|
يغيب فجأه وبدون أي سبب!
السلام عليكم ورحمة الله وبركاته
انا مشتركه فالمنتدى من مده ويعتبر المنتدى المفضل لي ودايم اقرأ المواضيع واحيانا اشارك بس اول مره افكر اطرح موضوع وان شاء الله استفيد من ردودكم انامخطوبه(ملكه)من مده ومشكلتي هي نفس المشكله اللي هي تكون علاقتنا ماشيه وحلوه وفجاء خطيبي يغيب بدون سبب مايكلمني ولا يرسل حتى اسبوع واثنين وثلاثه بدون سبب لاتقولون انتي كلميه وراسليه ادق والاقيه مشغول او يتحجج بااي شيء المهم انا مااحب استخدم اسلوب التحقيق اعرف ان كل شخص يحتاج للاستقلاليه بس مو هالمده كلها انا اتركه على راحته واقول اوكيه اذا فضيت نتكلم واستنى واستنى كثير يجي في راسي افكار الدنيا اكره حياتي لدرجه اني افكر فالانفصال واخيرا بعد مااكون كرهته وكرهت الحب من اصله بعد ليالي العذاب والانتضار يجيلي بكل براءة الدنيا ولا كاانه مسوي شيء يبي يقابلني طيب ليه على اي اساس انا كنت نسيتك اهمالك لي سد نفسي حتى استقبال مالي نفس استقبلك طبعا ماقلتله هالكلام هذا اللي يدور في بالي مابي مشاكل هو يدري ان غيابه يضايقني احسه يتعمد يضايقني شكيتله اكثر من مره بس اسمع منه وعود ومااشوف شيء انا اسمع ان الرجال من المريخ والنساء من الزهره يضحكون علينا الرجال من زحل المريخ قريب:( ابي رايكم بصراحه وش اسوي مااعرف اتصنع واقابله ولا كاان شيء حصل الود ودي اقابله ببنزين واولع فيه نصايحكم اختكم |
والله انا حاسه فيك وانشاء الله تنحل وترتاحين من العذاب بس انا حابه اقول لك شغله بسيطه ممكن ترتاحين بعد كلامي.. لا تقاس الاناث بالذكور .. فمثلا>>انتي تكلمتي عن سبب غياب خطيبك بدون اي سبب وانتي اسأتي فهمك بأنه غاب لانه لايحبك او شي اخر انتي لاتعلميه لان الانثى اذا غابت بسبب رأته من الطرف الاخراو لأسباب مختلفة انها تنسحب عندما لاتثق به في فهم مشاعرها. اما الذكور فهم يغيبون لاشباع حاجته للحرية او الاستقلال وعندما يغيب عنك لفتره بعده يكون محتاج للحب مره اخرى ويعود << مثل ماطرحتيه لنا .. اختي لاتيأسي ممكن كل شي ينحل وبدون زعل بس لازم نفهم بالاول ثم نحل الموضوع هههه ضحكتيني ودك تولعين فيه والله حرام عليك بس لو يدري بالي قلتي هههه الرجال صدق يقهرون بس وش نسوي لازم نحط الاسباب ونرتاح من الهم الي حنا فيه .. والله يوفقك ويوفق الجميع ويوفق خطيبك الغايب ويرجعه لك سالم غانم وحبوب ومدي ايش << كثرت حكي |
ماهو من السهل يخلع مخلفات العزوبيه في عشية وضحاها... ممكن تتفهمي غيابه من هذه الحيثيه... وحتى يوّطن نفسه على الواقع الجديد .... لابد تصبري عليه.. |
اقتباس:
انا اعطيكي حل ثاني جيبله مصيده بشريه وحطيها قبل لا يخش بيتكم اهوووون :22: والله ينخاف منكم يابنات حووووووواء :22::22: اجل كيف بعد الزواج :d معليش انا امززززح حاجه حلوة انه الرجل يعرف انه حرمته تشتاق له وتنحرق بداخلها عشانه امكنه حابب يتغلى عليكي ويحس بحلاوتها في داخله لمن تفقديه وتقعدي تطاردين وراه ووممكن خايف انه الشي الحلو اللي بينكم كل يوم يذوب وينتهي فحابب يبعد شوي عشان يرجع يشتاق لك اكثر واكثر لكن انه ما يحبك فهده استحاله طيب انتي حاولي بس تبعدي عنه شويتين وشوفي يفقدك ولا موفقه اختي |
الله يسعدك يانسمات البرد ردك ريحني الله يهديهم يارب مالنا الا نصبر ونشوف مشكوره على دعواتك
|
مشكور اخي ايامي ربيع احنا متملكيناكثر من 3 سنوات يعني ماامداه يتعود
الله يجعل ايامك ربيع على طول ويوفقك |
مشكور اخوي حنون بطبعي على ردك والله ماينخاف منا ولا شيء كله كلام مايهون علي بس شكلي انا اللي اهون
ليش يتغلى طيب وهو مايبيني اتغلى عليه لما ماارد على اتصاله يقوم الدنيا ومايقعدها بحاول ابعد واسوي زي ماايسوي ان شاء الله اقدر الف شكر الله يسعدك وينور حياتك |
وين الردود ترى اللي مابيرد على موضوعي لايستحق الحياه:25: اوه قصدي موضوعي لايستحق انه يكون موجود:29:
