|
الازهار الطبيعية في منطقتنا
السلام عليكم و رحمة الله و بركاته
طلبت مني بعض الاخوات هذه المعلومات عن مجموعة أزهار طبيعيه متعددة الأسماء مشمووم ومجموع تنبت في الجنوب و روائحها حلوه و تمسك في أي شئ يعني مثل نبات الريحان بس أشكالها تختلف ورائحتها تختلف عن بعض وهي مجموعه تاخذ منها من كل واحد نوع وتجمعها مع بعض وترشين عليها عطور مخلطه طبيعيه تحطين عليها شوي منها وتاخذين مقدار كف يدك وتلفينها بخيط علشان ماتطيح أو إنك تحطينها في لفة من اللفات إللي تمسكين فيها شعر راسك وتحطينها مع مشبك الشعر تكون ملامسه لشعر راسك أو إنك تلفينها بخيط زين مازين وتنثرين شعر راسك وتحطينها في وسطه وتلفين عليها شعرك كامل و تثبتينه وخليها على قد ماتبغي بس لو طولت بالشعر تنشف وريحتها تمسك بالشعر فتره طويله أحياناثلاثة أيام خمسة أيام على حسب وبعضهم يضيف عليها الكاذي والفل الجنوبي تنلبس على الرأس من فوق , عندنا بالأعراس والمناسبات بالرغم من إنتشار الكوفيرات والتسريحات إلا أن هاذي الأشياء أساسية عندنا بالذات لبس عقود الفل وتعليقها على العنق وبعضهم يضبطوا طرحه كامله من الفل تغطي الشعر كامل و بعض النساء تحط مشمووم وكل واحد على حسب رغبته وإذا كنتم من أهل الرياض ماأتوقع بتحصلونها أنا أحيانا زوجي يسافر الجنوب و يجيب لي معاه وأحيانا صديقاتي مايقصرون يجيبونه معاهم هديه ولما أنا أرو ح الديره إجازه أنزل بنفسي السوق وأشتري من جميع أنواع أزهار المشموم وأقسم بالله إن ريحتها تجلس بالسياره أحيانا يومين لما نجيبها من السوق هاذي بس ريحتها رائعة المجموع نفس المشموم بس يضيفون عليه مجموعه من العطور يرشونها عليه ويحطونها بورق قصدير ويخلوها بالفريزر حق الثلاجه تاخذي منه وتحطينه بشعرك وقت الحاجه أو في اليله إللي فيها مزاج وجو رايق ورومنسي إفهموها أنتم عاد مايحتاج أوضح أ كثر وريحته تمسك بالشعر والوساده وكل مكان تحطي راسك فيه تجدين ريحته جناااان بس الحين أنا وين والكاذي والمشموم والمجموع وين أنا بديره وهو في ديره |
نقل لمكانه الانسب / مملكة المرأة
|
تسلمييي يا بنت الحكمي على الموضوع اللي كله روووايح عطرة
والله اقرا و انا مستمتعة حاسة بريحة المشموم و الكادي حوليني رغم اني اعرفهم نعم المعرفة و تربيت بينهم ... بس برضو في اختلافات بسيطة فيه بينا و بينكم .. انا من اليمن .. و الفل و الكادي و المشموم عندنا زيه زي الطحين و الرز :) ما نستغني عنه .. خااصة ايام الصيف لرخص سعره لاااازم العصر كل وحدة توصي اخوها لا ابنهاو لا عيال الجيران :) يروح يشتري لها الفل اللحجي و جنبه مشموم و كاادي .. و توصيهم يجيب الفل المغمض (اللي لسه مافتح ) و مايكون معقود في عقد و اتذكر و انا صغيرة كان عقد الفل من نصيبي :(... هم يروحوا يلبسو و يجهزوا و انتي يانورة اقعدي مع الخيط و الابرة :).. لما تنعمي عييوني .. و كانو يعملوا من الفل عقود .. و كمان يعلقوا مجموعة فل على الحلق الذهب و يلبسوه و طبعا على الراس .. اما في الافراح فحدث و لا حرررج ... تشوفي الناس و خاصة اهل العروسين مغطايين بالابيض:) تقولي نزل عليهم ثلج و عقود