|
مستقبلي في خطر انصحوني
السلام عليكم ورحمة الله ..
أخواني أخواتي أرجوكم ساعدوني أنا بهم ومشاكل نفسيه من أيام قصتي بختصار أنا فتاه بسنه ثاني جامعه مستوى رابع قسم رياضيات أنا من كنت بثاني ثانوي وانا شاده حيلي بقوه وادرس وعندي طموح كبير جبت نسبه عاليه بثاني وثالث ثانوي واختبرت القياس والقدرات وجبت معدل فيهم تعبت بقوه حتى وصلت للجامعه انا كنت بمدرسه متشدده يعني ماكان فيه شي اسمه حذف او مساعده او شي دخلت الجامعه وانا كلي طموح خصوصا ان كثيــر من صاحباتي اللي اعرفهم مادخلو جامعه ويتمنو اللي انا فيه عرفت اني بنعمه كبيره وحمدت الله عليها درست سنه تحضريه واجهتني صعوبات بقوه كانت الجامعه بعيده عن البيت يعني الطريق اكثر من ساعه واحسب رايحه وجايه كنت اصحى الساعه خمس ونص او اقل وارجع للبيت خمس المساء .. يعني تعبت بقوه مافيه وقت ارتاح او انام او اذاكر مع ذالك شديت حالي ونجحت وجبت معدل واخترت تخصصي لسنه الثانيه وطبعا رياضيات انا احبه وبابا قالي ادخلي رياضيات حلو ودخلته وانا مبسوطه فيه وكلي طموح نجحت اول ترم مستوى الثالث والحمد لله بمعدل حلو والحين مثل ماانتم عارفين احنا بثاني اسبوع من الدراسه الترم الثاني انا ماقدرت أكمل جاني أحباط كبير من كل مكان من البنات كلهم يتكلمو انتي غبيه تدخلي رياضيات يهبل في الواحد ومادري ايش وكل ماسئالت بنت رياضيات تقولي لاتدخلي صعب وتعبنا فيه ومادري ايش انا جتني حاله نفسيه اكتئاب حاد ومااكل وتعبت بقوه أحس نفسي مااقدر أكمل وأحس بصعوبات بقوه مادري ليش صاحبتي حاولت تساعدني اطلع من الازمه اللي انا فيها ماقدرت اقترحت علي احول قسم ثاني اسهل بس انا مو مقتنعه الا فيه وأفكر انو انا الحين بمستوى رابع يعني مابقى شي بقى اربع مستويات بس انا مادري ايش فيني حالة اكتئاب واحباط كبير والله ابكي لي يومين والدنيا ضايقه فيني وكارهه نفسي دكتورات خايفه منهم بقوه مع اني بسنه ثاني بس خايفه من تشدد دكاترة القسم والكلام المحطم منهم وحده من الدكاتره تقول بيجيكم مواد تذوب الصخر من صعوبتها .. ! صاحبتي تقول اهم يبالغو وانتي الحين بنص الطريق فعلا انا الحين بنص الطريق بس احس سنوات اللي ضيعتها من عمري بتروح مني تعبت ابي اطرد عني الوسواس وارجع مثل اول متفائله وطموحه ماقدرت ماما تقولي محسوده وتطلب مني اقراء على نفسي وانا احس الدنيا خلاص ماعادت تسعني اقول لنفسي ماقدر استحمل اعيش لو ماخذت شهاده انا تعبت سنوات من عمري اخذ الاولى وانجح بمعدلات كله عشان مستقبلي والحين مابقالي الا سنتين واتخرج وقفت .. !! فكرت أحول من جامعتي لان جامعتي معروفه بصعوبتها بس صاحبتي تقول لازم اعيد السنتين وانا مابي اضيع من عمري وأختي تقولي غبيه الف واحد يتمنى الجامعه الا انا فيها .. ليش ماعرف ليش كل هاذا جاني أنصحوني بليز .. وأحد مر بشعوري اللي انا الحين فيه ؟ وفيه أحد دخل قسم فيه صعوبات وقدر يتعداها ؟ أنصحوني من فرج على مسلم فرج الله عنه بدنيا والاخره |
