|
مشكلتي مع بنت الجيران
]]السلام عليكم ورحمة الله وبركاتة
راح اطو ل عليكم شوي بس والله هذه الحقيقة انا فتاه عمري 30سنة من خمس سنوات درست في الجامعة ولم يحالفني الحظ في اكمال دراستي وطبعا تعرفت في الجامعة على صديقة وكانت معي بنت الجيران بعد مده اكتشفت انة هذه الصديقة تعاكس شباب وتطلع معهم ال احد المطاعم طبعا دون علم اهلها ومعها بنت الجيران انا قلت بنصحها وياليتني مانصحتهم قامت سبتني هي وبنت الجيران شتم قوي جرحني والبنت تزوجت وصارت تتصل علي في الصباح تقول هذا رقم زوجي والله مادري وش قصدها وكررت الاتصال فكرت في طريقة تخليها ماتتصل ثاني مره قلت خليني اشفي غليلي منها عن طريق شتمها عبر رسائل الجوال حوالي سبع رسائل ودق علي زوجها قال ماتقولين وش هذا لازعاج في جوال البنت وقال ميدي انتي صاحبة رسائل الي تجي من ارقام ثانية قلت اي ارقام قال اقولك لا عاد اشوف رسائل على جوال زوجتي قلت خلاص البنت ....... كان فية ناس من شباب الي كان يعاكسها يرسلها رسائل وحطت سالفة اني الي ارسلها رسائل وطبعا جوالي واحد فقط بس زوجها دق علي مره ثانية وقال انتي صاحبة رسائل تهديد قلت لاوالله قال الا انتي فلانة بنت فلان طبعا شباب الي كانت تعاكسهم يرسلون لها رسائل وظنن من زوجها اني انا وخفت بعد شهر ارسلت الي مجموعة من الشباب يدقون علي في الليل وعلى الجوال لمده شهرين اهلي صدقوني اني برئية بس ام الجيران الي بنتها تخون صارت تسمع امي كلام يضيق الصدر ولاعاد تسلم على امي وامي شكت فيني تقول فضحتيني عند الجيران ودائما تدعي علي ام الجيران خلاص ماتتكلم مع امي وانا والله ماعمري خنت اهلي ياربية وش اسوي |
عطوني حلول مناسبة الله يرضى عليكم
والله اني مقهوره |
السلام عليكم ..
لا داعي أن اذكرك بخطأك في ردك على رسائلها ومكالماتها ... ولكن للعظة والعبرة الاشكال هذي مالها الا الطنااااش سبحان الله الواحد بحاله ويجيه من يبليه بشره حسبي الله ونعم الوكيل والحين كل اللي عليك أنك تغيرين رقمك وتقطعين علاقتك فيهم نهائي ... وربي يتولى الظالم سواء عاجلا أم آجلا .. وأم جيرانكم خلاص كيفها ... تظن اللي تظنه أفعالنا هي اللي تدل علينا في النهاية مب الكلام ... الكلام مصيره يروح والفعل يبقى .. والحمدلله انتي واثقة من أخلاقك .. فطنشي وغيري رقمك واقطعي العلاقة تماما ... الله يكفيك شرهم ويهديهم |
السلام عليكم
اختي رسيل كلام مره حلو بس المشكلة اني امي تقول فضحتيني وانا والله برئية |
يمكن تقصد انه جاهم كلام بسبب علاقتك مع البنات ...
