|
لو كان عندك المصباح السحري وخرج منه .....
اخواني واخواتي الاعزاء ... حبيت اليوم أشارك بهذا الموضوع البسيط .. وان شاء الله يعجبكم .. الله يسلمكم .. البارحه كنت قاعدة مع زوجي .. واولادي يحكون لنا قصة علاء الدين والمصباح السحري .. بعدها قال واحد من اولادي اذا كان عندي المصباح بطلب دراجه .. والثاني قال بطلب بيت من الشوكولاته .. المهم زادت الطلبات وكلها خياليه .. :) بعدها طلعوا يلعبون .. وإلتفت لزوجي وشفته سرحان .. سألته : خير يا الغالي شو اللي شاغل تفكيرك ؟ قال : أبي أسألك سؤال .. وأبيك تكونين صريحه معاي ... قلت : طبعا .. اتفضل .. إسأل .. قال : لو كان عندك المصباح السحري .. ومسحتيه .. وطلعت منه أنــا .. شو بتطلبين مني .. أحققه لك ؟ تفاجأت من السؤال .. بس حسيت انه يبي يعرف شو الشيء اللي قاصرني منه .. بصراحه فكرت وفكرت وفكرت .. وما لقيت شيء أطلبه منه ... وقلت له : والله ما اعرف شو اطلب .. باختصار مو مقصر علي في شيء يا حياتي .. وقعد يصر علي وااايد .. إلا أطلب شيء ... فطلبت إنه يظل يحبني جذي على طول .. بعدها انا اللي سألته نفس السؤال ... والحمد لله كانت نفس الاجابه .. بس قال لي : أطلب منك أمانه إذا كنتِ متضايقه من شيء فضفضي لي ولا تكتمين ... لان موت اخوي الله يرحمه لين الحين مأثر فيني .. وفراقه كسرني من الداخل .. واحيانا زوجي يلاحظ هالشيء بس ما افضفض .. اخاف اضعف امامه وامام اخواني فبالتالي هم يضعفون .. فحبيت اشارككم هذا الحديث اللي دار بيننا .. علشان نتناقش ونساعد بعض في تحقيق لو جزء بسيط من أمنياتكم يمكن أي أخ او أخت يلقى او تلقى طريقه يخلي زوجته او تخلي زوجها يحقق اللي تبيه او يبيه .. وممكن كل اخ يطرح هذا السؤال على زوجته ... او كل اخت تطرح هذا السؤال على زوجها .. لمعرفة التقصير او امنية الطرف الآخر ومحاولة تحقيق ولو جزء منها .. فالســؤال : لو كان عندكِ المصبــاح السحــري .. ومسحتـيه .. وخرج لكِ زوجك .. علشان يحقق لكِ أمنياتكِ شو الشيء اللي بتطلبينه منه ؟ لو كان عندك المصبــاح السحــري .. ومسحتـه .. وخرجت لك زوجتك .. علشان تحقق لك أمنياتك شو الشيء اللي بتطلبه منهـا ؟ اتمنى من الجميع المشاركه .. وان شاء الله نستفيد كلنا من الموضوع .. ربي يسعدكم ويهنيكم .. |
موضوع رائع
صراحه انا زيك راح اطلب من زوجي يحبني طوووووووووووووول العمر ربي يسعدك :) مشكوره ع الطرح |
الله موضوعك دخلني بعالم الخيال
بطلب ياحبيبتي من زوجي انه يحبني ويهتم فيني ويسعدني العمر كله وبطلب نونو |
الله يسعدك يا لمني بشوق
الموضوع جا بوقته لو طلع لي زوجي باطلب منه التأني والروية اليوم صارلي موقف معاه كدر خاطري من صباح الله خير من امس واحنا في مشكلة مالية من بنك في الكويت المهم هو تصرف وحلها ومن صباح الله خير قبل لا اغسل ويهي يالله يا موهبة قومي وشوفي النت تاكدي صار اللي نبيه والا لا وماصار واخذ وعطاه مع خدمة الهاتف لين ما انقطع الخط - خلص الرصيد- وراح وشرا رصيد وهم بعد ماصار الملخص ان من صباح الله خير اخذني بشراع ومجداف ويالله ويالله وانا يادوب فاتحة عيني عكر علي مزاجي باطلب منه ان ما يستعجل بامور الله يسعدج يا حبيبتي |
مو خيال الموضوع ودي أعيش هنا معاكم في المنتدى نفسي ومنى عيني أعيش أنا وزوجي لوحدنا يومين بس يدللني ويحسسني بحبه وحنانه اللي فاقدته اللحين الله يرجعه بالسلامة ادعولي الله يسخر لي زوجي ويرجعه بالسلامة يارب اللهم امين بالله كل اللي يدخل يدعي لي |
مواضيعك دائما مميزة الله يخليلك زوجك ويحفضكم من كل شر.اتمنى من زوجي انو يحبني ويحترمني ونعيش مع بعض نكبر سويا بحلو الحياة ومرها.ويارب يعيش كل زوجين بسعادة وهناء.
