|
زوجي مايغار علي وجاف معي .!!!!!!!!!!
السلام عليكم ورحمة الله وبركاته
مشكلتي تزوجت رجل مطلق كان يحب طليقته بعنف وسبب انفصاله خيانة منها وطلقها الله يستر عليها لكن معاناتي زوجي مايغار علي اجلس عالنت بالساعات والجوال مقفلته برمز سري ولاعمره قال ليه.! اذا طلعنا منتزه او سوق يقولي اغطي عيوني او اقفل عبايتي.. لااعتقد غيرته محبه لكن مايبي احد يتكلم فيه ! لما يجلس عالنت واشك في تصرفاته يدخل مثلا شات او غيره ونتزاعل تخيلو يقولي المفروض انا اراقب وش تسوين عالنت مو انتي ..! انا ماابيه يشك فيني بس ابيه يغار ويخاف علي ابي احس بمحبته لي انسان جاف معي بقوه ماعمره قال لي كلمات رومانسيه مايعرف يعبر كم مره احاول امدح او ابين له ان الحرمه تحب كلمات المدح والغزل وهو بعد يأيدني لكن ماشفت شئ يحب يبوسني فقط ..! ايه بعد زوجي يناديني احيان باسم طليقته بدون قصد ... هل تتوقعون من تصرفات زوجي يحبني ...؟ |
حبيبتي الغيرة مو أنة يقول لك لية انتي قافلة جوالك برقم سري او لية كلة عالنت
لان هذي الحالة بتكون شك مو غيرة او بالأصح اتهام انك تخونينة الغيرة هو أنة ماييبي حد بشوفك كاشفة غيرة ولا حد يتكلم عليك وزوجك يغار عليك. بس انتي لازم تعرفين الفرق بين الغيرة والشك ولا تبينين لة انك تسوين شئ غلط في النت او الجوال عشان ما يبتدي يشك فيك وتفتحين على نفسك باب أنا نفسك 24ساعة نت والجوال مقفول وهو عادي عندة مو معناها أنة ما يغار اذا ما عصب علي |
وعليكم السلام ورحمة الله.....
أختي....ظالمني..... غاليتي....بالعكس تصرف زوجــــك نعم التصرف ....رغم انه مر بتجربة قويه جدا وغيره راح يشك فيك قائمه وقاااعده ...لكن أراه يثق فيك ومو معناه إنه مايغاااار عليكِ....إن شاااء الله يحبك ولا يرى غيرك ...قولي آمين... أختك......روووووح الغراااااام....... |
انا مع روح الغرام كويس ان تجربته السابقه ماسببت له عقد ولا كان عشتي بشكوك ونكد
زوجي مايغااااااااار ابد احيانن انا أثير غيرته شوي... وطبيعي زوجك انه مايغار لانه وااااثق فيك واتوقع حتى هو في محل ثقه اما الكلام الحلو انتي حاولي تطلعينه منه مثلا اذا طبختي اساليه اذا اعجبه ؟ ابتسمي وقولي تسلم يدي او يعطيني العافيه او او او ..... كل مالبستي اطلبي رايه او وانتي بالسوق واحترتي بشئ خليه يعطيك رايه وخذي اللي اعجبه اتمنى اني افدتك ويارب يسخره لك ويخليكم لبعض |
يناديك باسم طليقته اعتقد لانه عاش معها فتره طويله...وطلقها ومن ثم تزوجك انتي ان كنتوا متزوجين حديثا فطبيعي يناديك باسمها لانه لسا ماتعود على اسمك...