العروسين مميزة جدا تكون ضخمممة جدا و الحين لما نزلت لاقيت موضة جديدة بالقل ماكانت موجودة من زمان وهي انهم لما يسوو عقود الفل تقول لصاحب الفل لون فستانها فايضيف لها ورود من نفس اللون في عقد الفل شكله حللو و حررركة جديدة :) ... بس للاسف كل مانزلت بلدي ما اتهنى كثيير لاني انزل عالشتاء و يكون تقريبا معدووم بس مايقصروا يبحثوا لي عنه بكككل مكاااان .. اما اللي ينزل بالصيف يتههههههنا على ذكر المجموع ... هذا من ضمن الاختلافات .. المجموع عندنا شي ثاني .. تسويه حرمة خبيرة و هو عبارة عن خلط مجموعة من العطور العربية .. و يطلع بالنهاية عطر جديد يسموه مجموع بس ريحته وووووووووووووواااو وفي كمان الزبد و الاخضرين .. برضو تتكون من عطور يطبخوها طبخ مع اشياء مادري ايش هي :) و يطلع زي الكريم تحفظيه بعلبة و تسويه خلف الاذن و على الرقبة قبل ما تتبخري ... و تعالي شوفي الريحة بنت الحكمي اتعلمت منك :) اشوف ردي ماخلص :) .. سامحيني على الاطالة حبيبتي بس والله موضوعك دق على الوتر الحساس .. و الحنيين واصل حده ربي يصلح الاوضاع و يرد كل مغترب لبلده |
حياك الله يانوره ومشكوره على زيادتك في موضوعي وصدقتي حنا عندنا أكثر الفل والمشموم يستوردونه من اليمن يجيبونه من عندكم ويبيعونه بالسوق أحيانا سعرالفل عندنا يكون غالي العقد الواحد يبلغ من 70إلى 100 ريال وفي وقت الأعراس والمناسبات يطيرون فيه وأحيانا تروح السوق يقولون لك خلص
وأنتم ماشاء الله عندكم الفل والحناوالبن اليمني بكثره أنا كل ماأروح الجنوب ما أسافر إلين أروح السوق وأشتري بن يمني وحناء يمنيه ومشموم أخذها هدايا لصاحباتي وبالنسبه للفل أشتري بس يخصاره يذبل قبل ما أوصل لمنطقة سفرنا وبالنسبه للمجموع إللي أنت قلتيه أنا شفت علب زجاجيه عند حرمه تبيعه بس والله ماسألتها كيف تضبطه لأني شميت ريحته حلوه وأعجبني شريته هو شكله مثل العطر ولما ترشينه مع المشموم تصير ريحته حلوه بالحيل وكمان شفت في زيارتي الأخيره لديرتي عندهم عقود منضمينها من طيب المحلب الحبيبات ينقعونها بالماء حتى تلين وبعدين يجيبوا إبره وخيط ويرصونها مثل العقد ويحطون بينها مسافات تفصل بعضها ببعض حبات خرز متوسطه ملونه وبعد مايخلصون والعقد يكتمل ينقعونه بين مجموعة عطور في علبه لمدة يومين ثلاث حتى يتشرب رائحة العطر وبعدين يطلعونه ينشف برى وتكون ريحة العطر ماسكه فيه وتقدري ترشي عليه عطر بأي وقت بعدها ويضبطو كمان مسكه على الشعر من ورى تشبه الطوق بنفس طيب المحلب بس يطرزونه طرز على أشكال ورود وقلوب على قطعة قماش صغيره وكمان يضيفو لها في الطرز بعض حبوب الهيل والقرنفل لأنها تعطي ريحه حلوه وتميز في اللون والشكل وترشينها بأي عطر أنتي تفضلينه وتلبسينها في أي وقت تبغين الريحه تبقى ماسكه فيها أنا مابغيت أ شرح بزياده ولا كنت أبغى أنزل موضوع بهاذا الشأن بس الغاليه والحبيبه أختنا رو ح الطير طلبت إستفسار عن العطور الطبيعيه وأنا رديت عليها وتعرفين زودت عليهادردشه فكان مصير ردي الحذف بس ماقصرت الأخت ماريا الله يجزاها خير نقلت هنا وخليته موضوع في الحقيقه الشكر موصول لمشرفتنا للغاليه ماريا الله يحفظها وأنتي بعد ألف شكر لك ولوعندك إضافات بعد نزليها أنا أتشرف بمشاركتك معي في هاذا الموضوع ياغاليتي . |
