|
ياناس انا بنجن ذبحني الشك
بسم الله الرحمن الرحيم
السلام عليكم ورحمة الله وبركاته والله مادري من وين ابدى اعصابي متوتره وحالتي الله يعلم فيها انا متزوج لي خمس سنوات وعندي ولد وانا من اهل نجد وزجتي تصير بنت عمي لكن خوالها من جيزان وهي عندها عقدها من الشي هذااا لان ابوها حرمها من خوالها وماتشوفهم ولايشوفونها المهم لها خال في مكه وعندها عيال خاله هناك انا تزوجته ولايهمني خوالها من يكونون لان اهم شي تكون بنت عاقله ومستقيمه وتخاف الله في زوجها بديات زوجي قالت لي انا ابوي حارمني من خوالي وابيك انت تعوضني ابيك توديني لم خالي الي في مكه قلت ابشري ولايهمك فعلن وديتها بعد مارجعنا من مكه اكتشفت برقم جوال ولد خاله قعدت اسال نفسي وجاب الرقم هذا عندها رحتلها وقلت الرقم هذا وش جابه عندك قالت عشان اكلم بنت خالي قلت اوكي لو اشوف الرقم هذا ثاني مره في جوالك ترى بعطيك ورقتك بعد فتره رحت لم الارقام الصادره مالقيت شي رحت لم السجلات لقيت الرقم موجود طبعا اهي ماكانت تعرف في السجلات لقيت الرقم موجود رحتلها وقلت شيلي اغراضك بوديك لهلك المهم قالت ليش قلت لها اني شفت رقمك ولد خالك في السجلات ومسويه ذكيه المهم قامت تبكي وتحلف بالله العظيم انه بنت خاله ماعنده جوال عشان كذ تكلمها المهم انا والله عجزت اصدقها بس قلت يالله يمكن البنت مظلومه وش اسوي يمكن صادقه ياولد طبعا الكلام هذا كله بدايت زوجنا المهم حلفتلي انها مارح تدق على الرقم هذا وعاهدتني المهم مر فتره وانا اشك مازال في راسي حاولت انسى بس عجزت المهم في يوم من الايام بعد ماحملت وولدت بفتره قلت بودي ولدي لم المطوع يقراء علي راحت معي هي لما وقفنا عل الباب عند بيت المطوع قالت انا مابيه يقرا علي قلت ليش قالت اخاف يطلع عني اشياء قبل بالله ياشباب يامتزوجين لو قالتلم زوجاتكم الشي هذا وين يروح فكركم ماعليناقلت ليش انتي مسويه ذنوب قالت لا بس انا كنت اعصي امي وماطيعه بصراحه انا كلامها ماخش مزاجي المهم قلت انا مارح اسوي شي لاين القا دليل ثابت اقدر ادينها فيه لان الحين بينا ولد وصعبه اني اطلقها وانا اتهمها بس يمكن اكون ظالمها وكل الاشياء الي لقيتها تكون اشياء عفويه اخذت عهد على نفسي اني ماشك فيها لين اشوف دليل ثابت عليها مرت خمس سنوات وانا مغمض عيوني على اشياء كثيره المهم قبل فتره قصيره جتني وقالت خالي تعبان وابي اروح اشوفه هو على فراش الموت وابوي حارمني منه وانا مالي في الدنيا غيرك ومن الكلام هذا بعد مابكت ونزلت دموعها صراحه رحمتها وقلت يالله راحت شافت خالها المهم بعد مارجعنا قالت جوالي ضاع قلت متى ضاع قالت امس لما كنا في مكه المهم دقيت على الجوال لقيته مقفل قلت يالله الله يعوضنا بغيره الشي الغريب الي كشفت اني دخلت الموقع شركتة الاتصالات عشان اوقف الشريحه لقيت ولا ثمان رسائل على جوال ولد خاله مع مكالمه وحده انا رجعت يوم الجمعه الي راحات في تاريخ 18_2_2011ميلادي وهي قالت ان الجوال ضاع نفس اليوم طيب لما دخلت موقع شركة الاتصالات وتفاصيل المكالمات لقيت رسائل مرسله ومكالمات بتاريخ 22_2_2011 على جوال ولد خالها معناته ان الجوال موجود وحتى لو كان ضايع او مسروق مين الي بيدق على جوال ولد خالها عرفتو الي مجنني انا بديت اكرها وهي عندي في البيت احيانن افكر اذبحها ورتاح منه ابي حل مادري وش اسوي احيانن اتذكر كلامه انها تحبني وتموت في التراب الي امشي عليه لكن بالله كيف الصدقه وكل الاشياء هذي تطلع قدامي تكفون ساعدوني عطوني حل واقسم بالله ماعد اداني اطالع في وجها احس اني بقوم وذبحها |
