|
مساعدة المرأة زوجها لشراء سيارة
السلام عليكم و رحمة الله و بركاته
موضوعي هذا منكم و إليكم .. يعني مجرد أتمنى سماع اراء الأخوان و ما يمنع الأخوات لإنهم حبيباتي .. :) لو واحد منكم ( من الأعضاء ) .. محتاج لشراء سيارة لكن ما معاه غير راتبه و راتبه في حدود الـ 3000 ريال .. و عنده مستلزمات طبعا و مصاريف لعيلته فرضاً ، لقيت سيارة ممتازة و حلوة و نظيفة و و مرسيدس و سعرها 15 ألف و اسبور و كذا، يعني فرصة بالنسبة لك؟ بس للأسف ، ما عندك المبلغ هذا ..؟؟؟ و عاجبتك السيارة مرة ..؟؟؟ قمت اقترحت على صاحب السيارة إنك تشتريها منه بـ 20 ألف ، بس بالتقسيط و كل شهر ، يسحب من راتبك 1000 ريال ..؟؟؟ و ما رضي لإنه مستعجل على بيعها بالكاش صاحبك قال ، أنا اشتريها بـ 15 و أبيعك بـ 20 و تعطيني ألف كل شهر ؟ . . ثم جات زوجتك و قالت لك : بدل ما تخسر 5000 ريال و إنت أولى فيها .. و بدل ما تضيق على نفسك و علينا في كل شهر ينسحب ألف من راتبك و ما راح يبقى لك شئ .. فأنا جمعت مبلغ ( مع العلم إنها بحاجة للمبلغ و كانت مخططة تضيفها لمبلغ و تشتري فيه أرض لضمان مستقبل الأطفال) و قالت لك .. أنا بأشتري السيارة بـ 15 ألف .. و كل شهر تعطيني بدل ( الألف ) ، مبلغ 500 ريال ..؟ . . هو رفض في البداية ، عشان ما يخسروا بعض لا سمح الله .. قالت له ، تخيلني صاحبك ، بس إني اشتريتها بسعرها و بعتها لك بسعرها الأصلي .. و يوم تضيق على نفسك ، فبتضيق علينا كمان ؟ حفظاً للحقوق و لتجنب أي مشاكل مستقبلية لا سمح الله .. راح زوجها للبنك و عمل استقطاع من راتبه كل شهر و لحسابها يتحول 500 ريال .. . . إيش موقفك ؟ هل هي غبية ؟ أم مغفلة ؟ و هل تصرفها صحيح أم ساذج ؟ مع إنه المبلغ بيتسدد بعد سنتين و نص لو جمعنا الـ 500 ريال كل شهر ؟ هل صحيح إنه هو الرجال و الزوجة مالها دخل ، و إنه يتصرف بطريقته و بكيفه و لا تدخل حالها ؟ . . أنا قررت و استخرت و الحمد لله .. لإنه نظرتي للأمر كان ، من باب إفراج كربة مؤمن - بغض النظر إنه زوجي - ؟ و هي في الأخير بتخدمني و تخدمه ؟ طبعا من كم يوم نزلت موضوع عن ( عدم محبة زوجي لتحمل المسؤوليات ) .. و لتفادي هذا الأمر ، طلبت منه يعمل استقطاع كل شهر من راتبه و اليوم راح البنك و وقع عالأوراق .. بس حابة أسمع الاراء .. يمكن تكون هناك نقطة غايبة عن بالي ؟ و الحياة دروس .. شكراً .. |
دائماً في موضوع الفلوس نقول إن الأمر يعتمد على علاقة الزوجين ومدى معرفة الزوجة بزوجها وثقتها به.
