|
وقد رجعنا :)
السلام عليكم ورحمة الله وبركاته
الحمد لله كما ينبغي لجلال وجهك الكريم وعظيم سلطانك شفتو موضوعي اللي راح عن خطيبتي واننا انفصلنا وانفسخت الخطوبة انا صراحة الموضوع بالنسبالي كان ما انتهى يعني .. كنت واثق اللي بيننا مستحيل ينتهي كدا .. وكنت منتظر منها شي وحاسس انها حترجع .. والحمد لله حصل اللي ابغاه خطيبتي امس على الساعة 3 الليل اتصلت عليا .. اتكلمنا مع بعض كتير بس المختصر انها قالتلي انها ندمانة وانها عارفة انها غطلت وانها عنيدة .. وهيا اصلا ما كانت تبغا كدا من البداية .. وان الفترة اللي بعدنا عن بعض فيها ما اتغير فيها شي ولسا تبغاني وكانت تكابر .. المهم انا اتغليت شوية .. وقلتلها ما يصير وهادا شي مو مقبول وما ينفع لانك اتاخرتي .. ليش اتاخرتي قد كدا المفروض تقولي من اول وما تسكتي :D هيا ضحكت بعدها وقالتلي والله انا اسفة وسامحني وان شاء الله حاعوضك عن كل شي .. ومن بكرة حاكلم امي وخالتي ( اللي هيا امي ) واعتذرلهم واقولهم اني غلطت ونعدل كل شي المهم بعدها اتكلمنا كعادتنا يعني ولا كانو شي سار .. وقفلنا بعدها حمدت الله وصليت الفجر ونمت نومة عمييقة لدرجة اني سحبت عالدوام من كتر ماني مبسوط .. و دحين خلاص ان شاء الله حنشوف كيف نقدر نرجع تاني المهم .. انا ابغا منكم تقولولي بس .. ايش الحاجات اللي ممكن اسويها عشان ابعد عن المشاكل ؟ هل المفروض اقولها شي ؟ انا صراحة خلاص مابغا افتح الموضوع تاني يعني .. مع انو نفسي اتكلم معاها عن كم حاجا المفروض مانكررها تاني ونغلط نفس الاغلاط قولولي كيف اخلي العلاقة تمام وبدون مشاكل منتظر نصائحكم |
الف الف الف الف
مبــــــــــــروك واخيراً عسى الافرآآآح دوم ماتفرقكم وربي يديم بينكم السعاده يآآآآرب اذا هي عنيده انت خلك فهيم وحنون ولا ترجع سالفة المااضي لهاا عبر لها فقدانك لها وحبك ..الخ حآآآآول تكون قريب من عقلها وقلبها اقرا كتب عن علاقه الزوجيه وكيفة تعامل مع المره,’, والله يوفقكمـ.., ادعيلي انه الله يسخر لي خطيبي ويرجع لي زي قبل ويبعد عنه اصدقاء السوء عآآآجل غيــــر عآآجل |
هلا أخي هل تتحمل الكلام القاسي وإلا تحب الطبطبه ؟؟ إذا ما تتحمل ما راح أعلق .. أما إذا مافي مشكلة وتستحمل حرجع أعلق على موضوعك بعد ما تجاوبني !! |
مع اني لا اعلم المشكلة بس الف مبروك وربنا يديم المحبة والألفة بينكم دوماً يارب :)
|
اقهرتني الدنيا
ان شاء الله باحاول اسوي اللي قلتي عليه وان شاء الله الدنيا ما تقهرك بعد كدا وتسويلك الي تبغاه .. ويرجعلك خطيبك :) الله يسعدك .. شكرا عالرد أم سيف خدي راحتك يا اختي وانا مستعد اتقبل كل الانتقادات ونتناقش فيها سمسم الله يبارك فيك .. ومشكور عالدعوة :) |
الف مبروك
بس خطيبتك تقهرني عليها نفس صعب يعني مثلا لما اتصلت عليها اخر مره قالت لك توك تتصل !<_ لما صارت كارثة جدة صح كذا ؟ والا انته عضو غير المهم هي لازم تحــــــــترمك مرره احسها اذا عصبت ماتحترمك لييييييييييه وربنا يهديها |
نور الكون
نعم انا نفس العضو .. هي بالفعل اعترفتلي وقالتلي انها كانت عنيدة وكانت تبغا القرب مني بس تكابر هنا ابغاكم تقولولي يعني كيف اقدر اكسبها واخلي الحواجز ( عناد - كبر - عزة نفس ) تروح بيننا ونخلي علاقتنا صافية بدون مشاكل ؟ |
