|
أريد ان أخطبها و خايف من رفض أهلي لأني صغير
السلام عليكم
انا حبيت اطرح موضوعي واتمنى الردود باسرع وقت انا حبيت بنت عمتي حب شريف بغرض الزواج بس بحكم عاداتنا وان اهي معندها تلفون قررت اكلم اختي تشوف راي البنت فيني والحمدلله جاء الرد ايجابي ان البنت تبادلني نفس الشعور وتبيني هذا الكلام من كم شهر بس والحين انا حاب اني اخطبها والخطبه عندنا هي بس طلب ايد البنت من اهلها مو عقد رسمي وان شاء الله بس اخلص الدراسه الجامعيه اعقد عليها ونتزوج بس المشكله خايف افاتح اهلي بالموضوع يرفضو لان انا عمري 19 وهي 18 وبنفس الوقت خايف لا البنت تروح من ايدي تم تعديل العنوان ليتضح المضمون |
وعليكم السلام.............
فاتح اهلك بالموضوع علشان ترتاح نفسيا..........وفاتحهم على اساس انك تبي تطلب يد البنت قبل لا تروح منك و اقنعهم بأسلوبك وخبرهم انك ماراح تعقد قرانك عليها الا بعد الجامعه ما اعتقد ان اهلك بيعقدوا الموضوع لأنك خاطبها الحين على اساس انها ماتروح من يدك............ الله يوفقكم ويسعدكم ويجمع بينكم على خير ويحفظكم لبعض.....امييييييييييييييييييييييين ان شاء الله اكون اول من يبارك لك بالزواج:d:14::14: |
مشكووووووورة
وان شاءالله بتكونين اول المباركين والله يسمع منك ويوافقون |
وعليكم السلام أخوي ..مثل ماقالت ألين بس أنت قبل لا تفاتح أهلك أختااار الوقت المناسب وقت يكون أبوك وأمك مبسوطين منك ورااضين عليك وفاتحهم بالموضوع .. ولا شوف أحد من أخوانك الكبار وقول لهـ وهو بأسلوبه وطريقته يفاتح الوالد.. :: ولاااازم تخطبها رسمي حتى ماتروح منك ياااااااااااااااااارب يتمم فرحتك وتتخرج وتتوظف بسرررعه وتتزوج بنت عمك .. |
كلمهـــــــم انت ولد عمها مو غريب يعني عادي تحجزها
مع انه فيه ناس يحجزون وبعدها يسحبون على البنت ولي رأي ثاني انه انت باقي صغير وهي باقي صغيرهـ الايام تغير الافكار وتغير النفوس ممكن يوم تتخرج وتتوظف يكون عمرك 23 او 24 وقتها اكيد تفكيرك تغير وومكن تغير نظرتك عن الزواج من بنت عمك وتدور لك على انسانه افضل شوف نفسك لو حجزتها راح تكون قد كلمتك ولا راح تغير كلامك اذا كبرت وتغير رآيك |
وعليكم السلام ورحمة الله وبركاته :
أولا ,, مبروك ,, والله يتمم خطوبتكم ,, ثم ملكتكم ,, ثم زواجكم ,, على خير .. ثانيا ,, أنا من وجهة نظري كرجل ,, لأرى أي مشكلة ,, في العمر ,, وخصوصا ,, إنك(أنت),, أكبر منها .. فاتح أهلك (أمك -أبوك-كلاهما),, على حسب تقديرك ,, لقربهم ,, وفهمهم ,, موضوعك ,, وتوكل ,, على بركة الله .. |
وعليكم السلام ورحمة الله وبركاته..
الله يوفقكم ويجمعكم على خير.. أطلبها من الله.. قبل الناس.. ثم خذ بالأسباب.. وصدقني الي يحب بصدق وشرف راح يوصل لهدفه .. وراح تكون بإذن الرحمن لك .. لو عزمت.. لذلك أعقلها وتوكل.. |
مشكورين على الردود الي اثلجت صدري
وبالنسبه لاخوي الي يقول تكبر وتغير رايك انا قاعد اقولك احبها وانجذبت لها يعني خلاص ابيها |
عادي فاتحهم بالموضوع
على اساس يكلمو اهلها انو يحجزوها دام في موافقة بالطرفين ربي يوفقك ويعسدك |
مرحبا خيو مادااامك متأكد من مشاعرك لها وواثق ان حب مو نزوه فأنا اقووولك استخير
اول شي ثم فاتح اهلك بالموضوع والله يكتب لك اللي فيه الخيره وعقبال ماتبشرنا ان الخطبه تمت ... |
مع الإخوان فاتح أهلك على طوول إنت بتحجزها يعني ما بتملجوون خبرهم إنك تبيها لا تروح منك بعدين وما أعتقد فيها شي يعني الله يوفق لكم وتسمعنا الأخبار الحلووة قول آميــن ودي |
مشكووووووووري على الردود
وانا اخذت بنصيحتكم بعد الاستخارة وفاتحت الوالده ووعدتني بخير باقرب وقت انها تكلم امها وان شاء الله ابشركم بالرد الرسمي لاهلها هاليومين |
ممتاااااااااااز خطوووة إجابية مبرووك مقدمااا ننتظر منك الأخبار الحلووووة ربي يوفقك ودي |
مبروك و الله يبارك لكم بجمع بينكم على خير و يقر عينك فيها عن باقي النساء فلا تمتد عينك لسواها
و بشرنا :14::14::14: |
ربي يتمم عليكم فاتح اهلك وامسك البنت لاتروح عليك بالتوفيق
|
موفق انشالله والله يتمم ع خير ...
|
فاتح اهلك ويارب يوافقو
وتخلص وتتزوجو والله يوفقكم يارب |
من تجربتي الشخصيه اشور عليك انك ما تستعجل
الحب مو كل شي .. لو خطبتها من الحين وما تيسرت الامور مثل ما تبغى لان ما عندك دخل تصرف منه على بيتك ..مستحيل يرضون اهلها يزوجونك وانت ما تشتغل وبكذا راح تنتظرون كلكم و تكون احرقت اعصابك واعصابها واعصاب اهاليكم في انتظار شي مجهول وقتها راح من العمر اللي راح انصحك تصبر لين الله يفرجها عليك بوظيفه وقتها تكون مستعد فعلا للزواج والامور تمشي بسرعه وان راحت الله لا يجيب اكبر ,, راحت افضل من انها تكون منتظرتك سنين ويكون راح عمرها وفي الاخير ما يحصل نصيب هذا اللي صار معي بس الفرق انها كانت خطبة اهل ماهي مبنيه على حب متبادل وضاع من عمري خمس سنين وهو تزوج وانا بقيت الله يكتب لك اللي فيه الخير ويدلك على اللي يناسبك ويناسبها .. بالتوفيق |
| الساعة الآن 05:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©