وحسب كلامكِ عن زوجكِ ـ كما فهمت من الموضوع الآخر ـ أنه كسول وليس نصاب ;) .. لذلك أرى أن خطوة البنك وتحويل القسط لحسابكِ شهرياً تفي بالغرض. وما دمتِ استخرتِ فأنتِ بإذن الله في الـ ........ ;) |
بشكل عام حبيبتي مو غلط انها المرأة تساعد زوجها خصوصا انه هالشي في خدمتكم ال2 زائد انك رح تضمني حقك وتضمني انه هالمبلغ رح يرجعلك لو بالاقساط الله يوفقكم وييسر اموركم يارب
|
مو غلط لو لمصحلتهم كلهم
والاهم يكون يستاهل ويقدررررررر هالشي الي تسويه في رجال ماتفرق معها |
اتوكلي على الله
و اعتقد موضوع الاستقطاع يضمن لك حقك .. و ربي يعطيكم خيرها و يكفيكم شرها و مبرووك الشقة الجديدة .. ربي يجعلها عتبة خير و بركة |
حبيبتي روح .. مبارك عليكم الشقة .. والله يجعلها بداية خير وسعاده يارب .. والحمد لله ان زوجك تغير شوي .. وان شاء الله يصير أحسن ويتحمل المسئولية معاك .. بالنسبة للفلوس .. إذا انتي عارفة زوجك واخلاقه .. واذا ضامنه حقك .. فتوكلي على الله وساعديه .. وبإذن الله بيقدر وقفتك معاه .. وكلكم بترتاحون .. الله يعطيكم خيرها ويكفيكم شرها يارب .. والله يسعدك ويهنيك يا الغاليه .. وان شاء الله ما نسمع عنك إلا كل خير .. |
بالعكس مادام انه استقطع لك من الراتب
ومادامك واثقة فيه انه ماراح ياكل لك شئ استمري في أمرك وانت باذن الله ماجوره ربي يوفقك ويصلح أمرك ويبارك لك في ما اعطاك |
طبعا موقفه مشكور وموقفك ايضا لابد ان تشكري عليه
ولكن لماذا لم تكتبيها باسمك وتصبح السياره ملكا لك او علي الاقل حتي يكمل ثمنها ثم تكون ملكه او لو انكم اعتبرتموه دين فعليه ان يكتبه |
انا بصراحة رايي غير عن العضوات بارك الله فيهم
من رايي دام هو الزوج هو اللي يتصرف بس انا اساعده في اني ما افسفس بالفلوس يعني اعيش معاه على قد اللي عندنا اما اني اشتريله سيارة فهذا مو محبذ عندي ابدا والله يبارك لج في الشقة والسيارة |
بالعكس مافيها شي
مادام راح يرجعلك حقك والله يوفقك ويبارك لكم بالسياره ويكفيكم شرها |
ما فيها شي ابدا .. هذا زوجك .. شريك حياتك ..
اهــــــم شي انه مقدر اللي تسوينله .. و انتي ضامنه حياتك معه للأبد ان شاء الله .. شوفي حبيبتي .. انا كل شي كنت اتشارك مع زوجي - استثمارات و غيره .. في الفترة اللي كل شي كان فيه تمام .. و كنت كثير فرحانه اني اساعده , و اهو كان كثير يقدر و دوم يذكرني باللي سويتله .. لكن اليوم بكل صراحه , انا مو ضامنه حياتي معه .. و فتحلي موضوع مشروع , و على طول قلتله اسمحلي لكني حاطه في بالي كم شي ابي اسويهم فما يمديني اعطيك .. بدون ما اقوله انا مو ضامنه لكن اهو حس بنفسه .. الفلوس تيجي و تروح .. لكن للي يستاهلها .. |
تصر ف سليم
|
أمممممم
أنا صار لي نفس موقفك العام الماضي لما جاء يشتري أرض وما أحد وقف معاه وساعده وقتها ماقدر يشيل المعروف وفعلا راح للبنك وسوا لي استقطاع وبعدها صرت أنا أعظم حمل بكل شهر وإذا طلبت منه طلب يفتح سالفة أنه عليه أقساط وديون وسالفة وطبعا يبذخ بس بكيفه فعلا تندمت لأنه تغير علي كثير بعدها وصار يحسب علينا الريال الحمد لله الآن أفضل بعد مافتحت معه السالفة بكل صراحة بس فيه حاجز كبير زال إن شاء الله يكون حالك أفضل بس أعتقد الرجال قريبين لبعض أنا كنت أعتقد زوجي غير من هالناحية بس طلعوا سوا وفعلا موهبة الكويت كلامها هو الصواب والصحيح |
