|
زوجي تغير علي بعد زواج أخيه
السلام عليكم ورحمة الله
اريد حل المشكلتي ولااعرف هل هي مشكله كبره اولا ولاكنها مأثره على حياتي بشكل كبير واريد من ذوات الخبرة الحل ولااقل من الباقين انا ساكنه ببلد غير بلد الي شساكنين فيه اهلي واهلي زوجي وبالاجازات نسكن عند اهله اوكل اموري تمام معه ومع اهله وزوجي رجل يخاف الله ويصلي بالمسجد ولايسمع الاغاني ويصوم وغيرني للافضل وهو قدوتي ولله الحمد والكل يحسدني عليه واكن كل شي تغير عندما تزوج اخوه وبدات لمقارنات من اهله ويمدحونها كثير امامي وامام زوجي لااغاضتي وزوجي من هنا بدا يغار ودائم الصراخ علي امام اهله وعصبي ويقول هي تطبخ وتشتغل وانتي لا علما باني اطبخ معهم ولاكن يحس بالنقص تجاهي كل هذا شي والشي الثاني والاهم هي دائما تحاول تلفت انتباه زوجي لها ماادري يمكن لتقهرني ونحن عائله محافضه والله العظيم تلبس العاري الي يكشف اكثر من الساتر وتتعمد زوجي يراها بحكم انا ساكنين بيت واحد اهي فوق وحنا تحت بس دايم تنزل المهم لم اقول زوجي يقول هي اربع وعشرين ساعه بوجهي وانا ماقص ابي اشوف امي وهي تجلس عند الباب عشان يشوفها وتجي تقولي زوجك شافني والله اقل من عاديه بس اموت غيرة على زوجي ومابي يشوف غيري وخاصه تطلع بكامل زينتها قام زوجي علما بان زوجي تغير علي كثيرا دايم عصبي ويحب المشاكل ويهاوشني قدام اهله اما لم نرجع لمديننا الي ساكنين فيها انا وياه يرجع مثال العسل واحلى ماذا افعل مع عصبيته امام الناس ومع زوجت اخوه وحسبي الله عليه توكلت |
حبيبتي مالك الا انك تمسكين البنت وتقولين لها اللي تسوية حرام ومايصير كذا وان لازم تحاولي انك ماتخلي زوجك يشوفها بكامل زينتها
واذا الوضع فضل مثل ماهو ما الك الا انك تطلبي من زوجك انكم تطلعوا برا لحالكم بحجة انك تبين تاخذين راحتك بالحركات والدلع هذا اللي عندي |
بالسبة للنت اهي اخوه والكل لاحظ وفقالها اخواته وام زوجي ولاكن لاحياة لمن تنادي تبي تقهرني باسلوبها ونا ماحب اكلمها عشان ماتشوف نفسها ويكبر الموضوع ابي حل ثاني وبالنسبه لموضوع الشقه قلت لزوجي وزعل وقال احنا نجي بس
بالاجازات حرام ناخذ شقه ورفض يودين وبعدين قلت خلاص مابي شقه مشتاقه لهلي بروح لهم بس قلت له ذي اخار مره وبعدها بروح بشقه قال اجل مانروح بس بالاعياد يومين ونرجع ونا وافقت الله يعيني وش رايكم |
البنت زوجة اخوه
مره جريئه وعينها قويه |
انتي امسكيها وفهميها بطريقة جدية لا تكشو معها الموضوع مو على كيفها
وانتي دايما كوني متزينة لزوجك ودلعيه وسوي الي يحبك ولما يعصب اي شي يقلك ياه قولي حاضر ومن عيوني وبعدين تعاتبو ربي يهيديه ويوفقكم |
بالنسبه لها كثير قالو لاتجلسي قدام الباب وعلى الممر طول القت رايحه جايه حتى زوجها لاحظ
وتقول عادي انه نبها بس ولاهمها كل هذا عشان تقهرني مدري اخاف اقولها اكبر الموضع وتعاند ايبش اقولها مثلا حتى اخوات زوجي مررررره ملاحظين ونا مابي اعطيها اكبر من حجمها وبنفس الوقت منقهررررره مرررره اموت غيره على زوجي |
اقتباس:
أنـــــــــــــــــا معــكِ لا تقولي لها و لا شيئ تكبرين رأسها ليه !!!!!!!!!!!!!!!!!! لا تكبرين الموضوع و إذا في أحد كبير بينصحها ممكن أما أنتِ لا و ألف لا طنشي و خلاص و زوجكِ صدقيني بيجي يوم و يصد عنها موفقة و الله يعينك |
نصيحه لاتكلمينها الأشكال هذي معروفه !!