قول اعوذ بالله من الشيطان الرجيم
قوم توضا وصلي ركعتين عشان تهدا يصير تعرف تفكر وانت هادي ريلاكــــــــــــــــس ريلاكــــــــس ريلاكـــــــــــــس اول شي فتش البيت ركن ركن الين تلقى الجوال بدون ماتدري زوجتك كل مكان فتشه كل مكان في البيت لاتقول ماتحطه هنا كل مكان يخطر على بالك فتشه في حال لقيت الجوال ودها لبيت اهلها بدون ماتتكلم ولاتفتح فمك بشي ولاكلمه تقولها وتكلم مع ابوها بكل شي في حال مالقيته فكر في الموضوع اكثريمكن تكون ظلمت البنت لاتتهمها بشي الين تحصل على دليل تقدر تواجهها فيه |
الله يعطيك العافيه اختي
فتشت مالقيت شي مو هذا الي مجنني مولاقي شي يثبت او دليل اقدر استند عليها المشكله ان بينا طفل ونفس الوقت اخاف اظلمها انا الله وانا اليه راجعون الهم لانسألك رد القضاء ولكن نسألك الطف فيه |
اذا التزم الصمت وخليك هادي الين ماتلقى دليل ولانريد ان نظلمها يمكن تكون فعلا مظلومه وبريئه والله ان الله يمهل ولايهمل والستر مايدوم الا مايجي يوم وتنكشف لو عندها شي الا ماتنسى شي الا ماتغفل عن شي حتى لو كانت حريصه جدا
قول اعوذ بالله من ابليس خلاص كونك مالقيته عاملها معامله كريمه لاتظلمها ولاتكرهها ولاشي يمكن تكون فعلا بريئه وماعندها اي شي من هالامور الله يوفقكم ويسعدكم يارب ويحفظلكم ولدكم |
وريها الي انت شفتو !!
|
هذه ماهي ادله كافية عشان تشكك في اخلاق زوجتك افرض انها كانت صادقه وكانت فعلا تتصل تكلم بنت خالها لكنها عشان ماتزعلك بعدما منعتها من الاتصالات كانت تضطر تخبي عنك وبالنسبة لضياع الموبايل يمكن يكون الشخص اللي لقى الموبايل هو اللي متصل على رقم ابن خالها عشان يبغى يرجع الموبايل مثلا بتقول ليش اختار رقم ابن الخال بالذات بقولك ربما لأنه كان هو اخر رقم في سجل الارقام اللي هي كانت متصله عليها اقووووووووووووول تعوذ من الشيطان واحسن الظن بزوجتك إن بعض الظن إثم |
اتعوذ من الشطان الرجيم
و إبتعد أن هذه الأفكار شو تذبحها ما تذبحها تضيع حياتك حياتها و حياة ابنكم أرجوك ما عاد تقولها ولو في خاطرك انتضر لين يكون عندك دليل ملموس بعدها وجهها و واديها بيت أهلها |
اذكر الله
وبعدين مالومك وربي انا معك بكلآمك ممكن الشيطان لاعب عليهاا! هآآآذا ممكن دليل بس ممكن يكون غلط من الشركه او شي ثاني لآتسرع اصبر ثم الصبر اولآ روح صلى لله عشر ركعات واقرا فيهم سورة البقره وبعدها اقرا سورة يس سبع مرآآت وصلى على النبي 700مره وادعي ربك قول (لآاله لآ الله الحليم الكريم ربي السموات السبع ورب العرش العظيم كررها في الدعاء واطلب من ربي انه يكشفهاا لك وان شاء الله ربي بيكشفها لك بس لاتستعجل وتوكل على ربك خل الموضوع عاادي ولا تحسسها بشي لين ربي يكشفهاا لك وانت راقبهاا بدون ماتحس اضحك وسولف معها وراقب تصرفها معك وحركاتها |