كل خير حسنة و كل حسنة بعشر أمثالها احتسبي الأجر عند الله لو اختك او اخوك او ابوك كنت قدمتي له نفس المساعدة؟ زوجك أولى لأنه ابو ابنائك وشريكك بحياتك في نساء تستغني عن مهرها كله في نساء موظفات راتبهم كله لأزواجهم و ابناءهم لا تبخلي على اغلى شخص عندك هذا شريكك
|
عند اليمنين مثل يقول
سلفي زوجك بطلاقك وبصراحه كل محيط النساء حولي لا يشجعون فكرة اقراض الرجل مبالغ ماليه كبيره ومارأيته بأم عيني ... ان بعض النساء اللواتي اقرضن ازواجهن ... علقن من ناحية السداد ... معظم من سلفن ازواجهن .. أخذ الرجل المال وتزوج به... او تصرف به كما يريد .. ويجي يقول لزوجته ما عندك لي شي .. ولو تبي فلوسك فروحي لبيت ابوك واقسطها لك بعد الطلاق... هذا بالنسبة للنساء اللي جالسين بالبيت ... مالهم دخل غير البيع والشراء بذهبهم اللي اعرسوا فيه ... غير كذا ما شفت ولا أدري عن عن حال الموظفات بس اعتقد يكون افضل ... |
السلام عليكم
انا رايي مافيها شي اذا المراة اعطت زوجها وعندي سؤال هو اذا المراة ساعدت زوجها المفروض انه يردلها المبلغ اللي عطته اياه ؟؟؟؟؟؟؟؟؟؟؟؟ خصوصا لو كانت الحاجة اللي اشتراها تنفع العائلة ككل لان سمعت بعض الردود تقول انه ماياكل عليها حقها ( شو المقصود) ولي سؤال ثاني هل يحق للزوج ان ياخذ من راتب زوجته اذا احتاج خصوصا |
طيب سؤال يا روح ايش ضامنلك انه راح يستمر بشغله كل المده هذه?? يعني مش عدم ثقه فيه لأ لكن الظروف ممكن تتغير بين يوم و ليله افرضي بكره صار عاطل و قالك معليش سامحيني ما اقدر ادفعلك الباقي و انت شايفه الظروف كيف او افرضي صار ظرف عائلي لا سمح الله و اضطر يساعد باللي يقدر عليه و انتي اكيد راح يحطك على جنب اما لو كان اللي مسلفه صديقه مثلا كان مهما صار ما تساهل فيه و كان جاب له الباقي من تحت الأرض انا من رأي تكتبي السياره بأسمك الين يدفع المبلغ كامل و بعدين سجليه بأسمه مع اني صراحه ما احب ان الأمور الماليه مثل هذه تدخل بين الزوجين لكن طبعا لكل واحد ظروفه الخاصه |
اقتباس:
حبيبتي يا مهرة .. اممممم .. أكذب عليك لو أقول لك أعرف ( زوجي ) مية بالمية .. http://www.66n.com/forums/images/icons/mama.gif بس أثق فقط في محبته و معزته لي و طيبة قلبه .. و هذه كمان ماحد يضمنها .. أثق في ربنا طبعا .. يعني ما عملتها إلا عشان ربي ثم أرضي ضميري .. و عشان العشرة و الصداقة اللي بيني و بين زوجي.. و يوم جيت فكرت ، حاولت أفصل قلبي عن عقلي .. . . هو كسول صح و جنني في الغربة و قبل الغربة ،، :29: بس ياارب الأمور تتحسن دحين ؟ مازلت أتفائل .. حجة كسل زوجي ، يووم أشوفك يجيني النوم و الكسل ؟؟؟ http://www.66n.com/forums/images/icons/zzz.gif بس أبد مو نصاب ههه .. يمكن بس ( تسويف إلى أجل غير محدووووود ) . . المهم .. على قوولتك ، في ( السيف سايد ) <- عشان الإشراف لا يحذفوه هههه و استخرت أكثر من مرة و تسهلت ، و رحت اليوم و سحبت المبلغ و سلمتها له و عمل لي استقطاع ، و كتب لي ورقة بالإستلام |
اقتباس:
