|
مشكلتي مع خطيبي
سلام عليكم ورحمة الله وبركاته ..
انه عضوة يديده .. كنت اتابعكم من خلف الكواليس انه من البحرين .. سجلت لأقول ليكم مشكلتي .. اولا بقول لكم اشلون انخطبنا : كنا على علاقه مدتها ثلاث سنوات وكان ينتظرني لين اتخرج عشان يتقدم لي تعرف عليه من اخته .. اخته تصير رفيجتي .. خطيبي اكبر مني بسنتين .. مشكلتي ويه خطيبي .. يغار وااايد حتى من اخوانه اذا جافني قاعده مع اخوانه اسولف وامزح معاهم احسه يتنرفز حتى يقول لي قومي معاي وطلعني بس عشان ما اسولف مع اخوانه اكثر منه يغار اذا ابوس ابوه .. رومانسي بزياده احنا مخطوبين صار لنا سبعة اشهر انه من النوع الي اخجل وايد منه لين اروح معاه بيت ابوه ما يرضى يرجعني البيت ابوي واني استحي منه حتى انام معاه ع سرير استحي موب متعوده وهو يتعم يحرجني .. والمشكله الثانيه من جم يوم صارت سالفه على النوم في بيت اهله قال لي يا انام كل يوم في بيت اهله او نتزوج واني مابغي اتزوج ابغي اكمل دراستي اول .. وخصوصا اني صغيره وعمري 18 حاولت اكلمه ما رضى يتقبل مني اي شي عطوني حل الله يخليكم .. |
حبيبتي}*
اولاُ كيف تنامين معه فترة الخطوبه فترت تعارف فقط ومداعبه حاجه بسيطه موتعد الحدود بدآآآمه خطيبيك يبي يتزوج وآآآفقي بسرعه ودرآآآستك رآآآح تكملينه بعد الزوآآآج مافيهااشي يااعيوني لو ماوآآفقتي على اطلبه لهو الزوآآآج يكون بدري رآآآآآآح يشوف غيرك مثلي انا خطيبي كان يقول نبي نتزوج بسرعه بدري وانا اقوله لآ خله بعدين ورآآآح شآآآآآآآآف غيري بلحرآآم وقاطعني 4اشهور والحين توه قبل امس رجعلي بس مو زي قبل تغير ياربي بس اتمنى يرجعلي زي قبل يآآآآآآآآآرب ويبعد عنه صديقه السيىء عآآآآآآجل غير عآآآآآآآآآآآآآجل يآآآآآآآآآآآرب |
نقل لمكانه الانسب/ قسم المقبلين على الزواج
|
وليش على كيفكم تنامين في بيت أبوه كل يوم؟
ما عندج أهل مثلاً؟ بالنسبة لغيرته .. فأرى أن تحترميها ولا داعي للمزح مع إخوانه. أما والده فلم أفهم! .. كيف يعني تبوسينه؟! بشكل عام .. لا أرى أنه من اللائق أو المحبذ أن تذهبي لمنزل أهله كثيراً في فترة عقد القران. |
اختي حبيت اقول لج انه احنا عدنا بالبحرين انه اذا ملكنا وسوينا حفله الخطوبه يعني خلاص كل شي حلال
المشكله موب جي اختي انه ادرس بالخارج .. يعني لين تزوجة بتصير مشاكل وايد ..وما راح اقدر اوفق بينه وبين دراستي واني مخطوبه احين مب قادره اوفق بينه وبين الدارسه معنه هو معاي حتى واني ادرس وعايش معاي بالاردن بس احين نازلين البحرين صار لينا مدة .. ابغي حل مابغيه يزعل مني هل مشاكل صارت من نزلنا البحرين .. وحنا هناك هو ساكن مع ربعه واني مع رفيجاتي لانه هو بعد يدرس بالاردن |
مهره : انه ابوسه ع راسه ابوس يده ..
لين اسلم عليه .. |
حبيبتي ما في حل ما يزعله منج ;)
هي كلمة ورد غطاها .. نوم في بيت أبوه لا. أعرف أنه حلال .. وأنا شخصياً لست ضد بعض الحركات واللحظات المسروقة بين وقت وآخر لأن لها لذة ومتعة خاصة .. ولكن حكاية النوم في بيت أهله مالها طعم. وإن كان يحرجكِ ويرفض إعادتكِ لبيت أهلكِ بعد زيارتكِ فالحل ببساطة أن تتوقفي عن الذهاب إلى بيت أهله ... ويمكن بدلاً من ذلك الذهاب إلى أي مكان آخر .. أو على الأقل يزوركِ هو في بيت أهلكِ. بس سؤال يقرقع في قلبي: يعني لو فرضنا وافقتِ على النوم كل يوم في بيت أهله .. عادي عند أهلج؟؟!! أما تقبيل رأس والده ويده ... فأرى أن تحترمي رغبته ما دام هذا الأمر يضايقه. |
انتظر نصائح الباقي ..