|
ههههههههههههههه طيب ياthe lost heaven القذافي :d
امزح :28: والله شوفي يا اختي انا عكسك تماما هيا إللي تقطعني وبالشهور والله إللين ما اهملتها بعد الحب والكلام الحلو والرومنسيه إللي كنت معيشها فيه .. وبعدها رجعت تقولي ليش تغيرت وليش وليش وعلمتها انو مو بس هيا إللي تعرف للثقل والتغلي ... بعدين عاد رجعت عقلت وتغيرت لكن مو التغير إللي كنت اطمح له .. إللي ابغى أوصله لك انو إذا غاب وقطع عنك فجأه لا تسألي عنه وعيشي حياتك وإذا رجع حسسيه انو غيابه ما أثر فيك وانو انتي مبسوطه .. وأحكيلو انك رحتي وجيتي وانبسطتي حتى تحركي الغيره بقلبه ويحس انو غيابه كان عالفاضي وما جاب نتيجه .. لا تبينيله أنك تتأثري بإنقطعه وغيابه عنك .. وإن شاءالله ربي يصلح حالكم أتمنى إللي سويته انا ينجح معك :) |
كلامك سليم يافادي هذا ابي اسويه بس اخاف ماالقى نتيجه يعني يصير اهمال بااهمال
|
أختي الغالية,أحس تماما ما تمرين به عن تجربة...لكن الحل سهل و التفسير بسيط...كلاكما خائفين من التغيير الاتي في المستقبل فهو يحتاج فسحة و مساحة للتوديع ما اعتاد عليه في عزوبيته و يعتقد أنك أيضا تحتاجين لنفس الشيء لذا هو بادر بإعطاءك هذه المساحة و الفسحة لترتبي أنت أيضا أفكارك و تبني بكل ثقة استعدادك لحياة منتظرة,و أنت الله يهديكي بدل ما تشغلي نفسك و تتمتعي بحياتك فيما يرضي الله طبعا,قاعدة تتحسري و تتسائلي لماذا لا يكلمني لماذا و لماذا...غيري منظورك للأشياء سترتاحين...و بالطبع لما يكلمك يكون عادي و لا على باله لأنه لا يدور في راسه كل يمر عليك ....و كما قالت لك الأخت,قولي له أنا مشيت و شفت و التقييت و غيرت جو وووو و لا تنتظري ردة فعل منه أنه ينزعج أو يغير أو يحس انك انشغلت عنه,هذه كلها تفاهات...انت داخلة على حرب لا قدر الله؟ لا انت داخلة على شراكة استثمارية تأتي بكل ما هو جميل إن شاء الله...الله يهدي سرك و يهدي بالك
|
3 سنوات؟
اتوقع فتره ملكتكم الطويله هي السبب الملكه الطويله تسبب فتوور يمكن اذا قرب زواجكم يصير اقرب ومدام هو يرجع طبيعي فمعناته انو مو انتي السبب وهو مو شايف انه مسوي شي بررررردي على قلبببك لاتقهرين عمرك وهو مو داري عنكـ مبسوطه ولازعلانه... |
صحييح الرجال مايحب البنت تتعلق فييه وهذا اللي شفته من خطيبي
على كثر ماهوحنوون وفاهم وحبني الاانه بااااااااردمن ناحية وهي يتناساني واحيان يطنش وانا انسانه مافيني ذرة صبر على طول انرفز<<واذكرمره قالي انا اغيب عنك علشان اشووف غلاي عندك هل انتي بتسألين عني ولالا تعرفييين وش سويت اقسم بالله سحببببت عليييييه مااعاد ادق ولا حتى ارسله ولي الحين شهرونص شافني جاده صار يدق واطنش ويرسل وعايشششه حياتي من دوونه مع اني بالاول كنت متحمسه حطمني وعلى فكره خطيبي اكبر مني بـ7سنوات الله يسعدني وياك ويوفقنا |
عادي ياقلبي كثير رجال من طبعهم يحبـون يختلون مع أنفسهم فتره بسيـطه أنتـي أتركيه على راحتـه و راح يرجع لك إن شاء الله لا تشيلي هـم ياعسل (: الله يـتمم لك على خير |
مشكوره اختي خديجه على تعليقك اللي استفدت منه وان شاء الله انتبه لكلامك المره الجايه
|
مشكوره اختي طموحي غير يمكن عشان طول فتره الملكه وحكاية ماهو داري الا يدري اني اتضايق بس يحاول يستفزني
|
يكفيني غلاه انتي بتطنشينه فتره بس مصيرك ترجعين ويرجع يكرر نفس الاهمال وهذي هي المشكله بس حكاية اني اعيش حياتي انا عايشه من دونه بس كانت هتكون احلى لو هو موجود
|
مشكوره على ردك اختي فراق وعشناه يارب يسعدني انا واياك وكل بنت يجمع بينها وبين خطيبها على خير ويسعدهم دنيا واخره
|
احتاج ردود من الاخوه الرجال ونصايح عشان الاستفاده تكون اكبر لي ولكل من يقرا الموضوع
|
| الساعة الآن 07:46 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©