و أنا جربت الأمر هذا قبل الغربة و انقرصت .. لكن هو من سنة و نص متغير للأفضل .. و عاهدني على أمور عديدة و كان ملتزم فيها بنسبة أفضل من السابق .. فقلت بداخلي ،، إنت ساعدتي زوجك في فترة ما كنت تعرفيه كويس و كان مو قد كذا ..؟؟؟ فدحين بما إنك تعرفيه أكثر من قبل ، و هو سافر معاي للخارج و له مواقف ما أنساها له ، فأساعده و نفس الوقت بشروط .. بس إنه لا يعتمد علي و منها السيارة بتخدمنا ، لإننا رجعنا من الغربة و كناا حاسبين حساب إننا بنرجع للغربة و أكمل دراستي ، لولا فكرة التأجيل . |
اقتباس:
لو انتظر التقدير من زوجي ، فراح أضيع الأجر و يبدأ الشيطان بالوسوسة و غيره .. فقلت في داخلي ، أعتبر نفسي ساعدت صحبتي و وقتها ما راح انتظر التقدير منها و نفس الشئ معاه ، ماني منتظرة منه تقدير .. :) لإني عملته عشان ربنا ،. و عشان - نفسي - ما ترضى أشوفه يروح للغريب و أنا موجودة و الفلوس مركونة على جنب و كمان لإنها بتخدمني أنا و زوجي و ولدي .. بس مثل عفش البيت و أساسيات مثلا في البيت .. فراح أتركها عليه و ما أتدخل .. ممكن أجيب لوحات و ديكورات و أشياء كمالية |
اقتباس:
و أنا قلت له ( تخيلني صاحبك و حبّ إنه يساعدك ) .. فخلينا الأمور رسمية .. بدون مجاملات .. حتى نتجنب أي مشاكل مستقبلية لا سمح الله |
اقتباس:
ما أخبي عليك ، إنه في السعودية كنت أرتاح مع زوجي لكن كنت أعاني من أهله سابقاً .. و في الغربة ، كنت أعاااااااااااني منه و من اعتماده علي .. و دحين صاير أفضل من قبل بكثيييير ، و حجته : (إنه انسان تعود إنه يشتغل من طفولته ؟؟؟ و في الخارج طفشان من الفراغ و ما تعود عالفراغ ؟) رديت عليه ( أول مرة أدري من جد ؟ اللي يشوفك نايم 24 ساعة ما يصدق ؟ ) و هنا مع وظيفته ، شايفته ماشاء الله مبسوط و مرتاح ؟؟؟ يمكن ( تشبع من الفرااغ في الخارج ؟ ) حتى إنه متشجع يكمل دراسته انتساب بإذن الله ؟؟؟ قلت له سبحان الله ؟ مو معقولة ؟؟؟؟ http://www.66n.com/forums/images/icons/rolleyes.gif بالنسبة للفلوس ، فزمان كان زوجي ياخد الفلوس و ما يرجعها و تتراكم عليه .. لكن من سنتين - بعد ما أنبح صوتي و انهد حيلي - بدأ يرجع لكل اللي أخذ منهم و شفت بعيني الشئ هذا و هو تعلم من الغربة إن شاء الله http://www.66n.com/forums/images/icons/rolleyes.gif |
هذا زوجك والحياة بنكم مشتركة
صدقيني مثل ماقلتي اعتبيرها فرجتي كربة عن اخيك المسلم فما بالك زوجك بالعكس طريقتك مرة حلوة حقت البنك والسيارة بتستفيدي انتي وهو منها الله يسعدك يارروح الطير انتي بنت حلال وتستاهلين كل خير ومواقفك نبيلة واصلك طيب اتمنى لك سعادة الكون |
اقتباس:
أبغى الأجر من ربنا و ما أعرف ؟ هل لي أجر ؟؟؟؟؟ http://www.66n.com/forums/images/icons/rolleyes.gif و نفس الوقت ، الواحد ما يكون مغفل .. و الحياة ما نضمن أعمارنا فيها .. يعني أبوي الله يرحمه اشترى سيارة لأخوي و ما كان مهتم إنه يكتبها بإسم أخوي ، لإنه ولده ؟؟؟ و يوم مات أبوي الله يرحمه ،، أهل أبوي طلبوا نبيع سيارة أخوي لإنها بإسم أبوي فتعلمت إنه كل شئ يتسجل باالورق .. و الصراحة .. ما أثق في الإستقطاع ، لإنه ممكن يلغيه في أي وقت لا سمح الله :25: بس من باب إنه إلتزام بالشئ .. و مو مجرد - كلام - |
توكلي على الله.. صحيح نظرتي فيها شوي من موهبة الكويت..
