|
أنا وزميلة الجامعة عجزت أفسر تصرفاتها
السلام عليكم ورحمة الله وبركاته
إحدى زميلاتي سابقاً في الجامعة لها مواقف معي ماقدرت افسرها ولاحتى أفهمها كانت زميلة فقط يعني علاقتي فيها جداً سطحية مابيني وبينها أي اتصالات أو مكالمات علاقتنا فقط في الجامعة أسلم عليها مع باقي الزميلات اللي نصهم صديقات لي بعدين هي انقطعت عن الدراسه لأسباب نفسيه ومرضيه ع حسب كلام صديقاتها وفي يوم من الأيام قبل مااتخرج اتصلت علي وماأدري من فين جابت رقمي أنا استغربت اتصالها مااذكر إني سألت عنها من بعد ماانقطعت من الدراسه ولااتصلت فيها قالت لي : وحشتيني وحشتيني كثييييييييير واشتقت للجلسه معك لسوالفك وضحكتك ووووو ومن هالكلام بصراحه استغربت أكثر!! ماهو من كثر جلوسي أوسوالفي معها بعدين قالت أبيك تعطيني شيء من الخواطر اللي تكتبينها, قلت:أنا مااكتب خواطر ولاأعرف أصلاً قالت أي شيء من دفاترك وخرابيشك اللي بخط إيدك قلت والله ماعندي شيء يستاهل القراءة قالت أي شيء أي شيء المهم من خط إيدك (هنا بديت اشك لكن مافهمت هي وش تبي بالضبط) قلت بشوف إذا لقيت شيء برسله لك وانتهت المكالمة طنشت الموضوع ماعاد رديت على مكالماتها صارت ترسلي رسائل ورقية مع صديقاتها في الجامعه ويوصلونها لي ومضمون أغلب الرسائل (كيفك وأخبارك ووحشتيني) فهمت أنها تبيني أرد ع الرسائل برسالة من خطي , لكني اكتفيت بتوصيل سلامي لها شفهياً عن طريق البنات اللي وصولوا الرسالة بعد ماتخرجت تزوجت وغيرت رقم جوالي وماعاد تواصلت معاها لكنها تسأل عني ع حسب بعض كلام صديقاتي وبعد 4 سنوات تقريباً رجعت واتصلت ع جوالي في البداية ماعرفت صوتها لأن رقمها مو عندي وع طول قالت اعذريني مقصره معاك ويحق لك ماتردين عليّ وأنا جداً آسفه لكني مريت بظروف جداً صعبة خلتني انقطع ع كل صديقاتي ونفس طلبها في المكالمه الأولى قالت أنتي لسه تحبين الرسم ولك رسومات (أنا فعلاً كان لي رسومات جداً رائعه بالقلم الرصاص وكانوا كثير يحتفظون ببعض رسوماتي) لكني قلت لها والله آخر عهدي بالرسم أيام الجامعه والرسومات الباقية ماأدري وينها ولاأدري إذا كانت موجوده عندي بالبيت أو لا قالت لا عاد أنا أبي وحده من رسوماتك لأني مازلت محتفظه بوحده من رسوماتك من زمان أنا طلبتك ترسمينها لي (ماااااااااااااأذكر أنها طلبتني وعطيتها أبداً ماأذكر, وشكلها ماهي بصادقه) قلت والله ماأذكر لكن بشوف وأرد لك قالت وأنا إن شاء الله ناوية لك بزيارة خاصة في البيت قلت الله يحييك في أي وقت وصديقاتي بيجوني وإن شاء الله إذا بيجون بكلمك تجيني معاهم قالت طيب أبي صورة لبنتك نفسي أشوفها قلت حالياً جوالي مفصول ولاسددت برسلها لك إن شاء الله وجاملتها ببعض الكلمات وانتهت المكالمه المشكلة هنا أنا احترت في أمرها هي وش تبي مني مابيني وبينها أي شيء يعني علاقتنا سطحية لأبعد الحدود وش تبي في كتاباتي أو رسوماتي وليش تحاول تواصلني مع أني ماعمري دقيت عليها طيب ممكن تأذيني !!!! وليش!!! الله يكفينا شر كل من فيه شر.. كلمت وحده من صديقاتي ثقة تعرف بعض أخبارها قلت وش سالفة هالبنت هي وش مرضها قالت أظنها فيها سحر وهي شاكه أنه من الجامعه قلت الله يشفيها يارب طيب وإذا مسحوره أو فيها شيء وش تبي مني !!! فسروا لي هالموقف وربي مو فاهمته |
