|
زوجك قالك انه في وحده معجبه فيني!
السلام عليكم امس لما رجع زوجي من صلاة الجمعه و الخطبه كان فرحان و مستانس و يغازل و حركات و و و و بعدين حضني و باسني و قالي اني احبك بشكل ما تتصوري اكثر من نفسي و انت احسن زوجه بالعالم و انت اعطيتيني اجمل هدية عمري و هي عيالنا و انت اصيله و جميله و و و :o طبعا انا كنت مبسوطه بالكلام و بالمقابل كنت اقوله نفس الكلام او يمكن زياده حبتين :d المهم بعد كل المقدمات هذه قالي انه صديقه ( مش صديق مقرب انما بس يشوفه من فتره لفتره ما يعرف عنه شي ثاني غير اسمه) قاله انه في وحده معجبه فيك و تسأل عنك و طلبت مني اعطيها رقمك بس انا قلتلها انك متزوج و عندك عيال و البنت قالت عادي مش مشكله ابغى اتعرف عليه و نيتي سليمه و بعدين صديقه قالها خليني اسأله اول شي و اذا موافق يعطيكي رقمه و هي قالت طيب مستنيه ردك زوجي قالي انه ما صدقه و اعتقد انه يمزح معه و مقلب و كدا المهم صديقه حلف انه صادق و انها ماهي مزحه و سأل زوجي ايش رايك اعطيها و لا بلاش زوجي عصب عليه و قاله انت تعرف اني متزوج و عندي عيال و احب زوجتي صديقه قاله انا عارف كل هذا بس البنت ما تبغى تستسلم و دائما تسألني عنك و قلتلها انك متزوج و محترم و مش راعي الحركات هذه بس امنتني و حلفتني اني اسألك و ارجعلها ردك بالموضوع زوجي قاله خلاص عرفت ردي و قولها تحترم نفسها و حدودها من غير ما حتى يسأل عنها و من تكون و كدا زوجي يقولي الكلام هذا و هو مبسوط و فرحان انه في معجبات و انا اغلي نار من الغيره :19: و قالي عيوني ما تشوف غيرك و قلبي عمره ما راح يحب غيرك و كلام كثير عشان يسكتني و يهديني انا عصبت على صديقه العله الحقير و قلت كيف اتجرأ اساسا انه يجي و يقولك شي مثل كده و سألته ايش اسمه و من يكون و مين البنت الواطيه هذه كمان :16: قالي الحين هذي جزاتي اني قلتلك عن اللي صار و كنت واثق انك راح تتفهمي و انك راح تكوني فخوره فيني لأني وقفتهم عند حدهم.. كان احسنلي ما قلتلك شي و خليته سر لنفسي هديت شوي و قلتله انا واثقه فيك 100% بس اللي عصبني صديقك هذا.. و انا و الله اعرفك و اعرف اخلاقك و واثقه فيك اثر من نفسي حلفته يقولي من يكون صديقه هذا و الا راح ازعل منه و زعلي مو سهل و هو يعرف الشي هذا (اتقي شر الحليم اذا غضب:29:) و قالي عنه و من يكون و انه عزابي مش متزوج , قلتله طيب ليش ما اخذ البنت لنفسه صح انه غبي و كرهته من قلبي و ما اطيقه :( قلت لزوجي مشكور على صراحتك و انت كبرت بعيني اكثر و سألته لو نفس الشي صار معي تبغاني اقولك زي ما قلتلي طالع فيني كده :eek: و اتلخبط بالكلام و قالي اساسا ما يصير لأنك متزوجه و الرجال غير عن الحرمه ضحكت من قلبي لأني شفت الغيره بعيونه و قلتله صح بس اولاد الحرام كثار و هما ما يخافون الله و لا هامهم متزوجه و لا لأ و رجعت سألته تبغاني اقولك ولا كيف طالع فيني بقوه و قالي هذا ما يبغاله كلام و الله لأذبحه و اقطعه هذا اساسا حقير و ما يستاهل يعيش :22: :d :17: مع انه ما رد على سؤالي الا انه كان كفايه ردة فعله :14: انتهى الموضوع على كذا بس الموضوع ما طلع من