بس برضو المبلغ مو عالي لدرجة أني استصعبها.. أوأخاف أنه يضيع حقي.. لو المبلغ 100 ألف وفوق انقول صح وصعبة .. وميخالف سجلي السيارة بإسمك إليين ما يسدد.. لكن الـ15 ألف والعشرين ماتسوى.. حتى لو ما رجعها.. ( ماأدري هذي نظرتي) |
اقتباس:
فكرت بالفكرة هذه الصراحة ،. بس المشكلة - حسب معلوماتي البسيطة - إنه إذا جات مخالفة عليك فراح تتسجل بإسمك المخالفة ..؟؟؟ و وقتها مستحيل زوجي يسدد المخالفات http://www.66n.com/forums/images/icons/icon44.gif و أدخل في دوامة و وجع راس .. و إذا سمحوا لنا بالسواقة في السعودية ، أتورط و ما أقدر أسوق http://www.66n.com/forums/images/icons/cry3.gif فقلت اعتبره - دين - و زوجي كتب لي ورق .. مو إني ( أخوّنه لا سمح الله ) .. بس مثل ما قلت ، ماحد يضمن عمره و بأضمن حق ولدي :25: |
اقتباس:
نفس رأيي أختي الكبيرة ، و للسبب هذا - طرحت الموضوع - عشان أسمع باقي الاراء لإني أحب أستفيد من غيري و الحياة تجارب و فصول .. قالت لي ، هذه من مسؤولية الرجل و هو يدبر حاله و يتصرف .. . . و المشكلة برأيي ، إننا تونا راجعين من الخارج و الإغتراب .. و عندنا دحين مشاوير كثيرة ، راح تتعطل من غير السيارة .. و ماحد فاضي يعطيه سيارته ،. بالإضافة إلى إني شفت زوجي كيف اتبهدل شهرين من غير السيارة و ذهابه لعمله و بجدددد .. حزنت عليييييييه ..؟؟؟ و قلت في داخلي ، أناا لو مكانه .. فهو ما راح يرضاها علي أبدا .. و كم من موقف أثبته لي يوم كنت أدرس في الخارج ، أكون جوعانة وقت المحاضرات و يقطع مشواااااااااار عشاني .. يعني يخلص دوامه الظهر ، و يجلس في العمل لحد الفترة الثانية في العصر و يخلص الليل و ما يتغدى و لاشئ .. و عشان ما تكون معاه سيارة و صاحبه مو فاضي يوصله ؟؟؟ فيجلس في العمل مرات من الساعة 7 الفجر لحد الساعة 11 الليل .. ما رضيتها لزوجي ، غصب عني .. و الفلوس تروح و تجي ، و مركونة في البنك على جنب .. . . و إضافة للي فات ، إنه خلال الشهرين هذولا .. خدم أمي الكبيرة في السن في فترة غياب أخواني ، و مع إنه ما عنده سيارة .. فكان يستلف سيارة أي أحد من أخوانه أو أقاربه عشان يودي أمي للمستشفى و لا يستقبلها من المطار .. و مع إنه أزواج أخواتي موجودين و معهم سياراتهم فمواقفه هذه خلال الشهرين الاخيرين مع أمي .. تتحسب له من جد و ما أنسى له المعروف هذا .. بيني و بينك ، كنت اختبره و أثبت لي إنه يستاهل وقوفي معاه .. |
اقتباس:
و الله لو أنا هي ( روح الطير ) القديمة .. http://www.66n.com/forums/images/icons/mama2.gif كنت جبت السيارة و ما طلبت أي شئ لنفسي .. بس أخدت على راسي منه زمان كم مرة :29: بس إن شاء الله إنه زوجي بيكون عند كلمته .. يكفيني إحساسه بالمسؤولية تجاهنا .. . . أعطيك مثال ، أخوي أحتاج لمبلغ مستعجل .. و طلب مني المبلغ أقرضه ، أعطيته و قال لي - في اليوم الفلاني من الشهر الفلاني - راح يكون عندك المبلغ بالكاااااااااااااامل .. فهل راح تحتاجي للمبلغ خلال الفترة هذه و لا لأ ؟ قلت له لأ ، ما أحتاجها الشهر هذا .. و لإني تعودت من أخوي ، إنه بيكون عند كلمته و أثبت لي في مواقف كثيرة إنه عند كلمته .. و كفاية إنه أمي هي اللي ربته و ربتني على كذا .. فأعطيته المبلغ من غير أي اثبات و اعتمدت على كلامه .. بس إني - لعدم ضمان الحياة و الموت - .. :25: كانت أمي جالسة و أخواتي ، و بضحكة قلت لهم .. ( هااااه .. اشهدوا ، أعطيت لأخوي المبلغ الفلاني .. عشان إذا متّ .. فهذا حق ولدي .. ) http://www.66n.com/forums/images/icons/icon44.gif |
من وجهة نظري تصرفك سليم أولا المبلغ مو كبير ثاني أذا الزوجة ماوقفت مع زوجها مين بيوقف معه حتى لو كان رجال ومسؤل يدبر نفسه بس الحياة الزوجية شراكة بين أثنين ودام زوجك يحبك ويخاف الله فيك فماأعتقد يلغي الأستقطاع أو يتغير عليك وبعدين أنتي الي عرضتي عليه مو هو الي جاء يطلب منك فلوس
وترى بقولك شغله سلفتي كان زوجها بداية زواجهم مثل زوجك معتمد عليها بكثير أمور بس الحين عندهم ثلاث أولاد وماشاء الله تغير كثييير وصار يعتمد عليه أفضل من قبل أسأل الله أن يسعدك في حياتك ياروح |
اقتباس:
و تقديره لي ، فما أقدر أدخل جوة قلبه .. تعرفي صنف الرجال كيف ؟ :25: . . عزيزتي بأسألك ؟ مشاركتك في الإستثمارات مع زوجك ، ما كانت تتسجل بإسمك ؟ ما كنت تطلبي شئ لنفسك ؟ http://www.66n.com/forums/images/icons/sad2.gif . . زوجي الصراحة يستاهلها ، لإنه أبو ولدي + يحبني و يهتم بزعلي + يراعي أهلي و أمي + كان عند وعده و جاب الشقة + إنه راح يأثث الشقة + إنه قطع لي قلبي و سواءً ساعدته و لا ما ساعدته .. فراح يجيب السيارة ، بس الفرق إني بأشتريها بسعرها و أبيع له بسعرها الأصلي و بيوفر 5 الاف ممكن تفيده في تسديد دين عليه .. و إنه القسط تبعي 500 بدل من 1000 . . أتمنى بس إنه يتعلم فايدة التوفير و عدم التبذير |
اقتباس:
أعرفكم في صف بعض دايما :d |
اقتباس:
أنا كنت أشوف الرجال كلهم واحد ؟ بس افتكر أبوي الله يرحمه كان غير ؟ يمكن من باب - كل فتاة بأبيها معجبة - ؟ :25: و مرة علينا فترات مثل ما وصفتي بكلامك ، و تجاوزناها و الحمد لله عشان كذا يوم عرضت الفكرة عليه ، قال لي ( بنختلف و كذا ) .. فقلت له ، كل واحد يلتزم بالشروط اللي عليه و ما راح نختلف إن شاء الله يعني عرف طبعي خلاص ، و عارف العواقب :25: بس المرة هذه ، من جد مو مستنية منه شئ .. بس إنه يلتزم بكلامه و يشتري فيها سيارة ، مو يصرفها هنا و هنا ؟ :25: كلامك مررررررررررة زعلني عليييييك .. ليه كذا ؟ : ( |
اهم شيء استوقفني في مبادرتك الجميله هذه
