|
هل انا مجنونة او في بداية طريق الجنون : (
بسم الله الرحمن الرحيم
الموضوع ومافيه ليا فترة وانا اشتري اشياء ماتلزمني ابداا في الوقت الحالي تنفع فيما بعد لو ربي كتبلي انى اتزوج ملابس - كريمات - عطور - مكياج - ادوات مكياج - انا مندوبة في شركة تجميل وكل مانزلت عروض اشتريت وشيلتها على جنب لغاية ماعبيت دولاب الان اقول حرام حاسة الكريمات راح تنعدم في شي لها سنة http://forum-static.hawaaworld.com/i...ilies/ohmy.gifوبعض الملابس في صور وطبعات من الجو الحار بدات الصور تتعدم ماقدر البسها ماتنفع تتلبس في اي مكان ولا انى عارفه ايش اسوي فيها ....؟؟؟ من كم يوم جلست اشوف المشتريات وزعلت من نفسي انى بااشترى واجهز بدون فايده في بنات يقولوا فال حلوو ومدري ايش قلت اتفائل معاهم (( تفائلو بي الخيرتجدوه )) ماتتخيلو لغاية كاسات اطقم ادوات بيت اشتريتدي اشياء مو مشكلة لو جلست فتره طويلة مايحصل فيها شي للاسف حااتحساب على الا صرفتوا وانا مااتهنيت بي شي http://forum-static.hawaaworld.com/i...s1/smile27.gif دي اليومين كل ماشفت الاغراض ازعل من نفسي على الا سويتوا واقول يارايت مااشتريت احس نفسيتى تعبت الايام تجري سريع والعمررر اسرع شي يجري اتذكر من فتره كتبت سابدا عامي ال30 واهو باقي ايام وادخل 31 مااعرف ليش العمر يجري وكل شي واقف استغفر الله العظيم بسس http://forum-static.hawaaworld.com/i...s1/smile25.gif حتى الدوام بااروح بدون نفس وكل واحد يسالني شكلك تعبانة الف سلامة؟ ليش مضايقة خير ان شاء الله ؟ وانا كل ردي مابنام كويس عشان طالعين من اجازة والنوم ملخبط بس الله وحدوا العالم بما في نفسي |
استهدي بالله يا بنت مكه
مو مهم العمر اهم شي الروح ولا انا غلطانه ؟ شوفي حبيبتي كل شي مقدر ومكتوب ودي ارزاق بيد الله سبحانه وتعالى بالعكس انا معاكي انك تشتري اغراض بس مو تبالغي يعني زي الكريمات والاشياء دي مدتها معينه وانتي ماتدري متى النصيب جاي صراحه انا اعتبره من حسن الظن بالله انك تعملي كدا وربك ماراح يخيب ظنك فيه هوا امكن ابو البزوره تاخر شويا مع الوضع الاقتصادي والتضخم<<<< مراااااا مو وقتها ادري :) ابغاكي تضحكي يا عسل فليها وعليها وربك كريم |
حبيبتي يا بنت مكة .. حاسة فيك
من رأي استخدمي الأشياء اللي اشتريتيها ودلعي نفسك وحاولي تعيشي حياتك بتقوليلي الكلام سهل .. بس صدقيني الفعل بعد سهل .. اذا انتي قررتي صدقيني الكآبة والأفكار السلبية كلها من الشيطان الإنسان ما يضمن متى الله يختاره .. ليش يعيش اللي باقي من عمره في نكد وزهق وكآبة وهو بإيده أمور كثيرة الحمدلله بعيد الشر عنك بس قاعده أضرب مثل انا مثلك .. صارلي فترة حاسه بكآبة .. أبو زوجي توفى .. وبعد شهرين ولد أختي بس سبحان الله ...... ربـــك كريـــم .. احنـــا في نِــعم كثيــرة واحنا مو شايفينها قاعدين ندور على اللي ناقصنا وكلــه لحكمــه من الله تعالى وكلـه خيــــر .. أكيــد خيــر .. تأكدي من هالشي يا عزيزتي أسأل الله ان يرزقك بكل ما تتمنينه عاجلا غير آجل ويسعد قلبك الطيب موفقه |
بنوتة ...
