|
السلام عليكم ورحمة الله وبركاته
اعرفكم عن نفسي انا متزوجه منذ سنتان ولدي بنت طموحاتي عاليه من قبل الزواج ولكن بعد الزواج تدهورت وتدهورت نفسيتي انا مؤمنه بقضاء الله وقدره وفيما سيكتبه معي من بقاء او طلاق ..لايفرق.. اهم شيء الراحه بنظري والاستقرار النفسي .. متزوجه من ابن خالتي عن خطبه دامت 3 سنوات وليتني عرفته قبل .. كنت اريد اكل المانع حتى نستعد له جيدآ ولكنه رفض والان هي الضحيه في كلا الحالتين فليس هناك توافق ولا انسجام في حياتنا الآن وبالطلاق ايضآ سوف يكون ضحية ولكن ضحية واحد ارحم بكثيرر من 3 او 4 فلنتقي الله في انفسنا .. زوجي لا يصلي مع الجماعه الا نادرآ اكره تصرفاته لا يحترمني يمنعني من ادنى حقوقي اكمال دراستي علمآ بأنني في قريه وسهل هذا عليه ولكن الانانيه اعمت عقله وقلبه .. لا يريدني الا وقت الحاجه وغيرها لا ..نادرآ مانتصافى دائمآ يقول الرجال يسوي اللي يبي الحرمه مالها الابيتها وزوجها وياليته يهتم بي او ينظر لما اريد شكاك غيور انا بصراحه طموحي اكمل وزوجي يأيد وليس يعارض لأنه ان دل يدل على رجاحة عقله وليس بالتسلط والمنع حتى الجيران يقولي مو من ثوبنا لاتزورينهم !! بالله عليكم انا وش اسوي اثناء غيابه واثناء وجوده معي لاطعم هناك ولا لون .. ارشدوني واسألوني ما شئتم .. انا منتظره الردود الحكيمه والواعيه ايجابياته اذا طلبت وقوسين بين طلبت فلوس او سوق مايبخل .. ومع اهله لا يقصر .. هذا والله تعالى اعلم _مانعني من اكمال دراستي لأسباب تافهه _هو عنده ديوانيه مع ربعه ماخذينها بشكل يومي ومالي حق امنعه وقت اللي ابيه معاي وربعه سيئين يجتمعون دخان وشيشه وسفريات يحكون بطولاتهم زوجي من النوع الثاني وكل الخوف ينجرف معهم _طالما اعاني من فراغ وهو مشغول لماذا كل هذه السيطره (غير راضيه عن حياتي معه ) وجهي شاحب هواجيس مخاوف من المستقبل .. افوض امري اليك ربي على الاقل لو القى حلول واكون ايجابيه بس والله تعبت واذا زعلني بحاجه وعاتبته يقلبها علي مايفهمني انا الحين مخليه الدراسه وصديقات ووناستي اول ودعتها كرماله تكفون عطوني حلول واذا تشوفون الطلاق حل عادي اصلآ كم مره قال اذا ماعجبك اذلفي بيت هلك انسان ماعنده نيه يضحي لا هو اللي معي ولا هو اللي مخليني فحالي !! ربي اجرني في مصيبتي واخلف لي خير منها.. |
أختي ,, لا يستدعي الأمر للطّلاق ,, بإذن الله ..
بالنسبة لإكمال دراستك ,, هل كان هذا شرط ,, موثّق بعقد الزّواج ؟؟ |
لا ياأختي طلاق على طول ,بالنسبة للدراسة تقدرين تقنعينه بالدراسة عن طريق الإنتسااب , وأهتمي بزوجك وببيتك يمكن أنت عندك تقصير معه وخايف الدراسة تشغلك عنه وعن البيت .
وألجأي إلى الله أنه يصلح حاله ويبعد عنه رفقاء السوء. |
جزاكــم الله الف خير ..
