ساعدني في حاجتي , وبعدها بدأ يلاحقني , تعبت نفسيـآ
 

معليش مو واضحه مشكلتك كلها , كيف اعطيتيه وجه ؟
وهل للحين انتي واخوك مو بنفس المدينة ؟!..

أعطيته وجه سوآلف .. ضحك . فتحنـآ أكثر من موضوع ..
وكلهـآ كنت وآحنـآ بـآلمعهد او في الأمـآكن اللي حول المعهد

ايه أخوي بمدينه جمب مدينتي كـآن معـآيـآ بس نقل عشـآن آلجـآمعه

وأعتذر أذآ كـآنت صيـآغتي للمشكله مو وآضحه

دام علاقتك بأخوك جدا قريبة , فاالافضل ما تخفين عنه امر مثل كذا لانه بيتبع وراه كذا امر .

من رأيي تقولي هالموضوع له وبدون ذكر كل التفاصيل , لا تكذبين بس بنفس الوقت لا تقولين كل شي .
يعني مثلا قولي له ان هالشخص سمعك تتكلمين مع زميله لك عن مشكله الابتعاث وكلمك بهالموضوع وقال بيساعدك يعني كرم منه وكان كلامه بطريقة محترمه , بدون لا تقولين له انك طلبتي من هالشخص هالامر,
قولي كان الرجال محترم لكن اللحين صار يلاحقنك ووو .
يعني مو لازم تذكرين السالفه بالضبط , لكن لازم اخوك يدري بسالفه ملاحقته لك لانك بمدينه بعيده عنه .

ثاني شي انت بهالمدينة للدراسه , حاولي ما يأثر هالموضوع بدراستك وركزي فيها أكثر .

ربي ييسر أمرك

طيب إذآ قـآلي ليه مـآقلتي لي من قبل ؟
أو جلس يسأل أسأله وآجد
كم مرره تكلم معك ؟ ووش قـآل لك ؟
آنـآ مـآ أعرف أكذب إذآ سألني حتى لو كذبت يبـآن في وجهي ..

عادي قولي له ما حبيت انكد عليك وما توقعته يلاحقني .

عاد انتي لا تقولين له يلاحقك كل يوم :d , قولي انه هالفتره صار يلاحقك أكثر

ما أقول لك اكذبي , بس لا تكونين صادقه وتقولين له كل شي , اذا تعرفين ان اخوك بيعصب قولي الزبدة وحاولي تقلبين براسك الكلام وتتوقعين كل الردود اللي بيقولها لك أخوك وتجيبين لها ردود مقنعه تخفف من الموقف .

وانتظري بقية الاعضاء يمكن يفيدونك ويجيبون أفكار افضل .

ربي يريح بالك .

معليه اختلف مع مقولة
( إنه لازم يكون معارف دامك في غربة .. أو عادي بحكم إنك في غربة ؟؟؟ )

عزيزتي
حافظي على ثقة أخوك لك ، و شفتيه مسكين كيف تعب و اشتغل و جابك للغربة معاه
عشات ترفعي راسه و هو كان واثق فيك ، و قال لك عن نماذج لبنات هناك محترمات
فخليك أفضل منهم

أما بالنسبة للشاب ، فلا تسمعي لزميلتك و لاشئ
و لا تقولي لأخوك شئ ، خلاص ..
خلي تعاملك رسمي و لا تفكري كثير و تخلي الشيطان يوسوس لك
تلقي الشخص هذا و لا فكر بشئ من اللي في بالك ..

و لو تقدري تنقلي للمدينة اللي فيها أخوك ، فيكون أفضل

لست بصدد ان الومك الحياة مملوءث بالتجارب ، منها الحلو ومنها المر ، قرأت ردود الاخوات وكانت جميعها ردود نسائية محترمة وفق ما يمليه الضمير ، والآن اسمعي من أخ لكي ، لقد سمعت او فهمت من كلامك انكي سعودية ، ولعل الله يحبك فقد صدرت تعليمات من سيدي خادم الحرمين عافاه الله بعد عودته بأن كل سعودي وسعودية مبتعث على حسابه الشخصي تكون مصاريفه من تاريخ صدور الامر الملكي على حساب المملكة ، فقضيتك المادية محلولة ، اما الذئي الذي سعيتي اليه فهو ذئب بشري خسيس حاول ان يستغلك ليصل الى مأربه ، استغفري الله واتصلي بالملحقية الثقافية وشرح امرك لمساعدتك ماديا ، اما هذا الذئي لا تقتربي منه ، وعلى فكرة وللعلم الكثير من هذا النوع الذكوري وليس الرجولي يحاول الاصطياد بتلك الظروف ، بطرق شتى منها تصليط وحدة عليك لتأثير وادخالك كفريسة جديدة ، ان حاول التحرش فيك عنفيه واذا لم يرتدع هدديه وبفتح شكوى بحقه عند الادارة او السفارة واذا لم تجدي نتيجة اخبري اخاكي بالصراحة وقوموا بالاجراءات ، واخبرينا بعدها ما يحدث وان شاء الله فالك طيب


:::الاشراف::: تنبيه : لفظ المشيئه يكتب هكذا : ان شاء الله :::

الله يساعدك ويوفقك