انا مرة مو مع هالشي ... لية واصلا تشتري ليش لاحقة ياقلبي تشتري وتملي دولابك .. بس لية تحطي نفسيتك وحياتك بهالمشتريات وتقيسي فيها وتعقدي نفسك انا مرررررررررررة مو مايدة. وانتي تعرفي اني مثلك بالعمر سيم سيم . وماعمري بحياتي فكرت اسويها .. اني اشتري وارفع .. كلة بيكون بيد ربي وماتدري يمكن وقتها يكون شي قديم او اتغيرت الاشكال :29: حبيبتي .. خلي كل شي بوقتة حلو ياعسل .. لاتستعجلي الرزق يابنوتة لان رزقنا بيجي لبيتنا .. وان جاء فاهلا وسهلا وان لم ياتي فالحمد الله راضية بقضائة والحمد الله. طبعا انا اكمل دراستي الان والعمر بيني وبين البنات فرق كبير لدرجة لما اقولهم 31 ينفجعو ويقولو كذابة :25: وبالعكس اكون بينهم مثلهم وبروحهم والهي نفسي بدراستي وهي الاهم عندي الان قبل كل شي حتى الزواااااااااااااج قلت لاهلي مرة لاتفتحو معايا موضوع زواج الان لاني مرة سمعت سالفة :25: وقلت لهم اكمل دراستي والزواج يحله ربي معنى كلامي الهي نفسك بوظيفتك وبين صديقاتك اطلعي روحي دورات .. لاتخلي شي بنفسك ابدااااااااااااااااااااااااااااااااااااا وان جاء :30: :14: فربي يزيدك سعادة وهناء اكثر ... دعواتي لك يارب باحلى حياة ودنيا وحب .. احساس .. |
بسيطة ، يا ستي بكرا بتلاقيهم لما تنخطبي و بتنسطي انك وفرتي ع حالك كتير
لا تزعلي انك اشتريتي و كترتي بس وقفي عن الشراء و تركي مجال لبعدين لأنك رح ترجعي تشتري رح تنزل موضات غير و تشتهي انك تشتري من الجديد بالنسبة لعمرك انتي بعمري و انا كتير من رفقاتي لسا ما اجا نصيبهن و ي اكبر كمان من مواليد 80 و 79 عادي جدا كل تأخيرة فيها خيرة بإذن الله انت عليك بالدعاء ان الله يخترلك الخير و بس ياما بنات تأخروا عن خواتهم الأصغر و كان نصيبهم الأفضل و الأسعد معك حق تشعري بالملل بس كتير منيح انك عم تشتغلي و معبية كل وقتك بين الشغل و المنتدى و العبادة هدا أحسن شي بتعمليه.. |
اللهم ارزق الغاليه بنت مكه الزوج الصالح الذي يسعدها
انك علي ذالك قدير |
حبيبتى بنت مكة والله شي حلو انك تشترى وبكرة لمايصير نصيب بتوفرى ع حالك وصدقينى هييجى وتتزوجى وتعيشي حياة سعيدة
|
عزيزتي بنت مكه
فعلا تفاؤلو بالخير تجدوه انتي لما تشترين كان تفاؤول صح لكن الحين لما تشوفين المشتريات تحزنين وهاذا من التشاؤم عشان كذا وقفي شراء انا يت لي فتره كنت اشتري كريمات واشياء ما تخصني صراحه وكنت احس اني ودي اوصل شي بس مب طايلته فوقت اتعرفين شو صرت اشتري اشياء تخليني مميزه وتخلني افتخر اني لسه سنقل ههههههه واعيش عمري وافرح بنفسي اني لسه سنقل ^.- عشان بكره لا تزوجتي إن شاء الله وانا احسه قريب تتذكرين انك كنتي احلى سنقل ^.^ |