لأنك لو كلمتيها بكذا أنتي تبلغينها انها وصلت للهدف أللي تدور عليه ؟!! هيه ماتسوي الحركات هذي ألا عشان تلفت أنتباه زوجك فلو قلتيلها راح تنبسط كثير ويكبر راسها وتحس أنها مهمه أذا حست أنها أثرت فيك او حست أنك تغارين منها على زوجك !! طنشيها ولاكأنها موجوده ياااااااااكرهي للنوعيات هذي |
الله يطمنكم ويسخر لكم ازواجكم وانا بعد قلت بطنشها والله يعيني على نار لغيره بس لاحظت شي فيها
ماتلبس وتكشخ الا اذا شافتني ركظ وتغير تلبس اقصر شي عندها تخيلو شكلي بكلم احد من العيلتهم افضل شيهي اطنشها او اسوي مثلها عشان تنقهر |
اقتباس:
اساساً ملابس مثل اللي ذكرتي المفروض حتى أمام النساء ماتنلبس فمابال أن البيت فيه رجال!! لازم تكلمين أحد كبير وفاهم مو أي احد أنتبهي للشي هذا فياحبذا لو تكون أم الزوج أذا كانت ثقه وعاقله حتى تنصح زوجها أللي هو ابنها وتكلمه وتوقفها عند حدها:( |
زوجها ملاحظ هذا الشي وافكر اقول لمتي هذا افضل حل ومشكوره لك بس انتظر الوقت المناسب
|
اقتباس:
ـــــــــــــــــــــ فعلا لا تبينين لها انك مقهورة .. ولا تكلمينها.. لانها راح تزيد.. لكن ممكن تجيبينها سالفة وتكون هي موجودة .. قولي: يووووووووه أنا زوجي ينهبل لو شافني نازلة من غير (جلال أو غطا أو أي شي) انتوا متعودين تطلعون فيه ببيت الحمولة.. كله خايف احد من اخوانه يشوفني.. يقول انا اكره حركات الحريم لما يتميلحون ويركظون عشان يتغطون فمابالك تكون هذي زوجتي..:25:. وخليها تستحي على وجهها. وخليك واثقة من نفسك.. وما عليك منها.. |
اعجبتني ردودكم كل واحد احلى من الثاني بجرب الي قلتوه اول مره احد يعطيني وجه ويرد علي
والله ريحتوني الله يسعكم بس المشكله اني نا ماتغطا لاني ساكنه معهم بس والله متعمد احد يشوفني انتظر لم يطلعون وادخل مجلس الحريم فهمتم اسال فيه احد ولالا بعدين اخل يعني مو ماخذه راحتي مثلها |
اقتباس:
كيف عرفتي ؟؟ معقوله عارف الشي هذا وساكت لها ؟؟ اقتباس:
أمه أو أخواته أو أقاربه من بعيد ولا كلهم ؟؟ |
هي قالت يعني شوفو زوجي غيران علي محد قدي
وبالنسبه من قالها كلهم والله بالذات اخواته وقدامي يقولون لها غيري مكانك مايصلح لانه كاشف عالباب او قدام الكل يشوفك فهمتي |
تقصي المدح امه اخواته كلهم يقولو مره شاطره ومريحه زوجها وناها لهم كويسه مع حتى انا ولله الحمد ماسببت لهم مشاكل
بس مدري ايش يبون يحسسون زوجي بالنقص |
اقتباس:
استغفر الله العظيم بعض البنات تتزوج وكأنها أول وآخر واحده بالعالم تزوجت زوجي جابلي زوجي يجبني زوجي سوى وسوى حتى أشياء ماتنقال قدام اللي يسوى واللي مايسوى ماأدري كيف يفكرون هذول النوعيات !! بس كون زوجها يغار عليها مايعني أنه عارف أنها تسوي الأشياء وتتعمد أخوه يشوفها كمان ؟!! حبيبتي قصدي بمين من أهله ؟؟ أنتي قلتي أنه أهله يمدحونها قدامك وقدام زوجك عشان يغيضونك فسألتك مين منهم لأنه أذا كانت أمه منهم فصعبه تكلمينها |
امهم اول وحده وحتى اخواته
|
اقتباس:
عشان كذا قلت أذا كذا ماينفع تكلميهم لكن أنتي تقولي أنك لاحظتي أنهم لاحظو عليها بعض الحركات ونبهوا عليها معناها أكيد مو راضيين باللي تسويه وممكن ملاحظين عليها فأشوف لو تكلمي أم زوجك بس ماتبيني أنك غيرانه منها وتقوليلها تنصحها وتكلمها بدون ماتبلغها أو تبين أنك أنتي أللي طلبتيها وأنتي أعلم بأم زوجك وردة فعلها لو كلمتيها والله يوفقك مع زوجك ويحفظكم من كل من أراد بكم شر وأهم شي لاتنسي الأستخاره |