وبغض النظر عما تقصده فالأيام ستثبت برائتك فالله المطلع العالم .. ونحن نتعلق بالله وليس بعباده .. أوضحي لأمك الموضوع مع استبعاد جزئية الرسائل التي أرسلتيها إذا أمكن .. ووضحي لها مرة واحدة فقط للدفاع عن نفسك ... وبعد هذا من أراد أن يصدق فلبصدق ومن في قلبه شك فستثبت الأيام له عكس ذلك .. ولكن المهم الآن تغيرين رقمك بدون تأخير وكوني حريصة المرة القادمة في اختيار صديقاتك ... |
أختي ,, اتضح لي من كلامك ,, عن صديقتك السابقة ,, (بنت الجار) ,, أنها ماكرة ,, وخبيثة ,, فاستطاعت ,, أن تحوّر ,,
خياناتها السابقة ,, (قبل الزواج) ,, وتقنع زوجها ,, بأنكِ أنتِ عدوّتها,, وخصمها ,, وأنتِ من أرسل رسائل التّهديد لزوجته ,, فلذلك ,, أبسط نصيحة أوجّهها لكِ أختي,, (الباب اللي يجيك منه ريح سده واستريح) ولا تعطيها ,, أي مجال ,, للوصول لكِ ,, بأي شكل ,, ولو إستمرّيتي معها ,, في مهاترات ,, سوف يحصل لكِ ,, مالا يُحمد عقباه ... |
اختي رسيل لو اني لاقدر الله سويت معاكسة مع الشباب او خنت اهلي كان رحت الهئية وخليتهم يقبضون على المبتزني لكن انا برئية وشريفه من هذه الاعمال الخبيثة بس سبحان الله اهلي كذبوني وصدقوا الخبيثة
نفيس انتحر ورتاح |
الله يفرج همك ويبين الحق للأصحابه
حسبي الله ونعم الوكيل لاحول ولا قوة إلا بالله العلي العظيم اللهم آجرني في مصيبتي واخلف لي خير منها |
الحمد لله ان أهلك عارفينك..
-انتي مشكلتك فقط مع امك..اجلسي معاها واطلبي منها دعمك وفهميها ان الام الجاره واقفه مع بنتها وهي مخطئة والمفروض توقف معاك لأنك انتي الصح.. - رقم الجوال انا محتاره بتغيره .. لو غيرتيه بيقولون الخلل فيك وممكن يجيبون رقمك - المهم ان لاترسلي رسائل ابدا ابدا عليهم لا سب ولا تذكير ولا شي تحاهليهم تماما.. |
اختي ذكريات لاتغيب
شوفي رسائل الي ارسلتها توقيعين تقول ميد اهلي عنها |
يا أختي
هذه انسانه الله لا ييبلانا رغم فضيحتها امامك..ما زالت تحاول ايذائك ولو ان اغلب البنات اذا انكشف امر خيانتها خجلت وحاولت تبتعد عن الي تنصحها لكن هذي سببت لك مشاكل.. لا اعرف مالذي يمكن ان تتبلى عليك لكن لا يخرج من جوالك اي رساله لا لها ولا لأي رقم لا تعرفينه إطلاقاً وانتبهي لهذا الأمر |
السلام عليكم
اختي ذكريات لاتغيب شوفي اقولك انا راسلتها لها رسائل على بالي راح اشفى غليلي منها رسائل شتم تتوقعين تقول حق اهلي |
أختي
الي راح راح تقول لاهلك ما تقولهم المهم ان اهلك مصدقينك لا تخافين المهم بعد كذا لا تراسلين بأي شي ونصيحه لك ابتعدي عن البنات الغير سويات واتركي النصح إما لجماعة المصلى..او المشرفة الاجتماعيه |
اختي ذكريات لاتغيب
مااقول لو في هذه دينا زيك عشره على الاقل كان كل الناس بخير |
اقتباس:
أنا اتكلم عن الناس ... ما عليك الا من أمك .. والله يسخرها لك |
اختيرسيل من ضمن مكالمات زوجها لي قالي ميدي انتي صاحبة رسائل قلت رسائل وش قالت فلانة بنت فلان قلت اية قال انتي صاحبة رسائل قلت اية رسائل سب طبعا قال اه يعني ضنة اني صاحبة رسائل الي يعاكسون زوجتة الخربانة
ظنك راح يقول ميد الهيئة عني اذا اكتشف احد يدق على جوال زوجتة الخائية |
