|
مو حرام اشوف غيره وهو كله لي حلال ؟!!!
السلام عليكم ورحمة الله وبركاته
مسااااائكم / صباااااحكم رحمهـ انا زوجه عمري 21 وشويات >>> عمر زوجي 30 انا متزوجه صار لي اربع سنوات اعاني حييييل مع زوجي من بداية زواجنا كنا بفترة الخطوبه " قيس وليلى " !! بس بعد زواجنا انقلبت حياتنا كثيييييييييييييييييييير تغير علي بعد الزواج بيوم مدري هو يبي يبين شخصيته كوني صرت جد تحت رحمته والا وش سالفته انا كشفت خيانته لي بعد زواجي بشهر شفت محادثه بجهازه مع بنت وان بينهم اتصالات كانت صدمه بالنسبه لي وماتحملتها وقلبت حياتنا لجحييييييم اكثر من غبائي سامحته !!!! وبعدها شفت عنده جوال ثاني ونكر انه له غير عيونه اذا طلعت معه وغير اني كشفته انه مسافر من دون علمي وغير كذا ضفته مره من ايميل غير ايميلي وكلمني من دون مايدري من انا وعطاني رقم ودقيت عليه وطلع هو من جد ( مع العلم انه غير رقمه الاساسي ) وصاااااااااااااااااارت مشاكل كثيره ومع كذا لاني احبه صبرت عليه وكنت دايم ادخل اخوي الكبير في مشاكلنا ويتفاهم معه وزوجي ينكر واخوي يقول لي انا مقدر اقوله انت كذاااااب !! مهما يكون هو رجال !! وغير كذا اعاني معه انه مايصلي تعبت معه وتجي له فتراااااااات يخليني ملكه وانه مايقدر يعيش دوني وفتراااااات يخليني اتمنى الموت فيها حاولت اجرب الخيانه وماقدرت لاني اعشقه مشكلتي اني طيبه واحن له بسرعه ومقدر على زعله وبهذي الفتره صار بعيييييد عني حييييل ومتغير علي هو دوامه مو بنفس المنطقه اللي حنا فيها فيجيني خميس وجمعه ماحسه مشتاااق لي لدرجة اني ماحسه يرغب لي اذا ناظرت حالي بالمرايه استخسر اني اكون انا ملكه وزوجته واحسه مايستاهلني اللي حولي يحسسوني بجمالي اكثر منه ابيه يتغزل فيني .. انا احتاج لهالشي بالعمر هذا وهو يقول حنا كبرنا على هالاشيا !!!!! قلت له اذا انت كبرت انا بعمري هذا اكون محتاجه لهالشي وبقووووه ودايم اقوله عيوني ماتبي غيرك تشوف !!! يضحك ويقول خلك من هالكلااااام !!! انا حاسه انه لساته على علاقه مع بنات حاولت اجرب الخيانه عشان احس وش المتعه اللي فيها ؟!!! وماحصلت شي !!!! مايتقبل مني اي كلام حلو اقوله له ودايم يقول لي انتي ماتهمك الا هالامور !!! طيب وش اسوي اعيش عمر اكبر من سني !! اكبت حالي وادفن نفسي ومشاعري تعبت حيل وطلبت منه الطلاق كذا مررره ورفض ودي اسأل اذا بتخونون ليه تتزوجوون مو حرام تظلمونا معكم ؟!!! ليه يخليني الجأ للحرام وهو موووووووجووووود ليه !!!!!!! ساعدووووووووووني انا متلخبطه وكارهه حالي ساااااااعدووووووني تكفون |
استعيذي بالله ,,لا تحاولي و لاتفكري و لايهمك كيف هو شعور من يضعف ايمانه و يخون,,
احمدي الله على انك مبتعدة عن هالجو و إن كان زوجك جاف معك فلا مسوّغ للتفكير بهذا الأمر,, يبقى شيء آخر ان لا تدخلي اي طرف آخر من اهلك و اهله لحل هذه المشكلة حاليا,, استغفري الله و ادعي لزوجك بالصلاح ,,حسسيه بزعلك وقت ما تشمي ريحة الخيانة و اشعلي نار رجولته ليس بالخيانة بالمثل ,بل بتأنيب ضميره ,,كأن تعطيه بين الوقت و الآخر عبارات الثقة و حسن الظن لعلها تخجله.. |