لاحول ولاقوة إلا بالله عيييييب وحرام اللي تسويه شنو بتستفيد مثلا ثقة زايد ولا مدح ولاإعجاب زوجك فيها والله قلة حيا أنا أشوف تكملي زوجك بهدوء وفبيتكم مو عندهم إنه إنتي خايفة عليه من عقاب الله لما يطالعها او حتى يجلس معها بالمجلس قولي ابيك يوم تشوفها تطلع وتغير المكان يعني أي شي وانتبهي تكلميها لاتكبري راسها عشان تكون هي الربحانة السؤال هنا زوجها أين موقعه من الإعراب ؟؟! هل هو رجل ام ماذا |
اقتباس:
يعني كيف ماتتغطين ؟؟؟؟؟؟؟؟؟؟؟ 1- زوجك يراعيك في الغربة لأنكم مغتربين ومالكم أحد, فتلاقين معاملته مختلفة ,ولما تكونين عند أهله يحب يطلع نفسه أن شخصيته قوية وأنه يمشي زوجته على كلامه , أو أنه مش عاجبته شخصية أخوه مع زوجته فيحاول يلفت إنتباه أخوه , عشان يكون حازم مع زوجته . 2 -زوجة حماك تحاول تقهرك وتغيظك ,وتصرفاتها ماتصدر إلا من وحدة قليلة تربية ومن بيئة مش محافظة , وعشان تقهرينها طنشيها وكلما نزعت ثوب الحياء أكثري من نظراات الأستحقار وحاولي تكوني رسمية معها , ولماتكونون مجتمعين أنت وعمتك وأخوات زوجك , تكلمي من باب التعميم ,أن زوجك يخاف الله ويستحقر البنت الي ماتتستر ولاتحترم نفسها . |
اممم طيب ياأختي اذا رحتوا بيتكم اجلسي مع زوجك وعاتبيه وقولي له لا يعصب عليك قدام اهله ويحترمك ..حتى لو حصل شي ماعجبه تتناقشوا لحالكم مو قدام اهله ..
|
دايم اعاتبه وبنفذ الي قلتوهوماايد اني افاتح زوجي يمكن يركز اكثر مو
|
حبيبه ما الك الا انك تستحقريها
يعني لومثلا جت وجلست جنبكمبلبس قصير قولي لهم رائيك ان البدله القصيره مستحيل تلبسيها الا جنب زوجك لان جسمي ملك وحلال لزوجي فقط مافي شخص له الاحقيه ان يشوف جسمي حتى لو كانت بنت ومن تشوفيها تقول لك ان زوجي يغار علي قولي لها يعني ماتثيري غيرة زوجك عليك الا بهذي الطريقة استغفر الله على ناس ماتعرف كيف تخلي زوجها يغار عليها حاولي تقهريها قد ماتقدري بس باسلوب الدهاء |
أختي الفاضلة فيما يتعلق بمدح عائلة زوجك للفتاة الجديدة فهي تصرفات طبيعة غالباً مصدرها غيره و مضايقة و لأنهم يشعرون بنقص في أحد الجوانب ( كيد نسا ) أختي الفاضلة خرجت بإنطباع عام للحياة أن ( الناس تستخسر في الآخرين السعادة تستخر تميزهم ) و أن الناس يستمتعون بأذية الآخرين بتعكير حياتهم و العلاج في تعاملك مع عائلته من هذه الناحيه ( لا تهتمي بمدحهم لها أمامك ) و لا تنتظري شهادة ثناء منهم على تصرفاتك كوني مميزه بنفسك كوني ربانيه في تعاملك عاملي عائلته بما يحب الله و لا تجعلي الله يراك إلا محسنه و شكرك و الثناء عليك يكون من الواحد الأحد الفرد الصمد لا تنتظري رضى أحد أو سخطه و إعملي على طلب رضى الله و تجنب سخطه بالنسبة لتعاملك مع الوافده الجديده :d تعاملي معها بكل أدب بكل بساطة بكل بشاشه بكل خير خذيها على أحسن المحامل تغافلي عن بعض الأمور و حازمه بتلطف مع بعض الأمور أنت لست مسؤولة عن لبسها و تعريها و وعرضها لنفسها ( فلها رجل ! مسؤول عنها ) لا تتصادمي معها فتكوني