|
مشكلة ضرورية عن شعر الجسم مقبله على زواج
السلام عليكم كيف الحال ، إن شاءالله بخير أنا مضايجة وايد وأريد المساعدة منكم ضروري لأني فعلا مضايجة ومستحية أتكلم ، من زمان أنا أعاني من هالمشكلة ، بس ما تكلمت وقلت حق أمي لأني أستحي وايد ، وأحس محد عنده هالشي ، يعني شي غريب ومحرج لكن لأن عرسي في آخر شهر 4 ، صرت محتاجه إني أتكلم ، أنا جسمي شعراني وايد ، الإيدين والرجلين محلولة بشيل بالحلاوة بس منطقة العانة ، ماقدر أشيل الشعر ، من يوم بلغت وانا ماقدر أشيل الشعر بس أقصـّه من فوق ، لأن الشعر عندي من داخل الفرج ينمو ، فمـاقدر أدخل يدي أخاف على نفسي وايد.. وحتى على أطراف العانة شعر كثير ، أخاف أٍستخدم الموس ، بس أقصه بالمقص لكن الحين يوم تحدد زواجي وقرب ، صرت أخاف وأنحرج كيف ممكن أشيل شعر العانة ؟ وهو ينمو من الداخل !! \ مشكلتي الثانية ، حتى وجهي ، في منطقة الذقن ، كل ما أشيل بالخيط ينمو شعر خشن مثل الرجال ..! فأضطر في كل أسبوع تقريبا أروح الصالون أشيل ! واستغربت إنّ في مناطق في جسمي ينمو فيها شعر خشن ! مثل المنطقة الي بين السرة والعانة ( البطن) ، ينمو فيها شعر خشن ، وأنا ماقدر في الصالون أِشيله بالحلاوة ! ولا أقدر بنفسي أستخدم الموس ، لأنّ أكيد بيزيد الشعر في هالمنطقة لو استخدمت الموس ، وفي كم شعرة خشنة في منطقة الصدر ، حول الحلمة فهل عندي مرض ؟ أو شي ! وكيف ممكن أِيل شعر العانة ، هذا أهم سؤال عندي ، يا ليت ألقى إجابة ياخواتي وبدعيلكم من قلبي =( |
هذا الموضوع المفروض يكون في مملكة المرأه
روحي لدكتورة جلديه لوجهك والافضل انك تشيليه بالشمع في الصالونات والباقي شدي حيلك والله يعينك يعني مافكرتي تدورين حل الا يومك تبين تتزوجين :d |
حبيبتي في وايد بنات مشعرات .... فلا تحاتين
نصيحتي لج تسوين ليزر كامل للجسم و الوجه و ان شالله ترتاحين من الشعر الزايد انا شايفة بنات شعرهم حيل غليظ حتي في الظهر و بالليزر حلوها لو تبين الحين تقدرين تسوين جلسه و عقب 40 يوم الجلسه الثانيه عقب الجلستين الليزر 80% من الشعر راح يزول و الشعر الغليظ راح يخف نصيحتي لج لا تقولين لزوجج انج سويتي الليزر لان معظمهم يحبون يتخيلون ان ملمس زوجاتهم حرير من نفسه هههههه |
ينقل لقسم المرأه
|
اتوقع عندك لخبطة بالهرمونات ..
روحي لطبيبه جلديه او نساء وراح تسوي لك تحاليل طبيه معينه .. الليزر طبعا حل ... وبالنسبه للوجه شيلي بالشمع .. المنطقه الحساسه جربي تستخدمي كريم ايملا للتخدير ينحط على المكان واذا تخدر تقدري تشيلي بالحلاوه بدون الم .. واي مكان رطب جربي ترشي بودره بعدين تشيليه .. بالتوفيق يارب |
ليزر وبس 00 ولكامل الجسم تحت إشراف طبي - والله بترتاحين
وتكون المصاريف جزء من مهرك |
شكـرآ لكم جميعا على ردكم
بس أنا سمعت إنّ الليزر له أضرار سلبية ؟ مثل السرطان بعد سنوات كبيرة !! يا ريت حد يفيدني |
حبيبتي . قبل كل شي .. سوي تحليل بسيط عن طبيبة
عشان تطمني انه مافي لخبطة هرمونات لانه هي عادة اللي تسبب زيادة الشعر اذا كل شي طبيعي .. بالنسبة للشعر العانة .. اذا ما تقدري بالحلاوة فا اشتري ماكينة الشعر من براون ... يكون معاها راس للحلاقة للاماكن الحساسة يشيل الشعر و ما يسبب السواد و ما يكثره زي الموس اياك تستخدمي الموس .. استخدمي الماكينة و بتدعي لي :) بالنسبة لشعر البطن يمكن يتهيأ لك .. احيانا من كثر ما نركز نشوفه و مو شرط كل الرجال يدققوا بالاشياء هذه .. و في رجال مشعريين كثير فاتبيني جنبه ملااك :) .. المهم اذا مضايقك مرة مرة .. شقريه .. بس لا تشيليه لا بحلاوة و لا بموس لانه يزيد .. و انما اخفيه بالتشقير ... و بعد الزواج شوفي زوجك اذا من النوع اللي مايدقق كثيير .. خلاص بطلي تشقري ولو شفتيه يدقق بكل شي .. امرك لله شوفي يالليزر او استمري بالتشقير و شعيرات الحلمة . عادة بتكون قليلة .. شعرتين و لا 3 :) شيليهم بالملقط اذا حبيتي مو مستاهله المسألة تقلقي عشانها ... و الذقن برضو اذا الشعر قليل شيليه لحاله بالملقط او شقريه ..>>جهزي من الحين كرتون مشقر :) و الف مبروك يا عروس |