|
اقتباس:
يا نتزوج يا نومه في بيت ابوه متحريه وايد اخاف اقول ليه نتزوج .. ولين رجعنا الاردن تصير مشاكل وخصوصا اني باقي علي ثلاث سنوات دراسه .. وهو هل سنه يتخرج ويرجع البحرين باقي عليه كورس واحد بس |
ساعدوني الله يخليكم
موب قادره انام .. ابغي ارضي خطيببي .. .. انزين انصحوني انه بقول ليه انه موافقه ع زواج بس تنصحوني انسحب من الكليه وانزل ادرس بكليه العلوم بالبحرين .؟ |
اقتباس:
قد يكون هذا حلاً مناسباً. استخيري وتوكلي على الله. |
شفيكم مجتمع البحرين غير مومثل السعوديه حيل محافظين عادي ينام معاها وكل شي عادي صحيح ان الشي موحلو لان في وقته بس اهم عاداتهم غير عاداتنا وانتو قاعدين تجبرونها تصير مثل السعوديين المهم اي انا اشوف تزوجي احسن لك والله الدنيا مالها امان والرجال بعد مالهم امان شكله خطيبك شاب مليون ويبي يعرس ههههه عادي كملي بالبحرين وتزوجي والله يتمم لك على خير يااااااااااارب احسن لك واعف لزوجك الله يوفقك ويهنيك |
نصيحة تزوجي دام هو يبغى تعجيل الزواج احسن مايصير مشاكل وكملي بالبحرين
بس سؤال لو وافقتي تنامي ببيت ابوه اهلك ايش بكون موقفهم؟ |
مهره شكرا ع نصيحه وان شاء الله راح انسحب من الكليه بالاردن وانزل البحرين اكمل دراستي
ام حسن الحلوة : شكرا ع مرورج الحلوو ونصيحه الحلووة .. عاشقة الغالي : بس سؤال لو وافقتي تنامي ببيت ابوه اهلك ايش بكون موقفهم؟ بيت ابوه : عمي وعمتي يبغوني انام عندهم لانه وايد يحبوني وهم وايد طيبين .. بيت اهلي : ابوي محدد الويكند بس انام هناك الي هو اليمعه والسبت .. وشكرا ع نصيحه .. انه خبرت خطيبي على الموافقه وقلت له اني بنسحب راح نسوي العرس بالبحرين وبروح معاه الاردن لانه عليه كورس بيكمل وبعدين بنروح ان شاء الله شهر العسل .. وانه راح اقدم بالكليه السنه اليايه .. مع الطلبه اليدد وشكرا لكل الي نصحوني .. |
الله يوفقك والله فرحت لك حركه موفقه
|
اقتباس:
عن نفسي لم أجبرها أن نصير مثل السعوديين .... لأنني لست سعودية ;) ونحن في الإمارات قد نختلف عن السعوديين قليلاً .. ولكن ما عمري سمعت عندنا ببنت معقود قرانها تنام في بيت خطيبها قبل الزفاف. المهم ;) عزيزتي 8lby hazeemy إن كنتِ تنوين الانتقال لنفس التخصص في جامعة البحرين فأذكركِ بالسؤال عن موضوع معادلة المواد .. على الأقل حتى لا تخسري السنة وكل المواد التي درستيها في الأردن. موفقة بإذن الله. |
ام حسن الحلوة : ويوفقج يارب .. ترى معزومه ع عرس ..
مهره :اكيد ما راح ادرس المواد الي درستها بالاردن .. توفير للوقت .. الله يوفقكم جميعًا |
والله يااختي ودي اجي بس تدرين الظروف الحين مااقدر ادخل البحرين ^_*
بس يالله وصلت العزيمه وان شاءالله تتهنين |
اقتباس:
والله إني أخجل من مجرد الفكرة أن أنام في منزل أهل خطيبي كقناعه لي أنا كفتاة سعودية لا علاقة لمجتمعي بقناعاتي :d أعتقد أن ذلك أفضل من أن تكون حبلى قبل حفل زفافها وتفقد جمال عذريتها في ليلة غير ليلتها :d |
بالنسبة للمزح والكلام مع اخوانه احترمي طلبه ونفذيه أما النوم غريبه ؟؟ حتى لو مملكين شلون مايصير وكيف اهلك راضيين أفضل أن تتعجلوا بأمور الزواج والدراسة لاحقه عليها |
اسمحولي اعلق على نقطه ماله دخل سعوديين ولابحرينين ولاغيره المنطق شيء واحد العلاقة الحميمة تحصل في ليلة الزواج فقط ممكن الأحضان والقبل البسيطة أثناء العقد مع إنه برضو ماأفضل تخيلي حملتي ولاصار شي شلون بتشرحين لأهلك ولاالناس كل شي بوقته حلووو |
روحي مجروحه :
انه ماعرف عاداتكم ..بس احنا بالبحرين عادي اذا كنا مخطوبين انكون بنفس البيت وكل شي عادي .. وان شاء الله احنا عجلنا في زواج راح يكون بعد اسبوعين .. شكرا ع نصيحه .. |
اقتباس:
ليش معقدينها ؟؟ :( :rolleyes: وإلا أنا فاهمة غلط :25: ليش ما تتزوجون وتكملون مع بعض في الأردن وتكونون ويا بعض هناك في بيت واحد .. دام أنكم بنفس مكان الدراسه.. ولما تنزلون البحرين تكونون ويا بعض في بيتكم ( أتمنى يكون لج بيت مستقل ..! :cool: ) لأن إذا كملتي دراستج في البحرين أكيد بيضيع عليج بعض الساعات .. واحتمال ما يعادلون بعض المساقات .. أنتي كم باقيلج على التخرج ؟؟ وزوجك كم باقيله ؟؟ |
القصه مو قصه بحرين وسعوديه وعادات وتقاليد
القصه اختي صاحبة الموضوع اذا كل شي عادي كما تقولين يبقا الزواج نفس الشي بالعكس احسن احمدي ربك انه لايرفض فكرة التعليم رفض قاطع اكملي بالبحرين وان شالله زواج العمر بالنسبة للغيرة اختي حاولي ان تستجيبي لها لان غيره الرجل ليست بيده اختي الرائعه بردودها ام سيف اود ان اوضحلك لك بانها قالت انه سينتهي من دراسته قبلها ب3 سنوات فالنقل للبحرين افضل تقبلو احترامي راااايئ |
| الساعة الآن 09:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©