محرومه والسبب اخوي
 

السلام عليكم ورحمه الله

حبيت تقرون كلامي من الاول لاخر شيء وابي تفاعلكم مع مشكلتي

من 4 سنوات تقريبا تقدم لي شخص ورفضته لان اخوي قال فيه اشياء مو حلوه وطبعا
كل اللي قاله مو موجود فيه ابدا وهو شخص ماشاء الله عليه صاحب دين وفيه من

الاخلاق المقبوله

وما اكتشفت ان اخوي يكذب الا الحين وهذا الرجال لم يتزوج الى

الان وانا لم يتقدم لي اي شخص بعده وانا خايفه اني اكون طول عمري ما اتزوج

وسبب هذا الخوف انه قال اباخذها غصب واخاف ان نفسه فيني وانا انحرم طول

عمري وانا الحين ابيه وش اسوي قولوا لي

طول وقتي افكر فيه وفي مصيري ومتندمه لاني سمعت كلام اخوي

تكفون ساعدوني الله يوفقكم

كان الله في عونك

حاولي مع اخوك بالكلمة الطيبه
لو مانفع حاولي تكلمي من تثقين في رأيه وحكمته قبل حلول ساعة الندم لا قدر الله

فرج الله كربتك

اديبك ان لك فيه خير يسهل الامر او يصرف عنك

لا تحزني على ما فات ، إذا الله كاتبه من نصيبك بيكون من نصيبك ، بعدين أنتي متأكده أن كلام أخوك غير صحيح ؟؟ كيف تأكدتي ؟ ربما هناك ما خفي عنك وأنتي لا تعلمين ، الله يختار لك الخيرة الصالحة ويرزقك بمن يستاهلك ..

ليه اخوك بيمنعك من الزواج هل فيه مصلحه كراتب مثلا مااتوقع ان فيه اخو يكره سعادة اخته -

اللهم امين الله يسمع منكم

اخوي قالها لي صريحه قال مابيك تتزوجين والرجال مافيه شيء انا قلت كذا علشان ماتتزوجين

تخيلوا بيقطع رقمي ولايبيني اتعرف على صديقات ودايما يشك فيني وغير كذا ابوي دايما يدعي علي يقول الله لايزوجك وربي عيوني بتروح مِن كثر مابكيت صرت منعزله افكر بالموت وبس
معاد ابي شيء من الدنيا تخيلوا يبوني خدامه بالبيت كل ماشافوني يقولون انتي خدامه ومحد يبيك
حتى اخواني الصغار يقولون انتي خدامه بابا يقول كذا

انا تعبت ياناس وربي اني اكتب لكم هذا الكلام من القهر اللي فيني ودمعتي ماتوقف

كلهم ينامون ويرتاحون الا انا طول ليلي ابكي صرت اكره نفسي وادعي اني ما اصبح من كثر ماشربت من الضيق والمر

كل شيء يبونه مني اسويه وما اشوف اي معامله حلوه منهم قولوا لي وش اسوي وربي تعبت

امين يارب
امي موجوده بس مثلهم