ههههههههه
نفس تفكيري تماماً حتى من طلاقي ما غيرت عنوان البطاقة المدنية اللي كنت مسجلتها في بيتي القديم - ايام طليقي- وقلت عشان اغيرها مرة وحدة اذا تزوجت مرة ثانية ولغاية خمس سنوات - اللي من ضمنهم رحت البحرين ودرست الماستر- وأخيرا قررت اغيرها واحطها على عنوان بيت أبوي وفجأة اقل من سنة الله كتب لي النصيب والحين بارجع اغيرها مرة ثانية. نصيحتي لج خلي الامور تجري باللي الله كاتبه. يعني خلج لينة وسهلة مع تقادير الله وصدقيني راح تنالين اللي في بالج واحسن |
مثل ماقالوا الأخوات خلاص وقفي المشتريات:)
بنوتة دايم انتي في بالي وادعيلك ابدا" ماانســـاك وبيجي اليوم الي تفرحين فيه وكل من يحب بنوتة راح نفرح فيك يالغالــية قريب بإذن الله دع المقــاديـر تجـري في اعنتـها ولاتبيتن الاوانت خـالي البـالي مابين طـرفة عين وانتباهتـها يغير الله من حــال الى حــالي |
هلا بأختي بنت مكة
سلامتك من الجنون عزيزتي انتي ماشاء الله تمتلكين نقاط قوه في حياتك ,فركزي عليها ونميها واجعليها في سبيل الله لا تتركي ابليس يلعب فيك ,اجعلي كيده اضعف شئ في حياتك , ماعملتيه فيه من الصواب وفيه من الخطأ التفاؤل مطلب مهم في الحياه لكن بالمعقول , استمتعي مثل ماتبغين لكن في حدود الشئ اللي يفيدك وفقك الله لما فيه الخيروالصلاح . |
دلعي نفسك يابنت الحلال ,,البسي و تزيني و ربي نفسية الوحدة تتغير لما تصحى و تشوف نفسها حلوة بالمرايا!
ووقفي مشتريات لحد ما تستهلكي الأشياء اللي عندك حتى لا تقعي في التبذير’’ بس ادوات المنزل مالها داعي انك تشتريها , استخدميها في البيت , سوي جمعة صبايا و استخدميهم,, تصدقي يابنت مكة ان البنت عندها مجال تتعدل ( برواقة) اكثر من المتزوجة اللي عندها اولاد ) ": ماعندها احد يخرب عليها و استمتعي بكل وقت و اشعري بحلاوته ,,,لاتنتظري الزواج سوف يأتيك إذا غفلتي عنه,, |
اهلا بنوتة اخباااارك ؟!
عسى ربي يفرجها عليكِ وعلينا تدرين ليش بنوتة انتي تعبانه لانك حصرتي نفسك داخل دائرة الزواج !! اقنعتي نفسك ماراح اكون سعيدة الا بالزواج ودائم حاطه ببالك العمر وانك متأخرة لكن سبحان الله يمكن الله ماكتبلك رزقك الا لما يكون عمرك 32 صدقيني انا حااااااااسه فيك ومقدره مشاعرك بس لما نقرأ عن القدر والرزق راح تتغير مشاعرنا ورااح نشعر بالرضا والاطمئنان وبالنسبة للمشتريات عندي لك فكرة وش رأيك بفلوسها تتصدقين فيها او اكفلي فيها يتيم وراااااااح تشعرين بالسعاااااااادة وابذلي الاسبااااااااب من دعااااااااء واستغفار ورقية ويااااااااااارب نسمع عنك أخبااااااااار حلوة :d |
يسعد صباحك يا الغاليه سلاااااااامتك من الجنون والله انك كلك عقل...