أختي في البداية عليك بالاستخارة لكي ييسر الله لك أمورك حسبما ذكرتي في البداية انك حابة التخصص ودخلتيه باختيارك بدون إجبار ونجحتي فيه "ما شاء الله" بالنسبة للبنات اللي ماجربوا التخصص كيف عرفوا أن التخصص صعب؟ والبنات اللي متخصصين ليش مكملين فيه؟ وليش ما غيروا التخصص؟ طبيعي الواحد مع الضغوطات تجيه الوساوس بس انتي اذكري الله ورددي أدعية التسهيل والتوفيق تذكري كيف وصلتي لها المرحلة وكيف اجتهدتي انتي متميزة وكل اللي تحتاجيه انك تزيدي المجهود حبتين ولا تسمعي لكلام الناس السلبيين لأنهم يحاولوا ينشروا طاقتهم السلبية ويأثروا عليك |
اقتباس:
|
حبيبتي مالك منهم
اهم شي انك من البدايه محد مجبرك خلاص كملي طريقك وربي معاكي لاتحاولي تسمعي للاوادم اللي تحبط اسمعي للاوادم المتفائله وعقبال مانسمع منك انك صرتي بروف بالرياضيات حبيبتي انتي ربي يوفقك |
اقتباس:
عزيزتي كثير منا تمر عليه لحظات احباط وكآبة وعدم ثقة >> خصوصًا أثناء الدراسة الجامعية لكن بالدعاء والتوكل على الله صدقيني كل الأمور تهون يمكن انتي مكثرة ضغوط على نفسك حاولي تغيري جو نهاية الأسبوع بجلسة حلوة مع الأهل أو صاحباتك "بس مو السلبيين " :( أو روحي ملاهي المهم تخرجي من الروتين أما بالنسبة للمذاكرة فاستغلي الوقت اللي تقضيه في المشوار للجامعة "ساعتين تقريبًا مو شوي" |
اقتباس:
|
اقتباس:
|
حبيبتي لا تسمعي لكلام الناس المحبطين تعرفي ليش بنات الرياضيات الي في السنوات السابقة لك يقولوا لك صعب مووت ؟
عشان يرفعوا من قدرهم ... يعني و كانهم يقولوا لك صعععب جدا جدا لكن احنا قدها و قدود و مشينا احنا اذكياء بس انتي غبية ماراح تستمري !! المفروض ما تستلمي لكلامهم و تثبتي لهم انهم مدام هم قدروا يوصلوا لسنة رابعة معناه انتي كمان تقدري و يمكن تتفوقي عليهم كمان مش يمكن الا اكيييد مو ناقصك شي عنهم بالعكس .. يمكن منهم الي اهلها مايدعموها و الي ظروفها صعبة لكن استمرت و كملت و انتي ماشاء الله اهلك وراك يدعموك و يوفروا لك كل شي تحتاجيه عشان تنجحي فا ايش اللي يمنع من النجاح عقل و عندك ماشاء الله و ذكاء و عندك و الا ماكنتي دخلتي من البداية .. و ارادة عندك وو الدليل انك كملتي نص الطريق بس يبي لك شوية ايجابية و تفاؤل .. اللي بيسمع لكلام الناس بييتععب صدقييني حبيبتي . اقولك عن تجربة .. لما جيت اختار الجامعة الي بدرس فيها كان عندي اختيارين بمنطقتي جامعة عريقة و قوية و معروف مايدخلها الا الشطار و اللي علاماتهم كبيرة و دراستها صعبة و جامعة ثانية سهلها و كل من دخلها طلع بمجمووع لان الدكاترة متساهلين كثير و غاالبا امتحاناتهم اعادة للسنوات اللي قبل :) يعني الطلبة متوقعين الاجابات .. وكلها وناسة و ضحك و الكثيير نصحووني ادخل الثانية .. و شهادة و لسلام و اصلا كانو يحبطوني مثلك .. يقولوا ماراح تدخليها ما بيقبلوك اصلا ... و اذا دخلتي ماراح تكملي لانها صصعععبة و الدكاترة عنصريين تجاه المسلمين (لاننا بغربة) و اي مسلم يصعبوها عليه و يفشلوه و من اللكلام هذا لدرجة اني ترددت بالبداية بس ابي شجعني و النتيجة اني درست و كملت و اتفوقت و لاقيت منحة منهم على مدى سنوات الدراسة و اتخرجت و الكثيييير يحسدوووني علي دراستي فيها.. و اختي الصغيرة مثلك .. دخلت قسم رياضيات .. و طبعا كانوا كل صاحبتها يحبطوها زيك .. على صعب و صعب و ماشاء الله عليها سنة اولى جابت امتياز و سنة ثانية بالفصل الاول