بالي و كنت افكر فيه كثير و الغريب انه كل مواضيع المنتدى اللي يشتكوا من خيانة ازواجهم او اللي تزوجوا عليهم او معاناة الزوجه الأولى و الثانيه و مثلها من المواضيع كلها مرت قدامي و عشت الدور و حسيت بكآبه و احساس اول مره بحياتي احسه احساس صعب اوصفه الله لا يوريكم ان شاء الله تعوذت من الشيطان و استغفرت الله و خلاص مسحت الموضوع و سكرته الحين كل وحده تقول كيف كان راح يكون ردة فعلها و كيف كانت راح تتصرف و اللي سويته انا صح و لا غلط ابغى امنع زوجي من انه يتكلم مع صديقه الحقير هذا ايش رايكم يحقلي و لا لأ و ايش اسوي مع الوساوس اللي بدأت في راسي :( استغفر الله العظيم |
ضحكت من جد من كلام زوجك
بااااااااااااااااين إنها ( قصة محبكة ) و يبغى يقيس غيرتك نفسسسس اللي عمله زوجك معاك ، عملته مع زوجي من قبل :D لا تصدقيه و تحرقي في أعصابك .. قولي له .. بأقطعك إنت و صاحبك و هذيك ، و أحط لحمكم في الكيس و أوزع اللحم للبسسس :p |
انا كمان ما صدقته الا لما حلفلي انه جد و انه كل هذا حصل فعلا عشان كده اعصابي انحرقت :( اقتباس:
بس لا حرام زوجي المسكين ايش ذنبه مشكوره على المرور حبيبتي بس ما قلتيلي كيف كنت ردة فعل زوجك بالمقلب اللي سويتيه : |
بصراحة الموقف لا تحسدين عليه.. وبصراحة لو انا مكانك عادي ما أبين له أني انقهرت..مافي شك أني راح اغلي من الداخل ..
بس راح أبين له إعجابي فيه .. واستحقاري لصاحبه :25: وأول سؤال اساله : هو متزوج ولا لأ؟ إذا مو متزوج اقوله غريبه لهالدرجة يحبك اكثر من نفسه:25: وإذا متزوج اقوله بصراحة يبخت زوجته لانه مرة حريص على الامانة ومو راضي يعطيها شي عنك لمين توافق!!! والبنت مرررة ذوق ماتبي تاخذ رقمك بدون رضاك...:29: لا ومشا الله ملزمة (طيح الله حظها) أوووه أقصد ياحليلها هههههههههههههههه.. انها توصل لك وأنه نيتها شريفة.. ياليت صاحبك يعرفني عليها عشان احوس مريرها ولا عاد ترمي وتبتذل نفسها بالطريقة هذي.. |
ههههههههههههه
انا زوجي جاني وهو متوتر وعطاني جوالة وقال لي في بنت كل تدق عليه وكل شوي من رقم تبي تتعرف عليه اخذت الجوال ودقيت على اخر رقم وعطيتها تهزيئة محترمة وفي النهايه طلع صاحبة مسوي في مقلب وحاط برنامج لتحويل الاصوات بجوالة بس من جد انقهرت ومن يومها وانا ما اسمي صاحبة الا وحاطة تاء التأنيث على اخر اسمة ههههههههه |
عجبتيني يوم قلتي له وشرايك لو يعجب فيني رجل
انتي نسيتيه بنفسه صدقيني زوجك بيحرم يقولك هالكلام لانه بيخاف عليك عجبتيني برافو حبيبتي وزوجك انسان صريح وعنده اخلاق صدقيني لو نيته شى ماعلمك وفي نفس الوقت يمكن يبغى يختبر غيرته ويلفت نظرك عليه ونصيحتي انه يبعد عن صديقه ذا مايصلح له لانه لو فعلا مو حقير كما تفضلتي ماكان علمه وقالها اقلبي وجهك الرجال متزوج او يمكن شى ثاني ان صديقه ذا يبغى يوقعه باي ثمن ماتدرين مكر الرجال بينهم ترى مصيبة اسال الله ان يحفظك انتي وزوجك وبيعد عند اولاد وبنات الحرام |
هههههههههه موقف يقهر من صج
لو انا منج ماراح ابين اني مقهورة بس اقوله : ويعني؟؟ واروح ما اعطيه ردة الفعل اللي يبيها بس من صج شي يقهر |