نورين,بليغ ,عاشقة الغالي اتمنى اني وضحت فالرد رقم 5 اخي تعاندني غير موثق وغير مشروطه لأني كنت ادرس ايام الملكة وكان بالعكس مأيد بس تغير لما تزوجنا كثير ماكنت حاسبه حساب للأسف لانه قريبي ومواريه على مايرام فالسابق الا ليت الزمن يرجع اختي في رجاءالله كلامك صحيح بالنسبه للانتساب رافض كمان (انانيه) + غيره وربي يصلح حاله وحال المسلمين اجمعين .. ..الله يجزاكم الجنه ويفرج همومكم ويكتب لكم بكل حرف كتبتوه اجر يارب والله مالي الا الدعاء وانتو استشيركم .. |
أنسي فكرة الدرااسة فترة من الزمن , وحاولي أنك ماتلومين زوجك على أنه ماخلاك تكملين دراستك , أهتمي فيه أكثر حاولي تشغلينه عن ديوانيته , مثل نومي الطفل بدري أعملي له ليلة رومانسية وغيري من الروتين الممل في حيااتك أستفيدي من الأفكار الي في الإنترنت , وشوفي الدراسة مهمة لكن مارااح تتوقف سعادة الإنساان عليها .
أكثر شي يكرهه الرجل لما يلاقي زوجته زعلانه ومعقد ة وجهها ,حاولي تكسبينه بحسن التعاامل , مدري من غير زعل أحس أن حيااتك كئيبة ,لأنك رابطة سعادتك بإكمال درااستك . وأنت عندك زوج وطفل وهذا شي يتمنونه غيرك ويغبطونك عليه , الله يسعدك ويوفقك ويصلح زوجك. |
كلامك عين العقل فعلآ حياتي كئيبه
لازم ولابد ان اغيرها تصوري اليوم دخل من الدوام الساعه 1 الاربع وفتح نور الغرفه بسرعه وانا والبيبي نايمين انا توقعت انو راحت علي نومه وماسويت الغداء طلع الرجال وقمزت معاه قلت شفيك قال ان المفتاح اللي في فم الباب حق الصاله يتحرك وانتي قايمه شكلك !! تصورتي الشك والله قهرر انا بالعكس اخاف الله ورحمت حاله وشكله .. |
هلابك أختي ليل العناء
شوفي عزيزتي الطلاق مو الحل ،، ومثلآ وصار وتطلقتي وكملتي دراستك وبعدين بتتزوجين غيره’’ يمكن يكون أحسن ويمكن يكون أسوء’’ حاولي تغيرين من نظامك وروتينك اليومي ،، أهتمي بنفسك وبنتك وبيتك ،، سجلي دورات أو في دار تحفيظ،، شوفي زوجك وش يحب يعمله ودائمآ يتكلم فيه وسويه له في البيت،، أيام الأسبوع الخميس والجمعه’’ فاجئه بسهرات وأرسلي له رساله وهو عند ربعه ،، لاطنشينه وتعاندينه بيزيد العناد عنده ،، حاولي تكسبينه بالكلمه الطيبه والتعامل الزين ،، من ناحية الدراسه أسكتي الين السنه الجايه وأن شاء الله تنحل عقدته الين هاذاك الوقت ‘‘ 000 نفس أسلوب زوجي،، أستراحه وسهر ليليآ الين الساعه ثنين بالليل 00 رفض الدراسه 00 والتسجيل في الدورات 00 أنواع التعقيد :d أختي تبين أمورك تصير تمام(( قومي الليل وأدعي 00 وتصدقي عليك بالصدقه)) ماتعدلت أموري الى بقيام الليل والصدقه،، |
ياحبي لك يادنيا الوفاء حتى رياضه ودورات ميك اب مانعني !!
ربي يسخر لي ولك وللمسلمين الله لايسلط علينا خلق من خلقه الله يارب ترحمنا وتغفر لنا وتعوضنا بصبرنا .. |
مشكورة دنيا الوفاء كلامك مريح وردودك روعه
|
أختي ,, لا زالت مبادئ العزوبيّة ,, عند زوجك في أوجِها ...
