|
اشوف غلاتي وينه
السلام عليكم
اشلونكم حبوباتي الصراحة موضوع روح الطير خلاني افكر بنفسي شوي:) امس وحنا نتجول زوجي قالي عندي ارض بمكان فلاني ورحنا شفناها وقال بمكان اخر عندي ارض وهناك ارض يعني حول اربع اراضي ماشاء الله انا مزحت معه قلت طيب اكتب الارض باسمي وانا اعمرها قال ابشري متى؟ عام الفيل:) انا والله ماهمني لا ارض ولا ابراج ولا عمري كنت مصلحجية بيوم من الايام بس الحقيقة ودي بحركة حلوة يسويها معي يثبت لي غلاتي عنده صدق ان الغلا مو بالمادة بس من كثر مشاكلنا السابقة وكثر الطلاق زعزع الثقة عندي اتجاهه الحمد الله انا اهلي مو مقصرين معي بشى والي عندي كافيني بس ودي بزوجي يسوي عشاني شى حركة تسعدني قبل سنين قال بجيب لك سيارة كشخة قلت له امس وين السيارة الي وعدتني فيها من سنتين وكله جس نبض والله انا مقدرة ظروفه وعارفة انه متلزم بكذا اشياء بس ودي ياعالم بشى يجيبه لي ابي احس انه فعلا يحبني واليوم فاتحته بموضوع الارض قال خير ان شاء الله يعني فهمت السالفة والله ثم والله ومن خلقني وجمعني فيكم بدون ميعاد لو يجيب لي الصك اليوم لا ارجعها له بنفس اليوم واقوله ما ابغاها بس ودي يسوي حركة تحسسني بالسعادة وشرايكم معي حق ولا غلطانة |
وعليكم السلام ورحمة الله وبركاته
الزوج المؤمن والصالح لا يخشى عليه ابدا من عواقب الامور ولهذا نجد في دعاء صلاة الاستخارة والذي من المفروض على كل بنت ووالديها ان يصلوها قبل الزواج وفيه اللهم ان كنت تعلم ان هذا الزوج فيه خير لي في ديني ومعاشي وعاقبة امري فيسره لي ...الى اخر الدعاء فالعلاقة الزوجية ان بنيت على اساس صحيح ستستمر وتكون قدوة للاخرين والعكس رصحيح فقط على كل زوجة ان تتقن معاملتها مع زوجها وتحتاط من كل باب قد ياتيها منه الريح تسده و تستريـــــــــح آسف على الاطالة |
انشاءالله يارب يحقق الي تبين وانا حاسه فيك و بس على فكره من كلامك ان صار مشكل بينكم وطلاق وتقول مافي ثقه من حبه واكذلك زوجك يحبك بس حتى هو مافي ثقه بحبك لها يعنى حاول انك تخلينى واثق من حبك له حتى عطيك كل الي تبين حتى لو عيونه
|
اقتباس:
يعني قصدك انه هو مو واثق بحبي له؟ |
اقتباس:
وش تقصد بكلامك الزواج المؤمن الصالح لا يخشى عليه شى ممكن توضيح اكثر لو سمحت |
فكرة حلوة يا صبرة
بكرة ان شاء الله اطلب منو يعملي البيت باسمي ههههههههههههه |
الزوج المؤمن والصالح لا يخشى عليه ابدا من عواقب الامور
|
اقتباس:
طيب وصلت الفكرة جزاك الله خير |
حبيبتي صابرة ... اتمنى تكونين بخير وصحه .. نصيحتي لك .. لا تقعدين تحنين على سالفة الارض ... المشاكل اللي صارت بينكم ما بتنسيك إياها الارض او السيارة .. وجودكم مع بعض .. اهتمامه فيك .. إن يخاف الله فيك .. معاملته الطيبه هي اللي بتنسيك أيام المشاكل .. يمكن يسجل الارض بإسمك من حنتك واصرارك مو من قلبه بس هربا من المشاكل .. لكنك شو بتستفيدين ؟ بيتم شايل في قلبه طول العمر .. لو ما يحبك وواثق فيك ما وراكِ الاراضي اللي عنده .. الخير اللي عنده لكم انتوا الاثنين .. فإنسي الموضوع .. ولا تكررين عليه السالفه لان مع الاصرار منك والتهرب منه .. تصبح مشكلة وتكبر .. والله يسعدك ويحفظك ويهنيك يارب ..والله يرزقك كل خير حبيبتي صابره .. |
نفسي اسال سؤال وبساله نفسي قبلكم ليش الوحده مننا صارت ماتثق بزوجها لابعد الحدود
لييييييييييييييييييييييييش انا نفسي ما لقيت جواب ؟؟؟؟؟؟؟؟؟؟؟؟؟؟ |