اقتباس:
و الله لو اعرفها كنتي شفتي ايش سويت فيها :30: و حتى صديقه هذا استني بس خليني اشوفه :16: و انا من النوع الغيوووور و صعب اخبي انفعالي و كأنه ما قال شي :19: الحمدلله اني مسكت اعصابي و وجهت غضبي لصديقه مش له مع انه ما سوى شي الا انه كان صريح مشكوره حبيبتي على المرور |
اقتباس:
هههههه موقف ظريف و مضحك ههههه بس حلوه منك تهزيئك :18: اكيد صحبه ما يجرأ يسوي مقلب لزوجك مره ثانيه :d مشكوره حبيبتي على المرور |
مشاكل والله :)
طنشي اصلا زي ماقالوا الاخوات لو ببالو شي ماكان كلمك الله يكون بالعون تقبلي مروري |
اقتباس:
فعلا موقف صديقه مو داخله براسي ابدا و خاصة انه مش متزوج يعني يحتفظ فيها لنفسه احسن لأنه شكلهم لايقين على بعض الخبيثون للخبيثات<<< اكرهم مشكوره حبيبتي على المرور و لا تخافي اعجبك انا :) |
اقتباس:
و الله ما اقدر اخبي انفعالاتي اذا شي يبكي ابكي و اذا يضحك اضحك و اذا يعصب اعصب يبغالي دوره في ضبط المشاعر و الإنفعالات :( مشكوره حبيبتي على المرور |
اقتباس:
انا مو مشكلتي اذا بباله شي او لا.. انا واثقه فيه و زوجي جدا صريح مثل الكتاب المفتوح انا مشكلتي في الموقف اللي صار و صحبه اللي مش عارفه ايش اسميه اكثر من اللي قلته :( مشكوره على المرور حبيبتي |
اقتباس:
بالتوفيق حياتي |
تصدقين أن البلاء في الصديق , أخاف أنه راعي علاقاات ويبي يزينها في عين زوجك , فحب يجس نبضه بها الحركة , وزوجك ماشاء الله عليها ماعطاه مجال يتماادى الله يثبته ويكثر من أمثااله, الله يهديه أو يصرفه عن زوجك .
تدرين لو اني مكاانك كان أدعي عليه قاايمة قااعدة . |
هههههههههههههههههههه
انتي مثلي لو انا صار ل نفس الموقف كنت عملت زلزال فوق راس صاحب زوجي وراح اعطيه تهزيئة من النوع الممتاز قال معجبة قال هههههههههههه. |
انت بس بهذلي اذا جاب طاري صديقه هذا لانه صاحب سواء وحاولي طفشين اذا جاب بس طاري وحاولي تزعلين من الموضوع قد ماتقدرين حتى اذا كانت استهبل يبطل يسويها ثاني مره ازعل لو يومين عادي عشان مايحرق قلبك ثاني مره والله يوفقك مع بعض ويبعد عنكم عيال وبنات الحراااااااااااااااااااااااااااااام
|
اقتباس:
آآميين و لك بالمثل حبيبتي الله يحميكم و يحفضكم لبعض مشكوره مره ثانيه |
اقتباس:
ههه ادعي عليه مره وحده لا حرام ادعيله الله يهديه احسن لا خلاص ما اعتقد انه زوجي راح يعطيه وجه بعد اللي صار :22: مشكوره على المرور حبيبتي |
اقتباس:
ايه والله قال معجبه هههههه شر البليه ما يضحك مشكوره على المرور حبيبتي |
اقتباس:
لسه دمي يغلي يعني ما اعطاني اي احترام لا و المشكله اننا عزمناه مره عندنا بالبيت و تعبت روحي على الأكل و الحلى و كان مره مبسوط و يمدح فيني و في اكلي و بعدين يجيب عروس لزوجي من وراي :( :29: :18: بس خلاص انا بهدلته كفايه هههه مشكوره على المرور و الدعوه حبيبتي |
تصرفك صح سواء كانت القصة صحيحة او هو مألفها