والله مااعرف ايش اكتب لك
لأني جد مصدوووومه من كثرة مواضيع الخيانه قلبي تعب من كثرة التفكير ليه الخيانه ؟؟وايش الناقص في الحلال حتى يلجئون للحرام والله والله عندي اسهل يتزوج اربع ولايخون بالحرام الحلال بركه وخير ليه يبعدو عنه والا الحرام احلى؟؟ اللهم ثبتنا حبيبتي لاتخلي احاسيسك تجرفك للهاويه زيه اتقي الله في نفسك وتوكلي على الله وياريت كل مااحتجتي لزوجك تتوضي وتصلي ركعتين وتطلبي الصبر من الله ربي يبارك لك في حياتك وزوجك ويرده لك ويهديه ويبعده عن الحرام وجميع ازواجنا ياارب اللهم ثبتنا |
لاتخونين مجنونة انتي تخونين زوجك عشانه خانك تسوين مثله
زوجتي تحادث رجال بالمسن واعترفت لي ومن اعترفت وانا ودي اكسر الجهاز براسها الهبله المجنونه تحط راسها براسي عشان خنتها طيب تبت واعترفت بخطاي مايفيد معها شكلي بجلدها لاني بديت اكرها او بعلم اهلها يشوفون حل لبنتهم |
للاسف بعض من الرجال اللي متعودين على الاخيانه عندهم قاعده هي
الزوجة للاولاد وهي الاساسية وهي مالها اي حق عندي وظيفتها تخدمني وما اعطيها كلام وحب لانو الكلام الحب هذا للي يعرفهم من بنات الله يهديهم بس انا ما اقول ان زوجك كدا شوفي زوجك وتفكيره بس طالما انتي راضيه بخيانته وسامحتيه وبرضو متهاونه معه انه مايصلي تحملي ياليت تسالين عن الحكم الشرعي لوضعك مع زوجك عشانه مايصلي يجوز او لا ولاتحاولين تعصين ربك عشانه هو كيفه له رب يحاسبه بس انتي بنت متربيه مو مثله اهلك ربوك صح واعرفو يربونك واذا خنتيه تكوني خنتي ربك واهلك و هو اكثر شي بسويه بيتكلم عليك ويكون عنده عذر لرميك مثل ما يرمي اي شي مل منه شي مؤسف على وضع رجال هالوقت اكثر الموضيع الخيانه اللهم اصلح شان شبابنا وبناتنا يالله استر علينا واحفظا من شر شياطين الجن والانس |
صباحك رضا
وإذا ابتليتم فـ اصبروا هل تقومين بكامل واجباتك نحوه ! هل ترضينيه نفسيا وجسديا حتى يكتفي ! قبل كل تصرف وقرار ابحثي في نفسك وتصرفاتك عن سبب! ...... هل تخشين من شيء ، هل انتِ متورطه معه بشيء ! اذا كان ملفك ابيض صارحي والدتك بتفاصيل العلاقه واخبريها بكل شيء وانك تنوين البقاء في بيتها عدة ايام واطلبي منها محادثته اشعريه بأنك واهلك لاترضون على هذه التصرفات وانك لست مجبره على تحمل هذا الوضع هل لديكم اولاد ! |
لا اله الا انت سبحانك اني كنت من الظالمين ابتلاء واختبار من الله سسبحانه اصبري فأن الله لايبشر الا الصابرين خير
|
السلام عليكم ورحمة الله وبركاته ياأختي هو مايصلي وتارك الصلاة كافر ولايجوز تعيش معه مسلمة ويكون هناك تفريق وليس طلاق هذا شي معروف عند جميع المسلمين , حاولي تذكرينه بربه وتخوفينه ولاتتساهلين في أمر الصلاة أن أرتدع وعاد إلى ربه وإلا تذكري(أن الله لايغير مابقوم حتى يغيروا مابأنفسهم) . سبحاان الله كل المعاصي يستحلها تارك الصلاة ,لأن الصلاة تنهى عن الفحشاء عن المنكر , فلاعجب من خياانته وإنتهاكه لأعراض المسلمين. الله يصلح حاله ويهديه. |
لآ تضيعين عمرك حبيبتي ..