مشاركتك له في هم وضيق مادي وهذا سيترك اثرا بالغا في نفسيته واكيد طيلة مدة سداد التقسيط سيتذكر ذلك فقط حاولي الا تشعريه بان السيارة ما كان ليحصل عليها لولاك فنحن معاشر الرجال كلام النساء في مثل هذه المواضيع يحطمنا فانتبهي لذلك جيدا سفير القرويين مر من هنا |
اقتباس:
إذا بيقدر ، فهذا من أصله .. و إذا لأ ، فهذا راجع له .. و قلت بأستخير ربنا و هو اللي يعلم بكل شئ .. و ظرف كل إمرأة مع زوجها يختلف عن الثانية .. : ) بأضيف شئ معليه .. :) لو أبوي عايش الله يرحمه ، بأعطيه راتبي و روحي كلها .. كفاية إنه شالني و رباني و هو سبب كل اللي أنا فيه .. . . معلييييه .. راح أبخل عليه :d لحد ما أشوفه تغير ، و قد المسؤولية تماما .. :25: |
اقتباس:
ما فهمت المثل ؟ : ( أول مرة أحس نفسي غبية ..؟؟؟؟ http://www.66n.com/forums/images/icons/mama.gif يعني اللي تسلف زوجها ، تجهز نفسها لطلاقها ؟؟؟ http://www.66n.com/forums/images/icons/icon11.gif مع إني سمعت من زميلتي إنه في اليمن ، إذا تزوجت البنت يقولولها أهلها ( إنت من بيت زوجك للقبر ؟ ) صحيح ؟؟؟؟ http://www.66n.com/forums/images/icons/mama.gif . . بيني و بينك ، زوجي في بداية الزواج كان ياخذ مني مبلغ فوق مبلغ و فوق مبلغ و زي كذا .. وو كل شوي يوعدني إنه بيرجعهم و كنت أستحي أطلبها منه أو يكتب لي ورق .. كنت أحس إني قليلة أدب لو قلت له ، أبغى إثبات أو حقي .. و إلى يومنا هذا ، ما رجعه .. :25: جلست أحسب كم أخذ ، و جمعت المبلغ ،، و قلت له يسددها لي .. :18: مو لحاجتي للمال ، بس عشان يلتزم بكلمته .. و عشان يكون قد المسؤولية :18: . . فعلشان كذا ، المرة هذه فكرت و استخرت و أخذت ثبوتات .. عشان يعرف إنه الأمر ( جِـــــدّي ) .. مو بكلمتين يتلحس مخي http://www.66n.com/forums/images/icons/icon8.gif |
اقتباس:
بأجاوبك على أسألتك بإختصار بالنسبة لحالتي .. :25: . . بداية الزواج ، كنت أقول مافيش فرق بيني و بينه - بداخلي فقط و ما أصرح له - .. كنت أساعده بحذر و أحزن عليه .. بس ندمت و حسيت إنه ضاع الأجر و كنا بنخسر بعض http://www.66n.com/forums/images/icons/icon40.gif مو لازم أقول التفاصيل .. بس إنه زوجي جاته بعدها مبالغ و صرفها في أشياء فاضية ، و كان يوعدني بيعوضني .. و أول ما جات فلوس في يده ، صرفها على نفسها في أشياء فاضية .. و نسي وعوده .. و من يومها ، صرت ما أرحمه .. :18: . . جوابي على الجزء الثاني من السؤال .. - ولي سؤال ثاني هل يحق للزوج ان ياخذ من راتب زوجته اذا احتاج خصوصا ما أظن إنه من حقه ياخذ راتبها .. بس أتوقع إنه أغلب النساء إذا شافوا أزواجهم ما يقصروا معهم ، فراح تكون مستعدة إنها تساعده من غير ما يتكلم .. |
اقتباس:
ما أضمن إنه بيستمر في وظيفته كل المدة هذه .. و مافي شئ مضمون في الدنيا هذه .. عشان كذا ، حتى أتجنب أي ( حجج ) مستقبلية .. فقلت له ، يخليها استقطاع عن طريق البنك و كل شهر .. و ما أتدخل بأي ظرف .. . . اممممم .. بعد ما جربني زوجي و جرّب تنكيدي عليه، فما أظن راح يحطني على جنب .. :25: و بيلتزم بوعده .. بيني و بينك .. هو يدري إنه هذه ( اخر فرصة ) بأمنحها له .. لإني في السنوات الأخيرة ، شدييييييييت مرة و خليته يكره يقول - اعطيني - :25: يوم سلمته المبلغ .. قلت له ( هذه عربون ثقة و محبة .. و متأكدة إنك ما حتخون ثقتي .. لإني استخرت ربنا ) .. |
أختي روح،
ما فعلتيه أمر عظيم.. يا لك من امرأة وفية رزينة... و زوجة حنونة قنوعة... كذا النساء أو بلاها.. هو صح يبقى في رجال يستغلوا بس لأن في راسهم مرض... أما عدى عن ذلك فعملك هذا خلا نظرتي لك ترتفع الى الأعالي... انت بطلة نساء هذا العصر... ايش رأيك... لم اصدق ان زوجة ممكن تفعل كذا:18: عموما رأيي في المسألة أن السيارة ما هي بالأمر الطارئ... و أرى ان مبلغك كان لازم يضع في امر طارئ.. اما سيارة فلازم الرجال يكون قادر على تدبير هذه الأمور... و لى تظل الزوجة مدينة لزوجها يعني؟ المهم أن عملك عمل بطولي برأيي و الله يكثر من أمثالك يااااا رب و تعمل مثلك خطيبتي ياااا رب.... ثاني شئ، موضوعك الآخر قرأته و كتبت رد و مسحته عدة مرات... بس و لكن انت لو عندك فرصة ترجعي لأيام الخطوبة كنت كملت أما لا؟ أكيد بمعرفتك به مثل الآن؟ بجد انو سبحان الله كيف النصيب يشتغل... بس لا ادري لماذا يعتبر غلط الطلاق و الزواج بإنسان أكثر انسجام مع اللي عندنا؟؟؟ هل مثلا يؤنبك ضميرك؟ أم العشرة؟ أم حكي الناس؟ أم الأولاد؟ أم كذا تضحيات و بس؟ لأنو من رأيي ان كل رجل و امرأة يستاهلوا من يفرحهم و يهتم بهم... و موضوع الكسل عند اي من الطرفين موضوع أليم و يفر الشريك منه... الله يعينك أختي روح و يصبرك... و ان شاء الله زوجك يجيه جمرة من خلفه حتى يقوم و يركض و يرقص و يكف عن التكاسل تبعه...:( |
اقتباس:
أنا من هذا الباب فكرت فيه ، لو بأفكر بغير كذا ما راح أرتاح .. إنه افراج كربة ، كان ممكن يحلها زوجي بطريقته .. باالتقسيط و كذا .. و يضيق على نفسه و أقول له مالي دخل فيك ، تصرف و إنت المسؤول .. إلخ شلت من بالي إنه زوجي ، عشان أقفل الباب على ابليس و ما أخلي له مدخل http://www.66n.com/forums/images/icons/icon52.gif <- ضحكت على ابليس .. :d . . ما عملت شئ يا صابرة ، إنت اللي طيبة من جد .. أنا أشوف حالي شريرة .. http://www.66n.com/forums/images/icons/icon46.gif |
اقتباس:
بالعكس الي سويته يتساهل عليه الشكر انتي زوجة رائعة ياروح احب فيك قوتك وضعفك وطيبة للا مباشرة |
| الساعة الآن 10:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©