جابت امتياز و الحين بالفصل الثاني و ماشاء الله عليها ماشية و لا احسن ... فياحبيبتي ... لا تعطي اذونك لاي حد ثاني ماحد يعرف قدراتك الا انتي .. و ماحد يعرف مهاراتك و ذكاءك غيرك .. لا تعطيهم الفرصة يحبطوك واي حد يقولك صعب.. ردي عليهم لو صعبة ماكان حد اتخرج و لا كنا شفنا مدرسين رياضيات و اللي عندهم عندي وماحد احسن من حد ... و اجتهدي و اثبتي للكل انك قدها و قدود سامحيني على الاطالة بس والله حسيتك زي اختي الصغيرة .. و مابيك تتاثري و تضيعي مستقبلك عشان كلام ناس فاضية و حاقدة ترمي الكلمة و تنسي و انتي تقعدي تتنكدي و تهمي ربي يوفقك و ياالله شدي حيلك و مستنية منك موضوع بعد فترة تقولي نجحت و بتفوق و بسوي الماستر و الدكتوراه |
اقتباس:
|
شوفي هذا اول خطا .. لما تسحبي محاااضرات :) صح سويناها قلبك :)
بس صدقيني تخسرري كثييير ماعاد تفهمي و تتراكم عليك المواااد لاا عاد تطنشي اي محاضرة ولو كانت مملة السلبية اللي تسمعيها من اللي حوليك متوقعة و حطي ببالك انها من باب الغيرة و على راي المثل اللي مايطول العنب حامض عنه يقول دامهم ماقدروا يدخللوا جامعتك و لا قسمك فا اكيييد راح يحاولو يأثروا عليك عشان تستلمي و تطلعي و مايصير حد احسن من حد .... و زميلتك اللي قالت سوتها 3 مرات .. ليش تاخذيها بسلبية ... فكري بايجابية .. هذا مايعني انه المادة صعبة مووت ... يعني انه هذه البنت مع احترامي لها ماتفهم و لا كيف تعيد نفس المادة 3 مرات و غيرها نجحوا و مشوا ؟؟؟؟؟ و لا تقولي لي دام انها دخلت معناه ذكية مو شرط .. قد تكون دخلت بالواسطة و الفلوس ... و قد تكون مرت زيك باوقات ضعف و سلبية و تركت نفسها لكلام الناس و مادررست كويس و فشلت ... لكن كلامها مايعني ابدا انه المادة صععبة مووت و لا كانوا اكثر الطلبة فشلوا و لغوا المادة او بسطوها مافي شي صعب الدنيا حبيبتي بس احنا اللي نصعبها على حالنا اللي تمري فيه طبيعي احيانا من كثر الضغظ نتعب ... بس لا تستسلمي صبري نفسك انه باقي القليل و تنتهي هذه السنة و بعدين خذي اجازة باي مكان عشان ترجعي السنة الجاية فرش مسموح لك تتعبي :) بس اااابددا مو مسموح تنسحبي من وسط الطريق ... صلي ركعتين لله و ادعيه سبحانه انه يفك كربتك و يبعد عنك كل هم و ضيق و ان شاء الله فترة و ارجعي انشط و احسن من اول |
اقتباس:
|
السلام عليكم غاليتي
اول شئ أهنئك على هذا العزم ابقولك عن اختي ما شاء الله تزوجت يوم خلصت ثانوي وكملت تعليمة بعد الزواج بنفس تخصصك ما قولك ما عانت لا وألف لا تعبت ومرضت بسة كان ايمانها قوي ولله الحمد لم تستسلم بس بعد التوكل على الله وبعزيمتة وإرادتة وتشجيعنا لها استطاعت الوصول لما تطمح له فأقولك لا تسمعي كلام أحد يحبطك وكلي أمرك لله وحصني نفسك صباحا مساء كان الله في عونك وأقر عين والديك بنجاحك وأسعدك الباري لما تطمحين له لأن العين حق |