غالباً نحن الرّجال ,, ماتكون لدينا مبادئ أيّام العزوبيّة ,, لكيفيّة التعامل مع الزوجة مُستقبلا ,, إمّا بشدّة ,, وهذا مانتداوله بيننا البين ,, لكي لا نكون (,,,,) ,, تسيّرنا الزوجة كيف تشاء ,, أو بلين وحنيّة ورومانسيّة ,, وهذا نادراً ,, إن لم يكن منعدماً أصلاً.. وما أن نتزوّج ,, وندخل في صِراعات الحياة الزوجية ,, ونخوض تجاربها بجميع أشكالها – بدون فترة زمنيّة محدّدة - ,, حتّى يصبح لدينا تغيير جذري ,, ونضوج فكري .. والزّوجة هي المساعد الأوّل ,, في هذا التغيير ,, لذلك أختي ,, أنصحك بعد الصّبر والدعاء إلى الله ,, أن تُطبّقي ما ذكروه لكِ الأخوات الأفاضل ,, من أفكار ,, لتغيير الروتين على الصّعيد الشّخصي والعائلي ,, وأفكار لجذب الزوج إلى زوجته وبيته .. *ملاحظة أختي / إنسي فكرة الدّراسة مؤقتاً .. |
ربي يوفقك ويسعدك اخي تعاندني على الاهتمام وكأني أختك ربي يرحم والديك ويغنيك بحلاله عن حرامه
صدقت كلامك منطقي وهذا اللي حاصل يقول يقطع ابو الخرفان رجال خواتي يقصد لأنهم مع شور حريمهم دايم تكفون دعائكم لي ولكم في ظهر الغيب وانا لن انساكم " "الله لايحرمكم اجر الكتابه " |
اختي ليل العناء.....
الأمر لايستدعي الطلاق ابدا ياحبيبتي ليش تكرهينه عشان مايصلي في المسجد أهم شي انه يصلي كلنا نتمنى ان أزواجنا وأخوانا يصلون في المسجد لكن الشكوىلله وصدقيني غير اسلوبك معه مثلا اذا اذن بوسيه ع راسه ولا يده وقولي له كلمتين حلوين عشان يصلي بالمسجد ولا تستعجلين اما الدراسة طنشيها فترة وبعدين تشوفين يجي يوم يقول ادرسي والشك حاولي ا المسأله ماتكبر لأنه موزينبين الزوجين يمكن انتي احيانا تتصرفين تصرفات تثير شكه تجاهلي كل اسئلة الشك وحاولي تتغابين فالسيد في قومه المتغابي انتي تقولين كريم الحمدلله -صفة غاية الأهميه في الرجل- الديوانيه حاولي تغيرين في حياتكم عشان تحببينه في البيت لا لا لا لا لالالالالا تفكرن في الطلاق وتعيشين البنت في ضياااااااااااااااااااااااااع الموضوع بسيط اسئلي مجرب تحياتي |
انسي الدراسه الشهاده موكل شي عاد اللي أخذوها شنو سوو
واذا على الوضيفه هاذي ارزاق اذا ربي كاتب لك وضيفه بتوضفين لو على شهادة ابتدائي واذا قصدك ثقافه وتجارين اللي حولك وعقولهم اقرئي وثقفي نفسك وانتي في بيتك واشغلي نفسك عنه بيهتم فيك لا يكون هو محور حياتك الوحيد اشغلي نفسل انتي عندك نت تعلمي طبخات وتميزي فيها تعلمي تسريحات ومكياج من النت ابدعي بطرق ترتيب بيتك اقري وتعلمي كيف تربية الاطفال والاهتمام بهم عشان تطلع بنتك مميزه واقري كتب وفي النت عن الرجال وكيفة التعامل مع الزوج عيشي حياتك وطلعي مشاعرك الحلوه تجاه زوجك وترجميها بتصرفات وكلمات حب ولا تنطرينه يتغير انتي غيري من نفسك عشانك انتي وسعادك صدقيني زوجك فيه خير لكن يمكن من كثر مايسمع مضيق عليك وبعدين باين عليه يحب يطلع رجال قدام مجتمعه انتي عززي ثقة بنفسه دايم امدحيه وامدحي كرمه وبيني له قوته وان كل شي بأمره لاتعاندينه ربي يصلح امرك |
انسي امر الدراسة في الوقت الحالي، ركزي على بيتك وزوجك، اكسبيه لصفك، اسعدي اوقاتك معه..
