|
فائدة الصبار للشعر اللي تعرف ياليت تفيدني
السلام عليكم اخواتي العزيزات
جارتي الله يجزاها الخير اعطتي زجاجة فيها عصارة الصبار (اختها عندها شجرة بالبيت فا استخرجت العصارة بنفسها و ارسلتها) يعني صبار طبيعي مية بالمية .. سؤالي .. دايما اسمع انه الصبار مفيد للشعر و البشرة حد تعرف ايش هي الافادة بالضبط بالنسبة للشعر ؟؟ يعني يكثفه و لا يطوله ولا ايش ؟ و برضو فايدته على البشرة بالضبط ؟؟ و طريقة استخدامه ؟؟ هل احطه زي ماهي على شعري و لا اخلطه بزيوت ؟؟ احطه و اغسله بعد ساعات و لا استخدمه كا دهن عاااااادي ؟؟؟؟ ياليت تعطووني معلومات كااافية .. و لكم جزيل الشكر |
هلا نورة
ليتني أعرف كان أفدتكِ لكن أولا و أخيرا يمدحونه مرة للشعر موفقة و إن شاء الله يخليلكِ شعركِ زي ما تبغين اسمعي إذا جاب نتيجة معك خليها ترسلي غرشة يمكن ينفعني |
الصبار روووووووووعة للشعر انا والله لو أعرف مكان فيه زرعة صبار كان جبته اخلطي كمية صغيرة منه مع الزيت اللي تفضليه واخلطيه بالخلاط عشان هو لزج شوي وحطيه على شعرك فترة معينة وغسلي شعرك رح يصير ناعم غير رح ينبت لك شعر جديد |
الأخت روحي مجروحة شرحت طريقة إسستعماله
يقولون أنه ييقوي ويرطب الشعر ،أنا جربته ولكن لم أداوم عليه :d |
جداوية .. ياهلا فيك حبيبتي ..ز ولا يهمك كفاية مرورك .. جبرتي خاطري :)
الله يبارك ببنتوتك يارب اسمع فوايده عشان كدا متحمسة .. بس حابة اسمع من وحدة مجربة .. على العموم حاليا مدوامة على الحنا بخلطها مع كم شي .. و صراحة شعري اتغيييييير و طبعا مدااومة عليها لاني فعلا هلكته بكثر الصبغات و سحب اللون و المكواة و حاليا الحناء عاملة عمايلها و ان شاء الله مداومة و بضيف الصبار و بقولك عالنتيجة وولايهمك برسلك شجرة كاملة مو بس غرشة :) روحي مجروحة .. ربي يبعد عنك كل جرح حبيبتي اللي عندي معصور جاهز .. و شريت زيت خروع و اول ما يوصل بنبدأ الخلطة :) الف شكر غاليتي و على فكرة ممكن تلاقيه عند اي محلات تبيع شتلات و نبتات .. يمكم في السوبرماركتات الكبيرة .. يبيعوا شتلات صبار صغيرة .. اشتريها و استخدميها .. جي ام .. تسلمي حبيبة قلبي ربي يحزاك الخير و يفرحك بالحمل السليم المعافى ليش الكسل يابنت .. كنتي داومتي عليه عشان تفيديني :) تسلمي عالمرور |
نورا حبيبت ئلبي ازيك يا بنت و ازاي كرشتك:d ما قلتيلنا ولد و لا بنت ولا تحبو المفاجآت ;) زمان ما سلمت عليكي,, وحشتيني :) ما عندي اي معلومات عن الصبار بس حبيت اوضح لك نقطه انك حاليا حامل و شعرك متأثر بالهرمونات فأي خلطه راح تستعمليه ما اعتقد راح يعطيكي نفس النتيجه بعد الولاده و يعني شفتي الوحده لما تكون حامل كيف شعرها يطول و يقوى و يحلو وبعد الولاده كلللللله يروح في خبر كان فكنت راح انصحك تسيبي شعرك على طبيعته الحين و بعد الولاده جربي خلطات انواع و اشكال على كيفك الا يا نورا اشوفك دائما تتكلمي عن الحنه.. بالله قوليلي فوائدها و كيف تستعمليه و مع ايش تخلطيه اتذكر جدتي (يمنيه) كانت كل جمعه تصبغ شعرها بالحنه و تخلط بودرة الحنه مع موية الشاي الأحمر و شوية زيت زيتون و ما شاء الله تبارك الله الحين عمرها 87 و شعرها و اصل الركبه و خصلاته قويه و كانت دائما تقول لأمي و لنا لو الحنه كان يتاكل كنت اكلته كل يوم مع التمر :d الله يذكرها بالخير وحشتني جدتي حبيبتي |
نوران معروف الصبار للشعر