تسلمي لي ياقمر
ولا يهمك .. خلاص بس انزل .. ارسل لك بن و حنا و سدر و عسل و كل اللي نفسك فيه ماشاء الله ماخليتي شي للاضافة كفيتي ووفيتي ,,, بس حبيت افيدك بموضوع الفل احنا يجيبوه من اليمن لبريطانيا و يعيش معنا 3 و لا 4 ايام .. شوفي لما تروحي تشتريه .. شوفيه بعيوووونك خليه يختار الفل المغمض اللي لسه مافتح عشان يطول و ما يدبل بسرعة و لما تروحي البيت لفيه بجرايد و بعدين لفيه بالقصدير و اغلقيه تماام التمااام و حطيه بالثلاجة لحين السفر و خذيه معاك و اول ما توصلي على طول للثلاااجة .. و ان شاء الله بيضل معك على الاقل 3 ايام ... و بتشوفي مراحل تفتح الفل :) الله يسعدك حبيبتي ... واحنا وين وروح الطير وين .. البنت بين الليمون مو فاضيةة للروائح :) نسيت اقول لماريا .. مشكووووورة ياغالية ربي يسعدك دنيا و اخرة |
الللللللللللللللللله
جني قاعدة بجنة - الله يرزقنا واياكم الفردوس الاعلى - الصراحة موضوع رائع وممتاز وفرفوشي بس من جد انصدمت ان نورة من اليمن وكل الوقت عبالي من السعودية - ومن الرياض بعد- اذكر في مرة رحنا ابها مع اهلي ورحنا في جبال السودة - على ما اعتقد- وماشاء الله طول الجبل روائح زكية والله وبالله كانها روائح شامبو سبحان من خلق بابدع بس عندي استفسار لما تحطون الفل بشعركم ما يتشبك مع شعركم؟؟ بعد اذن الادارة ممكن اتعرف على نورة لان بالغربة بروحي ابي ونيس صالح مثل نورة >>>>>>>>>>>> تبي تكسر الخاطر تحياتي لكم |
بعيد الشر عنك يااقمر.. ليش الصدمة :)
كلنا اخوان و عيال ارض وحدة .... يالليت والله المنتدى يسمح بالتعااارف .. بس للاسف مانقدر ولا كنا سوينا حزب العربيات في بريطانياا انا و انتي و ماريا و غربة و بقية المغتربات :) ان شاء الله ربي يرزقك بصاحبات عندك صالحات يسلوك و يخففوا عنك طفش الغربة بالنسبة لسؤالك لا .. الفل يكون معقود على شكل عقد .. و تثبتيه بشعرك بالبنسات السودا الصغار عرفتيهم ولو شبكت فلة و لا اثنين عاادي ونعم الطلب عشان تبقى الريحة :) و لما تمشطي راح ينزل اي شي شااابك .. |
حبيبة قلبي والله شوقتيني احط الفل بشعري
بس احنا عندنا بالكويت هالشي مو مقبول - لانه مو متداول ابدا- اذا نبي نعطر شعرنا نستخدم الخمرية او البخور فقط بس دامني بالغربة ولا احد يدري عني شكلي باسويها بس وين القى مشتل يبيع فل؟؟ في اي محل للزهور والا وين |
- الله يرزقنا واياكم الفردوس الاعلى -
الصراحة موضوع رائع وممتاز يعطيك العافيه |
اقتباس:
|
اقتباس:
|
اقتباس:
|
الله يعطر ايامك بالسعاده والسرور يا بنت بلادي 00
