|
سؤال إلى الأزواج ما هو أكثر موقف يقودك للإنفعال
مساء الخير جميعا ... عندي سؤال يا ريت جميع الأزواج يشاروكون فيه :) باعتبار أن المرأة خلقت من ضلع أعوج وباعتبارها مخلوق يغلب عليه العاطفة في معظم الأحيان ... ما هو أكثر موقف تقوم أو قامت به زوجتك يقودك إلى الانفعال والجنون وأحيانا الكره المؤقت؟ وهل من موقف معين اضطرك إلى التفكير جديا بالطلاق أو اتخاذه كخطوة فعلية؟ يا ريت كل واحد يشاركنا تجربته :) |
تفتيش الأغراض الخاصة من محفظة أو لاب توب شخصي وكذلك درج السيارة مع سبق الاصرار والترصد وإظهاره للزوج أنه مراقب
بل انه لدي موبايل من العمل كنت مقفلة من أجل الأطفال الا يتصلو على اي رقم بالغلط وأنا نائم تفاجأت بفتحه واعطاب الرقم السري 3 مرات وزين اني حصلت puk2 + انا لم افكر بالطلاق فلماذا اطلقها بما انه هناك قدرة على فتح بيتين وفكرت بالزواج من الثانية وهو ماحصل |
ههههههههههههههههههههه الحركات هذي تسويها وايد حريم للأسف، تدل على عدم ثقتها لا بزوجها ولا بنفسها وتؤدي إلى هروب الرجل في النهاية. أعانك الله أخي متزوج2 ... وأشكر مرورك :) |
اقتباس:
:24::24::24::24::24: أنا سويتها من قبل كنت افتش جوال زوجي لكنه ماكان يعرف لكن قبل عشرة ايام فتشت ايميلاته وفواتير حساباته ورحت بكل سذاجه اقول له ويالله على اللي صار لي يومها شفت منه غضب ماقد شفته منه ابدا من قبل وسمعت منه تهزئ ماقد سمعته من احد وفوق هذا انا اللي طلبت منه الانفصال يومها يعني شين وقوي عين لكن الحمدلله الله ستر وماسواها وطلقني الحين انا اعتذرت له وهو سامحني لكن خلاااااااااااااااااص توبه اعيدها ماعاد افتش ايميلاته مره ثانيه ابدا لكن مااظن أني اقدر امنع نفسي اني افتش جواله من وقت للثاني مشكله والله الحريم وعقولهم |
اول شي الموضوع هذا حساس شوي وبالذات للي تكون زوجته مسجله معه بنفس المنتدى :d لكن يد ماسرقت ماتخاف القطع انا اول كنت اقفل جوالي والكمبيوتر برقم سري ومحتاط لأبعد الحدود بس في الاخير اكتشفت انه ماعندي شي اخبيه كل شي بحياتي واضح كأني كتاب مفتوح فصرت ارمي الجوال بدون لارقم سري ولا غيره والكمبيوتر مفتوح واحيان اخلي ايميلي مفتوح وماعندي شي اخاف عليه أو أخاف منه خليها تفتش ليييييين تروق غزالتها :d واكثر شي حز بخاطري بحياتي الزوجيه مانقول كذب اممم , , نخليها اختلاق المشاكل وتكبير التوافه وتدخل الأهل في كل صغيره وكبيره الحمد لله هذا الباب اغلقته تماماً , ماحد صار له دخل فيني وفي زوجتي وان شاء الله تكون هي اغلقت نفس الباب تجنباً للمشاكل لان الرجال اذا ركبه الشيطان لاعاد يفكر في بيت او اسره او اطفال ويشتري راسه وفي الاخير المسؤوليه كلها راح تكون على الزوجه بحكم صغر سن اطفالها موفقين إن شاء الله |
بدآية زواجي كنت اطلب الطلاق على اي شي
لين انتبهت لنفسي هههههههههههههههههههههه لأن زوجي مره قال لي: يالله قبل تقولين قومي اخذك عندهلك هههههههههه |
أكثر ما يوترني كثرة طلب الطلاق وقد حصلت عليه بالفعل وحققت أمنيتها
|
بالنسبة لنا
قبل تقريبا ثلاث سنوات لما كانت موضة المرأة القوية كدنا نصل للطلاق وفعلا كرهني وصار ينتقم انتقام كرهني بنفسي وقالها بفمه افكر بالطلاق |
مع ان السؤال موجة للرجال بس مافي مانع ان حواء تشارك...
لان لفت انتباهي بعض الاخوان الله يهديهم...تنرفزهم الحرمة اللي تفتش... طبعا هي مافتشت كذا هواية ...لا ...اكيد شافت شئ او حست بشئ(وياكثر مايصدق الاحساس عندنا)وراحت تتاكد.. بعض الازواج الله يهديهم يستغل ثقة زوجتة فية وطيبتها معة...ويلعب بذيلة.... واذا فتشت المسكييينة تلقى اموووور تشيب الراس... الله المستعان وبس.. |
ممكن أجاوب عن زوجي ;)
أكثر شيء يكرهه فيّ هو عصبيتي وخاصةً عندما يعلو صوتي .. طبعاً الحمدلله هذا كان طبع لديّ في الماضي في بداية حياتنا معاً .. وتمكنت من ترويضه والتغلب عليه إلى حد كبير لأنني اكتشفت أن الصمت هو أفضل وسيلة لتدارك واحتواء المشكلة قبل أن تتفاقم .. وأفضل وسيلة أحصل بها على حقي :22: هل فكر في طلاقي؟ لا أدري .. مهما كانت المشاكل بيننا .. ومهما كان طفران مني وقتها لكن عمره ما ذكر كلمة الطلاق. |
أنظري إلى معرّفي ,, فالعناد هو مايسبّب غضبي ,, وانفعالي ,, إضافةً إلى ذلك ,, النديّة ..
|
جوابي طازج:D
سئلت زوجي ايش اكثر شي يعصبك مني قال لما ماتسمعي كلامي:يعني لما اقولك شي وتسوي عكسه انا احيانا اعاند مابعرف لي وهل فكر يطلقني اكيد مارح اسئله لسا ماصارلنا شهر وكم يوم متزوجين صعب اسئله وان شاء الله عمره مايفكر |
سالت زوجي
وقالي المراة اللي ما يترس عينها الا التراب ولا تحمد ربها وانا اكثر شي يكرهني بالريال تعامله مع زوجته كانها واحد من الربع ههههههه |
| الساعة الآن 06:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©