أو أنها فقط تجاوزت حدودها في شيء ما فإنك سوف تعطيها درساً لن تنساه‘ ولا تنس من عقابها في البيت بأي شيء تراه مناسباً بدون ضرب لفترة معينة من الزمن... أسأل الله أن يصلح حالكم |
مع احترامي لكم
هذا لايدل ع ضعف الزوج لا بل ع قلة ادب الزوجه ..... صدق في ازوج شديدين من معارفي لكن والله زوجاتهم يرمون كلامهم بلحائط !!!!! والسبب مايهمني او لاجل يتعود ...... اذا الزوج محترم لاتقولون ضعيف الضعيف من يقبل الاهانه لنفسه . |
اقتباس:
والغلط على زوجهاا مثل ماقال عبدالله اسبر! شكلهاا مب اول مره تتطاول عليه ماخذه راحتها على الاخر يحليلها زوجة اخوك! اقتباس:
ومو اول مررررره زي ماقلت! |
اقتباس:
|
اتوقع فيه سبب ثاني للمشكله مو معقوله كل اللي صار عشان التمرين اكيد زعلانه من قبل والله اعلم
|
يااخي روح اتزوج وحده ثانيه احسن شي عشان تتربى
|
| الساعة الآن 12:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©