لانك لو بينتي زعلك كان رح يندم وماعاد يحكيلك اي شي بصير معه انا من يومين كنت بالسيرة وزوجي حبيبي واقف عندي جهتي وفاتحة الشباك منتظر يخلص الاكل من المطعم وكان في جنبنا سيارة وفيها بنات ولا وحدة طلعت ووقفت شوي وبعدين قالت لزوجي هاااي انا استغربت وماكنت متأكدة تكلمه ولالا بعدين قالتله هيي انت يااسمر ياحلو تخيليييييييي انا ماتحملت فتحت شباك زوجي وقلتلها عمى في عينك يا قليله الادب زوجي صار يضحك ويقول شوفي زوجك كيف المعجبات حوليه انا من داخلي بمووووووووووت بس دايما يصير مواقف متل هيك او يجي يقول في وحده قالتلي او سوتلي كذا وانا احسسه اني فخورة فيه انو ماعطاها وجه وقالي ايش صار لاني متاكدة لو سويت العكس عمره مارح يقلي شي بس صراحة شي يقهر احس اني انقهرت لما تذكرت الموضوع :D |
اقتباس:
ايه والله شي يقهر و الله مصيبه ايش صار بالبنات و ين الحياء و الحشمه لا وين عزة النفس و الكرامه ...استغفر الله بس شي ما يتصدق الا ما يصير للشخص نفسه مشكوره على المرور حبيبتي |
صدقي حبيبتي كلام زوجك ممكن يكون صح
بنات هالأيام ماصارو يستحو خلاص يختي انعدم الحيا عندهم انا قبل يومين راكبه القطااار بنت عربيه ومتحجبه تعازل بالولد اللي جنبي عيني عينك الولد وجه احمر وقام من المكان جلس بعيد شوي وانا اراقبهاا راحت وراه وتكلمت معاه وفجأه يضحكووون وسجلت الرقم بجوالهاا وربي انا اغلي من مكااني نفسي اروح اكفخهااا وانا مع كلام احلاهم |
ما أسرع إنفعال النساء !
قولي لزوجك وبكل برود وماذا يعنيني لو أن إمرأة معجبة بك ؟ |
الحمدالله يا أختي إن زوجك إنسان صريح وما يخفي عنك شئ وهاذي ميزه حلوه في بعض الأزواج وأنا أعتبرها رمز للوفاء والإخلاص لزوجته لأن الزو ج الوفي والمخلص لزوجته لايخفي عنها شيئا وكمان إنت زوجه عاقله وفاهمه و تصرفاتك غير متهوره لأن زوجك لوماكان يثق في تفهمك لمثل تلك الأمور ونتيجة ردة فعلك ما كان قال لك شئ
يعني الزوج إذا وجد زوجته إنسانه فاهمه وعاقله وواثقه فيه وفي تصرفاته فهاذا شئ أكيد بيقول لها كل شئ في حياته لاكن إذا كانت متهوره بتصرفاتها و غيوره وشكاكه فمستحيل يقول لها عن مثل تلك الأشياء ليش لأنها ماراح تصبر وراح تحرق الأخضر واليابس و بتحمله كافة المسؤليه حتى لو هو المسكين ماله بالسالفه لاناقة ولاجمل بس وحده من البنات ذ و لي تحركشت فيه وهي نفذت بجلدها والرجل أ كلها من هاذي الزوجه وبعدها الله يعينه على مايجيه . أنا سبق وكان فيه بنت تدق على تلفون بيتنا و كنت مدخله فيه خدمة كاشف الرقم كان لما أنا أ رد عليها ماتتكم تجلس فاتحه الخط بدون ما تتكلم أقول ألو ألو إنشق حلقي وأنا أقول ألو وهي ماترد عليه فأنا شكيت في نفسي قلت يمكن هاذا رجل ومايبغى يتكلم و بيسجل صوتي و قلت لزوجي خذ السماعه رد أنت وأنا رحت مسكت السماعه الثانيه وأسمع زوجي قال بس ألو ويطلع ذاك الصوت تقول إيش ناعم وغنج ومياعه لآخر درجه هلا حبيببي أشلونك زوجي ردعليها من أنت قالت وحده معجبه فيك وتحبك وتموت فيك قال لها زوجي طيب من و ين تعرفيني علشان تحبيني قالت له مو ضروري تعرف أنا أحبك و بس قال لها زوجي يابنت خافي الله في نفسك قالت له أنت خاف الله فيه أنا جالسه أتعذب في حبك وأنت ولاهمك فيه والله ذاك الساع لما أنا سمعت سوالفها كذا بصراحه شكيت في زوجي إنه يعرفها ومن قهري