اذا تبغين الصدق انا معاك متفائله بمشترياتك بس خلينا نستغلها بشكل اخررر يعني بدل ماتقولين اخليها اللين اتزوج قولي افتح الكبك واطلع اغراضي واستهلكها الآآآآآن وادلع نفسي حتى لو ماكنتي بحاجتها يمكن تكون سبب في جلب العريس فهمتي قصدي يعني اتهني بها الآن وخلي كل شئ بوقته اذا جا المهر بيسوي الشئ الكثير وانتي موظفه ماشاء الله يعني انشاء الله بتتيسر الأمورر ونصيحه مني عيشي يوووومك ترى والله يا الغاليه الهم والتفكيرر يكبر بالوحده ويغير بشكلهاا وانتي بخيررر دامك بصحتك وعافيتك هذي اكبر نعمه احمدي الله عليها واللي ربي كاتبه لك ومقدره بيصير فلا تعبي نفسيتك وتفكررري اكثيررررر .. ملااحظه هااامه : اكثرري من الاستغفار والصدقه بنية ان الله يحقق اللي ببالك وانشاء الله فالك الخيررر يارب ... |
تعرفي يا بنوته
كنت زمان قبل لا اتزوج افكر اقول اذا تزوجت راح البس و اعمل و اتمكيج و الي ما اقدر اعمله و انا بنت اعمله وانا متزوجه طلع الزواج عكس توقعاتي اول كم شهر و بعدها يبدا الكرف حمل وولاده و اولاد و زوج و مسؤليه و يوم يجري بسرعه ي تلحقي يا ما تلحقي اقول استعملي اغراضك و اتهني و من يجي صاحب النصيب يشوفوكي اهله وهو مدلعه و اخر حلاوه يقولو هذه هي الي بندور عليها وخلي فلوسك عندك ،،،، اتصدقي لوجه الله انت حجيتي ولا لسه جمعي فلوسك حتى تحجي فيها |
لا مجنونة ولا هم يحزنون عااادي يابنوتة
أنا كنت أيام ما أجهز اخواتي اخذ الاشياء اللقطة واللي ممكن تعيش معاي سنين وماتخرب واللحين نفعتني كثييير بجهازي، بس انتِ انتبهي لاتأخذي كريمات واشياء ممكن ماتستفيدي منها وياااارب نفرح فيكِ عن قريب، ولا تفكرين بموضوع العمر كثير يابنوتة، كل بنت رزقها يجيها بالوقت المعلوم |
حبيبتي بنوتة مكة لا تندمي ابدا علاشياء الي شريتيها و مثل ما قالو الاخوان ما جاء اب الحلال ان شاء الله بتلاقي نفسك وفرتي كثير اشياء بس انا من راي ما تشتري ادوات تجميل لانه لها مدة معينة و تنتهي هادي بالذات خليها لين صار النصيب ان شاء الله
ياااااااااااااااااااارب نسمع خبر خطوبتك عن قريب و ربي يرزقك بالي يستاهلك يارب و يسعدك |
يابعـد عمـري أستـمـتعي بـ حياتـك كيف ماتكـون أرضي بالمكتـوب عشان ترتاح نـفسيتك صدقـيني كل تأخيره و فيـها خيره الحمدلله كل إللي يجـينا من الله خـــير لنا أدعي و أستغفري و أقرأي سورة البـقره راح تشوفين كل الخير إن شاء الله الله يـــرزقــك كل خيـر الدنيـا و الآخـره |
اقتباس:
اقتباس:
اقتباس:
اقتباس:
اقتباس:
|
اقتباس:
اقتباس:
اقتباس:
اقتباس:
اقتباس:
اقتباس:
تسلمى الله يسعدك اقتباس:
|
فعلك خطأ من تجربة لقريبتي
كانت تشتري مثلك و مرت السنين و الأغراض مركونة و نفسيتها تعبت و أقتربت من الجنون لولا لطف الله > إن شاء الله ماتوصلين لحالتها . بنوتة أتركي كل شي في وقته نصيحة من أخت |
لا يا أختي ليه تقولي على نفسك كذا ؟؟
يمكن مثل ما قالوا صاحباتك التفاؤل حلو أحياناً ، والله العظيم أختي صار معها نفس الشيء أشترت لنفسها أغراض على إنها بتتزوج وكان هذا الكلام في سنة من السنوات على بداية السنة وتقريباً في شهرين 2 و 3 والله مامرت فترة بسيطه بعدها الا وانخطبت على شهر 8 وفي شهر 10 كان زواجها ، بس كانت أغراض بسيطة عطورات وأدوات تجميل وبخور وبقية الأغراض جابتها بعد ما انخطبت ـ الله يوفقك ويرزقك الزوج الصالح عاجلاً يارب والله يكتب لك اللي فيه الخير إنه على كل شيء قدير .. |
بنوته عيشي حياتك وسوي اللي تبين بالطول والعرض مادام مافيه شي يغضب ربك وقادره محد مااخذ شي من الدنيا وانا اخيتك عادي انا كنت اشري بديات واقول ايه هاذي تصلح لبعدين دولابي ينرحم من الزحمه وبالاخير اوزع او امل منهم من غير مالبسهم اهم شي ماينرمون ويستفيد غيري منهم عادي ولا يجي على بالك لاانتي مجنونه ولا ببداية الطريق بس عاد اللي ماتبينه وحسيتي انك مليتي منه صرفيه وجيبي غيره :)..