تخصص وتحبينه و سجلت برغبتك فيه ما شاء الله لا قوة إلا بالله نجحتي و بمعدل عالي إذا لماذا الإحباط و الكآبه أختي الفاضلة لا تستمعي ( للمرجفين في الجامعة ) و أبداً لا تنقلي من القسم الذي سجلتي فيه برغبتك لأنك بإنتقالك ستبدأين مسيرة الضياع و بعدين الرياضيات من أمتع التخصصات و صدقيني فهم العلوم الرياضية يجعل لك نظرة مختلفة للحياة و تحليل و تعامل منطقي مع الحياة و و الله الرياضيات ليست صعبه يا أختي الرياضيات ليست علم اللاممكن الرياضيات ما يجعل كل شيء ممكن ( الرياضيات لغة الكون ) أنت الآن محتاجه لوقفه مع نفسك و مراجعت حساباتك و إعادة الثقة في نفسك ( و عدم الإستماع أبداً للمرجفين ) و المرجفين نوعين نوع عايش التخصص و فشل و علق فشله على صعوبة الشيء الذي درسه و نوع سماعي سمع من النوع الأول فدعهيم في إرجافاتهم يتقاعسون و لا تكوني من المتقاعسين الأمر الآخر الذي تحتاجينه أن تخصصي لنفسك وقت للنشاط اللامنهجي مثل تحفيظ القرآن - كتب متنوعه - صديقاتك من خارج الجامعه - جلسات عائليه ...... شريطة الا يتم التطرق للجامعة في هذا الوقت باي حال من الأحوال وفقك الله و يسر أمرك |
اقتباس:
|
اقتباس:
|
السلام عليكم و رحمة الله و بركاته ,,,,, اختي انا اشجعك و بقــــــــــــــــــــــــــــــــــوة في انك تستمري في مجال الرياضيـــــــــــــــــــــــــــات دام انك اخترتيه عن قناعة و ماشاء الله و لا قوة الا بالله دماغك رياضي ,,,, اجل استمري فيه و ماعليك من حد بقولك عن تجربة شخصية لا تلتفتي للاراء السلبية انا مثلك ,,,, يوم سجلت في الجامعة اخترت كلية الهندسة ,,,, الكل قالي تخصص صعب ,,, راح تفشلي ,,, راح اضيعي عمرك فيه و من ه الكلام ,,,, بس انا كان عندي قناعة ,,,, دام اني مقتنعة و متحمسة لهذا المجال الا و راح اتوفق فيه ,,, وفعلا الحين انا ماشاء الله مخلصة الجامعة في تخصصي و بتوفق و كمان اخدت الماستر,,,, وبفكر في الدكتوراء :d و الله يوفقك ,,,, و تخلصي جامعتك و با اعلي تقدير ,,,, ان شاء الله معليش ,,, كتبت رد طويل لاني كنت مارة بنفس وضعك بس طار لان تغطية النت عندي جدا تعبانة ,,, اعدت كتبت الملخص |
اختي مجتمعن ا( حسوووودي) وغيور مايحب احد يوصل للقمه لكن انتي تقدري تكسر الحواجز هذي وتتغلبي عليها انصحك تكملي والله يووووفقك واصبري |
اقتباس:
|
اقتباس:
|
1_لاتسمعين كلام البنات ابدا.....انت مقتنعة بالقسم وخلاص.....واذا انت مقتنعه فية ان شاءالله تمشين فية.
2_الاحباط حالة تمر علينا كلنا وزين تجيك الحين مواخر السنة..انا اذكر الاحباط اللي جاني حتى فكرت اني اترك الدراسة كلللللش...وابكي وخوف موطبيعي والحمدالله نجحت ومشيت اموري ونجحت امتيااااز..والحين مدرسة.. 3_اقري الاوراد كثيييييييييييير ولاتهملينها ابدا... 4-لاتشدين على نفسك كثير علشان ماتملين من الدراسة.... انا خالاتي تخصصهم رياضيات مثلك وكانوا ماشاءالله عليهم طموحات ومثابرات وبنفس الوقت عندهم شغل البيت وشغل المزرعة(يعني دراسة وشغل بيت وشغل مزرعة لان جدي خلفتة بنات ماعندة الا ولد واحد) وماشاءاللة لاقوة الابالله نجحن ووحدة منهم الاولى على دفعتها دائما. وعلى طوووول توظفن ووفقهن الله والحين الوكيلة والمرشدة الطلابية وناجحات في عملهم... وبالعكس كل ماصار القسم اللي انت داخلتة صعب وبنفس الوقت حابتة ونجحت فية نجاحك يكون لة طعم خاااااص.. والله يوفقك ان شاء الله |
اقتباس:
|
موفقه يآرب .. ماشاء الله من كلآمك وآضح إنك طموحه وحآبه تكوني شيء مهم وتفيدين آهلك ..