المفروض تقول لها مابينا تكابر او عزة نفس او كرامه حنا وااااااااااحد
اذا انتي عنيدة مو مشكله خلييك عنيده بس معي انا لا اذا على اي توافهه تضايقها تجي تفش خلئها فيك مو مشكله بس افش خلئي بذوق مو ارمي كلام على زوجي وبعدين اقول كنت متظايقه !! وين الاحترام اللي بين الزوجين!؟ الحب شئ جمييييييييل جداً والميانه والضحك والفرفشة والمزح بين الخطيب وخطيبته أمر مهم لكن الحذر من انتقاء الالفاظ السيئة يعني ممكن انا امزح مع اختي واقول لها انقلعي او ماشابه ذلك بس مو معقوله اني اقول لزوجي حيا الله كلام .. ابسألك سؤال هي تحبك او تبيك كزوج لان الحين يادوب الوحده تلاقي زوج فـ تعلقت فيك !؟ لاحظ تصرفاتها وانت تعرف الاجابه اخيرا اتمنى لكم التوفيق والحب قمييييييل زي مايقولوا ولكل جواد كبوة وانا اتمنى ربي يلم يشملكم ولا يفرقكم ويحنن قلبها عليك واذا بغيتوا تنجحوا في حياتكم من بعض شيلوا من فكركم ( التكابر ) آعتذر اذا كان بعض كلامي قااااسي |
خطيبتك حبت تعيش قصة حب وفراق وعودة
وشكلها تتفرج على مسلسلات تركيه كثير... لكن اتمنى انها تختمها بنهاية سعيدة لكما.. أخي حياتك أدرها انت فأنت الرجل.. هالمره عدت.. ضع لنفسك مكانه وهيبه أكثر..قبل أن تتطور المسائل فيما بعد |
اقتباس:
طيب يا سيدي أولا أقول .. يااااا خسارة الوقت إللي ضيعته يالـ البليغ في النصايح والتوجيهات والإعداد النفسي لما بعد الإنفصال ، وكان كلام رائع وعملي ولا يُـعلى عليه .. كل ذاك الكلام السنع ضاع مع أول مكالمة في وقت غريب .. وأنت على طول ما صدقت .. يعني هي بكيفها أنهت العلاقة وهي بكيفها أعادت العلاقة.. ولا تغير شي فيكم أنتو الأثنين !! يعني شو كانت تعاند ؟؟ زين ليش والمواقف معظمها ما فيها سبب يولد العناد .. ؟؟؟ يعني تطلب منها الاتصال لما تكون فاضية وتمر الساعات والأيام ولا تتصل .. لهالدرجة الشغل ؟؟؟ وتتكرر المواقف بنفس الأسلوب ... (( هي بالفعل اعترفتلي وقالتلي انها كانت عنيدة وكانت تبغا القرب مني بس تكابر )) كيف تبغا القرب وتكابر ؟؟ ما تظبط !! لأنكم أساسا مخطوبين رسمي !! أنا كل خوفي عيك يا ابني أنك بالنسبه لها مجرد (احتياآآاط ) وأنت ما تدري !!!!!!!!!!!!!!!!!!!! * * عموماً .. هي لازم تفهم أن العلاقة بين الأزواج ما فيها مكابره .. المفروض تكونون روح واحدة في جسدين .. هكذا تعلمنا العلاقة الزوجية .. كل واحد يسعى جاهداً لإرضاء توأمه الروحي .. كوني له أمه يكن لك عبداً .. أما أنك تصير لها عبد وهي تحسب نفسها السيدة إللي أوامرها مطاعة .. فعمره الحياه ما راح تكون سعيدة بينكم .. الإنسان ( كراااااااااااااامه ) .. كما قلت بنفسك سابقاً .. بتراعي كرامتك أهلاً وسهلاً .. وإلا .. تسريح بإحسان .. أدعو الله أن يريكم الحق حقأ ويرزقكم اتباعه .. ويريكم الباطل باطلاً ويرزقكم اجتنابه .. لمن سيهاجمني ويقول لا تخربي عليهم أقول إرجعوا لمواضيعه السابقة وتأملوها جيداَ |
ياريت تكتبلنا رابط المشكلة الي خلتكم تتركو
|
نور الكون - ذكريات لا تغيب - أم سيف