اما ان كان مطلقها من زمان وصار لكم فتره طويله انتي وهو متزوجين سنتين مثلا او اكثر فهذا شي ثاني..اساليه انتي عن سبب عدم نسيانه لاسمها..الاجابه عنده هوفقط |
حبيبتي الله يوفقك لا تتوهمين ولا تسيئين الظن حاولي تكسبي زوجك وتجذبيه اليك
|
يااختي احمدي ربك انه مايشك فيك ولااثرت عليه تجربته السابقه بالعكس هذا واثق فيك واكيد الغيره موجوده الله يوفقكم يارب شيلي عنك الشكوك ذي
احترامي |
اقتباس:
واذا ماسألنا من باب الثقه التامه تقول مايحبني ولايغار على ؟؟ والله مشكله !! الله يهديك يا ا ختي انتبهي لزوجك واشغلي نفسك بش ينفعك ، |
هو يغار بس مايشك لانه يثق فيكي
|
الله يخليكم ويسعدكم يارب ارتحت والله من ردودكم
انا متزوجه زوجي فتره طويله تقريبا نفس الفتره اللي كان متزوج طليقته كان بداية الزواج يناديني باسمها وفتره نسى والحين رجع يناديني باسمها اخاف لسه يحبها وحن عليها ........! |
الله يخليكم ويسعدكم يارب ارتحت والله من ردودكم
انا متزوجه زوجي فتره طويله تقريبا نفس الفتره اللي كان متزوج طليقته كان بداية الزواج يناديني باسمها وفتره نسى والحين رجع يناديني باسمها اخاف لسه يحبها وحن لايامها ........! |
اذكري الله
احمدي ربك انه لايشك لأن الشك خطر كبييييييير على العلاقات الزوجيه اذا كان يغطي خطاياه بالسماح المسرف لك بإستخدام النت فلاتجلسي على النت ساعات طوال كي لاتكون حجة له عليك كوني ذكيه وانسيييييييييييييه حب طليقته انظري الى عيوبها ولاتتصفي بها اظهري له انك وفيييييييه له وان الخيانه امر محرم ومقزز اظهري له الفرق دون ان تشعريه تقربي منه اكثر وعندما تريدين شيء منه اعطيه مثله ليتنبه ويعطيك ذات الشيء |
الله يكون بعونك وادعي ربك انه يحببك الى زوجك وحتما زوجك يحبك ويمكن ماقالك كلام حلو اما لانه مو متعود ويكتفي بالتعبيرعن الحب بالفعل او ربما اعطى زوجته الاولى الكثير من الكلام ومن بعد ماخانته صار عنده ردة فعل . والله اعلم
|
يا اختي الغزل هدا مشكلة معظم الأزواج
لما تنتهي الخطوبة ينتهي معها الغزل و في منهم حتى بالخطوبة ما عنده غزل بقاموسه فاحمدي الله على انه بحب يحضنك و من فترة لفترة احكي له عن رغبتك بالمدح و انت امدحيه لعل و عسى يتغير لكن لا تحطي ببالك آمال كبيرة بالتغير هذا طبع و مهما غيره ببقى أقوى من التطبع |
الله يخليلك زوجك
انتبهي عليه وحطيه جوي عيونك لانه انسان عاقل ولم يشك او يغار عليك برغم خيانة زوجته الاولي له وخوذي الموضوع من باب انه يثق فيك |
عندما تحدث الخيانه كفانا الله واياك شرها. تبعاتها لاتخرج من امرين, إما تبلد احساس وعدم اهتمام من هول الصدمه تدوم لسنوات أو الشك في كل شيء. حالة زوجك لاتخرج من أحد الأمرين, الأول انها استوت معه الدنيا بالعامي "ماعاد تفرق معه" لأنه حط ثقته في طليقته اللي يحبها وانصدم ولاعاد يهتم. وممكن يراجع اخطائه معها ويحاول يتفاداها معك لأن "بعض" الأزواج هم من يدفع الزوجه للخيانه من دون قصد اما بالشك المستمر او الإهمال! أي