اولا الف مبروك مقدما
وانصحك تروحي لدكتورة نساء وتكوني عامله تحليل هرمونات شامله عشان تطمني ان مفيش حاجه ان شاء الله بس عندي سؤال هل البيريود منتظمه عندك ولا لا؟ وربنا يسعدك ان شاء الله وتكوني احلي عروس |
اولا الف مبرروك حبيبتي أنصحك بداية الذهاب للطبيبة لتحليل عمل الغدة والهرمونات لإنه هي المسؤولة عن الهرمون الذكوري ويمكن يكون عندك زايد أفضل الوسائل للإزالة الحلاوة تحسين بنظافة وراحه وانتعاش بالنسبة للمنطقه حاوليي ان تكون قطعة الحلاوة مثل حبة اللبانه أو العلكة او دائرة جدااا صغيرة مديها على المكان وانزعي بالعكس بروووية وهدوء قبل عملية النزع أنصحك بعمل حمام مغربي او تقشير كامل للجسم يسهل النزع جداا واشتري آلة البراون مجرد ماتلاحظي ظهور الشعر على طوووووول شيليهم وبكذا ترتاحي بالنسبه لوجهك أفضل الليزر واستخيري قبل بالتوفيق |
اقتباس:
بس النتائج خصوصا للشعر الغليظ كشعر الذقن و الفخذ ممتازة حاولي تسوينه في عيادة طبيب او مركز متخصص في الليزر تاكدي من الدوز (الجرعة) اللي يعطونج اياه: ساعات يستخدمون دوز خفيف ك 14 او 15 عشان يزيدون عدد المرات اللي تسوين الليزر و يربحون اكثر للجسم تحتاجين علي الاقل لدوز 18 للوجه حاولي تستخدمي كريم اسمه الما قبل الليزر بنص ساعة, تساعد في تخفيف الالم أختي الليزر في اول مرة مؤلمة و لكن النتيجة التي سترينها ستجعلك تتابعين العلاج: بشرة كبشرة الطفل في النعومة أخيتي نسيت ان ابارك لك .. ربي يسعدج و يهنيج و يرزقج بالذرية الصالحة .. آمين |
مبارك الزواج اولا
اهم شي اختى الدورة تكون عندك منتظمة-تانى شي افحصي هرمون الذكورة بالدم اذاكان عالي تعالجى منه من الان ق5بل ماتتزوجى لانو هو سبب الشعر وممكن ياخر الحمل واذاكان طبيعى شعر العانة استخدمى اول مرة المزيل بعدين اول مايطلع الشعر بماكينة براون وباقي شعر الجسم بخف مع حدوث الحمل الله يوفقك |
السلام عليكم ورحمه الله وبركاته
الف مبرووووك وربنا يتمم لك بالخير .... اولا المشاكل دى كلها كانت عندى ومتضايقش ربنا يشفيك 1- كلى عسل نحل بغذاء ملكات النحل وطلح النخل 2- اعملى اشعه موجات صوتيه على المبيض فى اقرب فرصه ده مهم جدا لان لو عندك مشكله الدكتور حيكتب لك علاج و لما تخديه تلقى شعر جسمك و وجهك اتعدل سبحان الله فى شهر علشان كده مضيعيش يوم واحد الحقى قبل فرحك 3- مهم جدا جدا جدا """"" الشمع """"" سيبك من الشيرا و الكلام ده اشتراى جهاز شمع استخداميه مرتين وادعللى وكمان ياسلام لو عملتى المنطقه الحساسه ازاى افرداى الشمع من الجهاز على الورقه وقصى الورقه الكبيرة شرائح طويله ورفيعه حسب المنطقه المستخدمه **** بالنسبه للشعر اللى من الدخل دى اخر حاجه تعميلها ,,, حطى جهاز الشمع على اعلى الشعر من فوق وبعدين امسكى مجموعه وانتفيها وان شاء الله تخلصى من الشعر ده للأبد ... شوفى يا حبيتى انا بعمل كده من غير اى مخدر بس انت شوفى ايه انسب ليك .... انا فى مكه واشترايت جهاز الشمع بحوالى 120ريال ومجموعه منديل+ شمع ايطالى بلاش الورق والشمع الصينى :) بعد الشمع لجسمك غرقى جسمك زيت علشان تنظفى الشمع وبعد 15 يوم اعملى حمام مغربى علشان ساعات الجلد بعد اول مره بالشمع بيغير 4- مهم جدا للوجه و خصوصا الدقن!! اشتراى شرائح الشمع من الصيدليه لو مفيش عندك مشكله فى الموجات الصوتيه اعملى ليزر للدقن 5- لجمال شعرك وبشرتك اشتراى فتيامين سيليكا اوكى بلاش الموس ابدا يا حبيتى ولازم حد يساعدك خصوصا اول مره وربنا يشفيك ويشفنى ادعوا لى بالذريه الصالحه اختكم وفاء من مكه وياريت تطمينى عملتى ايه |
لاااااااااااااااااااااااااااازم تروحي عند دكتوووورة حتعملك تحليل هرموني عان تشوف نسبة الهرمون الي مسويلك كدا اذا اهلك مو مشعرين زيك وانتي الوحيده الي كدا انا انصحك تروحي واذا اتطمنتي انو مافيك شي ان شاء الله فلا تخافي لانو بعد الولاده كل شعر جسمك بيخفففف وطمنيننا عليكي والف مبرووووووووووك ان شاء الله
|
| الساعة الآن 02:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©