|
السلام عليكم ورحمة الله
اولا يا اختي انا تعجبني شخصيتك جدا وربنا يحميك انتي وزوجك واطفالك من كل شر يا رب امين وثانيا لو خرجت زوجي من الفانوس السحري ساطلب منه اي يبقى معي دائما كما هو بحنانه بصدق مشاعره وان يترك النوم كثيرا وان اضل في عيينيه دائما عروسة وصغنونة هههههههه تحياتي لك حبيبتي . |
ماشاء الله كالعادة مواضيعك رائعة مثلك
لو خرج لي حبيبي الغالي كنت ساطلب ان يبقى كمان هو يمعاملته وطيبته معي ويهتم على نفسه يعني لا يفضل شي على صحته ونفسيته جزاك الله خير |
اقتباس:
والله يسعدك |
اقتباس:
حبيبتي يا صابره .. مشكوووره الغاليه على المشاركه .. والله يفرج همك ويسعدك مع زوجك ويرزقك الذرية الصالحه اللي تملي عليكم حياتكم يارب ... ربي يحفظك |
اقتباس:
أموره بتأني وتمهل .. بالتدريج والتذكير بإذن الله بينصلح الحال ان شاء الله تتحقق أمنيتج حبيبتي .. مشكووووره على المشاركه الحلوووه .. وربي يسعدج ويهنيج .. |
اقتباس:
الله يرجع زوجك بالسلامة ويجمعكم مع بعض يارب .. وان شاء الله تتحقق امنيتك وتقضون أوقات حلووه مع بعض .. مشكوووره حبيبتي على المشاركه .. والله يسعدك ويهنيك .. |
لو كان عندكِ المصبــاح السحــري .. ومسحتـيه .. وخرج لكِ زوجك .. علشان يحقق لكِ أمنياتكِ
شو الشيء اللي بتطلبينه منه ؟ اتمنى اعرف موقعي من الاعراب داخل قلبه امنية حياتي اعرف مشاعره تجاهي |
مشكورة اختي لمني بالشوق موضوع جميللللللل و هادف
انا بطلب من خطيبي ان شاء الله بعد ما نتزوج انه ما يسافر كثير و يتركني لاني بجد محتاجه له و اشتاقله حييييييييييل و انو يظل جنبي و يعطيني من حبه و حنانه الي ما يخلص ابدا و انو يربي اولادنا في المستقبل ان شاء الله يكونون مثله في طيبته و حنانه . |
... بطلب منها ان تثق في حبي لها وما تشكك فيه
|
اولا: جزاك الله خيرا علي مواضيك الرائعه كما عودتينا دائما
ثانيا :اسال الله ان يرحم اخوك رحمة واسعه وان يجبر خاطرك حبيبتي بالنسبه للسؤال لو طلع لي حبيبي هطلب منه انه يبقي دائما علي حبه لي ومراعاة شعوري اسال الله ان يحفظة لي |
ما شاء الله لا قوة الا بالله ..ربي يديم عليكم المحبة وهداة البال
سأطلب أن يظهر احترامه لي وتقديره لدوري بحياته كما أقدره وأحترمه ولا يكفيني أن يقدرني بداخله << طماعة أنا :) موضوع حلو يا لمني الحلوه :) بس وينه هذا المصباح ؟؟؟ احجزيلي منه نسخة هههههههه |
الحمد لله اي شي اتمناه املكه