آنآ عآيشه بنفس وضعك .. وحآسه بآحسآسك .. دآم مآعندك بيبي حآولي تحلين آلمشآكل وسوي آللي عليك 3 شهور سوي كل شي بيدك مآنفع معه روحي بيت آهلك وخليه يطلقك مآتوقف آلدنيآ ع رجآل .. ومآتدرين ربي يمكن يعوضك بشي آحسن وآستخيري .. وآنتبهي لنفسك وحرصي ع صلآتك وآنتبهي تغلطين يآقلبي .. آلله يحفظك .. |
طيب لي مو ساكنين مع بعض؟
|
اذا مااعندكم اولاد تفااهمي معه البسي واكشخي داائما وحااولي بنفس الوقت تبيني له انك مو راضيه عنه واذا حاول يبي شيء وقت النوم سوي نفسك نمتي وتعباانه
ومع الوقت يجيك رااضخ الرجل طفل ولعبته المفضله الجنس بهذليه بالاشياء المثيره للجنس خليه ماايقدر يرووح لانه مولعته دووم وحاولي تسكني معه اذ1 انتو مو سااكنين مع بعض نصيحتي لنسااء ومن واقع تجربتي الجنس هو الطريق لفلب الرجل هو لعبته المفضله نوعي الحركات والدلع البسي وتاانقي تنظفي خليك فوااحه بالرواائح المنعشه صدقيني راح يرجع لك واذ1 ماانفع معه هذ1 الشيء فالفرااق افضل .. دمتو بود |
اقتباس:
عزيزتي غيمه مع احترامي لرأيك الا اني اقول : المشاعر تأتي بالجنس ولكن الجنس لايأتي بها |
اتوقع والله العالم
انه في عالم الرجال الجنس هو من يجلب المشاعر ولاشيء غيره |
اقتباس:
على سبيل المثال عندما يكن الرجل عابر سرير ويقوم بعلاقه عابره مع انثى عابره لاتمت له بصله هل سيشعر نحوها بمشاعر ! عندما ينتهي من افراغ الرغبه المكبوته داخله ! بالطبع لا على عكس ذلك عندما يحب الرجل الانثى فإنه يرغب بمشاركتها روحيا وجسديا وعاطفيا في كل شيء- ولايكن الجنس الا فعل يترجم حقيقة مشاعره لها + مع وجود الرغبه اتمنى اني وفقت في ايصال المفهوم الذي اقتنع به شخصيا |
غاليتي............الله يكون في عونك ويصبرك على مصيبتك"في نظري مصيبه بل مصيبتين تارك للصلاة والخيانه" لكن بما إنك تحبينه لازم تسوين شيء لإنقاذ هذا الحــــــــب....