اشكركم على ردودكم وتفاعلكم ندخل فالموضوع : اول شي انا عارف اني غلطت في بداية العلاقة واني خليتها تاخد راحتها وتسوي اللي تبغاه ( مع ان هذا كان بدافع اني احبها وابغا اسويلها اي شي عشان ترضى ) هيا للاسف استغلت الشي دا فحاجات غلط .. سببتلنا مشاكل لين ما وصلنا لهذي المرحلة بس يعني هنا دحين هيا جاية تصلح .. يعني بداية التغيير .. زمان بس انا اللي كنت ابغا اصلح وهيا ما كانت تساعد .. بس هيا دحين جاية تساعدني .. يعني في امل ان شاء الله نتحسن .. وانا لو ما لمست الشي دا منها فالمكالمة الاخيرة .. ابدا ما كنت فكرت اني ارجع المكالمة كانت ساعتين تقريبا .. اول ساعة تقولي اغلاطها وحتى ما بررت لانها عارفة انها غلط .. وتاني ساعة تعتذر مني يمكن تحسو اني طيب مرة .. يعني عشان رضيت اخليها ترجع بسرعة .. بس يعني هل انا غلطان لما خطيبتي تجي تعتذرلي وانا اقبل منها اعتذارها ؟ هل الصح اني ارفضها ؟ لو انا متاكد انها تبغاني وانا كمان ابغاها .. سارتلنا مشاكل .. بسبب اغلاط من الطرفين .. وهيا جات تعتذر وتعترف انها تبغا تصلح كل شي .. هل المفروض ارفض ؟ يعني خلاص احس مالها داعي اني ازودها وارفض .. احنا الاتنين دحين نضجنا اكتر .. وسارت عندنا خبرة اكتر فالتعامل مع المشاكل .. بس اللي ناقصنا .. كيف بس اقدر اكلمها فالموضوع .. واننا نتفاهم على كل شيء .. يعني كيف اوصلها انو المفروض ما في كرامة ولا عزة نفس بين متزوجين .. وانو المفروض ما نكابر .. ابغا طريقة التعامل مع ما بعد الرجوع بس هذا قصدي ويا ريت اسمع ارائكم ونتناقش ونفيد بعض واشكركم مرة ثانية عالرد عاشقة الغالي http://www.66n.com/forums/showthread.php?t=219721 هذا الرابط اختي .. منتظر ردك :) |
أخي الكريم
اجعل الفترة القادمة مرحلة لاكتشاف تغير المرأة. هل هو تغير كامل أم تغير وقتي تدعيه بعض النساء. لا تستعجل بالزواج. أسأل الله أن يصلح حالك |
اهلا اخي حاتم
ايش رأيك فاللي صار.. وهل تشوفو الشي الصحيح ولا كان المفروض اسوي شي تاني ؟ ونصائحك لـ طريقة اوصل معاها لـ تفاهم تام .. واننا نبعد عن المشاكل ؟ |
اقتباس:
مرة مرة بس بالعكس اللي عملته انته هو الصح , بتخيل اني مكانك وجاء زوجي يعتذر لي ايش تتوقع ردة فعلي ؟ اكيد حنبسط وحطيييير من الفرح احنا تغيرنا احنا رجعنا لبعض وللاسف حكون غبيه جداً جداً لما ارفض اعتذاره يابابا هذا حبيبي مو حيا الله احد لييييه اخسر حبنا .؟ وأكابر ؟ لييييييييه انا اعطي الدنيا اكبر من حجمها ياسيدي عيش حياتك طووووول بعرض وربنا يديك على قد نيتك .. -- برايفت دحين انا الاحظ حاجه في الشباب الغربيين او اللي من الحجاز سبحان الله مره رقيقين المشاعر طييييييييييييييبين لاقصى حد , يؤمنوا بوجود الحب بحياتهم , سهل التعامل معهم زيك انته لما جت خطيبتك تعتذر لك تقبلت اعتذارها بكل فرح وسرور بينما لو كنت من الشمال او الجنوب او الشرقيه الله المستعان كان حدث مالايحمد عقباه .. الشاب الغربي ( من الغربيه) يبحث عن رضا شريكته ويتوسل لها حتى ترضى عنه سبحان الله حتى قلبه رهيف ..<_ وقول لخطيبتك دا الكلام وحتقول ايواء ده الصح ماشاء الله |
أنا أشوف اللي صار هو الصح
ولازم تتفقوا أنه مافيه مكان للمكابرة والثقل اللي من وراء القلب وأن اللي يثقل يوقف عليه الدور ليصلح الوضع أنتم ماشاء الله باين تخبون بعض وفرصة نجاح زواجكم كبيرة بإذن الله بس محتاجين نضج وفهم للحياة الزوجية بشكل أفضل |