بغيت أشيل التلفون وسماعته وعلى راسه و فين ماوصلت توصل معاه بس قلت يابنت تريضي شوي إن بعض الظن إثم وزوجي قال لها أتقي الله في نفسك وخافي من عذاب الله أنت إللي جالسه تسوينه غلط في غلط و بعدها زوجي سكر الخط بوجهها وشوي إلا و هيه تدق وأنا أرفع السماعه قلت ألو ردت على طول لو سمحتي أعطيني إللي جنبك رديت عليها شقوا جنبك بمشرط قولي آمين ياقليلة الحياء يللي ماعندك ذرة كرامه إنقلعي قلعوا وجهك من مكانه وأقفل الخط بوجهها وأدور الكاشف وأسجل رقمها بورقه خارجيه و بعدها كان عندي إثنين أولاد نايمين بغرفتهم أرو ح أشيلهم وأحطهم جنب بعض عند أبوهم وقلت له قوم توضأ قال خير وش فيه قلت له قوم توضأ و لاتناقش أبد إذا بغيت هاليله تعدي على خير طبعا شاف الدنيا مشعلله قام توضأ و أنا رحت طلعت المصحف و قلت له طالع في أولادك زين ناظرهم أنت الحين عندك ولدين بس وماخلفناهم إلا بعد تعب ثمان سنين وحنا نستناهم والحين أنا الحمدالله عندي قناعه من رب العالمين والله لو يموتوا وأدفنهم بليله هاذي كلهم أحلف بالله ما أذرف دمعه عليهم إذا كنت تبغى تكذب عليه وتحلف يمين كذابه قال خير قلت قرب حط يدك على القرآن وأحلف بالله العظيم وبكتابه الكريم وإن الله يحرمك أولادك وصحتك وماملكت يمينك إن البنت هاذي أتصلت على التلفون إن مالك فيها علاقه ولاتعرفها ولاتدري عنها قال طيب وأخذ المصحف وحلف يمين بأنه مايعرفها ولايدري عنها وأقسم بالله العظيم إنه مايعرف من النساء إلا أنا في حياته وماعمره فكر في أي إمرأه أخرى وآخر شئ قال لي أعاهدك بكتاب الله إن رايح أكون لك الزوج الوفي والمخلص وماراح أفكر بأي إنسانه غيرك في يوم من الأيام وأحلف بالله ماتذوقي الظيم بإذن الله وأنا عايش . طبعا هاذا الموقف صار زمان تقريبا قبل عشر سنوات وبعد ماحلف صدقته وفي اليوم الثاني خذت رقم التلفون حق البنت وأتصلت عليه وسبحان الله دقيت الساعه تقريبا 1الظهر ورد عليه رجل صوته رجال كبير وكان زوجي عندي قلت السلام عليكم رد السلام الرجل وبعدها قلت له ياخوي أنا أتصلت داخلة على الله ثم عليك قال خير يا أختي إن شاء الله قلت له ياخوي تلفو نكم هاذا أزعجنا لا خلا لنا ليل و لانهار نرتاح فيه وتتصل علينا بنت من عندكم مزعجتنا إذا كلمتها أنا ماترد عليه وإذا رد عليها زوجي ترد عليه وتجلس تسولف معاه فيا أخي فكنا شر هالبنت الله يرضى عليك قال أبشري لك عليه ماعاد تدق على رقم بيتكم أبد وبعدها قفلت الخط و أقسم بالله من ساعتها إن رقم تلفونها ماعاد دق علينا أبد والحمدالله أرتحنا من إزعاجها وأنا كان هاذا الموقف أول موقف لي في حياتي مع زوجي وبعد ماحلف لي زوجي صدقته وماعمري دققت عليه بعدها في شئ وواثقه فيه لأبعد الحدود و الحمدالله زوجي صريح جدا معاي وماعمره أخفى عني شئ أبد حتى لوأتصلت عليه إمرأة يرد على جواله وأول مايرد يسمع صوت إ مرأه إذا كان لحاله يقفل الخط و إذا كنت أنا عنده يعطيني الجوال أرد عليها إذا كانت غلطانه تعتذر وتسكر وإذا كانت مدلعه أغسل شراعها وأ كرشها و أقفل الخط وما أرد عليها حتى تبطل تدق مرة ثانيه . أختي أنا أطلت عليك وحبيت اقول