اذكر صديقتي تقول اقطع جزء من الصبار وافرك فيه راسي يقووي الجذوور مرره بس احس زيت الخروح ثقيل عليه اذا بتخلطينه معه وهو اساسا لزج جربي جوز الهند خفيف وحلو بمناسبه السؤال عن الشعر محد يعرف شي يطول الشعر <<<<لاعبه بشعري لعببببب :) |
ياااهلا هلا بتوامي الالكترونية :) و الله فرحتيني طلع في بينا عرق مشترك :)
الحمدلله رب العالمين كل شي تمام و كرشي في ازدياد :) بس وزني في نقصان الله اعلم عن السبب :( المهم ياستي شوفي بالنسبة لهرمونات الحمل صح معاك حق .. بس انا اصلا بديت بالحنة قبل الحمل باسابيع و شفت نتيجته يعني متاااكده انه الحنة سوت شي ... بالنسبة للحنة شوفي ياقمر .. في ناس تناسبهم و في ناس لا انا من الناس اللي كنت اظن انها ما تناسبني لانه امي كانت تسويها و يطلع شعرها روووعة و تجري بعدي عشان اسويها و انا ما ارضى لاني جربتها مرة نشف شعري بعدها فا حرمت لكن لما رجعت استخدمها بانتظام و اعمل زيت لشعري بعدها .. اشوف انها ناسبتني جددا .. اعطت لووون حلو لشعري و رطوبة و لمعان و كثافة .. حتى الشعرة نفسها اول كنت اشوفها متعرجة و فيها شي عجيب .. اماكن غليطة و اماكن خفيفة (من كثر الاستشوار و الصبغ الخ لالخ ) و كان داايم التقصف .. اقصه .. مايمر اسبوعين الا و القى الجذور مقققصصفة من جديد مع الحنة اشوف الشعرة صارت انعم مافيها تكتلات و اماكن غليظة .ز صارت مستوى واحد :) و اقوى و انعم .. و تصدقي والله العظيم يا لوف لي شهوور ما عاد استخدم المكواة الا نااااااادرا اول كنت اغسله .. ماتمر دقايق الا وهو نااااشف جدا جدا و ينففش تقولي افرو :) الحين بعد الحنة .. يقعد مبلول زي العالم و الناس .. و لما ينشف ما يننفش ابدا بالعكس صرت اغسله و المه ذيل الحصان و بعدين احط عليه منديل و لما اشيل المنديل يكون متشكل و شكله روووعة ما يحتاج اسوي له اي شي.. ايش كمان ... امم .. صح كمان القشرة .. اول كنت انا و القشرة حرررب . الحين اختتتفت هذه فوايد الحنة عليا ... و على فكرة هذه كلها الفوايد و انا باستخدمها بالشهر مرة بس من كسلي و لا امي بتسويها داييييييييما تقريبا كل اسبوع او اسبوعين.. فعلا فوايدها كثييرة خلطتي هي التالية : الحنة اولا بشتريها اصلي .. بيرسلوا لي الحنة الحضرمية الاصلية :) و بخلطها بالشاي الاحمر زي جدتك .. بتعطي لون حلو جدا و بضيف عليها ملعقة زبادي و بيضة و شوية خل و ليمون و زيت زيتون بكثر منه عشان ما احس بالجفاف ممكن طبعا تشيلي اي مكون اذا حاسة انه ما يناسبك .. بس عن نفسي مناسبين لي .. و حاليا باضيف عليه الصبار :) و نشوف النتيجة .. بعجنه و اخليه يتخمر كثثثثثييير .. احيانا بخليه يوم كامل مثلا الحين عجنته و بكرة ناوية اسويه بااذن الله .. و بخليه ساعتين و لا 3 و اغسله .. وتمتعي بشعر ينبض بالحيوية :) على ذكر اكله :) .. ذكرتيني باختي .. مرة كانت تعجن امي حنة و انا اشارط اختي قلت له لو اكلتي ملعقة ملياااااااانة بعطيك خمسة :) قالت اوكي .. مسكت الملعقة و ملتها حنة و بلعتها اتخييييييلي :) فا اكتشفنا انه كمان من فوايدة انه مسهل للبطن :) ياارب اكوون افدتتتتك يا بطة .. و صدقي كلام جدتك و امك ربي يطول بعمرهم |
انفااس
نوورتي ياقمر... اللي عندي معصور اصلا .. خلاص قررت مرة بحطه مع الحنة و مرة بفركه لحاله على الفروة:) ازيت الخروع صح ثقيل بس من كثر ما سمعت عن فواايده في التطويل و التكثيف قلت اجربه اما حوز الهند بكككككرره ريحته نوورتي ياعسل و انتي كمان جربي الخروع للتطويل :) |
اقتباس:
ما شاء الله تجربتك شجعتني اجرب الحنه مع انه ما عندي الأصلي اللي ذكرتيه بس بحاول ادور عند دكاكين الهنود لأنه هم كمان ما يستغنوا عن الحنه موفقه حبيبتي والله يسهلك ولادتك ان شاء الله و تقومي بالسلامه |
لاا ا لا لا لا يا لوووف لا تجربي محلات الهنود لانه عادة يخلطوها مع شي ثاني مادري ايش هو
بس ماهي زي حنتنا ابدا اذا عندك حد من اقارب الوالدة يرسلك كان بها ... او اذا نزلتي السعودية اشتري على الاقل تكون مضموونة انها طبيعية .. الا على ذكر الوزن .. بحملي الاول وزنت قبل الولادة و كنت 75 . بكييييت بكاء مرير و الحين بحملي هذا ماشاء الله صايرة بالسادس ووزني 56 و انا جوعانة و 57 و انا شبعانة :) فا ان شاء الله خير ولو انهم يخوفوني.. المهم زي ماقلت لك لاا تاخذي الحنة من محلات الهنود خااصة في الغرب .. مرة اخذت من عندهم دابر املا اللي المفروض يكون اصلي لانه هندي و طلع مضرووب و طيح شعري |
حبيبتي نورة..
ذكرتيني بالحنة .. كنا أصحاب أيام زمان بس افترقنا بعد ما تعرفت على الصبغة ;) أمي الله يرحمها كانت تخلط الحنة بالزبادي والبيض وزيت الزيتون والشاي .. وانا خذت عنها نفس الطريقة .. بس العرق المصري كان يطق عندي مرات فأحط كركديه بدل الشاي ;) .. مع العلم اني ما أحب طعمه بس قلت أستفيد من لونه على الأقل :d المهم بدت الوالدة الله يرحمها في فترة تحط الصبار .. وهي كان شعرها خفيف وظل خفيف مثل ما هو .. فأعتقد أن الصبار ما يكثف الشعر. بس باقترح عليج شي ثاني إذا عندج استعداد تجربين. الجرجير .. ممتااااااز. استخدمته فترة ولأول مرة شعري يطول أكثر عن المعتاد .. وغلظ بس مب وايد. وريحته مقدور عليها نوعاً ما. وشي ثاني .. الثوم. تجربتي طبعاً كانت قبل الزواج .. ولا أجرؤ على إعادتها الآن طبعاً ;) |
نورا حبيبتي وحشتيني الله يقومك بالسلامه يرب
ماعليكي من كلام احد وزنك زاد ولا نقص اهم شئ انك بصحهو عافيه والحمدلله حمستيني عالحنه ولو اني ما احب ريحتها :( بس خليتيني افكر كانك بتوصفي شعري قبل ما تداومي عالحنه طمنيني كيف ريحتها ؟؟؟ :( والجرجير سمعت عنه انه كويس بس كيف طريقته ؟؟ |
اقتباس:
اقتباس:
لاا لا لا ايش الثوم .. بنت عمي كانت تسويه عشان القشرة .. و تحطه يومين بشعرها اتصوري .. كانت زي المبيد الحشري المتحرك .. قتلت كل حشرات البيت :) يسلموووو حبيبتي على المرور .. و ان شاء الله زي ماقلت لك اذا نزلنا الوطن جربنا الجرجير . دعوواتك بشعر صحي و يهفهف |
اقتباس:
اقتباس:
مثل ما ذكرت.. مو بشعة بس قوية شوي .. و رغم اني احط خل و بيضة . بس ما تطلع لهم ريحة ابدا و ريحة الحنا هي الموجودة .. بس مع تبخير الشعر تروووح .. بالعكس احس انه وجود ريحة حنة بالشعر تخلي البخور يمسك فيه .. اصلا تدري عندنا اللي تحب ريحة البخور تمسك بجسمها .. تخلط حنة مع ماي و تسويه بجسمها و بعدين تغسله وو تتبخر .. على طول تمسك الريييحة و ماتروح بسرعة ,... الجرجير كثير سمعت عن فوايده و اكدت لي مهرة .. و طريقته مرة سمعت انه يخلط بالعصارة و يستخدم اما لحاله او مضاف اليه اي شي .. بس ياليت حد ياكد لنا اذا كانت هذه هي الطريقة الصحيحة و لا لا ؟؟ نووورتي ياغالية .. و لا عاد تقطعينا |
نوره حمستيني علحنه
ان شاء الله على اجازه الhalf term اسوي الخلطه اكون ضامنه انه ما عندي توصيلات و اعد لها اعداد نفسي و زمني يليق بلمناسبه الله يقومك بلسلامه انا لو منك على هلوزن اكثر من الشوكولاته و الحلويات |
الغاليات نورة وأم مودي..