نور الكون
بالزبط زي ما قلتي انا قلت يعني ان شاء الله في امل وحيسير تغيير وهيا دي البداية .. عشان كدا قبلت اعتذارها وعالبرايفت : تشوفي الشي دا ايجابي طيب أو سلبي ؟ نبض الدان ان شاء الله حاحاول اوصلها الشي دا .. خليتيني اتفاءل كتير بكلامك .. شكرا على ردك |
مبرووك على الرجوع والصلح والله يبارك في حياتكم
ما شاء الله يا أخي أنت طيب ومنفتح والاجمل أنك تبحث عن الوسائل التي تنجح حياتكم وهذا شيء طيب منك بالنسبة لي وحسب نظرتي أن أفضل حل هو أنك تثبت شخصك لها يعني مو تكون طيب زيادة عندها يعني هي عنيده ولسانها طويل لما تزعل او تعصب هذا وانتوا ليسا في الخطبة طيب كيف لما تصيروا في بيت واحد اهم شيء انك تخليها فترة تأكيد على تغيرها وحاول ان تكون شوي جدي معها يعني حتى لو مجرد تمثيل ولا تطول لها بزيادة صدقني إحنا البنات اذا وجدنا من يطول معنا نطولها وناخذها دلع ولكن اذا حسينا أننا راح نفقد شيء نتمسك فيه جدا وهذا اللي خلى خطيبتك ترجع لك كمل معها وخليها تحس بقيمتك أكثر ما ادري اذا وجهة نظري وصلت لك الله يسعدك ويبارك في حياتك |
مو قلت لك خطيبتك ضامنتك بجيبها
بالفعل مع أول اشارة منها قابلتها بالأحضان محظوظة البنت ماشاء الله عليك ابن حلال قلبك أبيض |
اقتباس:
بس هو صحيح كلامي ومزبوط صح ؟<_ ع البرايفت |
ماشاء الله .. الله يحنن قلوبكم على بعض ويعجل زواجكم على خيير
والأاخوان ماقصروآ .. يعطيهم العافيه |
عذراً لتأخري في الرد عليك.
يا أخي كما قلت لك سابقاً أنت رجل عاطفي متسامح. أتمنى لك التوفيق مع هذه الفتاة. لكن آمل منك ما يلي: 1) الدعاء بأن يصلح الله حالكما. 2) اقرأ عن الحياة الزوجية، وعن عالم نفسية المرأة. 3) اكتب أخطاءك السابقة معها في ورقة خارجية+ثم اكتب ورقة أخرى الفعل الصواب+ثم طبق. 4) اجعل هذه الفترة فترة اختبار تغيرها معك، وأن تغيرها أتى باقتناع، وأنه تغير مستمر. وليس تغير مؤقت. تستطيع اكتشاف هذا الأمر مع حدوث أي موقف بينكما. 5) حاول إذا حصل أمر في علاقتكما أن تعرضه على ميزان العقل والعاطفة؛ لأن العلاقة مع المرأة تحتاج للاثنين معاً. 6) احذر أن تغلبك طيبتك فتضيع حقوقك. 7) لا أؤيد استمرار العلاقة هكذا. فإما تتزوج أو تتركها حتى تقف على رجليك وتذهب لخطبتها بشكل رسمي. 8) استفد من علاقاتك بالآخرين في اكتساب المعارف والحكم. 9) أكثر من الجلوس مع الرجال الكبار في السن والمتزوجين، واستمع لحكم الحياة. |
اقتباس:
قبل هذا ..سؤالك يجب أن يكون مسبوق بسؤال لك ؟ هل يوجد علاقه زوجيه مثاليه ... قطعاً لايوجد علاقه خالية من المشاكل أو خلاف في وجهات النظر ، حتى في بيت النبوه ..والخلاف سنة ماضية إلى يوم الدين .. ولكن دورك هو تحجّيم الخلاف والمشكل ، وإبقاءه في حدوده حتى لايتمادى ويخرج عن السيطره ... وها أنت مثال على غرار الامثال ..حصل ماحصل .. وهي فعلت وأنت فعلت.. ثم اتضح أنْ الود باقٍ http://www.66n.com/forums/images/icons/tongue3.gif مابقي العتاب .. الله يسعدكم ويهنيكم . |
| الساعة الآن 11:42 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©