ماذا أفعل مع هذه الموظفة؟
 

تجاوزي رئيس القسم وقدمي تقريراً أو شكوى لمن هو أعلى منه.

حاولت انقلها لقسم ثاني الشغل فيه مريح و اداري ... بس ما تمت اكثر من شهرين و ردت لان هناك الكل تكلموا عنها و انها ما تشتغل و لان ما تقدر تاخذ راحتها في غرفة الاستراحة مثل هني
مدير القسم رضي انها ترد و بدت مشاكلها معاها
اوافقك الرائ انني مو لازم اتمشكل معاها ... بس للصبر حدود عزيزتي

الله يعينك أختي

التطنيش افضل شي لحالتها , وانتبهي تتمشكلين معاها , احس اسلوبها وطريقتها انها تجي عند بابك وترفع صوتها تبي تستفزك علشان تتمشكلين معها وبعدها مجهزه شي بيكون ضدك .
طنشي وقولي للبنات اللي معاك يطنشون


طيب اللحين لو رفعتي تقرير ما يوضح انه شغلهم موقف وان الموظفات الجدد هم اللي مسوين الشغل ؟

شكرا علي اهتمامج اختي
انا عندي دليل ان شغلهم موقف و الموظفات الجدد هم اللي مسوين الشغل
بس اللي فوق مدير القسم بعد مثله : فساد اداري و اهمال و تضييع للمال العام
عزيزتي انا اقدر اطنش اللي يسوونها معي ولكن كيف اطنش تقارير المرضي اللي ما تنكتب بموعده؟ و الاسلوب اللي يعاملون فيه خلق الله
أدعي لي

سبحان الله هذي الأمور نحصلها كثير لاسف ولكن يظل الخير موجود وأمثالك الحمد لله كثير

أختي حاولي تسايسيها يعني قللي المشاكل معها وحاولي ان تكسبيها وإذا عملت حاجه في العمل أمدحيها يمكن هذا يكون خير لك ولها وللعمل

الجدال مع هذي النوعيه من الناس صعب وراح تتعبي نفسك وأعصابك ويمكن تخسري عملك بسببها

الكلمة الطيبة والابتسامه لها مفعولها

الله يهدي الجميع

بما إنه المدير معهم و في صفهم ، فأرفعي ( تقرير فيه شكر و تقدير ) للموظفتين
أكسبيهم لطرفك ، لحد ما يصير المدير منحاز لطرفك و يشيل من باله إنك متضايقة من كسلهم

وقت ماتكسبي الموظفتين ، و تكسبي المدير في طرفك ..
فراح تقدري تعملي اللي تريديه بسهولة

العمل يبغاله سياسة و دبلوماسية
و الله يعينك عزيزتي

سوى مظاهرةههههههههههه اللة يهدى

ضريبة النجاح في ادارة فاسدة يعني احباط ، وهذا ما تسعيان له ، ورأس الحكمة في العمل مخافة الله ، انتي سوى اللي تقديرين عليه ويرضي الله ، يعني يكون ضميرك مستريح وتنامين مرتاحة ، اما انها تقف عند مكتبك وتتكلم قدمي لها وردة وقولي لها تفضلي داخل ، ترى الفوضوي لو لصقتي على زجاج سيارته ممنوع السرعة راح يسرع وما يلتزم لأنه فوضوي ، لكن حاولي انكي تتعاملين معهما على انهما مريضان يستوجب علاجهما صبر او تخيلي انهما اطفالك وسلوكهما سيء ما يعجبك حاولي البحث غن الايجابيات وتعاملي من خلالها ، ترى الدنيا حديقة مليانة بالنباتات والزهور منها السام ومنها العطري ومنها الشوكي وعلينا انعرف كيف يمكننا قطف الزهرة الجميلة مثل الجوري دون ان نجرح اصابعنا بشوكتها التفكير والابدتع في مثل حالتك هو النجاح وليس النجاخ

كلمت ود وهمسة حنان تقتل العناد في عقر داره والحيلة أحسن من العار ويدرك باللين ما لا يدرك بالعنف تعاملي معهما باعصاب باردة وسياسة وصبر وبما يرضي الله وإنشاء الله خيرك ينتصر على شرهم أعانك الله أختي وكتر من أمتالك

الله يعينك يا أختي طيب روحي للمدير العام بدون ما أحد يحس وفهميه على هاذي السالفه زين وقولي له إذا بغيت تتأكد من كلامي زين إرسل موظف تثق فيه عينه عندنا بالقسم علشان يراقب الوضع وتتأكد بنفسك من كلامي وعلميه إن مدير القسم متواطئ معاهم
وإلا يوم يجونكم مراجعين وتشوفين ذولي الثنتين يكشرن فيهم حرضيهم بينك وبينهم يروحون يرفعون فيهم شكوه للمدير العام وأ كيد بيتحاسبون وينقلونهم وربنا يفكك من شرهم بإذنه تعالى .
وأتمنى لك التوفيق والنجاح في حياتك .

انتبهي احسهم يبغوا يستفزونك قد يكون غرضهم انك تنقلي من عندهم ويرتاحون منك بكيفهم هم راضين بالشغل هذا بكيفهم اذا الشي هذا ياثر على وظيفتك خليهم براحتهم في حريقه انتي سويتي اللي عليك وبلغت اللي فوقك والفايده كتبوا فيك تقرير يعني مانفع ولاتنسي 14 سنه عمر مو قليل وانتي دوبك مالك الا 4 سنوات وعمرك واعمارهم فرق كبير خليهم زي مايبغون يسوون اللي يبون وانتي راتبك ينزلك اخر الشهرماينقص منه ريال اذا ماعليك منهم وفي حريقه هم وعملهم اهم شي وظيفتك عساهم لاشتغلوا لاهم ولااللي حولهم