بصراااحه ماادري ايش اقوولـــك بس اصرارها غريب جدا
انتبهي تعطينها شيء لان بصرااحه اصرارها يخووف الله يبعد عنك كـــل شــر ويحفظك من كل سوء |
امم شي غريب بصراحه حبيبتي انا أحذرك إنتبهي منها لاعاد تردين على رسايلها او اتصالاتها اللي مالها معنى وانتبه ترسلي صورة بنتك قولي ماعندك او أي عذر ولاترسلي رسوماتك مالها دخل فيها بصراحة أسلوبها يخووف خصوصا إنك تقولي مالك أي علاقه فيها يعني رسميه جدا او سطحيه عزيزتي واضبي على الأذكار صباحا ومساء والرقيه أيضا لك ولابنتك الصغيره وماأفضل تستقبليها فبيتك الحذر واجب كيف عرفت رقمك الثاني مو قلتي غيرتيه ؟؟؟؟ شلون جابته ؟؟ وليه مصره على طلباتها |
اقتباس:
مع إني والله حاولت أتفهم موقفها ولاأظن فيها ظن سوء لكن تصرفها يخوووف.. |
اقتباس:
وإصرارها ع هالطلبات هو اللي محيرني يعني طلبت وانقطعت عنها 4سنوات ورجعت مرّه ثانيه تطلب!! وماأفكر أبداً استقبلها ف بيتي لكني أحاول مجاملتها لأنها لو حست إني شاكه فيها راح تجيني بأسلوب آخر كفانا الله وإياكم شر الأشرار.. |
إصرارها عجيب.
لكن احذري أن تعطيها أي شيء. احذري أن ترسلي أي صور. احفظي الأرقام التي تتصل منها في هاتفك. ثم تجاهلي مكالماتها ورسائلها حتى تمل وتذهب. قول بعض الزميلات أنها مسحورة يثير شكي من ناحية أنها ربما تعتقد أن سحرها من ناحية زميلات الجامعة، وأظن أنها ترغب في أخذ أثر إحداكن والله أعلم. خلاصة القول ابتعدي. إذا علمت من أعطتها الرقم فحدثيها بكل لطف أن رقمك غير قابل للنشر. |
السلام عليكم ورحمة الله وبركاته،، أختي،،، كل الذي استطيع أن أنصحك به هو الحذر وتجنب من لاترتاحين معها ولاضير بأن تخافي ومن تصرفات بعض الناس التي قد تكون في بعض الأحيان،، ولكن أسئل الله أن يبعد عني وعنك وعن جميع المسلمين كل سوء،، وقبل هذا كله أحسني النية،، ولاتسيء الظن وسايري الأمور بكل لطف ولين، وشكرآ لك |
اقتباس:
وحفظك الله وأحبتك من كل سوء أنا إن شاء الله راح اتجاهل اتصالاتها وأحاول احصن نفسي وبنتي يومياً |
اقتباس:
وأسأل أن يبعد عنا وعنك كل سوء جزاك الله خير الجزاء.. |
صراحة انا جاني فضول
ابي اعرف سرها ههههه هو اكيد اقطعي علاقتك بها واسئلي صديقات اللي يعرفونها هل طلبت منهم نفس الشي يمكن تبي تاخذ اثر منك عشان تظن انه حد ساحرنها بس قصة انه تاخذ صورتك بنتك تخوف وتيب الشك الله يحميك منها ويشفيها |
اقتباس:
وهم مايتواصلون معها وهي ماتسأل عنهم أبد ولاعن أخبارهم لكن أنا هي وراي وبعد كل فتره توصل سلامها لي مع أحد صديقاتي بارك الله فيك أختي وحماك من كل أذى وسوء |
[SIZE="4"][COLOR="Blue.................