مثل ما عطرتي منتدانا بالموضوع الفواح 00 كأني مسافره للجنوب 00 الله يسعدك يالحبيبه 0 لكن ماعرفت بعض الازهار ومنها المشموم - اسمه عجيب !! فبحثت عنه ووجدت انه عندنا اسمه الريحان00 http://www13.0zz0.com/2011/03/04/22/616722714.jpg والفل اعرفه00 واحبه جدا http://www14.0zz0.com/2011/03/04/22/697221566.jpg والكادي بعد ما عرفته لكن بعد ما شفت صورته 00قررت ازرعه في بيتي 00 هههههههه ومشهوره فيه اليمن 00 شفت له صور خيااال - نوره انتم عايشين بجنه - الله يزقك جنانه http://www2.0zz0.com/2011/03/04/22/310644017.jpg وهذي زهرته - منظرها خيال - سبحان الله http://www2.0zz0.com/thumbs/2011/03/04/22/289452130.jpg والله يبارك فيك يا ريحانة المنتدى وزاد غلاك عند احبابك00 وانتظريني ابنزل موضوع مفاجئه لك انتي ونوره 00 انتظروها 000000 |
اقتباس:
أشعل في صفحتي النورر شقردية يابدر البدورر حياك يا أختي الغاليه ويشرفني ويسعدني مشاركتك في موضوعي ومدري ليه يا عسل كل ما أشوف معرفك أنبسط وترتسم بسمه على وجهي وأفرح لما أشوف مشاركاتك وأصفارك أشتاق لشوفتهابصراحه والله إني حبيتك من قلبي ياشقرديه الله يحفظك ويخليك لعيالك يارب بالنسبه ياعيوني للمشموم هاذا ياستي عندنا بالجنوب ينباع بالأسواق الشعبيه ويختلف عن الريحان شوي هو موعلى شكل ورد هو شكله مثل الحبق الحساوي طبعا هاذا نوع واحد باقي فيه نوع شفتي ورق الشاي الأخضر مثله بس ريحته جنان وفيه نوع لونه أبيض وريحته حلوه وتمسك حتى لوكان جاف ريحته ماتتغير هاذا يسمونه بياض وفيه نوع مثل الغصن لونه أخضر وأطرافه مثل الزعفران لينه ونحيفه ولونها أخضر غامق ونوع شكله مثل أغصان الزعتر وطبعا كل هاذي الأنواع شكلها مثل الأغصان تجمعينها وتاخذي الأطراف اللينه منهاوتقطفينها زين وتخلطيها مع بعض وفيه طيب إسمه مجموع مثل ماتفضلت فيه نورا تشيلينه وترشينه عليها وإذا عندك مجموعة عطور ثانيه حابه تضيفينها على الخلطه مجموعة المشموم ضيفيها أو عندك طيب محلب مطحون وحابه تحطين عليها كمان بتصير ريحتها تجنن بس مهما أضفتي لها تبقى ريحة الأزهار هي المميزه فيها أنا ماعندي لاب توب وإلا كان أتصلت على أخوي بالجنوب يروح السوق ويصور لي كل نوع لحاله ويرسل ليه صورته وأنزلها بالموضوع شقرديه أتوقع إنك تعرفي إحتفالات العسيرين بالجنوب في أبها ماقد سبق وشفتي رجالهم حاطين لفة أزهار على رؤسهم بالإحتفالات أحيانا حتى بالتلفزيون يطلعونهم بالحفل وهما حاطينها هاذي هيه الأزهار إللي حنا نسوي منها المشموم أنا زوجي لما نروح الجنوب يستغني عن فواحة السياره هناك بالجنوب تصميمات من هاذي الأزهار يبيعونها خاصه بالسياره تعلقها بالمرآية في الأمام وتبقى ريحة السيارة تجنن كل ماتركب السياره تنزل ريحتك تفوح من هاذي الأزهار ولو حطيتيها في دولاب ملابسك مايحتاج عاد تبخريها خلاص ريحتها تمسك بالملابس وإن شاء الله إنك عرفتيها يارب بالنسبه للكاذي عندنا دوار حق سيارات شكله على غصن كاذي ولونه أبيض صمموه من كثر حبهم لهاذي الزهره وصار إسمه دوار الكاذي والفل كمان موجود وحنا مسافرين للجنوب أول مانوصل محافظة صبيا يقابلونا فيه عند الإشارة يبيعونه عقود وتعليقات أشكال والوان على شكل قلوب وورود وصارو يخلطوا معاه لون زهرات وردية وصفراء وبصراحه ما أحلا الطبيعه في ديرتي كل شئ فيها حلو وله طعم . شقردية حنا في إنتظارك لاتطولي علينا في موضوعك ياأحلى شو شو محبتك في الله أختك أم سلطان . |
| الساعة الآن 02:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©