الله يهديك بس تهدم اسرتك وتيتم ولدك بسبب شك مجرد شك هي يمكن تكذب عليك بسالفة ان الجوال ضاع علشان تكلم بنت خالها براحتهم بس اذا انت بعد عشرة خمس سنين ما وثقت في اخلاقها علشان هالسالفه ...يعني ما عندك ملاحظات ثانيه علي سلوكها اسمحلي اقولك غلطاااان يمكن خايفه منك والفت سالفة الجوال
علي غفله اتصل بالجوال واسمع رنته وواجهها ...انبها لكن لا ترفع صوتك خوف ان الشيطان يستدرجك وتذبحها من الضرب لا قدر الله وعاقبها ما تشوف خوالها فتره واخذ الجوال الله يهديكم |
اقتباس:
|
اذكر الله اخي الكريم واستعذ من همزات الشياطين
واذا كنت مصر اقترح عليكان تبتاع شريحه بدون اسم وترسل لها انك ابن خالها وهذا رقمك الثاني وتود منها ان تتصل ان اتصلت فأنت ستعرف وان لم تتصل فهي ستفكر كثيرا وتكون في حيره قد تصيب وقد لاتصيب ! ان اصابت فهذا جميل وان خابت فهي لم تخيب بالكامل فإنك حتما ستلحظ ارتباكها وسرحانها وقلقها |
طيب واجها بلي شفته يوم جيت بتلغي الشريحه..وشف ردة فعلها...
وبعدين يمكن المسكينه ظلمتها يعني قبل لايضيع الموبايل كانت فعلا تكلم بنت خالها لان بنت خالها ماعندها جوال ...وفي نفس اليوم الي رحتوا فيه كلمتها وانتوا رايحين وماقالتلك بسبب خوفها منك وتهديدك لها..وياليت تتاكد اذا بنت خالها فعلا مامعها جوال او لا ...اذا مامعها معناه زوجتك بريئه من شكوكك ترى تصيردايما...انا احيانا يوم القى جوال اختي مقفل ادق على جوال زوجها ويرد واقله ابي اكلم اختي... الحل..انك تواجها بلي شفته اخر شي...واضغط عليها وشف ردة فعلها...واطلب منهاثاني مره اذا تبي تكلم بنت خالها تدق على تلفون بيتها ومن جوالك..وفهمها ان الارقام الصادره والوارده تقدر تشوفها من الاتصالات بقصد التخويف.. |
عشان ترتاح انا اشوف انك تصارحها وتقول لها ان هذا الشي مو مريحني ابدا ولازم تمسحي رقم ولد خالك من جوالك اذا تبغي تتواصلي مع خالك وبنات خالك خذي رقم بنات خالك او زوجة خالك او خالك نفسه ماتوقع ان ماحد فيهم ماعنده جوال او تلفون ثابت ...
واذا فرضنا ان مافي عندهم قول لها انا مو عاجبني ان رقم ولد خالك في جوالك وقدامك واحد من حلين : اما ان يكون رقمه في جوالي انا ومتى مابغيتي تكلميهم تتصلي من جوالي وفي حضوري .. يا اما انك تقطعي اتصالك بهم لين ماتصير فرصة واوصلك لعندهم تسلمي عليهم ... |
السلام عليكم ورحمة الله وبركاته
انا بقوولك الي عندي زوجتك محرومه من خوالها فما اتوقع انه بينها وبين ولد خالتها اي شئ واكيد اهي حبت بنات خالتها واعتبرتهم خواتها بالخصوص انهم لهم فتره طووويله مااشافو بعض وبما انك شفت رقم في جوالها رحت لها وواجهتها وقلت لها لو اشوف رقم هاذا ثاني مره راح اعطيك ورقتك وهاذا اسلوب تهديد وتخويف فالحرمه خافت على زعللك وصارت تكلم بنت خالتها من وراك علشانك حذرتهاوهددتها بورقتها ومع ذالك البنت صارت تمسح كل شئ علشان متعصب وتنفذ اللي وعدته فيه اللي هي الورقه طلاق ونا احس زوجتك ضعيفه وتخاف وماتدري يمكن صدق ضاع في بيت خوالها او احد اخذه وفي نقطه بعد علشان تتاكد انك تحب تزرع بشك بداخللك وهاذا اكبر دليل يوم رحتو للمطوع ورفضت تتدخل يعني بالله عليك لو دخلت وقر عليها شيخ ولاصار لاقدر اللله فيها جني ونطق وقال زوجتك تسوي وتسوي بتصدق الجني ؟؟؟؟؟