حاولي تقربيه منك، كله بايدك انت وحدك، انتو ما صرلكم كتير متزوجين، كيف بتفكري بالطلاق؟؟!!!! حبيبتي اهم شي استقرارك ببيتك، استقرار حياتكم مع بعض وسعادتكم اهم من الشهادات... هلا انت اذا اخدت شهاده دكتوراه لكن مو سعيده ببيتك مع زوجك واولادك، شو الفايده؟؟؟ حبيبتي بالحياه دائما في اولويات، حددي اولوياتك وبناءً عليها اتخذي قراراتك... |
أختي الكريمة
أسأل الله أن يصلح لك حالك... والله إن من إحدى المشاكل في البيوت حينما تأخذ الديوانيات والاستراحات حيزاً كبيراً في حياة الرجل... أقول وبالله التوفيق: 1)لا تذكري الطلاق على لسانك أبداً. 2)احذفي كلمة الدراسة من قاموسك ومن لسانك في الفترة الحالية. وأجلي حديثها حتى تفعلي الخطوات اللاحقة ادناه. 3)اهتمي به كثيراً عن السابق. ودلليه. واحترميه. واسمعي له وأطيعي. وقبلي يديه أو رأسه مرة واحدة في الأسبوع وخصوصاً بعد جلب أي غرض للبيت. 4)زوجك رجل به صفات جيدة فأثني على صفاته الجيدة أمامه، وأشعريه بأنك في حاجته، وأنه صمام الأمان لك ولابنتك. 5)أرسلي له رسائل الحب والشوق كل 4 أيام إلى جواله. 6)ليلة الجمعة وبعد عودته من الديوانية، كوني جاهزة له في أحلى حلة وهيئة. 7)استخدمي أنوثتك في جذبه إليك، وأنت أعلم كيف تفعلين هذا! 8)تقربي من والديه. 9)اهتمي بمأكله ومشربه. ولامانع من تقديم هدية له بسيطة. 10)في حال خروجه من البيت أشغلي نفسك بالقراءة أو أعمال المنزل. 11)شغلي سورة البقرة في البيت. ووجهي نصائح غير مباشرة بلطف وأدب. ::: استمري وافعلي ما قاله لك الأخوات أعلاه |
شفتي ليل العناء حبيبتي كلنا أتفقنا على نفس الراي , الي هو تأجيل فكرة الدرااسة , ولاتقارنين نفسك باأخواتك وزميلاتك , عشاان ماتتعبين ولازم تؤمنين أن كلها أرزاق والكل ياخذ رزقه .
بس سؤال هل أنت تقومين بوجبااته على أكمل وجه ؟وش الأغلب حسناته أو سيئاته؟ |
انا اقوم باللي يطلب فقط لآنه مايحب اني اسوي شيء من نفسي يحس انو رياء احيان اسوي ولا علي منه ولابد من التقصير
بالنسبه للحسنات والسيئات انتو اللي تقدرون تحددون من خلال ماذكرت لآن انا يمكن ابغاه ملاك وومااحسبها عدل تخيلي مره كتب لي في رساله والله انك ماتستاهلين كلل هذا اللي يجيك وياليته يحاول يعدل لا يستمر وراسه فوق متكبر شوي ودايم تاخذه العزه بالاثم مشكـــورين والله كلامكم ع العين والراس وريحني كثير رغم انكم وقفتوا صفه بس ماعليه اهم شيء رضا الله بحسن العشره والطاعه للزوج .. |
شروق السعوديه والله عطيتني امل ربي يسعدك ويحقق امانيك
بنت هلي وناسي نصائح ثمينه ربي يوفقك Baraa1123 مشكوره حبيبتي كلامك رائع اقدر اعرف شو الاولويات بنظرك? يمكن انا اطمح للمستحيل ! "البليغ مشكور على اهتمامك جزيت خيرآ فعلآ انا مقصرة في جوانب ذكرتها ربي يسعدك واهنيك على رجاحة عقلك ربي يحميك يا اخي . في رجا الله يالبى قلبك والله اقتنعت ربي ينسينياها واقوم باللي شورتوه علي وان شاء الله اكون رديت على سؤالينك فالرد رقم 17# ربي يوفقكم ويفرج همومكم ويبعد عنكم الاحزان ويسعدكم مع اهاليكم وازواجكم ويكتب لما كتبتوهلي خيرالجزاء فالدنيا والآخره " |
مافي شي مستحيل..