انسان مطلق يحاول قدر الإمكان تلافي اخطاء زواجه السابق الأمر الثاني انه "قد" يقوم بمراقبتك من حيث لاتعلمين, بفضل التكنولوجيا الآن باستطاعته ان يعرف كل حرف تكتبيه على الكمبيوتر وكل ملف تقومي بفتحه من دون تواجده بالبيت. كل مافي الأمر ملف بسيط يقوم بانزاله على كمبيوترك يقوم بارسال كل شيء على ايميله ونفس الشيء بالنسبه للجوال. خلاصة قولي, أياّ كان اسلوبه معك سواء بالإكتراث بما تفعليه ام لا , احمدي الله على كل شيء وقومي باحتوائه خصوصا انه جريح وهذا الجرح يتطلب "دهراً" كي يزول, دعواتي لك بالتوفيق |
اقتباس:
والله انك صاااااااادق !!! |
حبيبتي
لاتنشغلين عن بيتك وزوووووووووووجك بلنت ! وابعديي هلوسواس عنك اجعلي زوجك حياتك اشغلي نفسك بوقت خروجه من المنزل بلنت واذا جاء اجلسي معه وسوي اللي تبييييييين معه الزوج لايحب ان زوجته تنشغل عنه يريد الاهتمام هو كلطفلللللللللللللللل عامليه بدلع ودلالال وحب وعاطفه ونغيير وغنج ولعب عوضيييييييييه عن اللي مر به ع قولتهم نسيه حليب امه واسم طليقته وصدقيني ستجنين مافعلتيه ستجدي اكثثثثثثثثثثثثثر من اللي فعلتيه له لاتجيء ساعه الله لايقدر تندمين من انشغالك عنه . لاتعودينه على ان لك عالمك وهو له عالمه لااحد يدري عن الاخر وذلك بسب النت ! اذا جلس اجلسي معه ع الاب واقرئي معه وعلقي وقوليي رئيه وهو يعلق لك وبكذا مااحد ينشغل عن الاخر تحياتي |
ماانسى
غيري النك حقك لانك بجد ظلمتي زوجك به ...... وان كان جاف ...فاانتي بقربك منه وتدليعك له وغنجك له بتكسري هلحاااااااااجز ارى زوجك ماشاء الله عاااااقل واتوقع سبب جفائه هو ابتعادك عنه والتهااائك او سبب اخر انتي ابحثي عن السبب واصلحي الامور ... وانتبهي تعودينه على بعدك عنه بلنت لانه بيصير وجودك زي عدمه او هذا الشيء يجعله يلتهي بشيء اخخخخخر سوى بلنت مثلك او يلهي نفسه بلخروج من المنزل او غير ذلك لاسمح الله وهذا يسبب جفااااااء بينكم وبعد . |
لما يجلس عالنت واشك في تصرفاته يدخل مثلا شات او غيره ونتزاعل تخيلو يقولي المفروض انا اراقب وش تسوين عالنت مو انتي ..!
هذا اقتيسته مما كتبتيه ! وانتي عالجي هلامر برومانسيتك ودلعك ونصحه بطريقه حلوه وانك تغارين عليه وكوني بجانبه عند تصفحه قولي مافتحت النت ودي اقرء معك اي شيء ولا مره قد تصفحت معك وقريت وناقشي او قولي رئيك اظن ماجعل زوجك يدخل هالشيء الا من حرقته من انشغالك لساعات علنت انصحك لاتفتحين النت الا ساعه ع الاقل او في عدم وجوده لان هالشيء بيصير لعبة بينكم كلن يقهر ال2 او يسبب الجفاء بينكم لاتبينين انك جلستي معه للتجسس لا كذا عادي اقرء لضحكي علقي قولي كوني قريبه منه صدقيني بتكسرين حاجز الجفاء بينكم لاتنشغلي عن زوجك لا بلنت ولا غيره . |
يأختي إش لك بوجع الرأس ..
الغيرة والله عذااااااااب , والشك مصاحب للغيرة .. لا تفتحي على نفسك باب انتي بغني عنه .. حياتنا بتنهار والسبب الغيرة .. |
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©