ترا شيطان اكثر شئ يفرحه اهوا تفريق بين المرء وزوجه فللذلك تعوووذ من ابليس وقبل اي خطوه تخطيها او تظلم بنت ناس فيها ارجع خطوتين وتاكد وارجع برضو خطوتين اكثر وتاكد وصدقيني والله لو زوجتك بتخون فتأكد ان ربي يمهل ولايهمل فالله يستر عليك وعلى زوجتك ويجمع بينكم بالخير احرص احرص ان تفعل شئ وترجع طووول عمرك تندم عليه وعلشان بعد ترتااااح لاتصير تخليها تكلم بنت خالتها الا من جوووالك وشكرررا |
استهدي بالله يابن الحلال وش تذبحها دجاجة هي؟
انت الشيطان راكبك من راسك لرجولك ولا عندك دليل قاطع لحد الحين..يابن الحلال اتقي الله باين من اسلوبك انك شكاك وبعدين مايجوز تشك فيها الا بعد مايكون عندك شئ قوي يدفعك للشك..اجلس معها وصارحها ولا بين لها انك شاك باخلاقها ترى ماهو طيب احساسك هذا..وبعدين تكلمت عن خوالها وانهم من جيزان وانها معقدة من هالناحية..طيب اذا خوالها من جيزان اين المشكلة؟؟ هل هذا عار..!! للاسف عادات وتقاليد ليست من الدين وانما تخلف وعدم وعي..اذا جاك الوسواس اهرب من افكارك باي طريقة وغير توقعاتك..يوم تمسك عليها شىء فعلا لك الحق بالتصرف..وحتى ان مسكت انتبه تتهور وتذبحها سمعت قصة واحد بدوي..كان يغيب بالشهور تاجر ..المهم اول مايطلع زوجته تدخل واحد البيت وتاخذ راحتها وهي تعلم ان زوجها لن يعود الا بعد شهر..المهم في مرة من المرات نسى غرض له ورجع بعد يومين من سفره..وهذا لم يكن في حسبان الزوجة غير انها تفاجاءت بدخول زوجها عليها وهي متلبسة..الله اراد يفضحهم واراد لهذا الزوج رق بدل سفره وتبعه ومرمطته..المهم حجز عشيق زوجته وليعذ بالله عنده ودق على اهل الولد وطلب منهم مبلغ يمكن 300 اللف ريال واذا ما سلموه المبلغ علق راسه عند باب البيت طبعا غير الفضيحة..وفعلا استجابو له واخذ المبلغ وطرد زوجته الخيانة وقالها بجيب بنت البنوت بالفلوس الي معه..اعترف انه (بدوري ذكي) طبعا هذه قصة ولكن دائما استخدم حكمتك كرجل وابعد عن حياتك الشك وتقدر تختبر زوجتك في امور بدون ماتحس وبدون طبعا تجسس لانه مايجوز..وصدقني الخاين ربي يفضحه انت توكل على الله وهو حسبك واكثر من الاستغفار وارقي نفسك من همزات الشيطان . |
تعوذ بالله من ابليس
كل اللي تمتلكه مجرد شكوك واوهام ريح راسك واجلس مع زوجتك وصارحها باللي شفته واسمع ردها وبعدين احكم وفي اسوء الاحوال الموضوع ما يوصل لقتل والكلام الفاضي هذا تضيع حياتك وسمعتك وسمعة اهلك وتصير سالفة المجالس عشان شكوك سيطرت على مخك. |
السلام عليكم ورحمة الله وبركاته
اشكر كل من وقف وسعى لما فيه الخير للأخوان والأخوات الي قالو صارحه انا صارحتها بكل شي نزلت ولدي عند خالتي ورحت انا وياه لم البر في مكان انا وياه محد يسمعنا ولاحد يشوفنا غير الله سبحانه عشان ناخذ راحتنا كلمته بكل صراحه حاولت اني اكون هادي المهم في بدايت الامر رفضت الاعتراف وحاولت النكران لكن بعد الظغط عليها قالت انا لما كنت عند خواته خواته ارسلت كولمي على اخوها من جوالي طيب قلت لها والجوال طالع من رسائل من بعد يوم الجمعه مع مكالمه واحده حلفت لي بالله انه ماتدري عن شي وتقول الشي الوحيد الي اعرفه ان لما كنت جالسه مع خواته طلبت