الحياة يمكن تشبهيها بالبنايه!! اول شي لازم يكون الأساس صح، ابدي صح ليكون كل شي بعدين باذنه تعالى صح.. حبيبتي انت بعدك باول الطريق، مافي حد اجا عهالدنيا فاهم وعارف كل شي.. الحياة اكبر مدرسة.. بالخبرة والتجربة اكيد رح تعرفي تحددي اولوياتك ورح تعيشي احلى حياه ان شاء الله.. |
ان ابغض الحلال عند الله الطلاق
لا تفكري بهيك حل اختي في حلول كتيرة غير هل حل |
اقتباس:
- لا شكر على واجب عزيزتي* الصراحه أول ماقرأت موضوعك مقارب لحياتي أول زواجي :) شوفي لاتنسين الدراسه بس لاتضغطين عليه ،، قولي له بجرب أنتساب وأذا ما نجحت بجلس بس بجرب حضي،، (( ماعليك منه إذا قال وش تبين بالشهاده ،، ولاتقولين له بسوي كذا وكذا أتركي كل سنه لوقتها،،)) وقولي أذ شفتني قصرت عندك والبيت وقتها لك الحق تجلسني في البيت،، زوجي أقتنع بهاذي الطريقه00 بعد مده دامت عشر سنوات محاوله أقناع ههههه:) الأستراحه هو بيمل منها ألا إذا زوجك يشيش ماراح يقطعها وبيروح لها علشان الشيشه ،، بس حاولي تسوين العشا وتتصلين عليه قبلها يجيك وأرسلي رسائل شوق بتعبيرك أنتي ،، أتصلي عليه وتكلمي على لسان بنتك مثلا ،، ،أعزميه على مطعم بين فتره والثانيه ،، خططي لطلعه لكم وقوليله من بدري وشرايك في اليوم الفلاني نطلع وأنتي أمسكي المهمه بس تكون طلعه تعجبه ،،ومافيها سوق :d ((( الدعاء له عند طلوعه من البيت له تأثير ،، وشكره أذا جاب شي لو قليل كثري مدح فيه :) هاذا الي جاء على بالي :) وتقبلي مروري مره ثانيه أختي ليل العناء |
حبيبتي أضافه بسيطة
الرجال اذا تكلم وهو زعلان ترا يكون منفعل يعني كلامه خرابيط لاتزعلين منه وفكري بالبيبي الثاني وعيشي حياتك تمنياتي لك بالتوفيق |
الآن الدور يقع عليك انتي قادرة على تغييره وجعله يترك شلته الفاسدة
يعني من أجل انه يسهر ويدخن شيشة ولايأتي للبيت الا متأخر تريدين الطلاق!... قصص كثيرة من زوجات ساعدن أزواجهن على التغيير للأفضل وترك هذه المنكرات فلو لم تقفي معه فمن سيكون بجانبه! لكن تحتاج الى عزيمة وقوة ارادة منك والله يوفقك |
دنيا الوفاء مشكورة حبوبتي على حرصك كلامك حلو ان شاء الله ابدأ اطبق
شروق السعوديه يالبى قلبك انتي وين افكر بالثاني وعمر بنتي سنه لا لا واوضاعنا لك عليها وانا فبالي الدراسه لا ويقول لا جت بنتنا الثانيه بسميها حصه على اسم عمته ههه الله يكتب الخير متزوج2 مو هذا اللي مصبرني اني ارحمه وابغى اطلعه من اللي هو فيه كلامك صحيح بس لا صار فبالي شيء اتعب من صبري عليه لو انو ماعندي الا هو فكرت تفكير سليم مافيه الا حضرته بس انا ودي اكمل لأنهم راح يطوون قيدي الترم الجاي اذا ماكملت (جامعة الملك سعود).. يارب قدرني يارب قدرني ياربي قدرني على رضاك ومن ثم إسعاده ومن ثم بلوغ ما اريد يا ارحم الراحمين ويا إلهي اسعد من كتب لي حرفآ واحدآ ليفيدني ويهون علي يارب ارحم والديه عن النار واغفر له وارزقه من حيث لايحتسب اللهم لاترد دعائي وانا راجيتك بأن توفقهم وتبلغهم امانيهم .. |
زوجك واضح انه من الشخصيات التي تريد الكل من حوله يقول ( سم وامر )
وهذا مبين من خلال كرمه - لكن بأسألك سؤال - زوجك متى يكون راضي عليك ورااايق معك ؟ |
اذا قلت له كلميتنك سم وامر وعلى حساب نفسي ساعه يقدر وساعه ولا كأني مسويه شيء
زوجي صعب صعب صعب ماتعرفون شنو دواء الكبر والغرور |
استخيري ودائمآ ادعي بالخيرة ..
ربي يكتب لك مافيه خير .. |
| الساعة الآن 07:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©