الله يسعد قلبك ويرزقك الزوج التقي النقي عاجلا ً |
اقتباس:
اقتباس:
اقتباس:
اقتباس:
تسلمى الله يسعدك يااارب اقتباس:
|
يارب ارزق بنت مكة بزوج صالح
رددي هذا الدعاء وباذن الله سياتيك الخير عما قريب اللهم اني أسألك بأني اشهد انك آنت الذي لا اله إلا آنت.. الأحد الصمد الذي لم يلد ولم يولد ولم يكن له كفوا أحد. اقضي حاجتي.. آنس وحدتي.. فرج كربتي.. اجعل لي رفيقا صالحا كي نسبحك كثيرا ونذكرك كثيرا فأنت بي بصيرا. يا مجيب المضطر إذا دعاك.. احلل عقدتي.. آمن روعتي.. يا الهي من لي الجأ إليه إذا لم ألجأ الى الركن الشديد الذي اذا دعي أجاب. هب لي من لدنك زوجا صالحا.. اجعل بيننا المودة والرحمة والسكن.. فآنت على كل شئ قدير. يا من قلت للشئ كن فيكون.. ربنا آتنا في الدنيا حسنة وفي الآخرة حسنة.. وقنا عذاب النار.. وصلى اللهم على سيدنا محمد وعلى آله وصحبه وسلم |
اقتباس:
تسلمى على النصيحة جزاكى الله كل خير اقتباس:
اقتباس:
|
حبيبتي لاتزعلين كل شي بوقته حلو
والزواج قسمه ونصيب وانتي لسى ماجا نصيبك لاتستعجلين والله يمكن خيره لك , الله يسهل عليك ويرزقك عاجلا غير اجل |
لو ترجعي بالصفحات لـ قبل كم سنة راح تشوفين مواضيعنا نفس موضوعك الآن !!
طبعاً أنا كنت من صديقات هذا القسم ومعاي بنات الله يذكرهم بالخير الآن ولله الحمد اغلبهم تزوجوا والأمل بالله للي لسا مازلنا ندعي لهم بالغيب وربي يتقبل يعني القلق والخوف اللي إنتِ فيه شي طبيعي لكن لا تيأسي وتأكدي بأنها الخيرة من رب العالمين لك حتى لو كل ظروفك سيئة إلا ويجي يوم وتتعدل ويتغير كل شي وصدقيني بيجي يوم وبتتذكرين كلامي لما تبشرينا بزواجك بإذن الله لا تصفي نفسك بالجنون إنتِ إنسانة مؤمنة وواثقة بربي وهذا الشيء فعلاً اعتبريه من التفاؤل لكن لا تبالغي فيه . اسأل الله تعالى بأسمائه الحسنى وصفاته العلا أن يعطيكِ حتى ترضي ويغدق عليك بكرمه إنه سميع مجيب الدعاء |
عزيزتي بنت مكه
أولا شي أسأل الله تعالى أن يرزقك الزوج الصالح والذريه الصالحه يارب .. من رأيي تقسمين الاغراض نصين .. نص استخدميه الحين ووسعي صدرك وانبسطي فيه والقسم الثاني تصدقي فيه لبنات يمكن يكونون محتاجات وقاعدين يجهزون لزواجهم وظروفهم على قدهم .. صدقيني كل شي في وقته حلو .. وتجهيز العرس قبل وقته بشوي متعه والأشياء كمان تكون جديده وموضتها لسى ماشيه .. وآخر شي رددي هذا الدعاء دايما .. اللهم رضني بقضاءك حتى لا أحب تعجيل ما أجلته لي ولا تأجيل ما عجلته لي الله يكتب لك الخير ان شاء الله |
اقتباس:
ووقت زواجك تشتري جديد وعلى الموضه باذن الله .. ربي ارزقها زوجا صالحا يرضيها وترضيه ويسعدها وتسعده عاجلا غير اجل يا كريم ..هي وكل بنات المسلمين . واشغل قلبها وعقلها بما يرضيك الى أن ياتي نصيبها ... تراها بنت حلال وأحبها :) |