مني واحده من خواته جوالي عشان ترسل له كولمي لان جوالي مافي رصيد طبعا كل الكلام هذا ماجا الابعد الظغط عليه انا ماني مقتنع بكلامه جابتي سوالف عن خواته حاولت تبرر الموقف بس كل الكلام مادخل مخي المهم بعد التهديد بالطلاق قالتلي انا راضيه بالي تسويه فني تبي طقني او طلقني اودفني في المكان الي حنا فيه بس تاكد في النهايه اني احبك وماحب احد في الدنيا غيرك المهم قبل مانروح مكه طلبت منه انها تترك حبوب الحمل عشان كنت انا ابي طفل ثاني وكانت رافضه بعد الظعط عليه وافقت ولما امس كنا انا وياه في حوار حاد طلبت منه ترجع لحبوب الحمل هي زعلت لما ركبنا السياره راجعين وكانت تردد علي كلمت تبي طلقني قلت لها يصير خير قالت وش معنا طلبت مني ارجع للحبوب قلت لين اتاكد من حقيقت ولد خالك وبعدين اقدر اتفاهم معاك انتهى الحوار ورجعنا البيت وكل واحد شايل على الثاني المهم الحين انا صراحه عايش في حيره مادري اطلق او احول اظغط عليه ثانيه او مادري المهم كل ماجي بنام واتذكر السالفه احس اني غبي اذ خليته تجلس عندي دقيقه واحد ابي ارأئكم وأعتبروني أخوكم الصغيروصدقوني اتخذ قرار الأغلبيه اذ قررت لاني بصراحه احس اني ضايع ولاقدر اتكلم في هذا الموضوع عند اقاربي ولا لاحد اصدقائي انتم الناس الي اقدر افضفض لكم وطلع مابداخلي |
اللهم استرنا فوق الارض وتحت الارض ويوم العرض
من المؤكد انك لاتستطيع قول هذا لـ اي شخص كان من اقربائك مهما بلغت الثقه والعلاقه اخي الكريم إهدأ واذكر الله واستعذ من وساوس الشياطين هل سألتها لما لم تخبرك الا بعد الضغط عليها !! هي الآن زوجتك وام لطفلك لاتقدم على شيء ثم تندم بعده تروى وتروى وتروى هل فكرت في اقتراحي السابق عليك ! ان لم ينل استحسانك مارأيك في ان تخبرها بإنك ستتفاهم مع والدها وتخبره للتخويف فقط واخبرها ان عليها ان لاتحادث والدتها ولا والدها وانظر الى ردة فعلها ! والله لااعلم بمااجيبك يااخي هذا مصير لااريد ان اتسبب في خراب اسره فيلعنني الله وتخرب اسرتي ارى ان تبتعد عنه عاطفيا مع استمرار الاحترام والجديه الشديييييده حتى تأتي وتعترف لك او ان تقتنع انت بحديثها اذا لمست منها صدقها |
ياخي خلاص تعوذ من ابليس وانسى اللي صار لانه صار ماضي وانتهى لاتنكد على نفسك ,,,
الحين ابدا صفحة جديدة والجوال وضاع جيب لها جوال ثاني ورقم جديد واطلب منها ماتسجل رقم ولد خالها وقول لها هالمرة سامحتك وبنسى لكن لو تكرر منك هالفعل مرة ثانية لاتلومي الا نفسك ,,, وسوي زي ماقلت لك في ردي السابق ارجع له ... اخوي لاتنسى الاذكار والاستغفار والدعاء وردد دائما(اللهم سخر لي زوجتي واجعلها سكنا لي وسخرني لها واجعلني سكنا لها واجعل بيننا مودة ورحمة ) |
اقتباس:
الله يوفقكم ويرجع الامور لمجاريها بس بسالك انت لك علاقات مع بنات ؟؟ اخاف انك تكون من النوع الشكاك واغلب الي يشكون هم الي مسوين النون ومايعلمون يعني قد شكيت فيها شك غير ولد خالها هل انت شكاك عموما بغض النظر عن موقف ولد خالها جاوب بصراحه عشان نحل المشكله؟؟ انتم لكم فتره متزوجين قد انتقدت منها تصرف او كلام او نظره منها غير سويه ؟؟؟ |
| الساعة الآن 08:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©