ماراح أتفلسف عليك لكن رآح آقولك كلمه بسيطه .. حلآة الشيء لما يكون صعب وشاق ومتعب .. وبعده نجآح هنا فقط نحس بطعم النجآح الحقيقي وحلآوة الإنجآز .. مثلاً أنا كنت أدرس مدآرس خآصه ولا مرا حسيت بطعم النجآح .. والآن ندمآنه آشوف اللي حولي مبسوطين بالنسبه والتقدير مع أنهم أقل مني وأنا أعلى منهم مااحس بالأحساس الرائع اللي يحسونه .. اللي آبي آوصله لك مابعد العسر إلا اللين ومن رأيي إنك تكملين للنهايه ورربي يوفقك .. واللي يسب تخصصك ويحبط فيك مآهو إلا حآقد أ و حآسد .. كملي وإنتي كلك همه ونشآط وتذكري إن بالنهآيه رآح تسعدي أهم وأغلى أنسان بالكون كله إلا وهو آبوك الله يحفظه .. سوري لو طولت عليك موفقه يآرب .. |
ياختي لو اقول لك انا مثلك بالظبط ولافيه اختلاف بين قصتي وقصتك ولاكن انا اخذت بكلام ابي وارتحت و سؤال بس الدكاترة اللي يدرسونك الان طلعوا من بطون امهاتهم دكاترة على طول او انهم مروا في نفس مرحلتك الان ؟
انتي ليش تسمحين لكلام الناس يتسلل الى قلبك ؟ توكلي على ربك وادعيه واجعلي طموحك امامك واجتهدي والباقي على ربنا وعلى مايقولون حطي في اذنك اليمين طينة والثانية عجينة والله لو تسمعين لكلام الطالبات ماراح ينتهي كلامهم وبعدين اذا كان الاسئلة اللي تذوب الصخر على كلام الدكتورة ليش ماذوبتها وهي تدرس يعني كلام فاضي والا كيف بهؤلاء الناس الاف الالاف اللي تخرجوا من القسم هذا كيف بالناس اللي وصلوا القمر كيف بالناس اللي وصلوا الى اعلى قمم التكنولوجيا الاخترعات النووية ليش؟؟ كل شي بالعلم والتعلم واكل العنب حبة حبة وبالعكس الرياضيات من الاقسام الممتعة لانها اشبه بالالغاز والشاطر من يحلها وانتي ضعي اصابع يدك وشوفيها سوا باتأكيد لا؟ ينطبق على عقول الناس ماهي سوا حتى لو ان البنات اعلى بسنوات منك في نفس القسم يمكن دخلوه وهم مجبورين او مايرغبون بالقسم هذا واسباب لاتعد ولاتحصى واذا لاسمح الله ورسبت او اتيت بدرجة سيئة ان تتحطمي كليا وانظري الى هذه الحكم وضعيها نصب عينيك (الطرق المفروشة بالورد لن تقودك الى المجد) (ومن طلب العلا من غير كد اضاع العمر في طلب المحال) ( احترس من الباب الذي له مفاتيح كثيرة ) (العاقل من يضع قارباً يعبر به النهر بدلاً من أن يبني حوائط حول نفسه تحميه من فيضانه) (لا تفكر في المفقود .. حتى لا تفقد الموجود ) (- الفاشلون قسمان : قسم فكر ولم يفعل ، وقسم فعل ولم يفكر) (- سقوط الإنسان ليس فشلاً ، ولكن الفشل أن يبقى حيث سقط.) (- الذي يعمل ويفشل خير من الذي لا يعمل أبداً.) وبالتوفيق لك واتمنى لك دراسة جامعية ممتعة ولاكن بالمناسبة مااسم الجامعة التي تدرسين بها ؟( متروك لك الخيار في الجواب او لا) |
أختي الكريمه ما تمرين فيه حاله نفسيه