الا عائلتي لاني في الغربة اتمنى ان يجمع الله شملي بعائلتي |
مواضيع كتير حلوة
الله يديم عليكم نعمه اخ لو يطلعلي هالفانوس ما ارح اخلي شيء وما اطلبه و اهم شغله انو يساعدني شوي بالبيت و الاولاد رامي كل الحمل علي تعبببببببببببببت |
اقتباس:
|
اقتباس:
منه .. ان شاء الله تنجح الفكره .. مشكوووره حبوبه على المشاركة .. والله يحفظك ويسعدك ويهنيك |
اقتباس:
مشكوووره على المشاركة حبوبه .. وربي يسعدك ويفرج همك ويرزقك كل خير .. |
تسمحي لي أجاوب؟ باطلب منه شي واحد: يحافظ على صلاته في المسجد "وهو على هذا الطريق إن شاء الله" الله يحفظه لي طيب وحنون ويرزقنا الذرية الصالحة يارب أشكرك أختي "لمني بشوق" الغالية |
اقتباس:
هلا حبيبتي .. طيب تقربي من زوجك واسأليه بطريقة حلوووه عن مشاعره تجاهك .. ومكانه في قلبك .. مشكوووره على المشاركة يالغاليه .. والله يحقق امنيتك .. ويسعدك ويهنيك يارب .. نورتي :) |
اقتباس:
ياااارب .. وترا بإيدك تخلين زوجك يحب الجلوس معاك ويحبك ويشتاق لك ... نورتي يالغاليه .. :) |
اقتباس:
حبك وما بتشك فيك ... والله يحقق امنيتك ... ويسعدك ويوفقك .. |
اقتباس:
ويهنيك يااارب .. نورتي يا حلوووووه ..:) |
اقتباس:
لزوجها ... بشرط اختيار الاسلوب الصح والتوقيت الصح ... مشكوووره يالغاليه على مشاركتك الحلوووه مثلك .. والله يسعدك .. ويحقق امنيتك .. ويوفقك دنيا وآخره .. |
اقتباس:
|
اقتباس:
لا تترددين بأي شيء تريدينه من زوجك .. وان شاء الله يستمع لك ... الله يحقق امنيتك يالغاليه .. ويسعدك ويوفقك .. نورتي يالغاليه ..:) |
اقتباس:
لك زوجك ويرزقك الذرية الصالحه يااااارب ... نورتي حبوبه :) |
عليكم السلام والرحمه،،
باطلب منه يبقى مثل ماهو وبعد يقول لي كل شي فخاطره من غير مااساله .. لمني الله يديم عليكم يارب وان شاء الله يبقى لك زوجك مثل ماتبين واكثر ،، موفقه . |
اقتباس:
|
لوكان عندي المصباح السحري كان طلبت من زوجي ان يهتم بالامور اللي تهمني ويحسسني اني شريكة حياته في كل شي واني الاقيه جنبي وقت مااكون بامس الحاجه لوجوده
الله يسعدك اختي لمني بشوق ويديم السعاده عليك |
مشكوره على الموضوع الحلوه
بطلب منه ان يرجع العلاقه مع اهلي |
اشكرك على الموضوع المميز
انا بطلب منه يحبني زي ما هو وما يبعد عني ابدا الله يحفظه ويحميه ليا |
| الساعة الآن 11:42 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©