مش مجنونة لكن الله يصبرك ويرزقك واحد منيح وابن حلال بيخاف الله فيك
|
ياحياتي انا في عمرك اصبري والحال من بعضه لو تبين ندخل مع بعض المصحة مافي مانع:23::d
بعيد الشر عني وعنك تصدقين عندي امل اللي تتأخر حظها اوفر بإذن الله ثقي بربك ولاتخلين الشيطان يلعب برأسك وخرابيط عادي اللي تسوينه يصير في أحسن العائلات واعرفمن سوت مثلك وتزوجات بكرة راح تكتبين موضوع عن اولادك وزوجك ابشري بالخير |
:(
وانا اقول ليش مالاقي شئ بالسوق :11: اثاري بنت مكه مخلصه الحاجات :25: هههههههه تتهنين فيهم يااااااارب ويرزقك ولد الحلال الصالح بس لو توفرين فلوسك وتتصدقي فيها احسن وان شاءالله ربي يفتحها بوجهك :) |
ياقلبي عليكي
طيب تخيلي انا كنت مطلقه وكان عفشي جديد لسا ماتهنيت بس شهرين وفي اشياء كانت بورقتها ولمن تطلقت جبتها عندي وكنت كل مااشوفها ازعل واتضايق لكن الحمدلله لمن تزوجت ثاني كل عفشي اخدته معايا :25: انا اقولك لاتشتري اشياء مثل كاسات واغراض منزليه ولا كريمات كثير لانها تخرب بسرعه شوفيها عندي وخربت والله او اطفش منها بس مايمنع تشتري لنفسك عطور ومكياجات يعني ماندلع الا لمن يكون عندنا ازواج:( عادا احنا البنات ياحبنا للمكياج وعارفه شعورك انك منودبه مكياج انا مثلك كنت مندوبه والله ماخليت شي مااشتريته حتى استغرب الوان اشتريتها من زينها :d مو حلوه بس كدا بطر هههههههههه قريب بإذن الله بيجيكي النصيب اللي يفرح قلبك يارب |
اسأل الله يفرج همك ويكشف غمك ويرزقك عاجلا غيرآجلا
|
اقتباس:
اقتباس:
اقتباس:
اقتباس:
اقتباس:
|
اقتباس:
اقتباس:
الله يرزق الجميع اقتباس:
بي اذن الله من يومين اشتريت بلاك بيري واانا مو مره حاباتوا بس مدري ليش اشتريتوا الله يهدينى بس اقتباس:
تسلمى الله يعدك ياارب اقتباس:
|
الله يكتب لك الزوج الصالح يارب والله لايلهيك الا بطاعته :)
|
اللهم ارزقها التقي الصالح الحنون الوفي الخيرمن خلقه امين وجميع بنات المسلمين يارب العالمين---لاتحزني عزيزتي افرحي انك انسانه متفائله وليس متشائمه وربنا رح يرزقك الخير كله باذن الله ---
|
اختي بنت مكه كلمتين اقولها لك كفيله بأن تزيح الهم عن قلبك
سئل الحسن البصرى عن سر زهده فى الدنيا فقال أربعة أشياء: علمت أن رزقى لا يأخذه غيرى فاطمأن قلبى، وعلمت أن عملى لا يقوم به غيرى فاشتغلت به وحدى، وعلمت أن الله مطلع علي فاستحييت أن يرانى عاصيا، وعلمت أن الموت ينتظرنى فأعددت الزاد للقاء ربى. رزقك راح تآخذينه ان شاء الله ومافي مخلوق في الكون يقدر يمنعه عنك كل شي مكتوب فلا تخلين الافكار توديك وتجيبك طمني قلبك |
| الساعة الآن 02:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©