فكثر الدق يفك اللحام ربما تكوني في البدايه عندك مناعه من كلام المحبطين فمع توالي نصائح المثبطين أصبحتي تقتنعين شيئا فشيئا وهذا ما أثر عليك من واقع تجربه عشتها أنا مريت بمثل ما تمرين فيه حاليا لكن الاختلاف الجوهري بيني وبينك الكلام الي ما يعجبني أدخله من أذن وأطلعه من الإذن الثانيه عندي لك ثلاث أسئله أيهم أصعب الرياضيات أم الهندسه ؟ أيهم أصعب الرياضيات أم الطب ؟ أيهم أصعب الرياضيات أم الصيدله ؟ طبعا الاجابه أنا أعرفها الرياضيات هي الحلقه الأضعف وهي الأسهل فلماذا تشن الغارات على الرياضيات إذن ؟ الجواب هي رواسب من أيام ما كنا بالابتدائي وحنا نسمعها الرياضيات صعب النجاح فيه مو بالسهوله فأصبحنا مقتنعين بشي غير صحيح دائما ما أسأل نفسي عند ما أواجه هذا السيل من الكلام المحبط عند بداية كل ترم دراسي وأسأل نفسي سؤال واحد فقط فيه أحد نجح بهذه الماده أو لا إذا كانت الاجابه نعم وهي الغالب فأقول ومالذي ينقصني إذن وفق الله الجميع على فكره أنا بنفس تخصصك وفي المستوى الرابع :d بالمناسبه تذكرت قصه حصلت لي في الترم الماضي كنت في مناسبه وجالس مع أحد الأشخاص فسألني عن تخصصي فأجبته رياضيات فانهال علي بكلام محبط لأبعد درجه أن وش تبغى بالرياضيات ماده صعبه دراسه وبعدين تدريس لو دخلت تربيه بدنيه أحسن لك والراتب واحد ولا تتعب عمرك مع أن تخصصه بقناعتي الشخصيه أصعب من تخصصي وهو الحاسب فكنت أنظر إليه وأنا مبتسم فلما خلص من كلامه لم أحاجه وأعارضه لإيماني أن مثل هؤلاء الأشخاص عنده هذه القناعه من أيام الابتدائي ولن يقتنع مهما حاولت اقناعه غيرت السالفه وطلعت كلامه مع الأذن الثانيه فأنا أعرف بنفسي منه فالناس قدرات فلربما هو يصعب عليه الرياضيات وأنا يصعب علي الحاسب ولا أريد أن أسمع كلمه تخصه فما بالك بدراسته والتعمق فيه :d خلاصة الحديث أنتي أعرف بنفسك وقدراتك وتذكري أنه لايرمى إلا الشجر المثمر :22: |
اقتباس:
|
اقتباس:
|
اقتباس:
|
حبك للتخصص ونجاحك فيه مو سبب كافي يخليك تتمسكين فيه ..
وتكملين طريق الآف الخريجين ساروا فيه والنهاية طرريق مسدود ..!! كثير اشياء نحبها ونبدع فيها لكن نتخلى عنها لأن لامكان لها في المجتمع .. لا تعزلي نفسك عن المجتمع وتنظري لرغبتك فقط .. أنتِ جزء من مجتمع له حاجات شوفي حاجاته وكيفي رغباتك على اساسها .. سوق العمل ينقصه كثيير من التخصصات إختارى واحد منها .. ولا تحصرين نفسك , وتستهلكِ جهد ووقت ومال في تخصص عارفة مصيره .. لا تقولي ضيعت سنوات بتخصصي , تضيع سنوات ولا تضيع كل السنوات ..! إذا تخرجتي تعرفين بعدين كيف ضاعت السنوات بجد ...! لا تستصعبي تغيير طريقك فالإستمرار فيه أصعب , إستفيدي من تجارب غيرك .. وبلاش تعيدي التجربة بنفسك عشان تتأكدي .. |
خلي ثقتك بنفسك كبيرة ولا تقيسي حالك بأحد
لما اخترت الدراسة الكل لامني لاني اخترت تخصص دراسته بالانجليزي الكل قالي راح يجيك صعب وتضيعي عمرك على بلاش بس دخلته وكنت واثقة من نفسي والحمد لله رغم الصعوبة في التخصص إلا أني جبت 98% ما شاء الله وكنت ادرس على حسابي وبعد النتيجة الكلية هي كملت درستي على حسابها الحمد لله ما تقيسي نفسك بأحد كل واحد وقدراته ثقي بنفسك وتوكلي على الله وذاكري دروسك أول بأول ونظمي جدولك وإن شاء الله راح ترتاحي الله يرزقك وتتخرجي إن شاء الله بأحسن تقدير |