أنت و هي سواء كوني أنت القدوة و ليست هي تصرفاتها غير صحيحة و تعاملها خاطيء فعالجيه بأن تكوني خير قدوة و لا تضعي نفسك في المنتصف و تكلمين أم زوجك أو أخواته عنها و تدخلين في معمعت فلانه قالت و جيبوا فلانه و إش قلتي يا فلانه ترفعي عن هذا الكلام و هذه المواضع بالنسبه لزوجك يبدو أنكم ماشاء الله لا قوة إلا بالله متقاربين فوضحي له ما يزعجك بكل حب و ود و رحمة من عصبيته عليك أمام الناس و وضحي له تضايقك من تساهله في حديثه مع زوجة أخيه و ناصحيه ليس لحاجة في نفسك بل طلب لرضى الله و إخلاصاً له سبحانه و ذكريه بحديث إياكم والدخول على النساء . فقال رجل من الأنصار : يا رسول الله ! أفرأيت الحمو ؟ قال : الحمو الموت الراوي: عقبة بن عامر المحدث: مسلم - المصدر: صحيح مسلم - الصفحة أو الرقم: 2172 خلاصة حكم المحدث: صحيح أخيراً أختي الفاضلة خليك كبيره و لا تنظري لسفاسف الأمور و أطلبي رضي الله في كل ما تفعلينه و تجنبي سخطه ( يرضى لك الله كل خلقه و لو بعد حين فلا تستعجلي ) وفقك الله و يسر أمرك |
اقتباس:
صح كلامك إذا كلمتيه راح يركز أكثر ويمكن تفتحين عينه لشئ هو ما كان ينظر له بذات الطريقة كل اللي المفروض اتسويه التطنييييش حاولي دائما لفت إنتباه زوجك إليكِ إذا رأيتها تستعرض نفسها ,, سواء بحديث رقيق أو نقاش في موضوع ما .. المهم هو تشتيت انتباهه لها وجذبه تجاهك.. حاولي الخروج معه في تلك الأوقات لأي مكان .. وإذا كان عصبي أمام أهله حاولي إحتواءه بنظرة حب وعطف والصمت وإن شاء الله سيلاحظ أنه عصب بلا وجه حق ومادامت جلستكم في بيتهم مجرد فترة وتنتهي .. لا تكدري صفاء عيشك .. فما أعتقده هو أنها تغار منك كثيرا وربما تحسدك على زوجك المؤمن وتفاهمكما .. فتقتلها نار الغيرة والحسد وتود إفساد علاقتكما الطيبة .. فعزيزتي لا تفتحي لها المجال في تعكير صفو حياتكم .. وفقكم الله .. |
الي ابغاه منكم تدعون ان الله يشغلها عنا مادري استنتج منكم الحل انه اطنشها ومابدي اهتمام فيها
وانا مسويه كذا بس تقهر بحركاتها |
الله يهدي الجميع لمايحب ويرضى مرت اخو زوجك مريضه نفسيا وانت بالصبر والاتزان والكلمه الطيبه لزوجك منك وصبرك ستفوزين بحب الله وزوجك (يكفيك انك بعين الله وعين الله ترعاك وتراك )ماطار طير وارتفع الا كما طار وقع اخذيها نصيحه مني لاتسمحي للمشاكل تاخذ مجراها سكري كل باب مشكله بصبرك وحبك لزوجك
|
الله يكون في عيونك
نصيحتي لك حاولي قد ماتقدري انه زوجك لايدري بغيرتك وانت لاتتغيري والله الرجال مهما شافو البنت بهذه الطريقه حتعجب عيونهم بس وصدقيني بداخله يشكر الرحمن عليك الغيره شي طبيعي لكن حاولي التمسك والله الدعاء خير وسيله وقلب معاك حبيبتي |
اختي الغاليه كلما اختليتي بزوجك غرقيه بالكلام الحلو
البسي له احلى الملابس القصير الطويل الضيق المغري المهم انك تبدين له فاتنه وينبهر منك وتملين له عينه ومدامك انتي وزوجك متفاهمين كلميه بالكلمه الحلوه اذا في خاطره شئ ياجله الييييين تصيرون لوحدكم وقوليله اذا تحبني وتعزني (عزني واحترمني لوحدنا و مع وجود اهلك) وان كان عن الاخت سلفتك مااقول الا حسبي الله على هالاشكال مبين انها صغيره يعني مراهقه مثلا المشكله هالاشكال لايجدي معهم حوار او تطنيش مالك الا تكلمين وحده من حمواتك (اخوات زوجك)والاقرب الى نفسك واللي تحسين انها ماراح تفهمك غلط اشكي لها الحال وقولي الوضع كذا ماينسكت عليه خليها تكلم اخوها(زوج سلفتك) تتادب في اللباس وماتتعمد الخروج كلما جا الرجال او راح واسالي الله المعونه واسالي الله ان يكفيك شرها واسال الله لها الهدايه وصلاح الحال |