استغفروالله العظيم
خليتي من الحبه قبه!!! خلاص يابنت الحلال غيري رقمك هذا اذا انتي خايفه من جد!! وبعدين وش هالقذف؟!! استغفري ربك تخون ماتخون هذا شي بينهاا وبين ربهاا الله يهديهاا هي الثانيه!! داام انك نصحتيهاا خلااااااص انتهت مهمتك!! |
عضو مثالي
انتي الله يسلمك بس سالفة وصلت الى الجيران وشكلك ماقرتي القصة كاملة صح |
اقتباس:
وعادي يعني يدرو الجيراان خير ياطير!! ترى الحق مصيره يبان وانتي خليك واثقه من نفسك وغيري رقمك امك تقول كذا عشان جارتكم الله يهديهاا دقتها بالكلام الشين بس صدقيني يومين وراح تتغير امك لانها تعرف بنتهاا اللي ربتهاا!! وتبي الصدق انتي اللي جبتي لنفسك مشاااكل! تدرين كيف؟ يوم ارسلتي لها رساايل سب بجواال زوجهاا؟طيب ليش الحين ليش ماسويتي من اول؟؟؟ لو ماكان ارسلتي زوجهاا بعمره ماكان شك فيك كان اتصل على الارقام الثانيه وكانت فضيحتهاا بجلاجل بس انتي كنتي تبي تنتقمي منهاا ورجعت عليك السالفه!! تسلمي ايه صـــــح انا عضو مثاااالي:) |
اختي غاده ،،
أطلب منك مطلب ضروري وحتمي أن تغيري رقمك وتلغي هذا الرقم بأي شكل من الأشكال .. وإقطعي علاقتك بهم نهائياً ، انا ما ودي أخوفك بس الآن مشاكل الرسائل والإتصالات أخذت منحنى خطر جداً جداً وأصبح لا جدوى منها أبداً سواء غرضك طيب أو غير طيب ،، المسألة ومافيها صار بسهوله جداً أن تأتيك شكوى من الشرطة أو الهيئة بسبب رسالة منك لأي رقم آخر بغض النظر عن نيتك بالكلام المكتوب فيها ، وبدل أن تكوني صاحبة حق تصبحين مذنبة ،أنتي الآن متهمة عند زوج إبنة الجيران وجميع الأرقام والرسائل التي تأتيها ستكوني متهمة بها وقد وجدت الشماعة التي تعلق عليها أخطائها بعد أن سمحتي لها بذلك عندما أرسلتي لها رسائل أثبتت عليك التهمة ، إقطعي علاقتك بهم نهائياً وإحتسبي أجرك على الله سبحانه وتعالى إن كنتي على حق ومظلومه ، فلا يضيع شيء عند الله سبحانه وتعالى ، وسيكشف الله المستور توكلي على الله ودعي الظالم لمحكمة الله سبحانة وتعالى فهو كفيل بأن يرد لك الحق ويظهره ،، وفقك الله وكتب لك كل خير .. |
وعليكم السلام ورحمة الله وبركاته
اختي لا يوجد نصيحة تقابل بسب وشتم الا لو كانت النصيحة بشكل فظ وقاسي وكانت انتقاد اكثر منه نصح فالناصح الذي يحب الخير لاصحابه وجيرانه لا يخرج منه بعد النصيحة السب او الانتقام ولو على قطع رقبته واريد ان اسألك لو لم يرد زوجها وهددك هل كنتي ستتوقفين عن الاخذ بثأرك ؟ فالنصيحة لله وليس لسبب شخصي ان لم يتقبلوه منا انتقمنا لانفسنا .... فقد اوذي سيد الخلق عندما كان يهدي الكفار اشد انواع الاذى ومع ذلك عفى عمن اذاه ولم يخرج منه حتى الدعاء عليهم بالشر انما قال اللهم اهدهم فإنهم لا يعلمون هدانا الله واياك . |
اختي نور الايمان خوفتيني مره
كان اهلي ذبحوني وش اسوي انا الحين ماصرت ارسلها رسائل خلاص سالفة من خمن سنوات توقعين بصير فيني شيء |
غيري رقمك ولاتعطيه لاحد منهم
الله يهديك انتي غلطتي من البدايه لما تكلمتي مع الرجال |
| الساعة الآن 06:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©