أولاً :طالبي بالنقل معه في نفس منطقة عمله...لان هذا من الاسباب اللي يخليه يلجأ للخيانه "طبعاً بعد غياااب الوازع الديني لديه" ثانياً : لابد تبينين له حكم تارك الصلاه برساله أو فتوى ترسلينه له عن طريق الإيميل ...هذا الامر لابد أن يكون همك أولاً واخيراً لان إذا صلح هذا الامر راح بإذن الله يصلح كل الأمور ..قال الله تعالى"إن الصلاة تنهى عن الفحشاء والمنكر" ثالثا: حاولي تتكلمين معه في تكوين اسره ولابد من الانجااااب بما لكم 4سنوات...يمكن بعدها يشعر بالمسؤلية ... هناك أمور كثيره غاليتي لكن حاولي تحلي المشكلة تتدريجاً...لانها لن تنحل في لمح البصر لابد من صبراً وجهااااد اتمنى لك التوفيق ....وعذراً على الإطاله ... أختـك......رووووح الغرااااام...... |
ليش تبعدي عنه كل الاسبوع و تلتقوا بس خميس و جمعة ؟؟؟
هذه مو حياة زوجية ! برأيي يبدأ الحل أولا من تخويف زوجك من عقوبة الخيانة و الزنا و العلاقات المحرمة ثانيا بالسكن مع بعض يا ينقل شغله للمكان اللي انتي فيه او تسكنوا بمنطقة عمله امره غريب زوجك و الله عيب الخيانة بعمر 30 كتير غريب يعني مو مراهق ولا ابن 20 سنة |
عندما يكن الرجل عابر سرير ويقوم بعلاقه عابره مع انثى عابره لاتمت له بصله
مو موضوعنا العلاقات العابره .. انا تكلمت عن العلاقه باطار الزواج!!! واللي تشكي من جفاف زوجها وهجرانه .. عليها العزف على هذا الوتر!! |
قبل اي شي لي طلب لوسمحتي ياريت تغيرين اسمك انتي بنت ناس وشريفة عفيفة لية توصمين نفسك بلقب تظلمين نفسك بية
ويسهل لك ويزين لك الحرام بنفسك وانتي ارقى منة لية تخونين ربك مين في الدنيا ذي يستاااااااااااااهل انك تتعذبين يوم القيامة علشانة؟؟؟؟؟؟؟ مشكلة زوجك تتلخص في خيانتة والي انتي ذكرتى سببها من غير ماتشعري الصلاة نعم اختى اذا حابة تغيري شي فية اضغطي على حالك وابتدي معاه رحلة المواظبة ع الصلاة وقتها راح تتغير نفسيتة وسبحان الله الصلاة راح تنهاة من فعل المنكرات وقول الزور وقومى بواجباتك كزوجة ولاتركزي كثير بخياناتة لانك راح تتعبين نفسك وتهتز ثقتك بنفسك دلعي حالك واحسنى الية ولاتصيري شكاية وحثيييييييييييية على الصلاة راح تشوفين الخير ان شاءالله |
ناني
حتى في العلاقات الزوجيه الرجل عندما يحب المرأه للجنس فقط فإن حبه لايتعدى الساعات المشاعر والجنس بين الشريكين مكملان لبعضهما كالروح والجسد |
اقتباس:
وانا رأيي انا جفاف الزوج يكون مدخل لوسوسة الشيطان اللهم حبب الينا الايمان وزينه في قلوبنا وكره الينا الكفر والفسوق والعصيان واجعلنا من الراشدين كنت دائما وما زلت ادعوا الله بهذا الدعاء ( اللهم ما زويت عني مما احب فاجعله فراغا لي فيما تحب) |
حاولت اخون
ليه اخترت هذا اللقب المقزز انت اطهر من ان تلحقيه باسمك عيب ان تفكرى هذا التفكير اتامرون الناس بالبر وتنسون انفسكم وهل جزاء الاحسان الا الاحسان اعلم انك واقعه تحت ضغط عصبى وصراع نفسى واحمد الله انك فشلت فى الخيانه فلنفكر بهدوء باسباب خيانته لك كنتم كقيس وليلى بفترة الخطوبه وبعد الزواج اعتبر كل منكم ان الامر قد انتهى ولاداعى للرومانسيات واحنا كبرنا على الكلام ده. انتقل دوامه بعيدا عنك ولم تفكرى للانتقال معه . استسهل هو عمل العلاقات الغراميه ليقضى فيها وقته خلال فترة عمله والان تشتكين . فكرى فى الانتقال معه فى مقر عمله . حادثيه بطلباتك واحتياجاتك فانت تحبيه ولا تحبى ان ترى عيونك غيره . بلغيه بان علاقاته الغراميه تسئ اليه وتجرح شعورك وانك لاتسمحين بتكرارها وان كان يريد الزواج باخرى فليتزوج ولكن لايخونك . غيرى من اسلوب حياتك معه وابتكرى اساليب ترغيب جديده وتاكدى انه بعد قضاء وطره لاتكون عنده رغبه لانثى. اقضى حياتك بالصلاه واستعيذى بالله من وسوسة الشيطان وتاكدى ان الصبر وحسن التبعل جزاؤه الجنه . نصيحتى الاخيره لاتحاولى الخيانه علشان مش حاتعرفى . الخيانه ليها ناسها. |
| الساعة الآن 09:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©