|
كيف أطور هندامي أمام زوجتي
السلام عليكم
معروف هذا مثل العربي الذي يقول العبد يضرب بالعصا و الحر تكفيه الاشارة " والدوار ما ينفع " ! لا تنكت :( زوجتي تردد هذه العبارات "الشماغ حلو عليك " تقولها في فترات متباعدة وقبل كم اسبوع قالت لي " المراه الجاية تعالي بشماغ ودي اشوفك كاشخ " كانت في بيت اهلها فترة النفاس علماً باني دائماً البس الثوب بدون شماغ واذا لبست الشماغ للمناسبات فقط زواج الاصدقاء او الاقارب الحمد لله أنا ميسور الحال سؤالي كيف اطور هندامي ؟ أو ما هي الاشياء التي يلبسها الزوج فتعجب زوجته به ؟ |
التغيير حلو
لاتخلي روتين وملل اتوقع اخوي انك خليجي وفي ناس معينه ماتقبل غير الزي التقليدي هل انت تقبل تلبس اشياء غير الثوب والغتره والعقال.؟ |
هههههه لو ما قلت ان زوجتك نفساء كان قلت هذا زوجي هههههه
اولا احمدلله على سلامة زوجتك ومبروك ما جاااااك بما اني اعاني نفس معاناة زوجتك فراح اتكلم بكل صراحه لاني اتمنى زوجي يدخل ويعرف اللي بنفسي يا اخي من حق زوجتك ان تتجمل لها وتراك باجمل شكل ارتدي الشماغ اذا كان يعجبها عليك يعني وش فيه الشماغ محاربه والله كله حلا وانا متاكده انها تشوفك احلى بالشماغ لذلك تطلبك تلبسه تخيل من كثر ما اتمنى زوجي يلبس الشماغ وما هو لابسه صار اي رجال اشوفه لابس شماغ يلفت انتباهي واقول بنفسي ياحظ زوجته دايم كاشخ ههههه حسسني كانه شي مستحيل من كثر ما حاولت وغير كذا احس هندام الرجل ورتابته يدل على اهتمام الزوجه فيه وهذا اكثر شي يجرحني اني اكون مهتمه وما حولك احد :( يارجال مثل ما تطلبون منا نطلب منكم الستم تطلبون النظافه والريحه الحلوه والملابس المنوعه والنظيفه والرتابه ونحن نريد ذلك |
هلا فيك اخوووي ,, يختلف الذووق من زوجة لأخرى يعني زوجتك الواضح إنها تحب الزي التقليدي إنته لما تروح لها إلبس لها اللي تحبه يعني إلبس الشماغ دامها تحبه عليك وإذا كنت تبي تنووع أول شي لازم أعرف إنت هل تحب تلبس غير الشماغ والثووب ؟؟؟ |
وعليكم السلام
خلك مثلي الثوب والشماغ مخليه للرسميات والدوام وطلعاتي للشباب والأشياء الخفيفة ترنجات وقمصان وكم بنطلون |
فعلا ليت الازواج ينتبهون للناحية هذي....
وبالعكس اخي الكريم...اللي تبغاة زوجتك سوية.....يعني غريبة زوجتك تحب فيك شئ وانت تعرفة بس ماتسوية... واذا طلعت من النفاس اكشخ لها نفس كشختك بزواجك((تتفرح صدقني وماراح تنساها منك وتتذكرها دايم))حتى العطر اللي تعطرت منة بزواجك او دهن العووود...بس عاد لاتلبس البشت.... |
باصراحه احب الزوج يهتم بنفس وتقدر تودي زوجتك السواق وتختار لك بصراحه انا امس رحت لسواق انا وزوجي واشتريت لها على ذوقي اشتريت بلوزه مقلمه اسود وابيض وكحلي تجنن ومن تحت تجي على شكل بيضوي مو متسوي فهمتوني اكيد
وبنطلون جنز واسع شوي كحلي غامق وجزمه وانتم بكرمه سوده طلع شكله ثاني بسيطه المهم تشوف زوجتك وش تحب انا من الناس الي مااحب كثير الثوب .......... |
أنا البس جنز و تبديلات لكن الغالب ثوب حاف (بدون شماغ)
|
انا مثل زوجتك احب ارى الغتره او الشماغ على زوجي جدا جدا
اكشخ لها مثل ماتحب تكشخ لك يعني كثر من لبسالشماغ دامها تحب ان تراه عليك ماشاء الله ع الاهتمام الله يخليكم لبعض |
حقق لها ما طلبت