حاولي تلبسين وتكشخين مثلها وقولي لها شافني زوجك بالغلط خالها تحس علشان تبطل الحركات البايخه
|
لازم انتي تبين لزوجته اخوه انك ماتحبين الحركات هاذي ولا تسيرين تعطينها وجه لانها شكلها قليلة ادب وحاولي تكون علاقتك بها مقطوع وانك اذا قالت شافني زواجك قولي المره الثاني انتبهي قولي بنظرت تهديد لان الاشكال هاذي ماتجي الي بالعين الحمراء اسالين وزجك اذا هاوش قدامهم ازعلي عليها ولاتكلمينها وقولي انت تقارني في زوجتك اخوك وعلميه كل الي في قلبك احسلك لان كثر الشيال في القلب تجيب مشاكل واجه زوجك بكل شي
|
هالانواع من النساء عندها مركب نقص تحب تحس ان كل الناس يحبوها وكلي امرك لله فهو يمهل ولا يهمل و اكيد زوجك سيرى انك الافضل باخلاقكو الله يعينك على غيرتك على زوجك.
|
انا اقول مافي غير الصمت هي تبي تقهرك بس انتي اعملي حالك مو مهتمة ودايما البسمة ماتفارقك نهائيا حتى لو متي من القهر ولما زوجك يتكلم معك حتى لو سبك ماتزعلي بالعس ضلي احكيلو ولو بتمون ياابو فلان وتبسمي وسمعي كلام حلو حتى امام الاخرين متل عبارك <<جزاك الله خير>><<الله يخليلي اياك>>انا بدونك مابسوى>>ولو قلك ليه ماتساعديهم ماتطبخيلهم وكذا
قوليله ولو عراسي من عيوني هلا بروح اسوي اللي يبونه وهيك شغلات كلام معسول وهدوء واهم شي ابتسامة هادية وواثقة صدقيني هم اللي ينقهرون ويموتون غيظ بعد وهي بتموت كمان لانها بتحس انو مافي نتيجة من اللي بتسويه المهم انتي ماتملي وماتخليها تنتصر عليكي خليكي صبورة لابعد الحدود حتى لو انفجرتي من الداخل لكن بالخارج كوني هادية وواثقة والاهم ابتسامتك |
انا اقول .. لو تكلميه بالموضوع الي مضايقك وماتخلي شي ف قلبك
واذا حاول يتهرب منك ، او مايبي يكلمك على قولتك وعصبي .. اتركيه على مزاجه خلي يطيح الي براسه كله .. وتشوفي اخرتها معآه لأن .. لو عطيته اكبر قدر من الآهتمآم وهو يسوي هالحركآت اظن ماراح يهتم لك وآنتي بامكانك ، تكلمي زوجه آخوه ... عن اللي قاعده تسويه واذا اطالت السآلفه روحي ... لآخوه وكلميه بنفسك ، لان موضوع مثل كذا ماينسكت ووممكن يتطول لعلاقات ..! محُرمه هذآ رآيي .. وآلله ولي ولك التوفيق |
ابي افهم شى
اشلون تطلع بكامل زينتها قدام زوجك !! وهل زوحها يدري عن هالشى وكيف زوجك ساكت وهل عندكم الاختلاط امر عادي ياليت توضحيلي اكثر |
الخطأ الأساسي سكنكم مع بعض
الحمو الموت مهما عملت و حاولت مع زوجك و سلفتك لن تنفع لأنه ابليس شااااطر الحل بفصل السكن اطلبي من زوجك سكن مستقل ان كان بمقدوره يسكنك ببيت منفصل فهذا أفضل الحلول و ان لم يستطع حاولي مع زوجك بالموعظة الحسنة و ما تقصري معه من زينة ، و عناية بالمنزل و الطبخ و كل شي و لما تشوفي انه غيران خوفيه من الله و اطلبي منه ان يغض بصره |
| الساعة الآن 02:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©