لك هاذي السالفه إللي من واقعي و أنا أنصح الحريم إن الوحده لوجاء زوجها وقال لها عن شئ من مثل هالسوالف أول شئ لاتنفعل ولاتعصب عليه و تخليه حتى يكمل سالفته لها و بعدها تبتدي في مدحه و الثناء عليه و إخباره بأنه أهل للثقه و إنه إنسان محترم و يخاف الله و إنها معجبه بتصرفاته وإن ما أخبرها بذلك إلا دليل على حبه لها و إحترامه و تقديره لها و لابأس بإخراج قليل من العتب و الغيره عليه بس بشكل خفيف و غير مؤ ثر حتى يحس إنك تحبينه و تغاري عليه . أسأل الله لك السعادة و التوفيق في حياتك الزوجية . |
بنت الحكمي ، سوالفك تجنننننننن
و تعليقاتك من جد تضحكني مرات :D لوووف أوف لايف إيوة ، مرات أحكي لزوجي بطريقة تشبه طريقة زوجك بس قصص مختلفة و تكون صحيح حصلت بس كانت مزحة مع زميلتي و كذا بس أجيبها لزوجي بطريقة ثانية عشان أشوف يغار و لا لأ و انبسط ؟ في البداية كان يطنشني و ما يهتم أبداااااااااااااا و أبرد ما عنده و انقهر بداخلي بس بعد كذا بديت أحسه من جد ينقهر و انبسط منه ، بس يرد علي .. أصلا واثق فيك أكثر من ثقتي بنفسي .. و صدقيني ، دام إنه حكى لك .. فتطمني من ناحيته :) و قوليله ، صاحبك ( حاسدك ) لإنك مرتاح مع زوجتك و بيخرب عليك ;) و امدحي في زوجك و إنك واثقة فيه و كذا |
أظن الرجل اللي عارف زوجته مو انفعالية ولا راح تسبب مشاكل على الطالعة والنازلة عشان موضوع زي هذا
بيقول لها على طول وهو مبسوط وفرحان مثل حالة زوجك لأنه يبغى يوصلك بطريقة غير مباشرة انه وسيم وحلو ومين قده ممكن يلفت انتباه البنات بسرعة ويمكن بيتحرش في غيرتك شوي طبعا البنت وقحة وصديقه ما عنده سالفه يعني انه مسوي خير لكن الحمد لله زوجك مو حق هذه الخرابيط بإذن الله والدليل قالك عن الموضوع وردة فعله وإذا سكت الصديق خلاص موقف ومر المشكلة لو بيصير زنان رنان ويتكلم في نفس الموضوع أو مواضيع مشابهة لكن إحنا يالحريم هذه السواليف ما ننساها للأبد ونظل حاقدين على مثل هذا الصديق وعلى فكرة مثل هالأصدقاء كثير وإن تغيرت الطريقة والاسلوب عند زوجي زميل في الدوام دايما يقولهم اللي يبغى يتزوج مسيار الله يحييه وقالي عنه وأنا انقهرت قلت له ليش أحد طلب منه الأخ مسوي فيها وجاي يعرض خدماته قهرني زوجي أكثر لين قال يبغى يسوي خير قلت أي خير حسبي الله عليه يروح يسوي دعايه اللي يبغى بيسأل أو يدور من نفسه الله يعين بس انت حاولي تشيلين الوساوس من راسك عشان لا تتنكدين وربي يحفظكم ويديم عليكم الود |
والله ضحكت و انا اقرا الموضوع يا لوف .. تخيلت شكلك لما قالك :)
سبحان الله صار لي موقف مشابه بس على افظع ايام العقد .. مرة و انا رايحة الجامعة الظهر و اجري من باص لباص :) اسمع رنة موبايلي و اشوف مسسج من حبيب القلب ( احبك ) فقط طبعا صاحبتك طااارت من الفرحة و كبر رااسي و اتخيلي قعدت امشي بالشارع مبتسممممة و بالمحاااضرة متنحة :).. طبعا متعودة عالهكلمة منه بس لانه جت بشكل غير متوقع بوقت غير متوقع فرحت فيها المهم اول ماروحت البيت على طول اتصل عليه اقوله ايش المناسبة ( بعد كم كلمة حلوة :) ) و هنا المهم :) قال : : و اللكلام على