طريقتي في استخدام الجرير كانت اني أحط ربطة جرير في الخلاط وأحط معاها مجموعة زيوت حسب مزاجي وحسب المتوفر (زيت خروع ـ زيت الزيتون ـ زيت جوز الهند .. زيت السمسم .. زيت اللوز .. وأحياناً أحط حبة البركة نفسها) وأخلطهم كلهم في الخلاط .. بعدين احطهم في قنينة .. حلوة قنينة :d .. واخليها في الثلاجة .. وقبل الاستخدام اطلعها من الثلاجة قبلها بفترة لأن الخلطة بتكون شوي متماسكة .. واحط الكمية اللي يحتاجها شعري وارجع الباقي في الثلاجة. كنت أخلي الخلطة على شعري تقريباً ساعة أو ساعتين .. بس أحياناً أخليها أكثر لو ما وراي شي .. وكنت أستخدمها مرة واحدة أسبوعياً. |
لا لا لا ام مووودي هنا , .. وين الغيبة حبيبتي .. يارب المانع خييير .. و يارب تكوني و اولادك و اسرتك بصحة و عافية ..... كثري لي من دعوة ربي يقومني بلسلامة .. خااااايفة
الله يسعدك حبيبتي فرحتيني :d واله الحمدلله بخير اشهد الله انكم دايما ببالي بس لاني نقلت بلد تانيه وبادرس يادوب الاقي وقت :27: انتي طمنيني عنك واحوالك ...في وحد ضايعه من المنتدى :30: زوجة احمد احد شافها :11:؟؟؟ صح ريحتها قوية شوية بس مش وحشة .. مستحملة يعني طيب انتي مستحمله بس زوجك ولو حابة اوصف لك زيادة مستعدة بس خلي الطابق مستور .. فعلا حالته كانت يرثى لها لا تشكيلي ابكيلك و الحمدلله خلال شهور لمست فرق . و طبعا لازم المداومة و انا مقتنعة انه لعب 6 سنوات بشعري ماراح ينصلح ب 6 شهور و انما مختاح على الاقل سنة او سنتين .. فا يارب اقدر اكمل بعد الولادة و ما اكسل مع البيبي.. و ان شاء الله بوافيكم بالتطورات بس اروح لجده الاسبوع الجاي باذن الله اجيبها وابدا باذن الله ..الله يقومك بالسلامه ويعطيكي الصحه والعافيه يرب كلها فتره وتشوفي البيبي بحضنك ان شاء الله اقتباس:
حبيبتي ما اقدر ابعد عنكم حتى لو انشغلت بارجع وادخل ثاني مافي فكه مني :29: الله يشغلنا بطاعته بس باذن الله ماراح اقطع |
اقتباس:
الله يسعدك حبيبتي انتي وقنينتك شكرا عالوصفه :11: |
ام مودي .. تسلمي لي ياارب عالدعوات الحلوة
شوفي الريحة زي ماقلت لك .. اول ما تغسلي شعرك .. تشميها ريحة حنا:) على فكرة انا بغسل الحنا بالماء فقط .. عشان الللون ما يروح و يمسك و بعد يومين بغسله بالشامبو و اللذي منه الريحة ريحة حنا مش شي بشع و مع البخور و العطور بترووح و زوجي ابدا ماعلق او شمها .. الا مرة وحدة فقط .. اتذكر غسلت شعري و طلعت و ماسويت له لا عطر و لا شي و زوجي شم شعري قالي سويتي حنة .. رديت ايوة .. سكت .. قلت له الريحة مش حلوة ؟؟ قال لا ريحة حنة عاادي .. ماحسيته تضايق .. لانه ريحتها عاادية و متعودين عليها مو بالشي البشع المقرف و زي ما ذكرت مع اللعطر و البخور تختفي و على فكرة برضو لاحظت انه على كثر الاستخدام تخف يعني اول مرة سويت حنة حسيت ريحتها قوية .. بس الان لا .. ماعاد الريحة تمسك كثير زي اول يمكن شعري اتعودي عليها :) |
اقتباس:
لا الغالية .. أخليها مثل ما هي. |
| الساعة الآن 06:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©