|
[هذه ناويه علييييييييييييييييييييييييييك
وصلها كلام جارح منك طبعا كذب ولكن في ناس بينكم ناقلين يمكن كلالالالالام ليه مطارده ورااااااااك واخرها تطلب صورة بنتك !!!!!!!! احذري صديقاتك المقربات اللي يعرفونها يمكن لهم يد بلموضوع كنقل كلام او افترء لاتقولين اثق بهم حبيبتي بلهزمن بيجيء يوم وتنصدمييييييين بناس تندمين على انك عرفتيهم |
اولا
لاتضيفينها ببيتك ولا شيء ...اعتذري اي اي شيء لاتدخل بيتك اذا جاوء صديقات قولي لهم ماودي فلانه تعرف اني دعيتكم لاجل ماتحقد .. ثانيا الله يهديك لاتردين على اي اي رقم غريب سوء هي او غيرها اللي يبيك يرسل يافلانه ردي علي الان انا فلانه ثالثا لو انها تبي اثرك مثلا مثلا ..وليش طلبت صورتك بنتك الصغييييييييييييييييره !!ليه بنتك عيانه بلا خرابيط البنت وراها بلى !! رابعا .. تصمم على رسمه وتصمم لها سنواااااااااات عليك انتي بس !ليه كله تبي اثر لو بغت كان قالت لك انتي وشلة اصدقائك عادي لو سمحتوا ابي اثركم انتم ادرى بحالي ووضعي عادي ياما سووا كذا بنات صديقات لنا بلجامعه اما تطارد وراك وتبي تدخل بيتك بعد ! فلا والف لا ورب البيت وراها نيه شينه قلبي قبضني عليك وعلى زوجك وبنتك الله يحفظكم يارب انتي الاهم والاهم لاتردين على جوالتها او اي اي رقم ..... وحاولي ماتعرف مكان بيتك وين؟ ولو وصلت لباب بيتك لاتفتحيييييين لها ؟ الله لايقدر افرضي لو انها ناويه عليك بسوء او متغرضه لك يمكن احد نقل لها كلالالالام سيء كأنك قلتيه عنها او اي اي شيء انتي اعلم بامور النساء ومجتمعهم في ناس ماتستحق العييييييييييييييش ابدا بس يخربون صدقات وبيوووووووووت. ماانسى حصني نفسك وبنتك لاترسلين صورها لااي صديقه مقربه او اي احد من بنات الجامعه اخاف توصل للمجنونه هاذي وتسوي بها شيء او صورة زوجك لااي احد واذا جاءؤ ا صديقات المقربات لك لاتثقين بهم ثقه عمياء ارجوك لااتهمهم ولكن احذري على بيتك وسكري غرفة نومك عند مجيء صديقاتك بلاخص لاتثقين بااي احد انه مايوصل صورة بنتك لها . الاهم حصني نفسك وبنتك وزوجك وصيه بعد . |
يالله , الله يحفظك و يحفظ بنتك من كل سوء
احرصي الا تاخذ شيء من اثرك و لو تكنسلي جمعة صديقاتك و تتعذري يكون افضل الخوف تاخذ شيء من شقتك , احذري و ربي يحفظك تحصني و استعيذي بالله كثيرا |
ما شفت الموضوع كامل لانه طووويل ..
بس لفت إنتباهي أحد الأعضاء اللي يقول يمكن تشك إنها مسحورة وتبغى منك أثر .. ما فهمت المقصد بالضبط !! لكن إذا تبغى أثر وشاكة إن اللي فيها منك ريحيها يأختى وأحتسبي الأجر .. أعطيها أثر للوضوء أو غيره عاادي جدا وهذا من السنة .. |
مدري وضعها مريب صراحة ..
ماودي أظلمها لكن ... من أحد طرق السحر هو أخذ شعره أو ملابس أو حتى صورة لمن أراد سحره .. فإنتبهي منها ... وعليك بقرأة أذكارك |
بصراحه خفت
ملاحقتها لك وراه شئ وماادري ليه حسيت انها تبي تسحرك انا هنا احذرك واخوفك منها انتبهي انتبهي انتبهي وكلام همس اقريه زييييييييييييين ومقصروا ايضا بقية الاعضاء واذا تقدرين غيري رقم هاتفك ولاتعطينه صديقاتك اللي لهم علاقه فيها والله الله بالاذكار حصني نفسك وبنتك وبيتك حمانا الله واياكم وجميع الاعضاء من كل شر |
في بداية الموضوع حسيت انها شافتك في حلم او توقظت انك حاسدتها وتبي من اثرك بس يوم قلتي صوره لبنتي شكيت بالموضوع!!
الله يحفظكم |
من راي اقطعي علاقتك مع صديقاتك المتواصلات معك ومعها وغيري رقم جوالك
ولاتستقبلين أحد منهن سواء هي او غيرها اللي وصل لها رقمك يوصلها غيره ربي يحفظك ويحميك من كل شر |
ايوه مانسى حتى لو احد طلبك صورة بنتك عبر الجوال وسائط
اعتذري بئي عذر . من الاصدقاء طبعا حتى لو انها عزيزه . |
اختي الظاهر انها تبي أثر منك على حسب فهمي للتفاصيل المذكورة
ممكن تكون شاكة فيك انك اصبتيها بعين او صنعتي لها سحرا عليك بمواجهتها بكل صراحة وبدون ماتجرحينها، واخبريها انها ان ارادت اثر فإنك مستعدة لتزويدها احتسابا للأجر اما غير ذلك، فاعتذري منها واقطعي الأمل لديها لترتاحي وليكون الاثر على شكل ماء توضأتي فيه وانتبهي ان يسقط فيه شيئا من شعرك |
| الساعة الآن 06:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©