لسانه اليوم كنت رايح بسيارة الاسعاف (كان لساته يطبق) و اسعفنا شاب (اوروبي طبعا) و كانت معاه صاحبته .. طلعنا الثلاثة بالسيارة و عملت له اللازم .. و انا بالطريق اشوف البنت مطنشة صاحبها المغمى عليه و قاعدة تسوي حركات هبلة بشفايفها و بملامح وجهه .. مفهوم معناها :(.. و انا عملت نفسي مو منتبه و اشغلت نفسي مع المريض المهم و هي نازلة من سيارة الاسعاف اعطته رقمها و مشت .. اتصوووووووررري شعوري هذيك الساعة .. وحدة تطلب من زوجك علاقة عيني عينك :) ليلة عاابرة سكتت ماعلقت .. بس هو استدرك (حلوة اسستدرك :) ) ,, المهم قالي هذيك الساعة على طول جت صورتك قدامي و ارسلت لك المسج مسكت اعصابي و مانرفزت .. و للحين اي موقف ينرفز احاول امسك نفسي .. عشان اضمن انه يحكي لي موقفك حلللو .. و اهم شي المحافظة على الهدوء . مع زيادة كم المديح له و انك مفتخرة فيه الخ الخ بس تعرفي مادري ماحسيت بالقهر من صديق زوجك.. على الاقل استاذن زوجك قبل ما يعطيها الرقم .. و هذه تحسب له .. كان ممكن يبلشه فيها و يعطيها الرقم و يقولها لا تقولي انه انا الي عطيتك و يالله دوري الفكة منها .. ربي يسعدكم و يحفظكم و اولادكم من كل شر .. |
اقتباس:
لا خلاص صدقت :23: و الله كنت اعتقد انه بس في الأفلام و كدا و كنا خايفين من الأجانب اللي ما يعرفون الله و لا عندهم اي حياء و حشمه الحين صارت من بنات بلدنا.. الله يهديهم و يستر عليهم ان شاء الله و مشكوره على المرور حبيبتي |
اقتباس:
صعبه يا ابو حكيم ارد عليه كدا.. اصلا ما تطلع صح معي شخصيا لأني ماني معروفه ببرودة الأعصاب :23: اشكرك اخي الكريم ابو حكيم و زادك الله حكمه |
اقتباس:
ههههه بنت الحكمي يا بنت الحكمي و الله عندك قصص تموت ضحك اتخيل حياتك كلها ضحك و فرفشه عشان طيبتك و خفة دمك ما شاء الله بس شااااطره و 10 على 10 على اللي سويتيه بالبنت اكيد اهلها ذبحوها او اقل شي ادبوها تمام و تستاهل :29: الله يحفظك زوجك و عيالك من كل شر مشكوره حبيبتي على المرور |
اقتباس:
هو فهمها من حاله لأنه قال بنفسه شكله ما يحب الخير للناس لأنه لو فعلا يحب الخير للناس كان وقف البنت عند حدها بنفسه و ما وصلي خبرها :22: مشكوره مره ثانيه يا روح و الله يحفظلك زوجك و ابنك و متى :15: الجديد عشان :14: في المنتدى :d |
اقتباس:
ايش من اصحاب هذولا استغفر الله بس :( مو كأنهم كترو حبتين ايه والله صادقه ابدا ما ننسا مثل الموضوع و الله صعب يتنسي كدا بسهوله مشكوره على المرور حبيبتي |
اقتباس:
هلا بتوأمي نورا :d ما عشان كده قاعده اقول انه موقف صديق زوجي مو داخله براسي يعني لو كان شخص كويس كان وقفها عند حدها و انتهى الموضوع على كذا اما لو شخص مش كويس كان اعطاها رقم زوجي من غير ما يستأذن و لا هامه شي اعتقد و الله اعلم يا نورا انه ضيع رقم زوجي... طيب ما كان يقدر ياخذ الرقم بس و يعطيه للبنت من غير ما يدري زوجي اموت و افهم ايش قصته و ايش السبب عشان يقول لزوجي عنها :( يوووه اعصابي تعبت :( خلاص مشكوره على المرور حبيبتي |
| الساعة الآن 02:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©