ماعليك من احد كملي في التخصص اذا حبيتيه وتحسي نفسك جيده فيه
ياختي هذي الجامعه مافي شي صعب ولا شي سهل ' Success comes before work only in thee dictionary' لازم تلاقي بشر تخوفك الحامعه صعبه ومدري ايش والتخصص مسلخ اسمعيمن اذن وطلعيه من اذن ابشرك راح تقابلي ناس تدور رقمك الجامعي عشان تطلع نتايجك ماكذب عليك انا صارت عندي حالة اكتئاب حاده بس تواصلت مع اخصائي نفسي والحمد لله برجع وبقوه الجامعه من احلى سنين العمر وانصحك ماتطلعي بشهادة بس احفري اسمك بالجامعه بحروف من ذهب انا متاخر سنه عن باقي الشباب ومروق المنقا المهم المعدل حملة خلونا ندفرها :) |
هذي جمله كتبتها قبل يومين تقريبا قبل انام
((لا تجعل من كلمات الاحباط ميناء تقف عنده بقاربك المبحر نحو النجاح)) سبحان الله كتبتها ولا كنت اعلم اني ساكتبها لك وكما قالوا """"الشجره المثمره هي من يعاديها الناس"""" اغلقي اذنيك عن كل مالا فائده من الاستماع اليه ودامك حابه هالتخصص وتفهمينه ماشاء الله اذن استمري فيه والنجاح والتفوق حليفك موفقه |
عارفه انا درست رياضيات
وكان باقيلي فقط 3 مستويات واتخرج لاكن لظروف زواجي والاطفال وما احد ساعدني اوفق بين بيتي ودراستي سحبت وقلت ربي يعوضني في اولادي نرجع لموضوع الرياضيات كثير ناس يشوفوه انه صعب وما يفهمه الا المعقدين وووو لاكن بالعكس هوممتع وحلو وكنت استمتع فيه والله بس ظروفي جبرتني وحاسه نفسي راح ابكي لو ما غيرتي رأيك وكملتي دراستك فيه اصلا كفايه انها مادة العباقره والناس الي تحاول تشوش عليك وتغير رأيك هي النقص فيها لان مو اي احد يفهم هذي الماده او يقدر يمشي فيها الله يوفقك ويسهل امرك يااااااارب |
مساء الخير اختي
اولا ومااخفيك موضوعك استفزني شوي بس بعدين قلت بابنت اعوذ بالله من الشيطان الرجيم أولا انت ايش لك في الناس وايش للناس فيك خصوصا في مستقبلك حبيبتي انت مقتنعة ومرتاحة بالقسم اللي انتي فيه ايش حقه قلقانة ثانيا لازم تكوني يا عيوني لك رأيك الخاص وأسبابك الخاصة ووجه نظرك في الاراء المطروحة بخصوصك يعني انتي ممكن تدخلي القسم اللي انت تحبية بس ممكن تستشيري ذوي الخبرة المقربين الثقة مو اي احد تستشيرية وأرائهم مجرد وجه نظر لك مو تحديد مصير ثالثا وهو الاهم لا تتوقعي انك راح تبدعي في شغلة او في قسم احد غيرك اختارة لانك انت ادرى بنفسك وبقدراتك ولاهم من كل ذي الشغلات انه قسم الرياضيات قسم ممتاز للمتميزات والشاطرات وكون الجامعة مرموقه فهذا عز الطلب يعني تخصص بهالحلا في جامعة قوية مبروك عليك اختيارك حبيبتي نصيحة اخيرة كوني قد نفسك وصاحبه قرار ورأي وحكاية انك اتحطمتي وتعبتي فهذا شئ انت اللي مسؤله عنه لانك وكلتي موضوع يخصك لشخص غيرك عشان يفكر عنك وكانك لغيتي عقلك بليز سوري على قساوة الفاظي بس لاني اريدك تكوني قوية نثرت هالكلام اتمنى انك ماتكوني زعلتي في حفظ المولى |
| الساعة الآن 03:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©