وفاجأها بالجديد طبق مقولة ابن عباس (إني أحب أن أتزين لامرأتي كما أحب أن تتزين لي) |
أنا البس الشماغ عشانها مدري وش عاجبهم بها الخيمه الي على روسنا
|
اقتباس:
بس انا عني مره احب كذا بس مااقول لزوجي البس ولا اكشخ وممنوع منع بات لبس البناطيل والحركات والكشخه الزايده لاني اخاف عليه من البنات في الشارع يعجبون به (ان كيدهن عظيم) هههههههه اذا لبسها اقول ماتستحي من شكلك كانك مراهق اعقل شوي وانا في داخلي عاجبني موت لو يدري عني كان علوم بس المقصد من هذا كله اني احبه وبحافظ عليه من الفتن في هالدنيا قد اكون مخطئه لكن وجة نظري ومقتنعه فيها |
عني ما أحب الرسميات زي شماغ و عقال
البس لزوجتك اللي يعجبها الله يهنيكم |
سبحان الله الشماغ يفرض هيبته
الرجل بالشماغ مثل المراة بعبايتها يكون له هالة من الفخامة والرزة ومثل ما قالوا الاخوات زوجتك تحب الزي التقليدي البس لها ولا تنسى دهن العود والعطورات العربية عسى الله يسعدك |
نفس حالة زوجي
يلبس ثوب من غير شماغ ويوفره للدوام والمناسبات عني أفضل إذا لبس ثوب يكون مع الشماغ يعطيه هيبه وجاذبية أكثر أو يلبس جينزات وقمصان لكن الأمر ما يسبب لي مشكلة دام الأمر مافيه ذوق نافر ولا شيء غير طبيعي أحترم رغبته وعادي وكثير شباب زي كذا ويرتاحون أكثر من غير الشماغ وبالنسبة لك ممكن كل ما تروح لها تكون لباس شماغ وبعد فترة تشيله وتحطه جنبك عادي بكل بساطة |
ما في مشكلة لو تتترك لها اختيار نوعية الملابس التي تحبها ولو تركتها تتكلف بتزيين منظرك كان احسن واحمد الله ان سخر لك ماكيير ببلاش
على الا ينافي ذلك مبادئ ديننا الحنيف بالتوفيق |
التنويع مطلووووووووب دايماااااااا
مراااااااات البس شماغ ومرات جنزات وقمصان وفي البيت خلي لك لوك مميز البجايم اللي تجي طقم ستان <<أعتقد كذا نوع القماش فيه منه ألوان حلوة وهادية، طبعاً هذي مناسبة لأيام الشتاء لأنه حاااااااار شوي وفيه الملابس الداخليه القطنية الملونة بعد حلوة تلقاها عند سنتر بوينت وسيتس ماكس، ثلاث قطع في كيس واحد وفيه الشورتات الملونة بعد وهذي تناسب اللي أطفالهم كبروا شوي.. طبعاً أنا أهديت زوجي شيء منها وبعضها نشتريها أنا وإياه مع بعض وبعضها هو لحاله يشتريها.. يعني خليها تساعدك في اختيار الألوان اللي تحبها مثل ما أنت بعد تختار ملابسها الخاصة.. وكلامي هذا لجميع الرجال ليس لك فقط وفق الله الجميع لما يحب وبرضى.. |
من وجهة نظررررر أختك سحابه:d
بصراحه اشووووووووف ان الشماغ شئ عجيب يعطي هيبه وشكل ثاني ورزه واحسه يرمز لرجولة الشخص ويحلي حتى الشين عمررري ماشفت شخص اعرفه بالشماغ وقلت ووع البدل عليه احلى ..>> طبعا اقصد الشباب اللي اعمارهم فوووق 25 سنه تقريبا وطبعا اانا عن نفسي احب ارجال لما يروح معاي لسوق او لأهلي او لزيارة ناس او لمطعم او لأي مكان خاص يكوووون بالشمااااااااااغ والثوب اما في السفر وطلعاته مع اصحابه او بالبر مثلا اوبالمتنزهات براحته اذا يبي يلبس بدله.. ملااااحظه : بيني وبينك طلب زووووجتك جدااا ذوووووق (ماشاء الله)لاتنسى تلبس الشماغ بعد ماتروح لصالون حلووو وتنعم وتنظف البشرره ومثل ماقالوا الاخوات حبذا لو تكون كاشخ كشخة معررررس والله يسعد قلوووبكم ويوفقكم.. |
| الساعة الآن 09:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©