هلا صبوووورة حبيبتي اشلونج شخبارج ؟؟؟؟ فرحت وايد لما شفت لج موضووع يديد تعرفيني أفرح لما أسمع أخبارج وأفرح أكثر لما ألقاج فرحانة إن شاء الله دووووم يالغلا حاسة بشعوورج و الله , عارفة إنج أبد لا انتي ب مادية و المادة والفلوس هم آخر همج بس بقراراة نفسج انتي ما تهمج الهدية لشي إلا بس لمعناها يعني ما يهمج فلوس الهدية , سعرها , نوعها , أبد ما يهمج غير معناها وبس عارفة ومقدرة حبه لج وانتي تدرين من داخل قلبج إنه يحبج موووت وغلاتج مالها حدود بس ودج بشي هو يعطيج إياه بدون ما انتي تطلبينه شي حتى لو كان بسيط جــدا وقيمته أبسط هو يقدمه لج ببساطة كهدية لج وانتي مثل ما قلتي لو هو يعطيج الصك بتردينه له هو أساسا عارف معدنج ياعمري ويدري إن الفلوس وهالأمور ما تهمج وانتي ما تدرين ربما هو مسجل شي باسمج وانتي ما تدرين :d صبووورة يا قلبي الشي هذا يجي من قلبه ومن حبه لج ممكن هو مثل رجال كثيرين عندهم المحبة مش بالهدية المحبة بالتعامل , بالاهتمام , بالإحترام , بالحــب , وبإضفاء السعادة على زوجاتهم ربما هو يفكر إن كل هذا هو الحب وهو يغنيج عن 1000 هدية بس انتي من المؤكد إن شعوورج يختلف انتي مقدرة هالشي بس بنفس الوقت كأنثى وكبنووتة أكيد تفرحين كثييييير لما يجيب لك شي بسيط جدا انتظري ,, لربما هو يفاجئك بشي حلووو انتي ما تدرين عنه وإذا هو ما هداج , انتي اهديه كثر ما تقدرين حبوووبة الله يعطيج السعادة وراحة البال على طوووول يالغالية و ينولج اللي في بالج يا رب العالمين و ربي يجمعني فيج بأقرب فرصة ممكنة :22: ودي |
صابره قلبي مدام الرجال عندك وش تبغين في الباقي أهم شئ أبو الشباب عندك وجوده أجمل من كنوز الدنيا كلها أنا عارفه أنتي بتشوفي قدرك عنده وبتشوفي هل هو متمسك فيك وإلا عنده إستعداد يضحي فيك
با أي لحظه لاكن ياصابره لا أرض و لابيت ولاسياره ماراح تحسسك بحبه لك وتمسكه فيك إلا لما أنت تغيري نظرتك تجاه زوجك وإحساسك وظنك فيه و إذا وثقت بحب زوجك لك من داخلك ثقه تامه بعدها ماراح تحتاجي من زوجك أدله أو إثباتات خارجيه ياصابره أنا حبيتك وأنا ما أعرفك بس أقرأ مشاركاتك وردودك وأحس إنك إنسانه طيبه وحنونه ويشهد الله إني أعزك وأغليك ونفسي أشوفك تكتبي لنا هنا عن راحتك وسعادتك و أتمنى ما عاد أقرأ لك موضو ع فيه حزن أو تعب لك نفسي أشوفك أسعد زوجه بحياتها وأشوفك أنت ياصابره لاحظت عليك أثناء تواجد زوجك عندك أحسك مبسوطه ومواضيعك ومشاركاتك حلوه ورايقه بس مجرد مازوجك يسافر أو يبعد عنك تدخلين تكتبين مواضيع بدم عروقك كلها أسى وحزن وأحس كل إللي يجيك من وساوس ومشاكل أثناء غياب زوجك إن سببها الوحده والخلوة بالنفس الإنسان لو أختلى بنفسه وسرح بخياله في شئ طيب تلقى مزاجه مبسوط ورايق لاكن لو سر ح بخياله بشئ سيئ ينعكس على نفسيته ويصير نكدي وعصبي وياخذه خياله لبعيد لأفكار بعيده كل البعد عن واقع حياته أنت لوعودتي نفسك تشغلينها بالشىئ المفيد والأفكار الحلوه وتشغلي خيالك بالذكريات الجميله إللي أمضيتيها في حياتك صدقيني بإذن الله تعالى إن ماعاد نشوف بمواضيعك إلا الإبتسامه والسعاده وأنتي الحين تتعالجين وربنا قادريرزقك من فضله ذرية صالحه إن شاء الله تعالى والعيال لهم دور كبير في تعزيز الحب والعلاقة بين الزوجين بوجود الأطفال بتنحل كثير من الأشياء إللي أنت تعانين منها أسأل الله أن يرزقك بحمل عاجل غير آجل وتبشرينا بحملك إن شاء الله يارب . |
| الساعة الآن 01:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©